Factory 99

營業中

休息中

只要一響觀塘返工，Factory 99就好似我嘅飯堂咁早餐係佢，午餐又係佢每次黎lunch, 最愛佢嘅漢堡包麵包香軟，和牛多汁，無乜肥膏，再配埋雜果沙律，嘩嘩嘩好美味喔

從前這裡是我的飯堂 在工廠區平價高質食肆可惜😣😣😣😣😣今日與友人同去。想食下平lunch 嘆下裝修各樣無變好彩佢出邊full 佢我入房裡邊出邊真係好嘈🥺🥺🥺🥺🥺入到房。唔係大 所以大家都靜好多價錢都好合理 我就叫左個burger 朋友就試佢個F99三併先黎個湯同蒜蓉包個湯係濃味的 🥰到主菜黎了F99 三併 賣相出黎真係差少少個焗啡菇係涼了 羊脾爽口 ok la條德國腸好一般 或許太有期望。所以失望F99 burger 🍔 賣相俾以前差少少不過松露味係令個包的分數提升左個漢堡扒有少少鬆散 一咬已碎碎地咁😅😅😅今次無叫薯條 併佢個鮮果沙律 好味的 不過係底的菜多過水果我地兩點去。所以有九折 整體ok 不過真心無以前咁有心😕😕😕

難得地工廈有個咁大既地方做餐廳，到大廈門口既時候行大約一層樓梯就已經到餐廳門口，都算易搵。早午晚市做既餐都完全唔同，價錢上都有明顯既分別。今次就食午市，漢堡包餐72蚊包野飲同餐湯。我鍾意Factory99空間夠大，特色木製傢私之外，就係就算係佢既沙律餐都好大份，而目包埋餐湯餐飲一定夠飽，我個人黎講甚至有個別一兩個餐係食唔晒。食物方面西式為主，款式多，味道不錯，但係近年質素有啲下降，例如今次食既漢堡包肉質比較乾身，朋友既牛扒都唔夠軟熟。整體黎講抵食，味道可以，會繼續支持，希望質素會提升返。

劣食！ 八十幾蚊份牛扒餐，唔要求係高級餐廳質素但這裡的多筋、生熟不分、像擦膠質地，比大快活雜扒餐的更差！六十蚊的厚切豬扒霉的質地，比街邊三十蚊的外賣飯盒的豬扒更差凍檸茶-茶是濁的，無茶味亦無檸味（篤爛塊檸都無）比茶餐廳還要差的材料 收取中價位的西餐價錢位於工廠大廈 午市座無虛席 （完全費解！）賺到笑啦 名符其實係飯堂咁既格局（比街市還要逼及嘈！）結果我同老公食完呢餐飯下晝即刻肚痛肚痾！觀塘工作的人們咁坎坷嗎？咁既劣食都當飯堂..

今天朋友介紹到這家Factory 99吃午餐，我大約12:15到達餐廳，因為沒有訂座的關係，要跟其他人拼坐。我們兩個都點了焗番茄豬扒飯，點餐後1分鐘內飯便已送到。豬扒飯餐的確是便宜，但是味道跟豬扒的質素都不是最好。加上午餐時間實在太多人，飲品都沒有喝完，都要被店員催促埋單。

 以前係觀塘返工, 逢星期五同同事約出去食LUNCH, 諗唔到食咩就會去食呢間... 果日約左保險經紀食Lunch, 一時諗唔到食咩, 就約佢黎食factory 99了~ 由門口行上去, 店家都有放啲擺設係旁邊今日有咩午餐樓下門口就有, 午餐的份量十足, 食量比較大的男士都夠食。 而且價錢合理, 值得一吃經紀由於唔係太熟路, 所以遲左少少, 行緊上去時佢仲叫我隨便叫, 然後我同佢講...啲野食份量好夠ga... 我唔想叫完食唔晒做大嘥鬼上到去, 因為特登避開午市繁忙時段, 14:30先上去, 所以唔洗等就有位 只不過個帶枱的帶我地去張另一邊已經有人坐緊的枱要同人地搭枱度坐... 平時還好, 但今次食完傾保險ga wor, 我梗係唔喇 心諗...點解呢段時間都冇乜新客黎, 又唔係冇吉枱, 做乜要焗人去搭枱? 然後同佢講唔想搭枱, 個帶枱阿姐當堂好似好唔情願咁, 咁啱另外有個侍應行過聽到, 就話入面房有4人枱, 問我地入唔入去坐 我當然話ok la~坐低, 房入面啲OFFICE客都走得7788, 拎個餐牌睇食乜先.... 呢排成日食得好多野, 為身材著想+想食light d的我決定叫鮮果

長假期第一日，當然去食堂食飯啦但經過上次下午茶嘅不快經歷，都係食返lunch set穩陣好多今個禮拜轉咗menu，好多新嘢都想試，例如墨汁意粉，燒肉朋友試咗頭先講嗰啲新菜，但我最後都係食和牛漢堡和牛漢堡好似上個月都有出過，我都有食過，印象中唔錯，所以今次都食返但食落好似有少少唔同冇記錯的話上次個漢堡係有洋蔥同個薯條有啲芝士喺上面，雖然今次就冇咗，但薯條可以轉沙律，感覺上冇咁heavy，健康啲，中和返和牛嘅肥膩整體上嚟講，雖然係90蚊，但係都覺得係抵食，完全對得起價錢唯一要講可能係個醬幾好味，畀多少少就更好！

好失望因為工作關係一直都有喺factory99食lunch。今日遲放咗少少，諗住試下佢個越南河粉，結果就中伏出事。嗌咗個99越南河粉，過咗冇幾耐男侍應走埋嚟同我講冇墨魚丸，問我想要多啲肥牛定牛丸，我心諗：你個茶餐1點9賣，我兩點嗌，咁快就冇曬貨？我都算了，同佢講要多啲肥牛，諗住好食就得啦。點知！佢個「越南河粉」完全唔似/係越南河粉，只係有蔥嗰啲青，加洋蔥同芽菜，再加碟辣椒仔同青檸就叫越南河粉？同普通麵檔嗌嘅有咩分別？你當我冇食過越南河粉？價錢仲要唔平，要成60蚊。老實講，一直都係factory99嘅支持者，幾乎每日lunch都喺到食，但哩個茶餐真係支持唔落。咁嘅河粉，不如換過第二款賣好過啦⋯⋯

食物：食物黎講，質素平平，因為好多同事推薦，所以就跟大家一齊去試下。我叫左一分FISH AND CHIPS，份量勁大，一個女仔好難食得哂。呢一點十分好，一定夠食。味道上面，我覺得呢個做得係OKAY，魚唔會太油，而且好滑口，薯條都無變淋。不過同事叫既其他飯菜就普普通通。留意返，一定唔係難食，只係唔係驚為天人。作為打工仔既尋常LUNCH，絕對係合格有餘。但如果係對食物有要求，就會覺得平平無奇。環境：好大間，一層樓咁大。LUNCH照樣都係勁多人，等位最多都係大概五分鐘，可以接受。

     今早收工去咗附近一間好耐無去既餐廳食早餐，抵食又好食。     睇下個餐牌，唔見咗之前有個炸魚柳配羅宋湯底加螺絲粉，之後問下職員，原來係有得食不過餐牌無show到，電腦係可以照入單。     呢個配搭覺得係早好食，特別是羅宋湯底加上螺絲粉，味酸酸好開胃，所以食到湯底都飲埋清晒。炸魚柳更唔洗講，外面炸得脆香香的，裏面魚柳很滑很，點一點沙拉醬，的確是好美味。     除了早餐外，仲係度食過午餐及晚餐都好好味，晚餐黎拍下拖其實幾好，因為呢度氣氛及食材都好好，食完晚餐之後又可以慢慢散步去海賓長廊度拍下拖，的確係幾浪漫既事。

依間西餐都算係我既食堂，佢d中午set又唔貴，佢個牛扒好大塊，好多汁，但我有個最鍾意食既焗豬，但成日都賣晒，下次一定要早d黎試，食極都唔厭，下次帶埋媽黎試先得，唔好加價最好

用其他優惠平台約左9點半食晚飯。店員好好，比早到15min既我地坐低同點食物。我地點左我最愛既buffalo wings, rib-eyes同馬蘇里拉雞肉長通粉，但轉左意粉(唔洗加$)。店舖好大，男朋友就話呢間餐廳lunch hour好墟冚，會爆滿的。應該質素不錯吧！首先黎既係buffalo wings，食頭1隻都冇乜野，只係有d濕。同時個意粉到了，不過員工唔記得轉做意粉，咁員工都肯幫我地轉翻。咁就繼續食雞翼，第2隻終於出晒事，入面都係鮮血來的，我地再睇多幾隻，都係偏紅的，咁唯有又叫員工幫我地換。咁個意粉終於到，係好cheap的意粉來的，麵質不好。 牛就普普通通，唔作評價了，男友感覺就係似茶餐廳牛排。不過呢間餐廳有樣好就係食物都算大份，是值得讚的。最後，另一個員工好大頭蝦，首先就比錯我張卡同收據隔離枱。然後我比卡的，佢連邊張係持卡人/商户收據都分唔清，又唔記得比翻卡我，又唔記得比我簽名，我真係頭都暈。

以前一直都有去工廈食飯，今次就約了幾位朋友去食 lunch。知道官塘食 lunch 一定好多人， 所以預早半小時到達， 到達餐廳門口， 看見裝潢不錯， 很有特色。一心早來可以安坐等朋友，原來要齊人才可入坐。。。這点真令人失望。。。終於入坐了，爭取時間，点了幾份 set lunch，各款賣相，味道都不錯，份量十足，價錢亦不算貴，特別值得讚的是海蝦沙律同炸魚。沙律選用新鮮蔬果及大蝦，沙律漿不太酸，味道剛剛好。而炸魚的啤酒脆漿非常鬆脆，魚肉仍然有肉汁，都是可以一試。

落單後餐廳確認收到訂單，等左15分鐘後去取，結果原來仲未整，又呆等多幾分鐘，好在不是十分趕時間，趕時間者要慎用。食物質素正常，下午茶抵食，只是不懂善用科技。建議增加互動機制。

觀塘以前是個工廈集中地，經過多年改變後，已成了九龍區商業地帶，很多工廈已經活化，多了不同的樓上鋪及餐廳。第一次來到這間Factory 99，午餐時間食客很多，流轉也很快，大約等了五分鐘便被安排入座。我點了一個午餐A，包主菜、餐湯、餐飲。我點的牛扒配意粉，原來份量是很大，一個人是吃不完的！牛扒有成隻碟咁大塊，肉質較林，性比價高，$83來講是非常抵食！在同一工廈中，還有其他的餐廳，有機會也會試試。喜歡這些工廈中的餐廳