Flames (海濱匯)

營業中

休息中

近幾日天色不錯，找個半戶外的餐廳欣賞著夕陽美景，嘆返杯美酒，為忙碌過後的一天充一充電🥂Sauvignon Blanc $68有著清新爽口的酸度，果香豐富，容易入口凍可樂$28似是由樽裝倒出來叫了個小食送酒 - Loaded Nachos $98鋪滿芝士肉醬買有少許辣，醬汁酸酸地，芝士香濃，配上牛肉醬，墨西哥脆片薄而脆，佐酒一流Chicken Margherita Pizza $78Size細細地，有4件，兩個人剛剛好，餅底好鬆脆，加上厚厚的水牛芝士、蕃茄醬、羅勒和雞肉，都係不錯的佐酒小食🥂最後叫返個主菜 －crab meat pasta$158蟹肉蕃茄忌廉扁意粉，蟹肉豐富，醬汁味道不會太酸，有少許creamy，好正，這個份量都頗為大碟，抵食👍🏽

晚上想同朋友小酌一番，便來到觀塘海傍附近走走。蟹肉香草忌廉番茄汁扁意粉蟹肉分量多，每一口都能吃到蟹肉。雖然是忌廉意粉，有番茄汁的綜合下沒有滯的感覺。芝士肉醬焗玉米片配料有青瓜、洋蔥、蕃茄醬、和肉碎，有這些清爽的蔬菜伴隨下并不會太滯，配上一杯mocktail非常適合。而且一般餐廳只是把配料淋上去，這裏的玉米片是有焗過，可見餐廳的心思。黑松露薯條薯條的味道有點平時薯格的風味，每根薯條都有沾上黑松露粉.避風塘鷄翼鷄翼炸得香脆，全部鷄翼上都鋪上慢慢的炸蒜和辣椒，但吃起來并不會太辣，我是一個太能吃辣的人都能接受的辣度，加上炸蒜鷄翼充滿香味，有大排檔的風味。Tropical Punch 有black tea, pineapple juice, melon puree,fresh passionfruit, fruit froth 甜甜的味道像果汁一樣，適合不能喝酒精飲品的人。

海濱匯之前黎過一次，今次朋友約呢度飲嘢傾下計。見到餐廳人氣超火爆，夜晚八點都座無虛席，我地一行三人，之前book左兩人，黎到仲要等左一陣。過左十分鐘後餐廳就滿晒人，估唔到八點後呢度都咁熱鬧。餐廳有個戶外飲酒既地方，望落環境不錯，不過我實在太熱選擇左係室內坐🤣。香草🌿白酒🍶煮青口 （1/2kg $198）配黑松露薯條🍟最愛蒜香味既青口，仲有香草同埋白酒，更突出青口的鮮味，入口仲有啖啖海水味，非常鮮美及入味。香辣炸雞🍗$78炸雞外皮卜卜脆，肉嫩多汁，食落完全無油膩感，一個人食半碟簡直easy！🥰澳式雞鹽薯條🍟 $38店主好有良心， 因為$38蚊咁大份薯條真係少見。而且薯條都係即點即炸，非常新鮮，上台時仲熱辣辣。至於澳洲雞鹽薯條係第一次食，意外地幾好食，唔太鹹，又入味，忍唔住一條接着一條食。😍Strawberry Lover 💕 $68呢杯士多啤梨 🍓Mock tail 好靚，粉粉的，適合女士打卡🥰，同埋唔會太甜，我幾鍾意❤️。Tropical Punch 🏝 $68一直都好鍾意飲熱情果飲品，今次見到有都嗌返杯試下，首先個design幾靚，上面仲有水果做配飾，整體酸酸甜甜味道幾好。﹍﹍﹍﹍

係megabox放工，約左同事食晚飯又唔想係返嗰到食，上網search見到附近海濱匯有幾間餐廳，就約埋過去試下，餐廳集中係海濱匯一樓，上到一樓都幾靜，見到一間西餐廳差不多滿座，網上評價唔錯就揀左佢燒肉眼牛扒配大蝦薯條燒肉眼牛扒配大蝦薯條，貌相好吸引大蝦是海蝦，蝦味好重，燒完好惹味牛扒叫左5成熟，因為牛比較瘦，少脂肪，所以會比較韌，但都相對健康，配汁好香，帶有少少牛香，好夾。薯條好大份，脆得黎又重薯味，點唔點汁都好食1/2葡式香辣燒雞1/2葡式香辣燒雞係即燒，所以等左比較耐，雞嘅醃料好惹味好香，雞皮又超脆，竟想不到咁驚喜，點完醬汁之好正,而且份量十足，2個人食唔晒。燒蔬菜都無令人失望，紅蘿蔔、茄子、翠肉瓜，薯仔都燒到好淋，好香好好食 燒雞是可以揀配薯條或者蔬菜，因為我們的牛扒配薯條,職員都提一提我們可以揀蔬菜, 因為薯條個份量都幾多下，好niceLychee teaMango tea2杯生果茶茶香帶清香既水果味，因為主菜都比較濃味，配上清甜嘅生果茶，簡直係perfect match！因為疫情問題,餐廳晚上830 last order，我哋入去無耐就last order 所以唔好太夜入餐廳

平日傍晚時分約了朋友去flames晚飯，餐廳位於海濱匯底層商場入面，室內空間不大，不過有個青草地大平台，可放上幾張餐枱，晚餐時間可欣賞夕陽徐徐落下，頗為優美。香辣炸雞，雞塊炸得金黃酥脆，口感外脆內嫩，味道帶有微微的香辣，再配上餐廳特調的辣醬，吃起來相當過癮。芝士肉醬焗玉米片，將一片片的玉米片放於碟底，然後放上蕃茄肉醬、芝士等材料焗至焦香，再沾上獨特的香辣醬汁，非常惹味。燒肉眼牛扒配大蝦薯條，肉眼牛扒肉質鮮嫩，油脂適中，帶有肉汁以及牛肉香氣，十分美味。大蝦則選用了虎蝦，口感彈牙，肉質頗新鮮，帶有濃烈的煙熏味道。而配菜附有粗薯條，炸得脆身香口，非常滿足。

唔行過呢頭都唔知有呢個甲級寫字樓～更加唔會知道原來入面有幾間餐廳😍搵緊食邊間餐廳嘅時候，被Flames嘅環境吸引左😍感覺好modern，好舒服👍🏻-上openrice睇埋其他相發現佢仲有室外草地嘅位置😆如果好天出去食應該會好chill~-佢嘅Menu選擇唔算好多，不過咁樣先可以將一道食物做得夠精🤩👍🏻簡簡單單嘅Menu主菜、side dishes、pasta、小食、海鮮同甜品😋而且全部都好吸引😆-1.葡式香辣燒雞 $168 🐔9/10見到好多人推介👍🏻本身唔太鍾意食雞嘅我都想叫黎試下😋佢嘅份量係半隻，但千奇唔可以睇少，兩個人食都足夠有餘🤤本身隻雞係唔辣嘅，但點埋墨西哥風味嘅辣醬之後就真正嘅香辣啦😍雞肉食落一啲都唔鞋夠入味，個皮亦都燒係好脆身👍🏻-2.蟹肉他他焗玉米片 $128 🦀8.5/10本身對呢個粟米片冇咩太大興趣😆不過見到隔離枱叫左黎食，而賣相又唔錯，所以就比個機會佢啦👏🏻👏🏻佢改變左我覺得粟米片好淡味嘅睇法😍首先，蟹肉他他醬好足料👍🏻好多蟹肉，再加上切左粒嘅蕃茄同紫洋蔥🧅，好清新😘中間都有好多芝士，每塊Nachos上面都有調味，味道好豐富🤩-3.炸魚薯條🍟 $188 9/10炸

聽講觀塘海濱有棟新商場大廈，裡面有幾間新餐廳，所以今日特登tea time 過嚟試吓🥰係OpenRice book 咗枱，因為係平日tea time, 所以完全唔使等位，可以坐低慢慢食😋 佢有分室外同室內，但係因為天氣太好，非常曬，所以都係選擇坐室內😊叫咗三樣嘢食，份量好大😃首先個炸雞係好大碟，有韓式炸雞嘅感覺，夠juicy, 配埋個微辣醬，好滿足好好食😜個薯條又係勁大份，好抵，而且炸得香脆，好有驚喜🥰相比之下個意粉反而冇乜驚喜，性價比不算高。雖然位置唔算好方便，但下次如果經開呢頭，都會再想嚟食啊😊

今天到觀塘海濱附近找食，原來海濱近牛頭角附近，有一間很chill的餐廳, 裝修有Open bar kitchen, 感覺非常時髦， 輕鬆音樂令人非常release。 餐廳有戶外座位，面對MegaBox, 夜景非常醒神。燒肉眼牛扒配大蝦薯條 $258燒肉眼扒大件，外脆內軟，香煎了輕帶碳香，牛扒肉味香濃，大蝦大隻又新鮮，蝦肉爽脆，薯條也是外脆內軟， 添加了海鹽味，新鮮即炸， 味道非常好， 伴酒一流！香煎魚柳配燒蔬菜 黑松露蘑菇忌廉汁 $188黑松露蘑菇忌廉汁非常香濃，香氣撲鼻，魚柳很厚，肉嫩，配上蘑菇汁份外香甜，還有翠玉瓜蘿蔔薯仔作半碟。食物分量多，想叫多一點要等下一次了

星期日的下午，約了朋友去牛頭角的商業大廈度過了一個悠閑的下午。先來個開胃沙律，有新鮮蕃茄、粟米、洋蔥和沙律菜，配上酸甜沙律醬。餐廳最出名是烤雞，所以點了烤雞試試，果然沒有令人失望。皮香脆，肉嫩滑。可選擇配薯條或烤雜菜，最終要了雜菜，有甜蘿蔔配翠玉瓜，還有薯仔，飽肚而且健康。大蝦意粉亦是不錯的選擇，滿滿的蕃茄粒和蕃茄醬配滑溜的扁意粉，還有兩隻煎得香口而且爽口的大蝦。餐廳出面更有仿綠色草皮，點杯飲品，慢活地度過，十分寫意。

再過幾日我嘅「鄰居」就要走啦👉🏻👈🏻 就趁呢日大家都喺公司，一於同佢飲番杯、食餐好嘅🍻 最終佢揀咗 @flames，話貪嗰個度有酒飲、又可以睇到 #日落 🌄 喎😉Boss 呢個星期放假，我哋準時出發✌🏻 冇諗過未到六點，已經有一班fans喺度打躉。#服務員 幫你安排咗靠近窗邊嘅位置，餐廳同出面個草地連成一線，望出去個景好都幾舒服☘️ 可惜第二日要返工，我哋只好象徵式叫咗兩支 #啤酒 嚟 #餞行🍻 除咗酒，當然一定要叫我最鍾意嘅 #蟹肉蕃茄汁扁意粉 一解我對佢嘅單思之苦😅 仲記得第一次嘅邂逅，令我一試難忘，蕃茄蓉倒入忌廉汁打成 #意粉醬，再加入 #蟹肉，#口感 好 #creamy、非常 #鮮味 🤤 而同事就點咗個 #肉眼扒大蝦配薯條，#肉眼扒 五成熟口感鮮嫩，不過我就嫌啲 #薯條 太粗身，食兩條已經飽哂😅 搞到本來想叫埋佢個signature #烤雞 都無位擺得落… 唯有下次再幫襯😉整體我覺得 #Flames 真係做得唔錯，員工對客人非常友善，無論 #主菜 或者 #送酒小食 都做得好有水準，最啱我班鍾意吹水嘅同事收咗工過嚟 #hea😆

我們二人散叫連加一$812.00，mussels非常非常咸，其他食物不錯，開心的晚餐，但最後我們埋單時服務員問是否OpenRice訂？才醒過來問有冇折？經個白衣男的惡劣態度，真係掃興！這是一個敗筆！！！交通真係唔方便

今次去咗喺觀塘海濱附近嘅西餐廳－Flames食晚餐。雖然喺牛頭角地鐵站行過嚟都要差唔多15分鐘，不過7點幾去到已經差唔多full house咁濟，所以或者book定會好啲！ 眼見餐廳都有唔少外國人食飯，所以餐牌都好貼心咁附上中英版本。有部分侍應只係用英文溝通，不過服務就好殷勤同貼心！餐牌唔算太多選擇，但係「貴精不貴多」嘛！ 餐廳有少量bar枱位，可以望住bartender調酒，特別係啲好靚嘅cocktail。餐廳仲有幾款本土啤酒可以揀，值得支持！ 避風塘雞翼 ($88)雖然鋪咗勁大量辣椒碎同埋炸蒜，但又唔會好辣，反而仲好惹味！雞翼炸得好脆同juicy，好食！ ½ 葡式香辣燒春雞配薯條 ($168)半隻嘅葡式燒春雞都好大隻，雞皮燒得好脆，肉質亦唔會好嚡，蘸埋醬汁就再入味啲。至於配菜－粗薯條，因為我本身鍾意粗身薯條，所以就啱晒我喇！糝喺面嘅辣粉好惹味，但薯條份量實在太多，真係食唔晒⋯⋯ 蟹肉香草忌廉扁意粉 ($158)蟹肉份量超級多，差唔多啖啖都係鮮甜嘅蟹肉！扁意粉幾掛汁，唔錯！ Hungry Donut ($88)佢係其中一款「香港製造」嘅啤酒，飲落好香麥味同埋花味，好好飲！

帶媽媽外出散步和吃晚餐。餐廳位於商場內一樓，在平台花園旁邊，餐廳內部環境光猛，座位舒適，餐廳不斷播放節奏輕快的英文歌曲，令人心曠神怡。雞肉凱撒沙律118元，雞胸肉口感不柴，生菜鮮甜，配料有麵包粒和煙肉絲，醬汁有芝士味。香煎魚柳配燒蔬菜188元，魚柳邊被煎得很香脆，魚肉多汁，翠玉瓜爽口，紅蘿蔔清甜，薯仔綿滑，忌廉醬汁有黑松露香味和蘑菇香味。雜莓焦糖燉蛋68元，雜莓酸甜，焦糖香甜，燉蛋軟滑。朱古力棉花糖夾心餅配雲呢拿雪糕78元，賣相美麗，朱古力味和牛奶味平衡。總結：景觀開陽，食物美味，價格合理。

地方不錯，景觀不差，最重要泊車方便又有免泊車費優惠。食物一般，燒雞太乾，全無肉汁。肉醬粟米片的肉醬好味但有大部分粟米片overcook 燒黑。大蝦意粉味道淡。星期日晚上，食客八成左右，多謝穿藍色T恤待應殷勤招侍。可惜，穿白色T恤男待應，上菜三次及飲品兩次，佢好貫徹咁黑口黑面吾出聲咁對碟嘢埋嚟，等我哋移好枱面上嘅嘢俾佢放低，令我想起其他集團式茶餐廳快餐店各位姐姐良好態度。雖然呢間餐廳價錢相宜，三個人晚飯$700有找，但服務態度呢樣嘢，總唔應該因為收得平，而降到去呢個地步。該大廈地方吊腳，相信主打平日午飯時間，但既然假日維持營業，可唔可以對客人友善一啲？！

🌕Hello我係Moon🌕喺大熱天時做完運動之後當然就係要擦翻餐勁嘅嚟效勞下啦，腦海裏就只有西餐可以滿足到狂野嘅香味同埋食慾。😍Flames 呢間餐廳個名睇落就夠晒熱度，相信裏面應該會有一番香味，本着好奇嘅態度去試一試，🤩都可以試出一番美國風情。😙環境以白色為主，😇喺咁熱嘅夏天絕對有清涼透心涼嘅感覺，另外亦有分室內室外，更加有美式餐廳嘅氣息。😛當日天氣太熱所以我哋選擇坐室內，但相信去到傍晚黃昏嘅時候坐室外更有欣賞景色嘅優勢。🤩未食肉之前首先叫咗個雞肉凱撒沙律醒下胃先，通常食沙律都係菜多個肉，😎但今次遇到嘅情況係唔同，雞肉嘅份量好多，而且雞肉唔會好乾身，🥸比較鮮嫩，最驚就係雞胸位又乾又柴，🤣特別要稱讚處理嘅手法可以令到雞肉回復鮮嫩感覺。😍加咗啲芝士粉會更加好味，成碟嘅沙律份量都好足夠。😗就算當係主食一樣夠晒滿足。😝食完咁清新嘅嘢食之後就嚟到狂野嘅環節，🤪燒肉眼牛扒配大蝦薯條，😜肉眼牛扒我哋選擇medium well，🤩同樣亦都有外面焦糖糖啡色而入面仍然會見到寶石紅嘅顏色，😎肉眼牛扒嘅份量比想像中大，🥳厚度亦都達到斧頭扒級數。☺️大大份之餘更加保持鮮嫩多汁，而且牛肉嘅味道好香，😇至於作為海洋