Factory 99

營業中

休息中

訂了中午十二時食晏，到達後到櫃面職員講，只問我幾多位，完全沒問貴姓，除即指著帶位員講兩位，我同帶再講訂了枱，佢一句：‘都一樣，二人枱已沒有’都不在話下，指我去一張六人圓枱，就在水吧位前面，我忍唔住回佢一句：‘即訂唔訂都完全無分別！！’帶位員即向我藐嘴沒回應😑未食已經一肚氣👎🏻👎🏻👎🏻

本身唔係特別鍾意食漢堡包嘅的人總係覺得好乾好硬，呢個黑松露漢堡完全超出我所料juicy之餘再加上佢特製嘅醬，簡直係perfect match食到停唔到口！！！跟餐配嘅沙律，平時係餐廳食嘅都係罐頭沙律，今次居然俾我見到一大舊橙同火龍果其實食完個漢堡已經8分飽，但係水果係另外一個胃加埋一杯野飲一碗湯（好似平時有忌廉湯，今日咁啱無得賣，有d可惜），全部加埋都係$72蚊，我地係2點左右食，仲有優惠。飽到上心口，cp值非常高

Factory 99－位於觀塘巧明街。由觀塘站大約5分鐘路程。未到餐廳已見其陳列擺設。擺設一直以店舖滲透到走廊以至每一個角落。餐廳裝修偏向古典, 店主於世界各地悉心搜羅各色各樣的陳列品。羅宋餐湯配蒜香多士味道香濃, 材料十分豐富。US頂級牛肉黑松露溶芝士漢堡 $72牛肉味非常香濃、鮮嫩。肉汁非常多, 口感難以言喻。厚切薯條, 香脆可口。必食之選！焗芝士大咖啡菇配意式茄醬 $58芝士香濃, 咖啡菇口感軟滑。值得一提, 配菜薯蓉非常creamy, 質感軟滑。

朋友推介CP值高的西餐廳，門口好低調，但走廊沿路好吸精，好多懷舊掛牆，好 vintage feel，仲有塊大大塊用鐵造@「FACTORY 99」，好吸睛。餐廳佈置充滿西部牛仔風味，座位多，兩點入座仍然九成滿座。Set lunch有羅宋湯飲，湯料特別多，紅蘿蔔、洋蔥，湯料夠新鮮，唔似一般茶餐廳質素，多士好脆好香，印象分高。主菜叫左個肉眼肉扒配薯菜，扒size有一個半手掌咁大，好juicy，薯條大大條、熱辣辣。餐廳店員熱情招待，傳菜姐姐會成日講：有得食啦，好得意。

今日要full day 在觀塘聽talk，lunch hour 朋友推介CP值高的西餐廳，佢帶路向牛頭角方面，行過工廠區，突然話到，走過走廊，好多懷舊掛牆。餐廳佈置充滿西部牛仔風味，座位多，入座人數都好多。Set lunch 包餐湯，小多士，飲品。本來想食雞脾沙律，可惜售罄。餐湯只有羅素湯，湯料豐富，好多紅蘿蔔，多士好香口。香煎紐西蘭紅皮雪魚柳飯($55)，魚柳出奇地係鮮魚切成，因為d魚有骨，好在大條咬得出，但汁太多。因為我地1:45pm，仲有9折優惠👍🏻

99對官塘打工仔黎講算係不錯選擇，每逢happy friday, welcome lunch, farewell lunch都經常會揀到，因為地方夠大，環境算幾特別，食物種類夠多，而且經常會轉下餐牌有d 新嘢出。今日happy friday, 又一大班同事去食，見餐牌有新嘢出，日式冷天使麵配吉烈蠔蟹柳。吉烈蠔炸得多脆，咬落入面重熱，蟹柳兩條普通用醬汁煎煎，味道普通，不過天使麵就唔錯，唔會太淋，d日式芝麻醬撈埋個天使麵味道勁開胃，麻醬如果太多就會成碟嘢好咸，好彩呢個啱啱好。重有小小紫菜係面，撈埋d麵食真係幾唔錯，如果青瓜絲再切幼d就更好喇！希望之後呢個餐都會係餐牌到再出現返抵食！配埋嘢飲同湯再打個九折都係54蚊。

今日出開觀塘做嘢，去返 Factory 99 食 lunch因為轉左工，已經好耐無嚟過啦，但佢個餐牌依然係咁吸引囉叫咗個鱈魚柳意粉，巧巧味呀~ 魚柳炸到外脆內滑，D汁夠味吾太咸，份量又岩岩好 下次去觀塘一定再嚟~

今年既復活節加清明節，就好似放左個悠長既假期咁，好可惜話咁快就要番工，個個都藍色星期一啊。 中午飯就緊係要同同事食好啲去平復下心情啦～gogogo!今次就揀左係公司對面既factory 99，其實好耐之前食過一次印象係好食既，所以今次再試真啲。果然無失望！好食！好彩我地早啲出發，晏小小就見到好多人等位我地仲叫左個漢堡包，一黎到同事太餓又太吸引，相都影唔切😂個包夠晒大份，入面個漢堡扒好juicy. 不過因為太大個就食得有啲狼狽。總括黎講都好好食，啲野食上得好快，岩晒得1個鐘午飯既打工仔。不過如果坐係餐廳大堂就略嫌有啲太嘈，回音好大，要同人地鬥大聲講野咁。

星期五的晚上apm裏和附近每家餐廳都人山人海，唯有走遠點，光顧工廈裏的Factory 99。我們點了二人套餐（$378），有麵包、前菜、湯，沙律、主菜兩款、甜品和飲品，不用加一，價格算親民。蘑菇湯吃到粒粒蘑菇碎，好喝😋重點講講主菜，美國肉眼扒好像挺大塊，不過我們切走了很多肥膏，始終肉眼通常比較肥，但口感也比較柔軟，不錯👍🏻冬蔭功鮮蝦意大利飯的蝦很大隻，可惜過鹹，自問算重口味但也接受不了。甜品是焦糖燉蛋，幼滑但欠了點蛋香。看到其他人點的菜式份量都很大，整體來說水準不錯算抵食，希望冬蔭功意大利飯只是一時失手。

和一大班好友相聚，當然地點也有些煩惱。近期來不少工廈食店也成為我的至愛，作為工廈的食店，我對性價比方面要求比較高。這間食店一大早已經從朋友口中聽過，這次有幸來到這裏，一嚐之後......有少少強差人意..... 這店的優勢，地點方便、環境不錯，店舖大不怕沒有位。 環境和擺設都有特色。 我們點了四個晚餐一齊食~~(個天使麵我忘了叫咩名~SOR...) 天使麵處理不錯，乾身，有點辣，味道可口。 扒帶子黑松露汁意大利飯， 這個飯味道不錯唯獨是黑松露的感覺不太突出，或許是因為使用黑松露汁而不是原片黑松露。 美式BBQ燒豬肋骨很有味， 但一切下去，已經散開……是這樣的嗎？!!!∑(°Д°ノ)ノ太散了，同樣一句話，相同的價錢，應該有“很多”更好的…… 美國黑安格斯牛肉眼扒有點失望，我們點的是五成熟，但來的牛扒切下去已經知道不知止五月成， 牛扒有牛味，但很可惜未到不足，要靠醬汁點配。而且，我和朋友也覺得不足16安士....=.=" 晚餐其間發生了一件小事，我和朋友高談闊論，笑聲不斷，我不小心碰到一個職員，我已經立即說對不起，對方不止沒有回應，還對我“黑面

觀塘工廈cafe食唔少，都係中伏居多，Factory 99就係我少數近幾年黎經常返黎食都冇失望既選擇。晚市menu有好多吸引既選擇，我每次都會從一而終地揀豬手。香燒德國咸豬手 set dinner ($199)破開脆皮時聲音清脆，三個拳頭咁大既豬手軟滑無筋，大大塊粉紅嫩肉應聲而落。 咸香外皮焗得夠透夠香脆，脆皮較薄唔怕好似燒肉皮咁硬/韌，未去到起哂pop個種酥脆，但我收貨。 豬手入哂味唔會過咸，唔洗動用燒烤汁同醃菜都唔會膩，份量多到兩個人分都好滿足。伴碟既薯餅焗得金香酥脆唔油膩，係我食過最好食既薯餅。跟餐有芝士焗蘑菇做前菜，香草餐包香到痴線，媲美outback黑糖包。蘑菇湯亦足料濃稠，最緊要係連碟邊都熱辣辣。龍蝦汁大蝦長通粉 ($179)大蝦並唔大，只有4舊雪藏蝦仁同大量雜菌，龍蝦汁味道唔差，但肉類菜式會出色抵食好多。每次都會加$12轉一個甜品做movenpick雪糕，開心過跟餐既焦糖燉蛋好多。 凍檸茶係維他檸茶底，亦主動提供熱水，由細節就睇到有心。全店籠罩住溫暖而明亮既燈光，客人由小情侶、摯友至老夫老妻都有，置身其中有種淡淡既幸福感。好喜歡全店都有懷舊外國海報做裝飾，由上樓梯開始已經

《#Factory99》📍觀塘巧明街99號巧明工廠大廈1樓A室———————————————————SET DINNER：餐包 前菜 餐湯 甜品 飲品📌香燒德國咸豬手 $199好味👍🏻皮脆肉嫩 唔會太咸 食多舊都唔怕🤣📌香煎美國黑安格斯肉眼牛扒(12oz) $239好多肥膏🤭 牛扒好嫩🤤 3成熟有小小生 但都幾好味📌龍蝦汁大蝦長通粉 $179長通粉比較硬身 龍蝦汁就酸酸地但唔太出色 蝦就好新鮮又夠大隻🦐📌墨魚汁麵配海鮮 $169淡淡忌廉味 墨魚汁又無食到成咀都係🤭都ok嘅 海鮮類幾款都幾新鮮🔺餐包：香草味 幾軟熟🔺餐湯：蕃茄湯 偏酸麻麻地🔺前菜：芝士菇 幾好❤️🔺甜品：焦糖燉蛋 幾好味👍🏻d蛋幾滑 又唔算甜———————————————————💬環境幾舒服 地方都夠大 三五知己聚會推薦👍🏻每人埋單$200 都合理 雖然係觀塘工廈黎講有d貴———————————————————byT: 8.5/10instagram: 90sfoodieshare

這天要到觀塘，知道觀塘多「隱世美食」，便預先問了朋友可有好介紹，結果朋友便推介了這間「Factory 99」給我。一進門，我便對這間餐廳印象不錯。餐廳的裝修十分有歐美風格，牆身和地板都選用了仿石的材料，再配上一張張的圓木桌，令人仿如置身於外國電影中的鄉村酒吧，十分特別。坐下來，便馬上點了一個美國肉眼扒配薯菜（朋友特別推介）。這裏的套餐配了餐湯、蒜蓉包和餐飲。剛點完餐，羅宋湯和蒜蓉包便送到了。看到這麼快便送到，我還以為是預熱的，質素會較差。誰知羅宋湯雜菜的味道十分濃郁，再配上濃得來又不會太嗆鼻的辣椒味，十分醒胃。不過，最令我驚喜的卻是蒜蓉包。剛才說過，我以為這裏的蒜蓉包是預熱的，想來是不會太脆。誰知，蒜蓉包的外皮卻是出乎我意料地脆，而裏面卻又保持着軟錦錦的質感，吃下去有雙重的滋味。再加上包的表層塗上了足料、焗至金黃色的蒜蓉，令蒜蓉包吃下去更加滋味。唯一可惜是這裏的蒜蓉包份量較小，很快便吃完了。過了一會，主菜便送上了。而我也多發現了一個這家餐廳的「歐美風格」：份量十足。這裏的碟和一般西餐廳一樣，都是很大的。唯一不同的，是這裏整隻碟子都裝滿了食物！下面是一塊大大的肉眼扒，而上半部分則是薯條和

一向都有食開呢間，係觀塘區食lunch嘅飯堂。都覺得佢大份又好味，但係成日都好難搵位，所以有一排都冇去食了。今日人少少，諗住試吓上去搵位，又好彩有喎。午餐由A至K任揀。我就選左皇牌 F99 三併。中湯 ok, 一貫水準。 F99 三併一上枱，感覺細份左好多。西班牙豬脾有兩舊，好多肥膏同鞋鞋地。德國腸好咸，食左半條only 。 芝士大啡菇唔熱， 可以焗完後放左好耐，唔好味食左半隻。菜同埋薯蓉正常，食曬。雖然細份左，但係因為唔好味，所以我都係食唔曬。餐廳依然好嘈，人依然好多，枱算闊落，服務都快手，但係味道真係差左好多，唔可以再叫好食同抵食了。

自從冇係觀塘番工 就好耐冇黎factory99食飯仲記得以前呢度係我地其中一個飯堂每個星期一定會食一次晏就黎食扺好 有湯有野飲 都係60、70仲要份量好大星期六黎到都有lunch set 估唔到星期六都咁多人價錢由56到80不等 我地叫左F99三拼（配意）同F99美味漢堡 （配鮮果沙律）好快就有湯飲啦 星期六係冇中湯揀得西湯平日建議大家飲中湯 中湯好飲好多呢個羅宋湯 有d酸 mama地 都係粉溝出黎Burger個包皮轉左呢個意式包 好軟熟塊牛肉係鬆散 唔係好札實ge口感不過就一d黑松露味都冇😞三拼有西冷 大啡菇同德國腸份量真係冇得輸西冷 好多根 👎🏻大啡菇 太咸腸就正常意粉好乾價錢份量 冇得輸 味道就還可以