Flagship

營業中

休息中

同朋友去灣仔搵食，俾我哋搵到一間個個都話隱世又好味嘅，又非常有特色嘅fusion餐廳。餐廳地方雖然唔係好大，裝飾就用咗好多船同埋海嘅概念～ 非常舒服～ 又店員都好客有禮，同我地傾咗好多計同分享～ 整晚夠滿足☺️🥢自家調製紹興酒藍青口平時忌廉白酒煮青口就食得多，估唔到紹興酒配青口味道非常特別。有啲似用酒黎醃製青口，有啲似日本漬物，滿滿濃厚啲酒味入晒每隻青口裡面，食完又有啲酒嘅甜味同甘味～ 非常喜出望外🥢特色卡邦尼意粉意粉似係濃縮咗大量芝士烹調，每啖都食到滿滿芝士味。材料用上中國金華火腿同蠟味肉去代替平時食到嘅煙肉。味道比平時更加濃厚重味，強烈的回甘和鹹香味道，大大提升整碟意粉的味道。🥢紐西蘭脆皮三文魚真係超！脆皮！同時魚肉剛剛好夠熟，肉質唔會柴口。味道唔錯～

Flagship係灣仔已經係出名既隱世特色餐廳，之前我都已經去過好欣賞佢地菜色既創意😋今次同朋友再次回訪一樣咁有驚喜🫶🏻位置雖然不多，不過分左兩層，同朋友坐係上面個層都幾舒適，可以靜靜地傾計😆✨法國香草焗田螺依個田螺上黎已經好香香草味，食落去亦啖啖肉好香～好好味😋

✨21天熟成厚切豬扒
一向對豬扒有少少抗拒，因為實在好難煮得好食🙈豬扒真係好厚身，但肥瘦程度岩岩好，而且煎到面頭有層焦香好香！肉質非常juicy同嫩滑，咁厚身既豬扒都處理得非常好👍🏻而且好入味，加埋菠蘿同薯蓉等配菜一齊食又會無咁油膩😝😝依個好推薦呢～✨特色卡邦民意粉✨依個係好有記憶點既一個招牌！係意大利菜同中菜既fusion，用左金華火腿同臘味肉黎代替左傳統既煙肉🤤食落去多左一陣鹹香🤤但仍然保留到卡邦尼既味道👍🏻超好食！上次黎已經食過，今次再回訪都係要再叫😋

呢度係中國和意大利風味融合的餐廳，這次的用餐體驗真是令人驚喜。他們的獨特創意將兩種不同的美食文化結合在一起，打造出一系列引人注目的菜品。我特別想推薦他們的「臘肉意粉」，這道菜是中國風味的臘肉和意大利意粉的結合。臘肉的鹹香和意粉的綿滑相得益彰，帶來了令人難以抗拒的美味。另一道令人驚艷的菜品是「紹興酒青口」，這是中國傳統紹興酒和西式青口貝的完美結合。青口貝以紹興酒為基底進行烹調，融合了酒的香氣和海鮮的鮮甜。這道菜散發出一種獨特的風味，讓人回味無窮。

船街隱藏咗間fusion餐廳精緻嘅西餐 加入中式元素 好特別✨自家調製紹興酒藍青口原本以為紹興酒味道好濃烈原來配埋藍青口味道好特別有藍青口嘅鮮甜味 又有酒嘅香味✨紐西期蘭脆皮三文魚三文魚煎得香口 表皮好脆魚肉好嫩滑 好香魚油 可以點埋特製醬汁 令味道更豐富✨特色卡邦尼意粉唔係普通嘅卡邦尼意粉係加入咗中式元素用咗金華火腿 臘肉取代火腿味道更香濃 又夠creamy 👍🏻餐廳仲有好多特式fusion菜下次再試下先 😉😉😉

𝕐𝕠𝕦 𝕤𝕙𝕒𝕝𝕝 𝕒𝕡𝕡𝕣𝕖𝕔𝕚𝕒𝕥𝕖 𝕥𝕙𝕖 𝕔𝕣𝕖𝕒𝕥𝕚𝕧𝕖 𝕒𝕟𝕕 𝕕𝕖𝕥𝕒𝕚𝕝-𝕞𝕚𝕟𝕕𝕖𝕕 𝕗𝕦𝕤𝕚𝕠𝕟 𝕚𝕕𝕖𝕒𝕤👾聽朋友介紹有間位於船街既隱世西餐廳🍴，真係隱到以為自己去錯街道🙉，係尾尾位置行幾步樓梯，會發現特色木牌匾寫住 “Fla舟ship”🛕you have arrived.由於同👦🏽食飯，都真係要嗌兩個主食先可能會夠。一個揀左21天熟成厚切豬扒，size 都唔細👅，肉腍得黎好 juicy。Sides 有燒得靚靚既菠蘿🍍，topping 有薯蓉🥔同洛神花蘋果蓉🍎，仲有焗蒜頭🧄，整體係好融洽既組合🧘🏽‍♂️。🐖21 Days Dry Aged Pork: Marinated & Slow-cooked for 12 hours, sides with Grilled Pineapple, Baked Garlic, and Apple & Roselle Puree | $338另一個主食揀左黑松露蘆筍意粉🍝，意粉有咬口，滿滿的黑松露香味😚。Yee?! 蘆筍在哪🤺？原來蘆筍已切粒攪拌係意粉中，每一啖都會食到🎋。面頭仲有幾片炸蓮藕薄片🥠，當平時食零食好正喔🤪。🍄Truff

千層脆窩夫油封鴨脾賣相：🐧🐧🐧🐧🐧味道：🐧🐧🐧🐧🐧菜式組合極為豐富，除了主打的千層脆窩夫，以及油封鴨脾，還有大量瓜菜和美美的太陽蛋作伴，非常抵食。千層脆窩夫外層焦香酥脆，內裡軟熟具層次感，一口咬下，鬆化可口，牛油的鹹香滿溢，非常出色。油封鴨脾肉感厚滿，皮下脂肪均勻分佈，經過長時間的低溫油封，鴨脾肉質柔軟而結實，味道酥香絕不死鹹，滋味一流之選。特色卡邦尼意粉賣相：🐧🐧🐧🐧🐧味道：🐧🐧🐧🐧🐧意粉別具特色，採用了金華火腿和臘肉，取代常用的煙肉，為意粉添上一抺中國色彩，鹹香中帶有淡淡的甘美，焦燻的味道令人欲罷不能。意粉彈牙可口，軟硬合適，每條都富有濃郁的芝士味和蛋黃香氣，豐盈的滋味令人上癮。咸蛋黃醬凱撒沙律賣相：🐧🐧🐧🐧🐧味道：🐧🐧🐧🐧🐧沙律菜非常新鮮，入口清爽又甘甜，醒胃又消滯，冰涼的口感非常清新，作為開胃前菜十分理想。表面淋上咸蛋黃醬，為清淡的沙律添上一抺惹味。環境：🐧🐧🐧🐧🐧餐廳以復古海洋風作主題，以不少特色的裝飾作點綴，木製百頁窗、扶手、舊式油燈、多款海洋主題畫飾，令人彷如置身於舊式船艙之中，風味十足，值得到此一遊打打卡👍🐧❤️結語：裝修用心極富特色，打卡必去。

餐廳位於橫街盡頭 比較隱蔽主打中西fusion創意料理氣氛有情調 適合節日慶生樓高2層 位置不多平日晚上都滿座 建議先行訂座⍢自家調製紹興酒藍青口 $78青口不一定要配白酒 原來配紹興酒都很出色～每一隻藍青口都相當入味 品酒愛好者必點！特色卡邦尼意粉 $238意粉麵身煙韌彈牙醬汁以蛋黃取代忌廉 味道濃郁配上煎得微焦的金華火腿及臘肉比起平時用的煙肉肉味更濃 口感更好不得不說這個組合出奇地夾～21天熟成厚切豬扒 $338經長時間製作的熟成豬扒厚切 煎得微焦 但肉質依舊鮮嫩帶有淡淡風乾火腿味道配上特色擺盤又精緻的薯蓉菠蘿菠蘿的清甜多汁更點綴整道菜式已bookmark下次去吃其他創意菜式！⧐𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣：♡♡♡♡♡/5⧐📍Flagship灣仔船街35號地舖#foodiegoodie_chaiwan

今天和朋友外出覓食，意外經過一間餐廳，見環境幽靜便走進去。我們叫了三樣菜式，各具特色。首先法國香草脆田螺：服務員上菜時有特意介紹這田螺殼外形是可以食用的，品嚐後覺得外脆內嫩，天螺肉很新鮮及嫩滑，香草的芳香使整道菜味道濃郁，增加了口感的多樣性。其次特色卡邦尼意粉：特色卡邦尼意粉的醬料搭配非常恰到好處，不會太幹或太濕。醬汁非常順滑及濃稠，完美地與麵條融合在一起，麵條保持很好的嚼勁和彈性，讓每一口都能夠品嚐到濃郁的風味。最後上來的厚切豬排，豬扒很厚切，分量很足，質地嫩滑多汁。豬扒配蒜頭及紅蘿蔔，提升了口感及口味。這次晚餐不管在進食環境還是口感上都很滿足。

灣仔船街有間好特別嘅fusion餐廳 - Flagship。餐廳有2層，用上木板同白色裝修佈置，完全感覺到好似係船上用餐。中西合璧既烹調方法，每道菜式都好味道。員工亦非常好，逐一介紹菜單俾每枱客人。麻唔辣四川蜆呢個嗰名咁特別嘅川菜口味嘅煮蜆，係名符其實嘅唔辣，但保留哂所以川式麻辣其他嘅香味同味道。可以花椒八角嘅味道帶起蜆嘅鮮甜同時令你食得無咁大負擔。避風塘豬排豬排用咗厚切嘅黑毛豬豬扒，豬肉本身肉同油脂比較已經好好，果然靚料已經贏在起跑點。用港式避風塘嘅整法啱啱好平衡到豬嘅油脂，令到更加香口。香茜青醬意粉加入芫茜整嘅青醬真係我嘅最愛。整個意粉每一啖都充滿芫茜味，我覺得直路fresh嘅感覺比起以前食過嘅都要高。醬汁嘅稠杰度都控制得恰到好處。基本上食完碟都不留一點汁，因為已經掛哂係意粉上面。

位於灣仔船街盡頭，見到呢間特色小店，好似去咗外國小店，門口仲有張凳影相位可以坐下打吓卡，都幾靚。見到佢餐牌，又真係幾特別喎，有好多中西合璧嘅食物。特色卡邦尼意粉西式白汁卡邦尼意粉，再加埋金華火腿、臘肉，一個咁特別嘅配搭，一定要試吓❤️因為本身我都好鍾意食臘味，所以呢個配搭我覺得好好味！煙燻鵪鶉髀未食過鵪鶉髀，第一次，鵪鶉髀好香口，大人細路都鍾意食嘅小食，細細支揸住嚟食！👍21天熟成厚切豬扒Dry age pork ，唔係太肥，又唔會太dry，連啲配菜都好好食，啲配菜： 青豆、青瓜、沿着蒜頭，都煎到好香口，一啲都唔馬虎！

灣仔 Flagship今日去咗灣仔船街嘅一間fusion餐廳，西式得來亦都有一啲中菜嘅特色。自家調製紹興酒藍青口$78改用紹興酒而唔係用白酒煮嘅青口相當有特色，每一隻青口食落去都有相當濃烈嘅紹興酒味，非常之入味。21天熟成厚切豬扒 $338豬扒係用咗低溫慢煮12個鐘頭，而且非常之厚切，咬落去仲要爆汁勁Juicy，而且豬扒仲煎度有啲焦香，配上洛神花汁非常之解膩，配搭完個燒蒜頭都非常惹味。特色卡邦尼意粉 $238呢度嘅卡邦尼意粉好特別，用金華火腿同埋臘肉嚟代替煙肉，食落去都幾夾，而且比較重口味鹹少少。

阿女同事介紹灣仔有間特色餐廳叫Flagship，主打多國菜美食，加入中式元素的食物別有一番風味。今日阿女就同我一齊過嚟試吓，餐廳裝潢簡潔清新，屬隱世特色西餐廳。法國香草脆田螺，外層係用威化雪糕筒做成，將法國田螺和香草釀入，口感外脆，田螺充滿牛油和香草汁味道。紐西蘭脆皮三文魚，紐西蘭三文魚無基因改造、沒注射抗生素、沒使用荷爾蒙生長激素和化學飼料養殖、符合天然食品安全原則，三文魚用了刺身級別，魚皮煎得脆口，魚肉鮮嫩，魚脂甘香，伴碟的蔬菜和菇類亦燒得又香又爽脆。特色卡邦尼意粉，意粉改用中式臘肉和金華火腿，所以味道比煙肉更濃郁同更有鹹香，意粉軟硬適中，濃郁芝士醬汁沾滿每條意粉，中西合璧，味道方面真是另一番風味。

今晚叫了個紅菜頭沙律、牛扒和檸檬tart紅菜頭沙律$158，但份量非常少，賣相也只是平時食套餐的前菜一樣，味道尚可，是用黑醋混合沙律醬紅菜頭，開胃主菜叫了個牛扒，侍應說是350g，目測應該沒有，而且大量的肥膏和咬不開的筋，一塊扒應該最多吃到2／3，價錢$558真心不值餐牌上的甜品也不是全部有，檸檬tart不過不失，很多cream，味道尚可，價錢$68見仁見智今晚沒有叫飲品，評論不到（見隔離枱飲酒都飲得幾開心嘅）

位置比較偏 但係d野食質素真的不錯 生蠔正👍🏻然後個八爪魚都好好味 豬排好特別 牛排差左小小 不過整體都係好好味 值得食。 最後個甜品超級出色 菠蘿雪芭都好味 焦糖泰式奶茶味既燉蛋 真係太出色

灣仔內街有唔少美食，而今次推介船街最尾有一間隱世高質餐廳Flapship。餐廳採用白色為主調，呢度主打Fusion菜，中港西式合壁，雖然Menu得一頁，但好多菜式望落都幾吸引，最後經過店員推薦揀左三道菜。前菜叫左「麻唔辣四川蜆」，一上枱已經Feel到麻椒的香味，蜆肉每日新鮮運到，大大隻同埋肉質夠晒飽滿。蜆肉食落去超新鮮，唔會有任何腥味，而湯汁唔鹹，清清地，帶有蜆新鮮的海水及麻椒味道。湯汁點完法包之後仲有剩，最後我地直頭係拎黎當湯飲。由於我地都係芫茜控，所以當係Menu見到香菜青醬意粉就覺得係必叫。青醬意粉就試得多，以芫茜整的青醬真係未試過，未食之前都有少少擔心究竟係咪Gimmick而唔好食。不過上枱後的香味已經消除左我的憂慮，食落去每一啖都充滿芫茜味，但又唔算好搶，整體上味道都幾平均，而意粉都做到Al Dente的效果。最後就係黎到Flapship的其中一道必叫主菜「避風塘豬排」。豬排用西班牙伊利比亞豬，非常厚切。豬排上面舖滿炸蒜，炸蒜下面就加上一層秘製的蜜糖芥末醬，非常惹味。由於豬排質素比較好，肉質比平時食開的豬排嫩滑彈牙。而配菜尤其係烤蒜頭都整得出色，配埋豬排一齊食又有另一番舌尖上