Flames (海濱匯)

營業中

休息中

呢晚係附近做完野，黎到呢間係商廈入面既餐廳，夜晚都幾靜，幾舒服～ 我地嗌suckling pig! 嘩！勁好食呀，佢地燒乳豬脾，冇諗過都幾大隻，外皮好脆，即叫即燒，所以都要等一陣既，底下d配菜都好好食，配菜都值得俾like，有椰菜仔同bacon 一齊炒，仲有少少鹹酸菜同檸檬汁，勁開胃！另外仲叫左一個避風塘雞翼，好香好脆，外皮味道剛好，入面淡味d，但都幾好，佢咁抵咁多隻，如果太鹹就食唔哂啦～仲叫左個炸魷魚圈，個炸粉開得好好，呢間野d炸物好出色又好大份

今日到九龍灣的「志明橋」和觀塘海濱公園打卡拍照，順道到“海濱匯”的Flames吃午餐。餐廳在1樓，自成一角，前面景觀開揚，更設有綠草如茵的室外用餐區。如果不是天氣太熱的話，我必會坐在室外。我點了兩個主菜，一個配菜和一個甜品。“1/2葡式香辣燒雞”，半隻大肥雞，份量不少。外皮燒得又香又脆，連雞胸肉都能保持嫩滑，十分難得。“香草紅酒燴牛面肉扁意粉”，半肥瘦的牛肉，非常入味，意粉爽口彈牙，再配上香草醬汁，特別惹味。“香草黃薑蕃茄飯”，原以為只是少份量的配菜，但竟然是足夠一個人份量的一大碗，而且相當美味。“雜莓朱古力慕絲”，有草莓、紅莓、藍莓等鮮果蓋面，有脆朱古力棒，當然還有美味的朱古力慕絲。這裏的食物質素不錯，環境又好，期待秋涼以後再來一邊吃晚餐，一邊欣賞日落。

觀塘放工嚟到海濱匯flames同男友食飯，剛好遇著日落，餐廳的環境好優美，戶外area仲可以睇到外面的日落，可以喺到chill下好爽。蟹肉忌廉意粉（$158)扁意粉爽口彈牙，醬汁非常creamy，香濃的蕃茄味，同好掛汁，而且亦食到一絲絲的蟹肉。香煎雪魚柳（$198)魚柳魚質嫩滑，唔會有魚腥味，外面魚皮煎到香脆。下面有燒粟米粒做伴菜，係我好鐘意嘅小食，好健康。朱古力夾心餅配雲呢拿雪糕（$78)外觀色彩繽紛，好啱喺IG打卡。朱古力嘅brownie再有棉花糖，周圍都有strawberry生果做topping。少女心爆發，女仔必點之選！

之前喺鰂魚涌已經一直幫襯開，宜家搬咗入商廈。呢間分店環境比鰂魚涌店企理。1/4 Chicken + SaladSalad 叫左 Ceaser + Peri Peri Fusilli Pasta燒雞個sauce好正！食極都唔厭，1/4應該唔夠男仕食，2個salad sides 都好食！整體不錯。

經某Apps訂座，可享半價優惠，不過要2點半後入座，同埋只有Mains Menu食物先有半價，本身想試埋小食，不過主菜份量都唔細，所以最後無加order。餐廳環境唔錯，出面個小平台都有座位，當日天氣好好，大藍天配白雪，如果冬天係出面曬著太陽食，應該都唔錯。黎之前已經做好功課，揀左兩款人氣推介嘅主菜。燒肉眼牛扒(5成熟)配大蝦拼薯條 $144大蝦有兩隻，我覺得係炸蝦多過燒蝦，上枱無蝦香氣，蝦肉彈牙，但蝦味偏淡；燒牛扒幾靚仔，而且燒到岩岩好，肉質幾淋，亦有牛味。薯條新鮮炸出黎，灑上pripaka，香噴噴，點埋個偏酸茄汁，真係成盤食哂都唔覺溜。葡式香辣燒雞拼薯條 $94餐廳另一個人氣主菜就係呢個燒雞，燒雞Size好大，賣相亦唔錯，本身對佢充滿期望。可惜，唔知係咪lunch賣剩蔗🤔，雞唔熱都算，連雞脾位都好乾、好鞋、肉質好霉，雞胸位入口瞬間吸乾口水，友人稱之為「煲湯雞渣😂」，雞無醃料味、無雞味，完全唔掂…..餐廳環境同服務都唔錯，不過當日未知係咪使用優惠關係，燒雞並非其他食客所形容嘅咁正；至於另一主菜，以半價黎講，質素算唔錯。

Enjoying a nice ride to The Quayside, we were expecting a fabulous lunch with a nice view of the seafront. However, on our arrival, we were disappointed to see the “exact” location and decor of the restaurant. True, seeing is believing. First it does NOT boast any fabulous sea view, nor do the decor & ambience suggest any fine dining elements. In fact it is small & while it is close to the podium of the building, you can barely enjoy any picturesque view unless you wish to explore the open area

放工專程約老公去咗觀塘海濱曬月光，海濱匯 裝修新穎，裏面嘅食肆全部都好有style，後生仔潮食集中地，我哋都想去感受一下。因為大頭蝦唔記得訂位，全場差不多坐滿食客，好彩 Walk in 仲有吧枱坐，有酒吧想碰杯的感覺，環境氣氛令人放鬆。MUNCHIES香辣炸雞 $78熱辣辣香噴噴，外皮炸到卜卜脆，口感肉嫩多汁，微辣剌激好惹味！如果再飲多杯啤酒勁 match!PASTA香草紅酒汁燴牛面肉扁意粉 $148意粉賣相吸引，扁意粉彈牙有口感，牛面肉熟度剛好，肉質飽滿多汁，有牛香入口軟腍，香草紅酒汁充足，感更豐富，分量十足！MAINS雞肉凱撒沙律大大份沙律菜，雞肉夠嫩，凱撒沙律新鮮好食，灑上煙肉、烤麵包粒、巴馬臣芝士更香！絶對有驚喜！SIDES澳式雞鹽薯條 $38最喜歡食新鮮炸出來的脆身薯條，配搭特色醬汁超滿足。SWEETS朱古力棉花糖夾心餅 配雲尼拿雪榚 $78這裏的甜品果然賣相滿分，整體顏色七彩繽紛，打咭一流！濃郁朱古力加上半溶棉花糖，外脆內軟的夾心餅， 配上口感軟滑雲尼拿雪榚，口感豐富層次多，好味食唔停！

平日放工夜晚約咗朋友嚟食嘢，叫咗兩個主菜同一個小食、兩杯飲品，食物唔錯，份量好大份，只係環境太嘈，好似去咗pub咁，背景音樂太嘈，而且啲枱都好密集，唔係咁適合約朋友放工吹水講秘密😂

晚飯時間，離遠聽到chill chill 地的音樂就吸引過去，看到餐牌合口味食就走進入餐廳。裝修都很開揚， 亦有戶外座位。餐廳風格帶點cyber, chill chill的， 音樂比較大聲，適合三五知己飲酒暢談， 還有bar 枱，氣氛環境幾好， 晚餐餐牌是單點的。一共有點了兩個主菜：1. 燒大蝦香草蕃茄汁扁意粉$158賣相佳香濃蕃茄汁，有炒香過的香蒜粒， 又不失香草味，燒大蝦的鮮味魚蕃茄融合的很好！扁意粉口感很好，軟硬度剛剛好，油分剛好，唔乾！ 一個很讚的意粉。第二個主菜：脆皮乳豬配西班牙炒西蘭花蕾$318乳豬皮很脆， 薄薄的， 香草配烤乳豬一流👍🏻加上新鮮的檸檬汁加添清新感，亦吊起乳豬的味道，肉質棯身。底下是火腿，蘑菇片炒西蘭花蕾，還有一些微微酸橄欖，整體來說炒得很香口與乳豬十分配合。兩人埋單一共$524 ，兩樣出品都很好，值得推介！如果服務感熱情些， 整體餐廳會更出色

見過人地推薦呢間環境幾靚嘅餐廳 而且openrice book位仲有75折 所以特登尼試下😝 Crab meat Nachos ($128)一直都好鍾意食Nachos 同蟹 今次見到有蟹肉nachos緊係唔放過啦🤩 果然冇令我失望 沙沙醬溝埋蟹肉多左一種鹹味😋 而芝士好足料 每啖都會係到蟹肉沙沙醬同芝士三重奏 好滿足😍😍 而nachos 都好脆(唔計放耐左) 同大份 所以要襯熱食呀😋🤤Surf and Turf ($288)呢個surf and turf 反而有啲失望😕 隻蝦十分之乾又鞋 煎唔到香味同鮮味😞 而牛排係肉眼排 但好多筋位 而且肉質好鞋😖😖😣 我地叫5成熟但邊位可能有7成熟 有啲失望😞 最好食應該係啲薯條😅

侍應上錯甜品，我們吃了幾口才發現是錯的，然後跟侍應説想更換正確的甜品，那侍應説「我知道是錯的，不過要問一下經理」。(若果他們知道做錯了，為什麼不早一點主動承認，幫我們更換，我想他們是想隱瞞事實)。經理走過來說我們吃了幾口，不能換，如果他准許我們換，他會被廚房罵 😅 (但其實如果我們沒有吃，又怎知道是錯的，況且他們明知是錯的，不承認錯誤，還要推卸責任)，最後我們唯有照食。。。然後埋單時發現收貴了$10，經理説因為甜品按我們要求加了個生日牌，但侍應完全沒有事先跟我們說要加錢😅 (這樣你事後收多少錢也可以吧) 。最可惡的是，我們臨走的時候，侍應跟我們說 「bye bye 唔好翻黎啦」，態度非常輕佻。😡其實一直以來，我們都比較客氣，沒有提出過無理的要求， (我們也沒有當場追究他們把4成熟的牛扒煮成8成熟)。不過對於上錯甜品的事件，真的覺得有點委屈，我們只是糾正錯誤的東西，想要回正確的食物。貨不對辦是觸犯商品說明條例，同事明知錯誤，還以不屑的態度對待我們，好像做錯了的是我們😅 是有史以來最不愉快的用餐經驗。後來看了評論，才發現很多人都對該餐廳的服務態度有所不滿，希望本餐廳能正視問題，糾正風氣。

係觀塘海濱長廊跑完步，換件衫就過嚟附近的海濱匯的Flames食晚餐。餐廳位於商業大廈入面，人流多是樓上的員工，入座率高。雖然餐廳細細座位唔多，但係員工比例較高。我同朋友分別叫了意粉和小食，大家share食。香辣炸雞，炸雞大大隻，而且份量多，十分抵食。澳式雞鹽薯條，粗幼適中嘅薯條，現炸嘅薯條送上枱仲熱辣辣，，絕對岩weekend chill一chill。蟹肉香草忌廉蕃茄汁扁意粉，蟹肉份量多絕對有驚喜，意粉creamy得嚟唔會好”流”，每條扁意粉均勻索晒醬汁，推薦！香草蕃茄汁燴牛面肉扁意粉，牛面肉質十分嫩滑，而且好入味，不錯。

之前同朋友行海濱長廊，他介紹到這裏吃飯。上次已經覺得這間餐廳環境寧靜，食物質素不俗，今天和朋友在牛頭角睇完開倉，帶他來試試。同行友人行到成身倦，叫杯啤酒潤喉，飲啤酒又點少佐酒小食😂前菜叫了二份，第一份係炸魷魚圈，份量不少，炸漿夠薄，食落香脆可口！第2份前菜選擇蟹肉粟米片，粟米片上有蟹肉碎，配蕃茄莎莎醬。一攞起食原來仲有芝士加拉絲效果。蟹肉粟米片有芝士，有拉絲效果，大愛芝士，配合酸酸的蕃茄莎莎醬，好開胃！食完兩個前菜，已經飽咗大半，叫多一份主菜分享，我想食薯條，於是叫了半隻香辣燒雞配薯條。隻雞好滑，配埋個辣醬，好惹味！薯條香脆，入面有滿滿的薯泥😍餐廳座位分室內及室外，如果坐室內，最好留位，因為假日也頗多人。食完飯後，和友人沿着海濱走廊散步，很是寫意！

星期日到海濱長廊行下，行到黃昏時分，肚都餓扁了，找到附近有這間餐廳。餐廳內有很多家庭客，外面有草地，好適合小朋友奔跑。蟹肉他他焗玉米片 $128有兩款玉米片，我們選了蟹肉他他。玉米片上有沙律醬汁、蟹肉、蕃茄及酸瓜切粒，脆脆的玉米片加上他他醬，酸酸地幾開胃。1/2葡式香辣燒雞配薯條 $188半隻燒雞都好大隻，一上枱便聞到雞皮烤得很香。與朋友一人一半，都分到很大份雞肉。雞脾肉滑溜，點一些辣醬更加惹味。薯條炸得香脆，充滿了薯仔肉。燒大蝦配香草蕃茄汁扁意粉 $158有兩隻大蝦，蝦肉開邊去腸，方便食用。扁意粉煙韌，充滿了茄汁味，醬汁酸酸地幾開胃。

原來觀塘有條天橋係打咭位！假日就去左呢邊影相打咭然後再去食個late lunch！呢度嘅Peri Peri燒雞好出名當然係必點之選！Peri Peri Chicken外皮燒到微焦，香而無苦澀味塊皮好香脆！雞肉肉質非常嫩滑juicy連雞胸肉都完全唔鞋㗎好味嘅嘢當然值得等待，呢隻雞係即叫即烤，大約要等10分鐘！Soy Glazed Cod Fillet鱈魚肉質比較實淨，感覺應該overcooked 左！Chicken Salt Fries薯條好有薯香而且每一條都炸到外脆內軟炸得夠乾身！加上撒左啲辣雞粉，更加好味！真係食唔停口Ice Mango Tea