Flames (海濱匯)

營業中

休息中

是日一行7人經openrice訂位，好正有主菜買一送一，所以真係好抵食。呢間餐廳既位置比較偏僻，最近既地鐵站係牛頭角，行過去都要8-10分鐘，不過易搵既，近住海濱公園，宏利附近，入到去係商廈，商場既樓層好多鋪都未開或者關左門，都幾靜下，得呢間餐廳最旺。雖然平日黎，但係去到都滿座，但因為book左位，完全唔洗等直接入得，所以一定要book位。間餐廳近海，加上半開放設計，感覺好開揚，有吧枱，係半酒吧同餐廳甘。一黎睇完餐牌，因為主菜買一送一，所以叫左6個main，包括蟹肉香草蕃茄汁扁意粉，香草蕃茄汁燴牛面肉扁意粉，燒大蝦配香草蕃茄汁扁意粉，1/2葡式香辣燒雞，燒肉眼牛扒配大蝦薯條同香煎魚柳配燒蔬菜。本來想叫鵝肝蛋撻，點知7點半左右已經賣哂洋蔥圈同鵝肝蛋撻。先講果蟹肉香草蕃茄汁扁意粉，又唔係食到好大陣蟹肉味，但果汁唔錯，不過我嫌濕左啲，少返啲汁或者再creamy 啲會好啲。呢個香草蕃茄汁燴牛面肉扁意粉超好食，因為果牛超入味同好淋，不過呢個果汁同另一個燒大蝦配香草蕃茄汁扁意粉果汁一模一樣，但果牛真係好特別，好似有孜然既味道，果香草味好特別。呢個燒大蝦配香草蕃茄汁扁意粉，因為純粹果topping唔

朋友提議試一下新開張不久的餐廳，位於牛頭角與九龍灣中間的Flames ，環境十分有氣氛。見到不少上班族下班後來到這裡。Menu 上亦有不同的pasta / 肉類選擇。beef ragu Linguine$128意粉醬汁很入味，加上和牛，十分推介，份量十足。King prawn linguine$148大蝦很有鮮味，蕃茄醬十分出色，不是超市即買的罐頭醬，而是自製，加上蒜蓉，洋蔥的蕃茄醬。Tomato rice$28沒想到這個小食，竟然和主菜一樣大碟，於是吃得十分飽。飯身很乾爽，很有咬感。加了蕃茄味道亦很好。Mixed leaves salad $28最後來客健康沙律。

近海濱長廊的這間餐廳，好似係新開。小白兔的同事之前有介紹過，所以我地先識黎。價錢屬中間價位，食物質素高，而且環境舒適開揚，適合一班朋友嚟happy hour。個人認為性價比高。Beef Ragu Linguine牛腩蕃茄肉醬扁條麵， 牛腩肥瘦度適中，慢煮後好淋好入味，很出色。 汁醬也很特別，絕對不是用地x蕃茄醬煮出嚟。似係用新鮮番茄精製而成的，味道清新而有濃濃的蕃茄味，很加分。1/2 Peri Peri Chicken分量很大，一大半都係雞， 香氣撲鼻，而且雞皮脆肉嫩滑， 可配上葡式辣醬，增加鮮味。突然有種回到澳洲的感覺。焗西蘭花及椰菜也很出色， 生熟度剛剛好，不會太林或硬。 簡單配上鹽及香料已經很好味。Truffles Fries薯條幼身，炸得很脆，配上黑松露，香氣撲鼻。份量如此大才48蚊份，真係抵食。Daily Soup今晚係忌廉蘑菇湯，很幼滑，好creamy。Mixed Leaves Salad有蕃茄，新鮮切粟米，紫洋蔥，沙律菜等，都很新鮮。

今日又到牛頭角見人近海濱商業大廈特別多咖啡店，餐廳都有唔少今次朋友帶我去咗間好靚嘅西餐廳雖然望唔到海景不過有一個露天位較為通風晏晝lunch 大約 $100一個 好似有點貴不過服務質素好 食物又夠好味健康有自選沙律 、 蟹肉意粉、薯條春雞西餐廳當然要試一試粉意粉先知本領我點了卡邦尼意粉見到醬汁多外 又多蘑菇煙肉水準唔差醬汁唔會太過浠加上見到奶白色應該落咗唔少cream食入口每條意粉都沾到醬汁重點係令到碟意粉都變夠滑又香不要小看他的份量其實食完仲會覺得有點飽買單雖然有點貴但係交到比其他餐廳好的水平工作苦悶嘅時候就未食下好嘢啦！

經常嚟開餐既我，今晚同女朋友book左間新開既餐廳，呢間餐廳係早排客人帶我嚟食過的，我覺得環境不錯，所以book左檯，帶埋女友嚟食！呢間叫Flames既餐廳是半開放式，外面擁有一個大露台！非常開揚，晚上氣氛同環境更加靚，可遠望mega box方向夜景！傾下計撐下檯腳就最好不過！呢度既坐位配搭幾有彈性，少左1-2 人檯到一大班人都可以安排到，而且位置闊落，坐得幾寬鬆同舒服廚房係開放式，衛生環境幾好，幾乾淨，靚仔廚師既每個工序都睇得非常清楚，女友話食得非常安心呢度有張大bar檯，除了食飯外，飲杯咖啡同酒都是非常合適！加左香草，辣粉的炸洋蔥圈，炸得香脆，又惹味，賣相都幾吸引！一個唔錯的餐前小食份量十足的半隻葡式香辣椒雞配香烤雜菜香噴噴送到，烤雞外皮用上香草烤得幾香口，外脆內嫩幾好食，最正係個凍既烤雜菜，同樣加入香料，爽口又惹味！另一個份量十足同賣相不俗的燒肉眼牛扒配大蝦薯條都好快送到！加入左香料既帶點辣的薯條炸的香脆！ 5 成熟既牛扒嫩滑得嚟又有豐富肉汁，而且牛味濃郁，幾近入口即溶，表層煎得帶點焦香，非常吸引！大蝦大之餘又爽口，帶點香蒜味，幾惹味！是日晚餐大合照，豐富又吸引！ 下次都要再嚟！

假日黃昏於觀塘海濱長廊走走，晚上於附近這新開不久的餐廳晚飯。餐廳環境不錯，我們被安排坐吧枱，可以看見開放式廚房裏面的廚師在炮製食物。另一端可以看街外景觀，每張枱上有燭光，有客人喝著啤酒談天，氣氛挺好。忌廉蘑菇湯一上枱濃濃的蘑菇香味溢出，份量比想像中大。喝下去很濃郁的菇味，口感creamy得來吃到很多蘑菇幼粒，真材實料。黑松露薯條薯條大大盤，是我愛的粗薯條，由一整個薯仔連皮切粗條，炸得香脆，灑上黑松露鹽粉，有淡淡的黑松露香氣，沾上茄汁吃到不停口。1/2葡式香辣燒雞初時我們以為是燒春雞的大小，原來是確實的半隻大雞。燒得皮香脆，雞肉厚身，啖啖肉，雞胸肉質不會很乾。味道不會很辣，只是醬汁有點香辣，很惹味。我們選了吼集材，有紅蘿蔔、翠玉瓜和薯仔。其中我最愛翠玉瓜，咬下去有很多汁，加上香草的葉了，很好味。蟹肉香草蕃茄汁扁意粉香草茄汁味道很香濃，蕃茄汁是用鮮茄茄忌廉造成的，很香滑Creamy。蟹肉的份量多，每啖意粉都能掛上蟹肉和蕃茄汁，美味極了。扁意粉的質感亦好，不會過淋。意粉份量大，不會吃不飽，最欣賞的是醬汁和蟹肉亦份量足，意粉吃到最後仍然啖啖蟹肉。這餐廳價錢合理，食物味道不錯，份量足，性價比很好

九龍東臨海一帶漸漸由傳統舊工業區蛻變為核心商業區，很多外型獨特的新商廈落成，亦吸引了各類型的食肆進註，如海濱匯一樓 Flames。餐廳以開放式設計，以白色為主調，對出有一張大形吧檯，吧檯上有一個凌空環形特大LED燈裝飾，非常搶眼奪目。餐廳不設套餐，餐牌內的選擇亦不算多，但以主菜為例，各樣菜式的配搭其實幾吸引，另外餐湯、沙律、飯等均可個別點選，比起預設套餐更具彈性。沙律入面有粟米、紅洋蔥、沙律菜、蕃茄、青瓜。 食材新鮮，偶而還會食到一串串仍相連著的粟米粒，我覺得沙律汁最特別，微酸，味道很有層次，最尾會食到少少黑椒味的餘韻，真的好味又醒神。是日餐湯  : 南瓜忌廉湯 微微酸忌廉帶出南瓜的天然的甜味， 入口 creamy，質素不俗，而且以餐湯來說 ，容量算多本身有點抗拒扁意粉，因為通常都會煮得好硬；而朋友就怕蕃茄汁會太酸，所以都有點爭扎是否點這度菜，可是又見網上有好多人推介，所以我們還是決定試試。幸好這次的意粉又煮得幾爽口，軟硬度剛剛好，而且個汁一點也不酸，每一條意粉都掛滿了濃稠適中的香草蕃茄汁，再配以一梳梳的蟹肉絲，其實蟹肉的份量也不少，加上意粉熱辣辣，不黏口， 如果不是為了留肚食燒雞 ，

觀塘發展令餐廳食肆都移遷工業區，更慢慢延到九龍灣牛頭角，最近到牛頭角新商廈嘅Flames晚餐Flames主打西餐及酒，放工黎到靜靜地飲下酒望下碼頭景relax下都唔錯。Flames另一特別之處就係主打烤雞，可以一隻、半隻、1/4咁order，再配杯Risling…really cool!雞肉烤得好香而且肉都好juicy，果然係招牌菜半隻雞當然未夠，我地仲叫左墨汁意粉，味道微微帶咸，但會食到成個咀都黑晒🤭仲有炸得好脆口嘅洋蔥圈…yummy

聽說他們的燒雞味道不錯，於是找了個非繁忙時間三點去。去到沒有很多人，只有一張枱三個客人，於是我行去近窗口梳化位置的兩人枱，誰知侍應很不禮貌的同我說「你自己一個坐那一邊」。送上下午茶餐牌，我點了個燒雞加沙律，他們跟餐的飲品只有汽水，我說不要汽水，給我一杯暖水，因為我要吃藥。那個不禮貌的侍應告訴我只有要付錢的 still or sparkling ，即使我吃藥也沒有暖水。今時今日，跟餐只得汽水，大家講求健康的年代，是一個極 user unfriendly 的選擇！他們的燒雞還不錯！我走的時候，沒有新的客人，真的唔明白點解唔俾我坐那枱！可是不好咀臉的服務態度，加上連水都唔可以 serve 的，以後不會再幫襯！

今日係mega box 行街，又到晚飯時間，上網見到附近呢間新開又有優惠，便去一試。行行下，原來都有一段路，不過要食好西，冇法啦。時間尚早，客人不多。環境開揚，都幾清幽浪漫，談心一流。望岀去可以見到mega box。我們選了兩個主菜，份量都好足。牛扒大大塊，火喉剛剛好，剛好五成熟，切開肉色粉嫩，肉質尚算嫩滑，牛味濃郁。最讚的是薯條，新鮮即炸，熱辣辣，炸至金黃，外脆內粉軟，很棒兩隻大蝦🍤都煎得很香，肉質彈牙！扁意粉硬度適中，蕃茄醬汁調味剛好亦creamy, 掛於意粉上，醒胃又好味。

今晚和呀爸同細佬慶祝生日，見工作附近有一間新開的西餐好評如潮，中午都好多同事會外賣，今晚行過就和他們進去食個晚餐。【黑松露薯條】薯條夠香脆的，新鮮炸起，不過原來不是沾黑松露醬，而是黑松露粉，味道都幾香幾濃。【蟹肉香草蕃茄汁扁意粉】首先第一啖就嚐到蟹肉的味道，然後開始有濃濃的香草蕃茄醬味道，口感奶滑，令人想一啖一啖追下去，而且份量仍不少，好味又抵吃！【1/2葡式香辣燒雞】外皮香脆，不過雞胸的部分真的幾鞋口，而雞腿就剛好，肉汁又鎖到。而配料制作認真，薯仔和脆肉瓜都十味惹味。【芝士雞肉燒忌廉薯仔批配沙律】非常香濃芝士味道，而且是奶油芝士的香味，配上簡單的煙肉和雞肉已經十分好吃，加上在底層的薯仔索盡精華。食物味道真是無得彈劾，非常出色，而且環境亦都開揚舒服，不論朋友喝酒聚餐或是家庭聚會都很合適。

和朋友在觀塘海濱散步，順道去食晚餐，餐廳位於觀塘海濱附近，景觀開陽，可以望見美麗天空景色，座位舒適。黑松露炸薯條48元，份量多，即叫即炸薯條外脆內軟，有少許的鹽味和淡淡的黑松露香味。鵝肝蛋撻88元，熱辣辣，餅底香脆，餡料幼滑，鵝肝味道香濃。雞肉凱撒沙律118元，雞胸肉嫩，生菜清甜，芝士味香，醬汁好味道。香草蕃茄汁燴牛面肉扁意粉128元，蕃茄蓉多，牛面肉炆得淋，肉味濃，扁意粉軟硬適中。總結：環境美麗，食物好味，價格合理。

朋友公司搬咗，轉咗新全新Building搵佢時發現到一間新餐廳，於是就約埋佢Happy hour餐廳環境企理，坐位都舒適，而且有一邊位置可以望到海濱長廊，收工傾吓計都幾舒服。原本打算飲杯野就走，但朋友話想食埋野，咁我地就點咗兩款食物一款Surf n turf 18oz rib eye steak order medium rare；另一款係Chicken burger with fries先講個扒，雖然薄咗少少，但都整到medium rare，而且肉汁豐富；另外兩隻蝦都好鮮甜。而個漢堡嘅雞肉係用咗雞胸肉，但都做到幾嫩滑。兩款都好味埋單連加一@$638

海濱道有間新開幾chill既餐廳，係我屋企附近又幾方便，所以今次收工帶朋友黎食下。坐出面重可以望到海濱的夜景添。Crab meat linguine $138麵帶點嚼勁同蕃茄香，食到啖啖蟹肉添。1/2 peri peri chicken $148 with fries一直好期待呢個葡式香辣燒雞，唔算太辣，惹味之餘肉質嫩滑。叫左一杯 mocktail Mango Mule $78賣相唔錯，味道幾清甜好fresh,可以解渴消滯。

這間位於海濱道海濱匯的餐廳flames座落於牛頭角站行走一段路。餐廳外圍是露天場地，可供客人很relax的sip a drink🥃 我們點了鵝肝蛋撻，出爐熱辣辣的，撻上鋪滿焦糖，一口size，非常燙口，進食時請小心！蛋中有一方形鵝肝，整體味道很香濃特別！主食點了香草蕃茄汁燴牛面肉扁意粉，意粉十分彈牙，醬汁很rich，很足料，牛面肉十分淋，入味，非常推介！ 燒雞肉很嫩，很juicy，最欣賞是旁邊的醬料，是印度的香料加yoghurt弄成的，與雞非常配搭！