Flames (海濱匯)

營業中

休息中

今日同朋友行塘海濱花園行到肚餓就附近搵下野食，見到呢間好似唔錯就決定試下。餐廳有分室內室外，餐廳外面有露天座位，地下鋪滿草地，感覺休閒，偶爾有涼風吹過，十分舒服。🥄是日湯 $38我地都鐘意飲湯，所以叫左兩個是日湯，今日係蘑菇忌廉湯，蘑菇忌廉湯非常濃郁，陣陣香濃蘑菇味道，入口非常creamy。🍴燒肉眼牛扒配大蝦薯條 $258有點意外份量都幾大，大蝦烤得香口，肉質爽口彈牙。而肉眼牛扒雖然係燒但一D都唔乾，肉汁豐富。另外仲有炸到香脆又有薯味既薯條，好滿足。🍴葡式香辣燒雞 $168燒雞上碟時熱辣辣，雞皮香口，而且無肥肉，肉質唔會過柴，而且比想像中大隻，配埋特制既醬汁，香辣又惹味。我地6點入座都算早，但餐廳已經差唔多滿座，而且唔少人都舉酒談歡，可見都係一個休閒好去處。

之前就有食過呢間餐廳，佢唔單只環境靚，就連食物質素都好高🤩所以上司話請食lunch我二話不說即刻揀呢間！燒肉眼牛扒配大蝦薯條 $258牛扒無可挑剔，叫5成熟就真係啱啱好！肉質一啲都唔會韌～又夠哂厚真係好正！薯條熱辣辣，外脆內軟上面仲有調味粉，味道更豐富～特別一讚個茄汁，同普通嘅有啲唔同，多咗少少酒味！好鍾意💞燒大蝦配香草蕃茄汁扁意粉 $158大蝦size都算係大，肉質唔錯👍🏻 意粉醬令我好有驚喜，食得出有新鮮蕃茄嘅味道！成件事好fresh🤩Cappucino $32幾香～性價比唔錯Peach Tea $38正常發揮～唔會太甜幾好～

公司附近高質飯堂今日開完會又黎飯堂開餐， 但因為已過lunch hour, 所以我地叫main manu.🌟燒肉眼扒配大蝦薯條$258平時lunch 冇食過牛扒， 今次就嗌下啦。牛扒份量十足， 亦唔會overcook, 好香牛味。 試得過！呢碟真係要share, 一個人食會好飽。🌟蟹肉香草忌廉蕃茄汁扁意粉 $158平時lunch 必點item, 食到底都重有蟹肉， 佢係真蟹肉， 因為你食食下係會食到蟹殼既😂😂🌟Rainbow Smoothie $78同甜品怪食飯既壞處， 就係會引你叫d 邪惡既野， 例如呢杯smoothie, 朋友一聽有movenpick 雪糕打出黎，就話要嗌畀我🤦🏻‍♀️係正既 又唔會勁甜， 為呢個late lunch 添上完美既ending.🥰同埋有時openrice 訂台會有折。 唔好蝕呀！

今日來到位於牛頭角的Flame, 估唔到一眾商業大廈入面竟然有一間咁chill的餐廳。可能太遲來的關係，室外已滿，今次唯有先試試食物質素如何，下次再來感受下，chill下。蟹肉香草忌廉蕃茄汁扁意粉呢個意粉真係好味到無得彈，忌廉蕃茄汁非常濃郁，蟹肉非常多，一點都不吝嗇，扁意粉的軟硬度適中，每啖意粉都能沾上蟹肉和忌廉汁，不用5分鐘已俾我地吃光，就知佢有幾好食啦！芝士雞肉燒忌廉薯仔批配沙律唔好睇佢外表普普通通，但原來味道都不錯，入面有滿滿的忌廉汁，雞肉嫩滑，最底有一層層的薯仔，加埋煙肉，口感非常豐富。黑松露薯條即叫即炸，外脆內軟，再加上黑松露，特別香口，而且份量好多，加上價錢合理，cp值很高呢！

觀塘海濱長廊海濱匯，環境寧靜舒服，有好幾間特色餐廳，今次試了另一間名為Flames。餐廳餐飲設於入口圓形位置，裝修比較耀目。餐廳設有室內及室外坐位，白天時有陽光照射應該令人感到舒服。餐牌只有一頁，選擇不多但種類齊備。飲品選擇較多，酒精及非酒精類俱備。忌廉雜菌湯是日餐湯為忌廉雜菌湯，上枱時一大碟的，份量十足。味道方面，雜菌湯入口順滑，菇菌味道香濃。沙律菜沙律菜與餐湯一樣，同樣另加三十八元。沙律菜賣相不錯，最驚喜是有黑欖碎，味道芳香濃郁，帶有輕輕的鹹味。蟹肉香草忌廉番茄汁扁意粉 扁意粉內有不少蟹肉混入其中，鮮甜味美。扁意粉用香草忌廉番茄汁煮成，入口彈牙軟滑，味道香濃。葡式香辣燒雞配香烤雜菜葡式香辣燒雞有半隻之多，不屬春雞類型，件頭很大，一人難以消滅。燒雞辣味不高，皮薄香脆。烤雜菜有翠玉瓜、紅蘿蔔、薯仔，同樣件頭很大，食上兩三件已經很飽肚。蜜桃茶 蜜桃果茶微甜，冰冰凍凍的很適合夏天飲用。

位於觀塘海濱公園前面嘅商業大樓，大家行完海濱影完相可以去呢到嘆冷氣chill下😋😘 ⭐️1/2 葡式香辣燒雞配香烤雜菜 $168⭐味道：7/10👧🏿👦🏻：燒雞外皮烤到微脆有炭燒味，整體肉質以燒雞嚟講算滑嫩，雞髀雞翼位好juicy，只係雞胸會柴啲鞋啲，建議大家唔好一嚟就食髀，會愈食愈dry😉微辣嘅葡式辣醬係成碟嘅靈魂，隻雞除咗外皮都唔太夠味，一定要點醬先好食😋配菜可以簡香烤雜菜或者薯條，其實兩樣都好好食，但因為烤雞始終較dry, 香烤雜菜入面嘅瓜好多汁水潤，所以可以中和一下👍🏻️ ⭐燒肉眼牛扒配大蝦薯條 $258 ⭐味道：8/10👧🏿👦🏻：呢個燒烤味仲出啲，塊扒好大塊，兩隻蝦都好大隻，好多薯條，好足料👍🏻大蝦烤得好香口，唔會悔，應該幾新鮮。肉眼牛扒叫5成熟，生熟度剛剛好，肉質腍有肉汁，整體油脂分布平均，幾驚喜！薯條香脆微辣都幾正😍

喺觀塘返工嘅好處係食店多 好多唔同種類嘅菜式都有 基本上你想食乜都一定可以揾到 不過同時地 劣食都比較多🙈之前同同事嚟過一次Flames 覺得環境好好 坐得好舒服 而且食物質素都好高 價錢定位都好合理 性價比高☺️所以今次趁收早帶埋Oppa過嚟食過dinner◾1/2 Peri Peri Chicken上次食過燒雞漢堡覺得好正 所以今次直頭叫半隻雞🐔表皮燒到脆脆地 雞肉夠嫩而且一啲都唔乾 個醬汁都好重要 Peri Peri醬源自葡萄牙 主要用紅辣椒同蒜嚟調配 食落好惹味😋辣味都幾突出 另外可以選擇配蔬菜或者薯條 我哋揀咗蔬菜 分別有薯仔/紅蘿蔔/翠玉瓜◽Crab Meat Linguine呢個係我飛佛啊😍有大量嘅蟹肉 食得出鮮味 配嘅忌廉蕃茄汁調配得好適中 唔會太酸 成件事夾埋好好食啊☺️◾Truffle Fries呢個絕對係性價比極高嘅選擇 $48已經好大份😆但係一啲都唔求其 黑松露有好多 而且薯條都係脆卜卜 就得食得慢放得耐都唔會影響口感今次飽飽食唔落甜品lu 我就飲咗杯橙汁 oppa叫咗杯白酒 飲品選擇都多架 另外仲有cocktail/sangria…等疫情過嚟 一定約班朋友嚟坐ou

同朋友一早bookmark咗依間餐廳，因為好想食炸雞同薯條！夜晚氣氛真係好適合同朋友飲酒放鬆下！是日湯 (蘑菇湯)見到好多人推薦，果然值得試質地稠度適中，每一啖都充滿蘑菇嘅味道食到一粒粒打碎嘅菇，真材實料又有咬口！香辣炸雞 $78炸雞即叫即炸，每一件都炸得好香脆，又保留到肉汁配搭 Peri Peri 醬，更加惹味，整體偏辣黑松露薯條 $48依個價錢，依個份量，性價比好高！望住店主加咗好多黑松露醬落薯條，好足料！每一條都炸得好平均，外脆內軟！1664 Blanc Draft Beer $78食咁多炸嘢點可以唔飲啤酒呢款啤酒雖然價錢比較貴，不過飲落好順口Sour Apple $68呢杯cocktail ，甜味比酸味重葡式燒雞漢堡配薯條 $168最後仲叫咗一個主食，想試埋依度嘅烤雞雖然冇炸雞咁嫩滑，但有陣類似炭燒嘅燒烤味一個burger夾住兩大件雞，仲有好多菜，好正～餐廳有室內同室外嘅坐位，夜晚好有情調啊

今日想食西餐chill一chill，所以特登揸車去觀塘海濱上邊有間西餐廳，嗰間餐廳氣氛十分之好，仲有露天位，我哋三個人就嗌左兩個main course，一個沙律，沙律就揀咗凱撒雞沙律，芝士粉勁多， 而且凱撒汁滿滿咁包住啲菜，加埋煙肉同埋少少麵包糠，食落口感覺十分滿足。跟住我哋share左個蟹肉忌廉扁意粉，蟹肉十分之多，而且忌廉汁亦都唔會好膩，加埋少少蕃茄酸酸甜甜咁，好容易入口。另外我哋又食咗個雞肉burger，呢個雞肉有香辣粉加落去，而且係個包皮焗到非常鬆脆香口，一啖咬落去真係不得了。

平日很爆滿的餐廳，幸好我哋6:30來到，有戶外，簡直就係城市中嘅花園。先叫drink, Mocktail relax 下Tropical punch and Strawberry Lover🍓, 個名好吸引，飲落甜而不濃，解渴解苦，伴杯的生果食埋，新鮮Menu 食物不多，勝在貴精不貴多。是日餐湯：蘑菇忌廉湯，不錯！雞肉凱撒沙律，清爽蟹肉香草忌廉蕃茄扁意粉，蟹肉打碎撈落蕃茄汁好似個醬咁，蟹肉鮮甜，與忌廉番茄汁很配。食完仲可以行觀塘海濱長廊，浪漫又溫馨。

首先，有個講英文嘅waitress幫手安排入座。所以我哋一路都用英文交談。由於政府新安排，要喺張表度填上坐邊一個區域。個經理走來話：write your zone ! 。咁我話：how do I know what zone I’m going to sit ? 佢話：u can google. 我話：今日係第一日實施，我唔清楚，呢個係政府嘅安排定係你哋嘅安排？佢用廣東話話：「你講開英文就講英文啦」。

有次行觀塘海濱長廊，行到尾近九龍灣，望過對面有座海濱匯。原來裡面都有幾間餐廳。其中發現有間FLAMES在1樓。環境唔錯，仲有露天坐位。適逢好朋友生日，就約了在這間餐廳為她慶生。雖然坐位比較窄, 但環境好, 所以都冇問題. 我6:30到了餐廳已經好多人了。好彩我之前已經預先BOOK位。所以一到就可以入座。大蝦配香草蕃茄汁扁意粉$158有大蝦2隻, ;大蝦跟蕃茄醬融合在一起. 令到大蝦有香濃的蕃茄醬.  而且保留了蝦的鮮味. 蕃茄醬又調教得非常好. 不會太傑及不會太酸. 蕃茄肉又多. 而且扁意粉又烚到口感適中. 簡直回味無窮. 燒肉眼牛扒配大蝦薯條$258有大蝦2隻, 燒得好香, 亦保留了蝦的鮮味, 肉眼牛扒4成熟. 當我們切的時候, 心諗為什麼會這麼難切, 好似好韌. 但食落非常有牛味, 又不會韌. 原來是中間有一條白雪雪的牛根. 所以比較難切. 如果避開了這條根. 就冇問題的. 再配埋香脆薯條. 勁正!雞肉凱撒沙律$118好多好多新鮮沙律菜, 是雞胸肉. 但唔鞋. 撈埋沙律汁. 好味呀! 食落爽脆. 

近觀塘海濱有間環境好chill 嘅餐廳😌 之前已經好想嚟😋餐廳有戶外座位，仲有陽光嘅時間，喺戶外飲杯嘢，望住綠油油一片，都好輕鬆寫意😌 同朋友嚟傾吓偈，飲酒食飯好啱呀😃蟹肉🦀他他焗玉米片🌮（$128）先嚟個小食～玉米片烤得香脆，上面加左好多芝士，蟹肉配上他他醬，酸酸甜甜，同cocktail 好夾燒肉眼牛扒🥩配大蝦🍤薯條（$258）肉眼扒真係5成熟，肉色粉紅又嫩滑。大蝦烤得剛好，唔會太乾，蝦肉彈牙鮮甜朱古力🍫綿花糖夾心餅配雲尼拿雪糕🍦（$78）朱古力布朗尼蛋糕，有濃郁朱郁古力香，比較軟身，唔太甜，好好食😋 配上綿花糖、雪糕、雜莓及杏仁，食得特別開心😁Mojito🌿 ($88)咁靚嘅景🌳好適合配上呢杯清新嘅雞尾酒🍹

今次黎到海濱公園附近既一間餐廳，佢有户外户內坐位，我地揀左坐户外，涼涼地唔會好熱，户外空間好開揚好舒服，係唔錯既選擇🔸燒肉眼牛扒配大蝦薯條肉眼牛扒又厚又大塊，食落多汁有肉味，兩隻大蝦有一隻煮得過熟了，薯條分量非常多，而且炸到好香脆🔸蟹肉香草忌廉蕃茄汁扁意粉非常濃郁既意粉，蟹肉分量好多，醬汁係比較傑身唔係流質果隻，但反而令每條意粉都吸到足夠嘅汁🔸香草蒜蓉包睇落個樣好似好脆好硬身，但食落口係香脆得來有少少鬆軟，上面有好多蒜蓉同香草，食落非常香🔸Flames Lemonade🔸Tropical PunchLemonade有幾款水果可以揀，今次揀左檸檬，係清新嘅檸檬味，Tropical Punch幾特別，係用black tea做底，加上幾款夏日生果，值得一試

周日黃昏，來到觀塘海濱長廊音樂噴泉打卡，漫妙和耳熟的古典樂曲配襯下，池水跟著節拍跳動…樂止水停，我牽著愛人的手不期然地順著長廊向牛頭角方向走，看到一座優雅的建築海濱匯佇立眼前，對了！今晚就在這兒用餐。香辣炸雞炸雞賣相好份量多，外皮脆卜卜肉酥香。無油膩感，雞肉煙韌又不至炸得乾硬，口感不錯。另配有芝士加上芥末的醬汁拌著來吃，別有風味。避風塘雞翼西式的避風糖做法無太多油，但蒜香仍在，而且一碟有6隻，這個小食真不錯，兩個人肯定夠食不用爭。燒肉眼牛扒配大蝦薯條選用的澳洲肉眼厚度有6CM至8CM，咬下去啖啖肉香少少酥肉味濃。我落柯打時要求七成熟，肉質剛剛好，軟熟有口感，牛味十足，點醬汁亦不錯。大蝦開邊成半月狀挑了腸，啖啖肉夠彈牙。薯條粗身美式風格大大條，感覺很新鮮，外脆內軟，加上灑在上面的香草調味粉，香辣得來又好惹味。Flames Lemonada這款無酒精特飲是招牌之選，有士多啤梨、柠檬、橙、蘋果、薄荷葉、青瓜……梳打水，可能是酒吧餐廳，特調的確有水準，解油解膩至好。