Factory 99

營業中

休息中

觀塘有好多多大大少打工仔飯堂，呢間Factory 99 就係其中一間受歡迎嘅。難得今日返觀塘工作，於是過嚟懷緬下以前嘅味道，見到佢哋個Menu design 好似唔同咗，靚過之前好多我揀咗 A. 美國肉眼扒配蘑菇燒汁（薯條）$80餐湯方面，我揀咗忌廉湯，忌廉味道唔算太濃，不過味道還可以。主菜方面，勁大塊牛扒，同以前一樣，而且肉質豐富，吸晒啲蘑菇燒汁味，好夠味！而且一直都好大愛佢哋嘅薯條，炸得香脆。總括呢間餐廳嘅性價比都甚高，雖然地方大，人流好多，但係佢哋嘅服務都維持得好好，啲員工態度有善，值得一讚

是咁的，放大假，遷就上班的朋友，所以來了觀塘Lunch. 朋友介紹Factory 99. 地方是這樣的: 大部分都是大桌，搭枱在所難免。空間大，沒隔音，嘈左啲。Lunch set價錢還可以呀，沒有加一，凍檸茶無須加錢。我點的是漢堡餐，配菜選了鮮果沙律: > 沙律不錯，是真鮮果 不是罐頭> 酸瓜又幾好味> 牛肉漢堡乾左啲……乾爭爭總算有個地方我們可以好好坐下聊聊天，吃個飯。餐廳不會趕人。地方夠大。當然唔想花太多時間等位就自己早些來。12點半到了，立即可入座，坐到1點45分。餐牌選擇很多，所以可以再黎過~觀塘人就好啦，我黃竹坑無啖好食啊~ >_<

牛頭角同觀塘之間有間好出名嘅餐廳，只要一到午膳嘅時間，佢都一定人山人海，就算預約左，點都要等一等，呢間咁旺嘅餐廳就係Factory99啦！我呢個失業大軍，時間唔多值錢，可以好好咁去排下隊試下呢間野。我叫左焗豬扒飯($57)，跟餐湯同餐飲。今次我就簡左中湯同熱奶茶。中湯我覺得幾好飲，同埋有湯渣可以食下。個焗飯今次就麻麻地，佢地係炒飯底，茄汁落得有點太多，同埋焗得唔夠耐，雖然有放芝士，但略為有點唔夠。但豬扒非常多同好食，肉質好嫩滑，彈牙。呢個茶餐廳價錢可以食到西餐，有餐湯同餐飲，性價比夠高，可以再戰！ 

平時放假都係係屋企食lunch多少有地黎左官超食午餐係點點左一個超級大份既漢堡包餐🍔先黎上將一份餐湯 & 包羅宋湯味道不至太酸酸，不過好多菜，幾岩我口味！lunch可以食到份咁大既漢堡真係唔錯！而且個burger 塊漢堡扒好juice好有驚喜😍😍😍不過個漢堡已經好大個，對我黎講份量有點多。本身我隻手都已經好長好大但對比起塊扒突然變左小手人😂真係好抵食，不過味道方面就普普通通，冇咩驚喜，係勝在夠大份。

和四歲女兒在跳舞表演後去幫襯，點了medium well done 肉眼扒配薯菜，但原來無French fries. 上菜時侍應眼見我女兒扁嘴問點解無French fries, 馬上主動送一客逗她笑。之後他們見我小心把肉眼扒的邊緣位置well cooked 的部分切開餵女兒，馬上主動提議把那份肉眼切出一部分再要求廚房再煮一次至well done 全熟。I am very grateful for their attentive attitude and service. Both my daughter and I had a wonderful dinner.We will surely come back.

觀塘有間餐廳叫Factory 99, 已經開業左一段時間, 頗有名氣, 自己都去過呢度食午餐和晚餐, 但就係未試過食度食早餐。適逢今天早上有時間, 就過左黎工廠區試下佢既早餐如何。本來我以為呢度係西式餐廳, 早餐就只會有西式。但打開早餐餐牌, 原來都有港式的公仔麵、麥皮、三文治等等的早餐, 都有好多選擇。但我一心都係打算食西野, 所以就選左個西式煎豬扒的早餐, 配埋牛角包、炒蛋、沙律同茄汁豆。而且原來「商務早餐」的飲品可以無限refill添, 又唔洗加一, 感覺上好抵食~黎到之後, 見到都好大份, 我相信女士就應該食唔哂架啦。好彩我係男士, 仲係唔細食的男士。佢塊豬扒真係厚切兼大塊, 差不多有手半咁大件架。所有野都食得出係新鮮製作, 唔會好似坊間一些餐廳咁預先煎定D扒放係度等人叫。而且佢有樣貼心的事就係個牛角包, 應該係岩岩烘完, 送出黎仲熱熱暖暖咁, 其實真係會好食過凍冰冰的牛角包囉。而值得一讚的又係佢D職員的服務態度, 友善有禮貌, 仲主動問你洗唔洗再refill飲品咁。不過有少少要批評的係, 可能塊豬扒真係太大件, 食到個骨位見到有少少血紅色好似未熟咁, 呢樣希望廚房會留意一下。

🍏雞肉凱撒沙律配欖油香草包 $66🏋近來因為要減肥(TR90)，而觀塘區冇乜舖頭有沙律好食又夠份量。 👍🏢Factory99嘅沙律就超正嘞，價錢抵得嚟，菜嘅份量唔少，仲要有幾種水果喺入面！！簡直就係冇得頂！！其他食物都一樣好食，仲超超超大碟！！而最常沽清嘅，就係焗豬嘞 🍖👎唯一不足之處，係冇得走醬！！！醬，乃係減肥必走嘅項目！而家冇得走醬，減肥效果必定大打節扣！所以，食咗之後會充滿罪惡感🙈！

今晚放工後去觀塘拎吸塵機，拎完太肚餓，係附近見到呢間餐廳，就隨心入去試試。餐廳嘅裝修令人感到很舒服，燈光柔和，枱和櫈都係用木，樓底高，已經有不少食客。前菜有兩片脆脆法包，淡淡的牛油香配咸火腿，幾好食又唔油膩。露荀餐湯，味道濃郁，有陣陣嘅露荀香。主菜有漢堡包，塊漢堡肉好厚好實淨！如果可以煮生少少，令到佢有多啲肉汁，相信會更好吃。個包十分足料，有磨菇、芝士、巴拿馬火腿，仲有黑松露香。薯條炸得剛剛好。黑松露意大利飯配香煎大蝦，啲意大利飯好有口感，食落一粒粒索哂啲汁，亦有很香的黑松露和磨菇。大蝦不是十分大。甜品有焦糖布丁，燒得幾靚，不過布丁有點兒稀。整體而言，係值得一試！服務員動作很快，食物味道不錯，不過可能都有啲味精，因為返到屋企覺得有點口渴。

呢間都算係我地公司既飯堂，佢勝在多選擇同座位夠多，雖然book 左位都只有優先入座，但係都好快有位，唔會等好耐。午膳時間每張枱都係搭位，如果想坐得舒服同傾下計，呢度就唔係好岩喇。之但係想黎個快食lunch,,又唔想等太耐位，呢度都算係首選。一坐底就好快揀野食，每個餐都跟餐湯同餐飲，今日揀左羅宋湯唯一唔好既係，個湯唔係好夠熱，因為d湯係一早放倒好係個碗度，送到枱通常都只係暖暖地。今日揀左焗豬扒飯，d豬肉好冧，都幾大份，次次都食唔晒d飯

放工約咗朋友食飯來到呢間响停車場有入口嘅餐廳， 佢嘅門口已經好吸引，裝修非常別緻，入到裏面另有一番天地， 裏面嘅裝修非常有美國西部風。而我同朋友兩個人，今日點一個二人餐自製香蒜蒜蓉包小食酥炸生蠔餐湯蕃茄忌廉湯沙律三文魚雜菜沙律安格斯肉眼扒黑松露長通粉甜品焦糖燉蛋佢嘅蒜蓉包好香脆，同埋好有蒜蓉味。 而佢個小食酥炸生蠔炸得外脆內嫩，仲有好多汁喺留咗喺裏面。 佢個蕃茄忌廉湯我個人覺得就比較酸咗少少啦，但係都不至於好差， 入口都好順滑。 而佢個三文魚雜菜沙律佢哋用咗意大利醋呢伴， 佢呢隻意大利醋 都好好味，唔會太酸又唔會冇乜味。 但個安格斯肉眼扒就有少少失望，肉眼裏面好多筋，我哋叫咗五成熟佢好似做咗三成畀我哋。 而個黑松露露筍長通粉 味道唔錯，但係個長通粉煮得好似唔係好夠淋。 最後到個甜品焦糖燉蛋，佢都整得好好味唔會太甜。整體嚟講佢嘅食物質素都係唔錯嘅。

在觀塘返工不愁沒有好西吃，只要有心，但間攻下都有一所好的西餐廳！這天走到近觀塘電話機樓後的Factory 99，貪佢夠快上菜，食完可以說句：「腦細，我食完無咩事返去做野先！」套餐中的羅宋湯，足料炮製，有雜菜有肉，調味不俗，不會太辣主菜《工館三併》燒豬手 + 德國肉腸 + 芝士焗大啡菇 配 薯蓉我宣布：食工館三併係飽到嘔，正呀喂豬手一貫好味，半肥瘦剛剛好，啖啖肉！食落肚都覺滿足至於德國肉腸，岩哂一班肉皇大帝小弟將大啡菇切成四份，慢慢品嚐，芝士蓋著菇上，香口到不行。芝士與大啡菇配合得已，口腔完全充滿芝士味，大滿足薯蓉都不俗，加以配菜一起吃，感覺都特別健康可惜，這裡食飯時間較多人，等位要預算較多時間，加上環境較嘈吵，似身處西式茶樓所以，隔一排才再品嚐其他菜式。

Factory 99 響觀塘都算冇人不曉，全因好味抵食又大份，不過服務出名麻麻（帶位果D only)。餐牌有十幾款，乜扒都有，其中漢堡比較出色。我今次試左 新野， K 餐香煎挪威鯖魚配雞脾菇$58。鯖魚味道正常，雞脾菇好大塊，遠睇仲以為係茄子。個燒汁都可以，但凍凍地，個飯偏硬，食左一半唔想再食。簡單來說，可以填飽肚，但唔算好味。有中湯，例水囉。今次去食，服務依舊唔太好，不斷聽到呼喝指揮聲音「人齊先俾入！」、「十位坐圓枱」、「三個坐單邊」、「四位要坐轉角，另一邊仲要搭」.........其間有客仔轉位，又有客仔頂唔順太逼要走，其實當時都仲大把位架，硬係要人逼埋一枱，所以食餐飯都唔多安樂。奶茶不設後上（因為趕住返枱），本來熱的，但食完先飲都凍曬了，有D澀。啱啱食完諗住歎茶，但帶位阿姐又會提醒你，「餐齊就好交枱喇，外面好多人等位」，十分溫馨。其他落單同上菜姐姐服務是 ok 的，食物質素就一般啦，價錢中等，菜式開始有點悶。同區其實好多其他選擇，佢再唔改善吓，就真係不進則退了。

今曰lunch 同同事來左factory 食，😋一向都知呢間野多人 ，今日好彩地等左10分鐘就有位😆,一坐低即刻叫野食，我叫左個燒春雞配薯條，其他同事叫左豬扒，咖哩牛，等。呢隻燒春雞真係冇得輸 ，吾怪的咁多人叫，張張檯都有一個人叫咁制😂佢皮跪肉嫩 一D都吾乾 又大份成隻上 底食！😋😋

之前介紹過factory 99既豬仔肶啡菇德國腸配薯菜餐，今次要推介factory 99入面，個人認為最好食既餐就係burger餐啦！呢個f99美國頂級牛肉黑松露溶芝士漢堡配薯條只需72蚊，就跟餐湯&野飲，我鐘意飲中湯，飲落冇落味精當呢個burger一上枱，我同同事都不禁嘩一聲，因為真係超巨型，一個女仔未必食得哂…包皮唔乾唔硬，牛肉漢堡扒好juicy，而且有一定厚度，唔會將貨就價，而且芝士係溶哂架，痴住左牛肉，望住就想:再加上新鮮蕃茄，生菜，個包既層次真係超豐富！！！薯條就唔洗我再多講啦，新鮮炸起架，黎親食既餐都一定指明要跟薯條

factory 99的lunch絕對係大件夾抵食，lunch set由5x蚊至80蚊都有交易，今次叫左豬肶肉餐，包餐湯&野飲先62蚊，有3舊豬肶肉之餘，仲有啡菇同德國腸。豬肶肉咸香彈牙，德國腸juicy，啡菇加左芝士焗，伴碟既薯條好味阿姐見我碟薯條份量唔多仲私人請我食多幾條，正