Flames (海濱匯)

營業中

休息中

朋友剛好在牛頭角海濱匯見客,想起我在附近返工,就即興約我到海濱匯內Flames 店食晚餐。有室外及室內選擇,因落雨,所以選擇室內進食。餐廳裝潢優雅以白色為主,地方寬敞,而廚房是開放式的,感覺悠閒放鬆。有落地窗口桃望到郵輪碼頭,可欣賞靚靚景色。平日7點多已經好多人幫襯。.我們點了兩款主菜,一齊分享食。..【燒肉眼牛扒配大蝦薯條】  $258大蝦大大隻,十分彈牙。燒肉眼牛扒,要五成熟,入口細緻幼嫩,肉質鬆軟而不失嚼勁,有濃濃牛肉香,又JUICE,好好食,令人一試難忘!..【香草白酒煮青口】 1/2KG $198  配黑松露薯條這口好飽滿肥味,配以香草白酒牛油汁,帶出青口香嫩柔滑鮮味。如將餘下青口汁,來拌黑松露薯條同食, 別具風味。..【Cereusly, Heroes HK】 $88來杯香港本地手工啤酒,飲落去有西柚等果香, 仲有草香及花香,而麥味香也幾重,好好飲呢!

之前見客經過見到有座好靚嘅BUILDING , 上面有間餐廳好有FEEL , 所以搵日見完客上去同個朋友試試，坐低即刻叫咗杯RAINBOW SMOOTHIE , 好好味入口即溶 , 好重水果味🥰🥰🥰跟住再叫咗個燒肉眼扒配大蝦薯條 , 半成熟肉質好柔嫩 , 大蝦好夠味薯條又熱又脆一流👍🏻👍🏻最後再叫咗個蟹肉蕃茄忌廉扁意粉，呢個真係極度推介，超級CREAMY蟹肉分明，份量啱啱好 另外餐廳外面有個好CHILL既地方 , 可以俾人飲酒吹水，VERY GOOD VIBE ! 下次會再黎HAPPY HOUR !🍻🥂

呢間餐廳有室內座位及室外座位環境唔錯，同三五知己食吓嘢傾吓計就最好餐廳有每日精選，睇返其實都好抵食蟹肉香草忌廉汁蕃茄扁意粉呢個真係好好食，每條意粉都包住啲汁⋯⋯意粉亦絕對不少，夠食炸魚薯條配塔塔醬我好鍾意食炸魚，呢個炸魚一上枱好香，夠熱，份量夠⋯⋯好滿足芝士雞肉燒忌廉薯仔批配沙律我朋友點左呢款，熱辣辣的芝士溶在薄薄的薯仔片、蘑菇、煙肉⋯⋯有沙律陪住，一啲都唔留六點半入座，望住天空，由光變暗，這一刻好舒服，今日嘅煩惱已拋諸腦後！而且第一次食呢間，覺得食物質素好，服務態度良好我一定會再次光臨

跟舊同事相聚食個飯，佢提議到呢間Flames食個靚西餐。餐廳環境又幾好喎，有室內/室外供選擇，但因今晚有風雨，故只能坐室內了😊。#是日餐湯忌廉南瓜🎃湯，南瓜磨到很蓉，飲落入口順滑，很濃稠同creamy, 味道香濃。#烤肉眼牛扒配大蝦薯條肉眼牛扒煮得好靚，叫了7成熟度，切開後見粉紅色肉，食落牛味香濃，帶點鹹很唔錯，大蝦肉質爽爽的有鮮味，粗薯條好大份量，熱辣辣很脆口。#燒大蝦配香草蕃茄汁扁意粉蝦球爽脆彈牙，扁意粉煙韌，沾滿蕃茄忌廉汁，條條意粉🍝都索到，食落很滑溜！食得開懷暢快，愉快的晚餐。

餐廳分室內室外坐位, 但當日落雨只好坐室內, 裝潢非常光猛開揚, 座位亦算寬敞。🍴Chicken Caesar Salad  hkd$118🍴Peach Tea  hkd$38沙律好大一盤, 羅馬生菜好新鮮而且撈勻了凱撒汁、煙肉、麵包糠及撒滿了芝士粉, 雞肉唔乾仲幾嫩。水蜜桃茶是手搖的, 而且沒有額外加糖, 非常清新。🍴Crab Meat Pasta  hkd$158意粉上佈滿好多蟹肉, 非常足料。醬汁是由香草忌廉番茄汁煮成, 非常濃郁creamy但又唔會膩!🍴Surf N Turf & Fries  hkd$258牛扒5成熟岩岩好, 肉質軟腍, 牛味濃而不會韌, 好高質! 旁邊仲配上2隻開邊大蝦, 燒得香而彈牙。香脆粗薯條份量好多, 炸到金黃色熱辣辣。

星期五既晚上，就係一個值得善待自己既晚上😌 雖然OT到8點幾先收工，但都要好好獎勵一下辛勞嘅自己，所以一於係附近食好嘢！沿途行去海濱匯都比較靜，多數都係見到放工歸家嘅人，而我就係逆流嘅三文魚🤣 行到入去商場仍然都係無人，但只要上咗一樓行到去餐廳附近，就會聽到音樂聲+食客傾偈嘅聲音🥳 so chilllll 完全係兩個唔同嘅世界😎🤟🏻🤟🏻由於太肚餓嘅關係，一坐低就決定咗食香草蕃茄汁會牛面肉扁意粉🍝（$138）🐮牛面肉煮得軟身而好入味，我一直都覺得牛肉同蕃茄汁係Perfect match🐮X🍅! 碟意粉入邊仲會見到一嚿嚿蕃茄添😛 不得不讚佢嘅扁意粉好有煙韌，並唔係煮到非常淋身，非常有咬口😋👍🏻

半開放式設計, 感覺好chill! 露天座位對出係綠油油嘅草地平台, 再對出就係海濱長廊, 環境舒服, 氣氛輕鬆, 係同朋友悠閒聊天➕食lunch嘅好地方! Mocktail 選擇多, 我試咗Flames Lemonade, 士多啤梨味🍓香甜, 酸酸甜甜, 味道唔假, 配上梳打水, 係夏天消暑必試特飲☀️!🍝香草蕃茄汁燴牛面肉扁意粉牛面肉煮得軟腍入味, 幾鮮嫩, 扁意粉口感彈牙, 每一口都食到微酸甜嘅香草蕃茄醬汁味。🍟黑松露薯條薯條沾上黑松露粉, 好滋味😋

好失望😞 話說嗰日落住滂沱大雨，交通唔算太方便，所以我係特登搭的士去嘅。諗住食餐好啦⋯⋯點知叫嗰塊扒⋯話要五成熟、切開始似兩成熟多啲咋喎😩😩😑😑我同我個friend 平時食開好Raw 都搞唔掂🙈叫佢煮返到去五成熟，佢又整到well done俾你😑乾到呢⋯😩😩 仲要整鬼死咁耐，我已經食晒其他main course都仲未到。請咁多人返嚟都唔知做咩，舉手舉到就嚟要企埋起身先有人應😑 其實嗰日得幾枱客，希望廚房及樓面員工可以加強培訓。其實我好鍾意貴餐廳嘅設計，hardware ok, software 都要ok 至得ga 大佬🥲 希望貴餐廳真係會有所改善。

位於牛頭角既海濱匯，離地鐵站有少少遠，要行十零分鐘；但食物既質素令我覺得非常值得行呢十零分鐘而且正因為唔算就腳，餐廳亦比較清靜舒適，無市中心咁嘈吵喧鬧餐廳採取開放式設計，靠近一大排落地玻璃窗，景觀開揚；雖然當日下雨，但望著窗外雨景也別有一番風味餐牌選擇貴精不貴多反而飲品種類就好多食物方面，質素甚高，賣相好，味道更好，份量亦大沙律菜$38很大碟，個底幾深下，而且製作用心，粟米不是用雪藏貨，是新鮮粟米，粒粒都飽滿脆口；沙律菜則新鮮爽脆；配上芝麻醬非常開胃！炸魚薯條$188炸魚超巨型，熱辣辣夠脆口，皮薄肉滑舖係底既薯條份量亦十分之多！香辣炸雞$78呢個好抵食，差不多有成十件，脆口之餘內裡有肉汁一d都唔鞋，配上辣醬更加惹味避風塘雞翼$88有六隻，雞翼肥美大隻啖啖肉，炸蒜香口惹味整體每款食物我地都非常滿意，而且坐得舒適，值得再來

今日同朋友去牛頭角附近的海濱匯, 座落於一個甲級寫字樓內的一間西餐廳Flames食飯, 外形裝潢都較年青時尚, 中間有個大型華麗水吧, 有啲似酒吧感覺, 絶對吸引到響樓上工作的金融界職員來食飯, 亦方便佢地約客面談, 非常適合,  座位有室內有室外, 炎夏當然要選室內啦, 因太肚餓, 先叫個小食, Chicken Margherita Pizza $78, 細細個可當小食, 但估唔到材料都豐富, 面層有厚厚的雞絲加了濃味的蕃茄醬, 餅底又香脆。主菜叫了葡式香辣燒雞半隻配烤雜菜$168, 燒到金黃色, 用了香草醃製, 香噴噴, 雞皮又夠香, 啖啖肉, 份量都好多,烤雜菜都有好多款式, 有脆肉瓜, 薯仔, 西蘭花, 椰菜花。 另一主菜叫了燒大蝦配香草蕃茄汁扁意粉$158,大蝦好大隻，夠彈牙, 又爽口, 意粉沾滿蕃茄醬, 好惹味, 意粉有嚼口。飲品點了Ice Mocha$35, 夠晒香滑, 另一杯叫了凍檸茶$28。

今日返工真係好忙同好大壓力，放工就約埋個同事去公司附近嘅餐廳chill 下！六點零鐘嚟到，個太陽仲未收工，夕陽照射住餐廳，同事都忍唔住要影相。我哋叫左幾個小食嚟餸酒🤣🤣避風塘雞翼：一嚟就聞到陣陣香味，話明避風塘雞翼，唔少得大量炸蒜同辣椒，唔係好食得辣嘅我都接受到呢種辣，食落”習習聲”，好香口，好惹味，讓人食完之後仍啜指回味。芝士肉醬焗玉米片：入面有青瓜、洋蔥、蕃茄醬、蕃茄同肉碎，重點係粟米片好薄好脆，並唔係出面食開超市或戲院有得賣嗰種，我估係自家製。芝士好厚，配埋蔬菜粒食，增加口感同埋有清爽嘅感覺🤤🤤白酒煮青口：青口肉大鮮甜，白酒醬汁好濃郁，我每食一隻都會用殻裝著滿滿嘅醬汁一齊食😂Side dish: 淡淡香味嘅黑松露，配上粗幼適中嘅薯條，餸酒一流！我哋坐到七點零鐘已經好多人，入座率都有九成五，以平日來講真係好多人幫襯，建議預先訂位。

趁放假同朋友一齊嚟呢度食嘢～叫咗Chicken Caesar Salad味道正常～擺得幾靚～Crab meat linguine個醬有好多蟹肉絲，足料，味道都好食！1/2 Peri peri chicken呢個真係好食！配埋個辣醬！真係同喺食澳洲果啲peri peri chicken有得揮！連啲薯條都炸得好好～脆得嚟唔係燶晒～咸度剛剛好！Nutella shake澳洲Nutella果盒朱古力醬整既奶昔～好味得嚟唔算太甜～個人覺得waiter有耐心過 d waitress ~D waitress 好似唔想理你咁，但其實佢哋坐滿都唔係好多台～介意service就唔好去喇～

看了食評後訂的餐廳。假期的商場很冷清，這家餐廳所位於的角落卻最為熱鬧。店內的擺桌舒適度一般，比較擁擠，服務中規中矩不算很貼心。食物的味道還不錯，性價比不算差。以HK400+的晚餐來說應該有更好的其他選擇。

//<Flames>Flames 喺商業大廈入面👀👀 係寧靜嘅商場入面最熱鬧嘅一角🤣🤣入面有酒bar嘅感覺🥂🥂幾Chill~晚餐時間都幾多人，book位穩陣啲🤪🤪大部份店員都係用英文溝通，餐牌就有中英對照表🧐🧐——————————葡式燒雞漢堡配薯條 $168燒雞好香，有兩大塊🤤🤤 調味係有少少辣醬再加香草嘅感覺🥰🥰 唔食辣嘅小編都接受倒！個麵包好好食，微微烘過個面，外脆內軟～仲帶有牛油味🤩🤩 夾埋生菜、洋蔥同埋蕃茄令到成個層次好豐富🥳🥳 薯條都好好食，份量又慷慨😆😆——————————蟹肉香草忌廉蕃茄汁扁意粉 $158蟹肉超級多🦀🦀 每食一啖都好滿足🤪🤪 香草忌廉蕃茄汁食落好light~ 意粉口感就正常😌😌——————————Tropical Punch $68呢杯mock tail 好refreshing😆😆 菠蘿同埋raspberry 味道酸酸甜甜～係粒cherry 有啲藥水味🙈🙈——————————Breakfast at Tiffanys $68成杯mock tail 都紫色好打卡able🤪🤪 望落有啲紫水晶嘅感覺😂😂 成杯都係雲呢拿味～甜甜的—————————

晚上約了一位朋友來位於觀塘海濱匯的Flame吃晚餐，見到openrice的食評評價不錯，而且環境良好，於是便來試試。先上菜的是香辣炸雞，外表呈金黃色，炸得非常香脆，而且每件炸雞都非常大件，分量十足，非常抵食。炸雞本身帶有辣味，單食已經十分夠味，但亦可點上帶有酸辣味道的醬汁，更是加添幾份滋味。另外，炸雞亦附有檸檬，吃得膩的時候又可以加上檸檬汁，頓時變得十分清爽。葡式香辣燒雞配燒雜菜，燒雞表皮烤得香脆，雞肉非常鮮嫩，帶有微微的辛辣味道，十分惹味。重點一提是燒雜菜，雖然馬鈴薯、翠玉瓜、紅蘿蔔等只是配菜，但卻燒得非常焦香，而且不會太乾，出乎意料的美味，絕對不能錯過。燒肉眼牛扒配大蝦薯條，牛扒七成熟，油花分布均勻，切開後內𥚃呈淡粉紅色，肉質軟淋，而且咬下去充滿肉汁，不帶一點油膩感覺。大蝦燒得非常香，燒烤煙熏味濃郁，蝦肉的肉質非常彈牙，十分有驚喜。