Factory 99

營業中

休息中

一二月份嘅生日之星揀咗呢間地方開餐我哋一班同事都未試過，所以試吓先見佢嘅裝潢都幾吸引然後望下個餐牌啲價錢都算OK跟住見到嘢食嘅份量就覺得性價比幾高我就揀咗鮮果三文魚沙律有啲意料之外嘅係，佢入邊有三款生果分別有蘋果，哈蜜瓜同菠蘿而且啲生果切嘅大細粒係好大粒嘅菠蘿亦都唔係罐頭菠蘿，係新鮮菠蘿切成呢度我加咗啲誠意分俾佢👍🏻👍🏻👍🏻不過就略嫌啲三文魚鹹咗少少🙈咁佢附送嘅餐湯到可以而個飲品就好普通，我嗌左蜂蜜紅棗茶略嫌甜左少少不過一大班人嚟呢度開餐都唔錯

晚餐來試整體食物非常普通 同茶記無差 mushroom risotto 無咩味 亦無咩mushroom味好似食無味飯咁另外叫左rib-eye牛扒好難咬 雖然價錢是不貴 但也不見得成正價比

約左朋友係觀塘食飯，知呢邊出名多CAFE就上網SEARCH左呢間一去到都覺得個裝修好靚好有FEEL，好多擺設好靚，樓底又好高!連個menu 都好吸引!咁我地2個人就叫左個SET DINNER! 好豐宙!首先係餐湯 同埋 包，個湯好濃好好味!D法包又唔會太乾幾好食!跟住主菜係漢堡包，有磨菇、芝士、巴拿馬火腿，呢個包加埋D醬幾好食，好JUICY!D薯條又好夠粗!跟住到扒同薯餅!個黑椒汁好好味，D肉唔會過熟! OVERALL 都好味!同朋友坐得幾舒服傾得好開心!

一年前黎食過一次，印象其實好差，果次係因為食物質素欠佳，記得有個白汁魚柳，啲白汁杰到係覺得全部都係麵粉團黎，自此之後就冇再諗要黎食。但今次係朋友話要黎，就即管再畀次機會佢啦。一入門口，已經感受到網友寫話態度差既感覺，超大聲問人幾位，你坐呢度，你就坐果度，呼呼喝喝咁，真係唔係幾好受。我地兩個人坐左係大台，想問有冇其他位，佢又勁冇禮貌咁叫我地坐入房，點知我地其中有個位係兩張長椅拍埋，要坐中間個罅位，講真一唔小心真係會坐坐下跌，或者隔離個人大力少少推開都會跌，危險不在話下，真係坐得好唔舒服，但由於廢事又畀人黑面，唯有死死地氣坐啦。朋友飲白湯，佢話偏淡味，入面冇咩料，似飲水咁。我飲紅湯，尚算正常，不過個人比較喜歡加紅羅白而呢度係冇既，同埋我喜歡少少偏辣既味但佢完全唔辣，所以完全唔對我胃口。到個越南粉，一上菜既時候已經冇乜湯，所以根本食兩淡就已經冇哂湯咁濟，我依家終於明點解出面啲越南粉餐廳係會有好滿既湯因爲河粉真係好快會索哂啲湯。但由於又係怕拎湯會畀人黑面，我真係唔敢出聲，唯有硬食。扎肉唔錯不過其實都係出面買現成返黎既味，肥牛略嫌少同林得濟，我想食有口感啲既肥牛，最後我冇辦法食哂，太乾，完全食唔

趁住年尾清假，過咗去觀塘搵朋友食個weekday Lunch，我地想平平地食個西餐，於是就去咗Factory 99，鐘意佢選擇夠多又抵食。位於觀塘商業區入面嘅Factory99，距離觀塘mtr只係5分鐘左右嘅路程，就喺apm後面嘅巧明街，超方便👍🏻而且餐廳係喺工廠大廈入面，地方大，樓底高，有好多座位，但佢依然次次lunch都好爆，想食又唔想等咁耐就要早啲去拎位。呢日我地唔好彩😂坐正近門口嘅等位地區，要喺人群入面食，俾人瘋狂撞背脊同張櫈😂🙈呢到嘅lunch set，包凍熱飲&湯，湯仲可以揀紅湯白湯中湯。⭐️美國IBP肉眼牛扒配芥末燒汁薯條 $80$80大大塊牛扒，肉質嫩滑唔韌，咁嘅價錢咁嘅份量稱得上抵食夾大件。薯條唔算好凍，lunch time多人落單，廚房都要快手整定趕出菜，都明白嘅。⭐️北海道帆立貝黑松露天使麵 $68元貝三大粒，稍微過熟乾身，天使麵份量較多，有微微嘅黑松露香味，醬汁份量啱啱好。⭐️凍檸茶呢到嘅凍飲唔洗另外加錢，鐘意飲呢到嘅凍檸茶，茶味香濃又唔澀，茶底唔錯👍🏻

呢間係同事們成日去嘅飯堂 我都食過幾次 幾篇食評都唔錯咁 不過我就覺得冇想像中咁好茶餐廳/西餐廳菜式 味道普通 份量係多嘅 不過平日lunch hour真係太多人 等位耐之餘上菜都好慢 要食好快先可以唔遲到返去

觀塘唔知係幾時成為左工廈美食嘅代表。放工係需要時間俾自己身心休息一下，而去一間好食嘅餐廳先係冇虧待自己嘛。呢一道係龍蝦湯蟹肉長通粉。龍蝦湯嘅味道好出，每條長通粉都掛住龍蝦湯汁，每一啖都係龍蝦湯。至於長通粉，我就覺得口感略為硬左些少，鍾意食開硬身嘅就會覺得有口感，如果唔係就建議煮多一陣。第二道係大蝦伴豬胺，仲有配菜薯條添。大蝦煎得過咗火，食落比較韌同鞋。豬胺就煎得好出色，食落一啲都唔韌之餘，仲有肉汁。唯一有少少彈嘅就係煎得個皮唔夠脆。二百蚊左右已經包哂starter，soup，main course，desert，同飲品，算係咁。餐廳嘅整體感覺都好似外國嘅酒吧，空間十分之大，最適合約埋三五知己一齊去夜晚食飯吹水。

午餐用膳一小時, 打工仔爭分奪秒享用午餐, 今次來到Factory 99, 貪佢食物好味款色多, 而且地方可容納100人在收銀處等一會便安排入座, 是日午餐有12款揀, 我選了F 馬來亞黃咖喱牛肋條配意粉, 凍華田, 這裡凍飲不加費喔. 這裡食物出名份量多, 看相片就知道所言非虛, 意粉下還有不少的炒過的蔬菜, 相對外出餐廳放白灼沒有味道的伴菜之言, 這個很加分.至於咖喱牛肋條, 咖喱香辣美味, 牛助條也容易咬開, 沒有很老, 乾柴的問題.這裡的餐牌, 定期會轉換款式的, 下次再光顧時, 可能就沒有這個餐了.

一間食餐廳。一個飯堂。一個工業區飯堂。基本條件就係要menu 。今日係觀塘搵食。經過一個工廠門口。個menu 超吸引。上到去華麗特別裝修。心諗唔會死錯人掛!其實我既時間係大概三點三至三點半到..有午餐和下午茶時間.兩個menu 去點..咁點左個午餐後。轉頭同我講「賣晒」。咁我再問有邊幾款無。10個餐無了五個。好啦！聽佢講食雞扒啦。飲緊湯時同我再講..有賣晒。大佬下午茶餐都有幾款無。午餐剩下的得幾款..最慘個幾款係蕃茄。我唔食得！最後一肚氣叫左個唔想食既意粉。唔係飲左個湯。杯檸茶有來左。講真我想起身走。本人做過廚房。一般餐廳既午餐係經常定左模式。所以訂貨執碼一般好小缺貨。一般一個午餐時段10幾款。通常賣晒大概兩三款。正常大路牛扒。雞扒。豬扒唔會缺得咁離譜。咁大間餐廳過千尺。預午餐邊會預得咁差。連基本訂貨都可以咁差。真心懷疑個廚有幾叻..

如果想食吓扒，或者burger,但係又唔想用百幾蚊食個lunch咁奢侈。位於觀塘工業區嘅Factory 99就係一個唔錯嘅選擇。呢間餐廳位於工厦入面，要上2層樓梯先到。一路行樓梯，已經覺得佢地個裝修好有心思。沿途的牆上掛咗好多懷舊嘅西方名星照片，而餐廳內的空間非常之大，全部都係大大張嘅木枱配上木椅，天花中央掛著大大嘅水晶燈，再加上牆上嘅飾物架芝擺滿各式各樣西洋懷舊擺設、玩具、公仔，十分有西洋古老大宅嘅感覺。雖然門口安排入座嘅人員態度麻麻地，但入面負責落單嘅姐姐就幾好人。食物方面，雖然有厚切朱扒、牛扒、焗朱飯、牛肋條、天使麵……多款選擇，但我地一行6人，全部都俾burger吸引住，全部都叫晒"F99美味漢堡"(牛肉),或者"雞扒芝士竹炭漢堡"。當中，牛肉漢堡嘅質數比起雞扒漢堡好D，牛肉夠厚夠味道，值得一讚嘅就係牛堡面層嘅麵包外脆內軟，口感極好，而且做可以揀鮮果沙律做配菜。再加上份量充足，連胃口大嘅男士都夠晒飽。一個餐大概$70,有湯有主菜有飲品，性價比算高。1

黑松露半流心芝士和牛漢堡 +沙律佢話有半流心地感覺,但係...完全唔覺😂😂個包裏面有啲乾, 一啲都唔juicy不過勝在份量大件夾抵食, 和牛漢堡的牛肉分量 做到一比一 抵讚 !呢間工廠餐廳地方又夠大就算係lunch time嘅時間, 都好快有得入!觀塘嘅打工仔可以一試

- 點了一個牛扒breakfast,食物質素ok，價錢尚算合理。Ordered the steak breakfast set. food quality is okay and price is acceptable.- 可以appreciate 既係coffee可以無限添飲。One I appreciate is the free coffee top up.- 餐廳不設八達通/信用卡十分落後如第三世之餘，比cash你慢少少都黑你面。However, the bill cannot pay in Octopus or Credit Card, like a third world standard. Even they behave impolitely when paying cash in rather slow speed. 

匆忙係青衣食完早餐，就跟朋友車剷入觀塘找另一個friend食Lunch，去到門口望望附近先知好耐以前食過~~~究竟甘耐無幫襯，水準會否依舊呢？進入門口前，沿途樓梯兩旁擺滿各類畫報，仿如帶你時光隧道~~巨型的牌面非常吸睛~~~内在環境採用木紋設計，空間寬落，使人有種置身在木屋既感覺~~黑松露燴牛肋條（配薯條）$62 - 薯條炸得甘香，牛肋條燴得夠淋，醬汁亦夠開胃，唯獨黑松露味唔太能夠食出來~F99美味漢堡配薯條 $72 - 牛肉質感細嫩，配以cheese同黑松露，十分惹味~~~鮮果三文魚沙律 $68 - 好大份~~~三文魚、鮮果配上新鮮蔬菜及酸甜醬汁，十分開胃同抵食~~~一道十分普通的卡邦尼螺絲粉，驚喜欠奉~~整體感覺好像比以前稍微失色，但性價比仍然存在~~~

Lunch 同事們帶我去食，上到去全場都好full，好彩仲有張大枱🙂 我叫左個焗豬扒飯，不錯啊👍🏻👍🏻 首先番茄醬味夠，豬扒幫你剪開咗一嚿嚿，好方便，肉質好滑👍🏻有水準！ 同事就叫左其他排食，佢地都好滿意👍🏻

睇左幾篇評論都有講話呢度服務態度唔好，我仲以為只係人夾人嘅問題，點知黎到就知道真係出事喇。事關有個唔需要著制服嘅女人安排左我地坐高枱，咁我當日著住對平底鞋，轉下腳就唔小心甩左，個女人經過我張枱果陣就係咁望住，跟住就行埋黎叫我著返對鞋啦就轉身走左 lol 咁我又唔係特登除左鞋嘅，於是我嗌左佢返黎，問佢做咩態度咁差啦，佢話比我坐高枱唔係比我剝鞋，如果我唔開心就講聲唔好意思囉！咁其實好小事啫，不過個人咁高要求就唔好做服務業啦唉，個客又難受自己又神憎鬼厭咁何必呢？我就一定唔會建議朋友黎咖啦！