Factory 99

營業中

休息中

超值午餐！先唔好睇價錢，成$70一個午餐好似好貴咁，但佢真係超抵食😎叫左其中一個餐入面係有「三併」，分別有燒澳洲西冷、德國豬肉腸、芝士大啡菇🤤聽落都夠晒豐富！🥩首先講講牛扒：一啲都唔孤寒，有成4塊！ 仲要絕對唔係早餐食既 cheap cheap 扒，係有水準有牛味既 7成熟西冷扒👍🏻大啡菇：一啲都唔乾身，一切落去就已經知道有幾多實力，內裡 非常juicy 新鮮有驚喜，係略嫌芝士味不足，不過亦都可能係因為咁，令到個啡菇菇味更加突出😍🙇🏼‍♀️至於德國豬肉腸，就不過不失，做唔到主角。成個 set 其實仲有湯同埋野飲，食完真係大滿足！而同事叫既餐係「日式芝麻醬天使冷麵配北海道帆立貝」個Set整體都值4❤️，可能係芝麻醬已經食慣左既關係，冇乜驚喜，穩陣水平！價錢方面，係工商區黎講真係偏貴，我都係等 1點45分有9折優惠先敢入去試佢水溫，果然冇失望，絕對對得起哩個價錢。

同觀塘友嘅秘密飯堂，次次約食飯，唔使點傾，大家不約而同都諗起呢個地方，主要係因為可以自攜酒水上嚟，店員會好細心幫我哋冰鎮支香檳，另外見我哋仲有支紅酒，又見我哋開瓶失敗，就過嚟幫我哋處理，注意！呢度係無收加一嘅，但服務真係好好！食肉獸朋友大讚嘅肉眼扒，肉質嫩，超有牛味；每次嚟必點呢個帶子Risotto，如果兩、三個人share會比較適合，可以留返個肚試其他食物麻～傾傾吓，不知不覺都已經坐咗接近兩個鐘，雖然大家已夠飽，但點都要食返個甜品先夠完滿。個Chocolate Brownie係熱㗎，配上Mövenpick雲尼拿雪糕＆朱古力漿，好邪惡!不妨留意吓呢度嘅裝飾品，踏入工廈門口，沿著兩邊釘滿復古鐵牌嘅走廊上樓梯就到，最鍾意就係呢塊。

呢間factory99唔係乜嘢新餐廳，喺觀塘工廠區好多年，一直都係。今次晚上九點先去食，始終係工廠區，呢個時間唔多人唔使等位，正！內部裝修其實幾有格調，唔好以為工廈就會頹，木頭的桌椅，歐美風的掛字都增加餐廳的品味，而且地方寬敞舒適，幾好坐。食物質素上，唔算特別出色，不過不失，不過份量同價錢上贏左，唔收加一要俾讚👍🏻，高性價比係我最愛😛🤗🤗🤗。整體而言，係會令人一食再食，不過食物款式唔算多的，建議增加👍🏻。

平時呢間嘢都多人, 尤其是食晏時間, 好多時人多到我都唔想排, 因為完全唔知排到幾時? 所以暫時未有機會幫襯, 而且平時夜晚行過, 見佢dinner個menu價錢都唔算貴, 於是今次搵晚嚟試試, 睇下佢有乜原因咁多人幫襯? 呢度係工廠大廈, 而且佢唔係地舖, 不過都唔難搵, 由果座大廈地下已經有餐牌企咗响門口, 一路上樓梯都見到好多懷舊鐵牌, 一路引領你到1樓轉入佢個門口為止.............而入面裝修係以木為主, 木枱木櫈, 好原始感覺, 而且燈光昏暗, 真係夠哂情調, 最啱吹水................之前响apps訂咗枱, 不過就遲咗少少, 個負責人話如果由book枱果個時間起計, 15分鐘內都唔齊人, 就唔可以享有用apps訂枱的7折優惠, 雖然我地最終都响15分鐘內齊人, 但其實我地叫set dinner, 基本上都唔會享用到佢個7折, 因為7折只限部份單點食品/飲品................前菜唔知點解兩款前菜都係包? 一款係成大個香草包配牛油, 而另一款係沙樂美腸芝士多士...............個香草包都幾軟熟, 又暖暖地咁, 唔知佢係咪有分大細

依家觀塘有好多係工廠大廈入面既餐廳，好多都有唔同既特色。呢間factory99個門口已經好靚，無驚走錯路既感覺😂入面既格局都好靚.我去到既時候已經係下午3點，耿耿比我趕到食Lunch Set。我揀左意式茄醬芝士焗雞扒配薯菜加杯凍檸茶，佢仲有湯送。初初以為叫薯菜唔會好飽，但佢好大碟，成隻碟一半薯條一半雞扒，而且d薯條炸得好脆，仲好熱，唔係炸定放係到👍🏻個雞扒有d普通，但都好味，都算滑，加埋芝士都ok夾。個湯都唔錯既，似屋企飲果d湯。.食完先知佢最多人食係焗豬扒飯，下次一定要再試下，同埋要影多d相。

好耐都無來喇，好似無以前咁多人。食足一個鐘都無俾人趕走好鍾意來，因為成日都有新野試今日又撞啱有新菜式。午餐68蚊包啲乜？有餐湯啦，紅或中。main course la再加飲品。下面呢個新品無食過丫。可以揀配薯仔沙律/生果沙律/薯條。我揀左薯仔沙律，好似會飽啲個toast上面係滿滿的呑拿魚肉同芝士。好在啲芝士唔係拉絲嗰種je。toast焗得有少少脆麵包鬆軟。不過呢個set比起其他就好似細份左啲。男仔應該唔飽薯仔沙律好扎實，入面撈左少少生菜，，面頭又有杏仁片，口感唔錯期待更多新菜式

Factory99係觀塘鬧市入面既隱世美食，未係觀塘返過工應該難以察覺呢間鋪既存在⋯今日同同事們一如既往咁黎到附近食飯，餐廳既選擇十分多，佢既lunch menu有A至到K餐可以選擇，全部都六十蚊左右，lunch set包埋一碗湯一杯飲品，十分抵食。😋 個人推介佢既肉眼扒餐，雖然需要八十幾蚊，但佢既肉質十分厚，而且好Juicy，一般平民餐廳好難食到咁性價比高既食物，所有有機會都recommend大家黎試試！🥳

放工去附近Factory99鋸扒，環境幾有feel，加上樓底高，空間感充足。我叫左一個Set Dinner - 香煎美國黑安格斯肉眼牛扒 （12 oz)先來餐湯、餐包和前菜。餐湯係番茄湯，本來以為好淡，但試落味道相當濃郁，滿滿番茄香但不覺太酸。 餐包有啲黏牙，不過味道不俗，仲有淡淡香草味🌿。至於前菜，個人認為沒有什麼特別。終於嚟到主菜 - 黑安格斯肉眼牛扒。我叫左Medium。味道唔錯，肉味十足，略嫌太多肥肉，中間位置明顯味道較重，可能係調味料分佈唔平均。甜品有焦糖燉蛋，焦糖燒得脆脆的，燉蛋就幾嫩滑，兩種不同口感。成個餐味道唔錯，價錢合理，可以再去試試其他dinner set.

呢到好大間，適合一大班人一齊去食，而野食既份量都好大，夠哂飽。個牛扒有一個人頭咁大😂再加上好多薯條，所以超抵食。不過味道唔算好特別，一般既餐廳咁啦，不過都好抵食同埋會再去食

主要以中價及優質西式菜色作招萊，菜式更新亦快其中最有名的是漢堡包，份量足美道好。因而再跟同事們來此餐廳，點了是日餐牌之選，點了黑松露牛肉芝士漢堡，黑松露味道香濃，牛肉打得很鬆軟，沒有任何筋，真的沒有介紹錯。而且餐跟中、西湯，薯條或沙律，非常抵食。

係觀塘區除左茶記之外工廠大廈都好多快靚正既餐廳岩晒食個quick lunch食肉獸既我一見到menu就即刻撰左黑松露芝士牛肉burger,過左大約5分鐘就上到菜加好大份，原來以為芝士酸瓜黑松露醬未必好夾點知加上burger底部既沙律醬係一個好正既組合塊漢堡扒雖然比較軟同唔算實但勝在大大塊

Fatory99係工廠大廈入面，舖位好大，所以好適合一大班人去食。佢lunch既份量好大，特別係牛扒，配菜亦都唔少。叫左個牛扒配薯菜，牛扒好大 直頭大過我個面😂味道就同茶餐廳差唔多，薯條係粗既，好好味！同埋好多

The food is not good, the staff is impolite. They kept letting the customers to wait for over 30 minutes and didn’t Cook. When we asked when the food can be served, there is a female staff feeling annoyed and said that she had told us, the food is not yet cooked. Meanwhile, the quality of the food is not good, we ordered a glass of milk tea but the drink ended up was with coffee flavor. Never come back again

Happy Friday! 約咗同事係觀塘食個午餐慶祝下星期五， 上網見到Factory 99妹似唔錯。 叫咗個burger配生果沙律 。 沙律好味、 burger舊肉就生咗小小， 但整體感覺可以接受。 下飯一點時要等一陣先有位， 但唔算耐。 如果唔想等就要早小小出門口喇！

Factory 99，我會形容這是一間隱世食肆，它位於觀塘AIA大廈旁的一座工業大廈1樓，如果你不是在該區上班的話，是絕對不會知道有一間這樣有質素的餐廳在這個地方。之前經過朋友介紹過來吃過一次午餐，之後就決定要過來試一下晚餐，於是點了一個Set Dinner 。前菜牛油法包超軟熟麵包蘑菇忌廉湯不得不讚嘆！這個麵包超軟熟！我是一個人用餐的，吃完整個麵包是會很飽的，但是我真的忍不住口，塗著牛油就吃光了！主菜香煎新西蘭鮮羊扒配芥末子燒汁有三件羊扒，雖然是單骨，但有一定厚度，內裡仍保持肉汁鮮嫩，配上芥末子燒汁別有風味。配菜方面，翠玉瓜煮得不會太軟，亦不會因太生而有苦澀味，帶出甜味。特別一提是這個餐有兩件薯餅，十分香脆，於是我又吃光了！這個晚餐$208，無論以份量及食物選材、質素來說，分數都值9/10。