Factory 99

營業中

休息中

放假約左朋友去觀塘食野...我地揀左99黎食...我揀左個F99美味漢堡(US頂級牛肉配黑松露芝士)薯條一黎到我都呆左...點解會有咁大個漢堡包...d薯條都好大條個漢堡包入面既US頂級牛肉配黑松露芝士好夾...d牛肉好鬆軟...d芝士唔太腻...d薯條好大入面好多薯肉下次一定會再去

觀塘係一個我好小會去既地方，今次係因為我放假而朋友又係呢頭返工先會黎，朋友今次話帶我去工廠食飯~~我問左好多次…..下??工廠???佢冇講錯我冇聽錯，係工廠!餐廳環境好好又舒服，decoration 都好靚!我地今次2個人叫左一個set dinner 再加小食Set Dinner 係法式焗田螺加長通粉什菌芝士汁扒大虎蝦($185)香草麵包，好大個而且仲好軟，是日餐湯係磨菇湯，好濃好香長通粉什菌芝士汁扒大虎蝦– 份量唔係好大，隻蝦就得一隻，而且都唔算係好大。另外我地仲叫左Caesar Salad, 特式小食拼盤Caesar Salad ($79) – d菜都幾新鮮特式小食拼盤 ($109) – 入面有洋蔥圈、焗薯皮同雞翼，洋蔥圈炸得好乾身，食落唔油，焗薯皮，可能因為個size細，焗完之後食落冇咩薯肉，雞翼都幾好，好惹味。最後，甜品係焦糖燉蛋，唔係太熱，不過甜度適中。

以前係觀塘返工間中都會食lunch,尋晚同朋友試下晚餐，餐牌的選擇唔多，每人揀左個Set Dinner,有餐包，焗薯蓉，main dish,甜品同飲品。香草麵包，好大個，好軟好香。個湯都好香濃三個main dish 墨魚汁海鮮意粉，燒豬骨同牛扒！墨魚汁意粉好好味，好香忌廉味同埋食到成咀都係墨汁。燒豬骨超香超大份。牛扒七成熟但切落好生。甜品竟然都係焦糖燉蛋！好味但唔熱只係微暖。埋單$600，每人$200觀塘工廠區黎講偏貴，但環境同食物都ok十點半好準時收....

因住在觀塘，所以常常去Factory 99進行晚膳。每次吸引我的，都是他們的mushroom Soup及暖粒粒嘅包包😘，跟住健康的我一定會order佢嘅大蝦鮮果沙律，認真無得彈！至於肉眼扒，坦白講，就真係麻麻地啦，墨汁Scallop Rissoto都okay gei...而甜品方面，多數都是焦糖燉蛋，唔會太甜，都算是不錯。環境算比較熱鬧，多數一群人喝紅酒聊聊天，有啲歐美嘅感覺，促膝談心未必太適合。整體而言，食物☺可以，環境一般。

Factory 99喺同事嘅口中都聽過幾次, 好似每個係觀塘區工作嘅朋友都食過咁, 雖然離公司有啲遠, 都行過黎試下啦 中湯有章魚花生湯, 好大舊八爪魚 , 聞落無乜香味, 不過飲落都幾好, 甜甜哋, 味道唔重味精F99 美味漢堡 (US頂級牛肉黑松露溶芝士)配薯條, 包飲品+中/西湯 $69漢堡扒－ 芝士溶得靚, 賣相幾好, 肉質帶啲脂肪, 煎到熟哂都唔會乾, 但食落都唔熱嘅╮(╯▽╰)╭薯條－ 翻炸... so bad 香煎美國豬扒蘋果燒汁配(飯/意粉/薯條) 包飲品+中/西湯 $56豬扒－ 比茶餐廳嘅厚身啲, 煎得唔韌, 過得去啦蘋果燒汁－ 一般般啦, 當燒汁食ok, 唔知蘋果去咗邊黑松露汁燴牛柳條配(飯/意粉) 包飲品+中/西湯$58黑松露汁－ 都係當黑椒汁食啦唔算突出牛柳條－ 好淋, 細細條易入口, 幾入味, 唔錯*set lunch價錢唔貴大約60幾蚊, 有湯有飲品, 今次三樣都有係肉類為主, 食完都幾膩, 見其他食客點沙律都幾大堆頭, 下次黎一定點個沙律試下 

既然來到觀塘，午餐當時要吃我的「wish list」店 -《Factory 99》，一間位於工廈的西餐廳。當我看到「Factory 99」已感到莫名興奮，常說「要來要來」、已說了數年，某次特意前來才知悉店子逢紅日休息，碰釘後便把念頭暫時擱置，這天終於「成行」嚕。未見其人（餐廳），先被樓梯兩旁的懷舊「廣告牌」吸引著。花多眼亂…這邊又拍…那邊又拍，拍了好一會兒才捨得走進店內…推門後還有「緩衝位」（即是兩度防煙門之間的小小位置），很喜歡，這是我夢寐以求的餐廳擺設（就是擺一堆自己喜歡而又可愛的小飾物喇！！）。內環境則有點工廈飯堂的感覺，加上正值午市繁忙時間，「搭檯」是必然的。幸而有掛畫點綴，且採用了厚厚重重那種木製桌椅，才不致於「好似晌canteen食飯咁」。嗯，早就料到這裡不會有「浪漫情懷」，而是帶點港式風情的西餐廳。set lunch定價不便宜，約五十多六十元，於我們這些特意前來的食客而言，價位算是合理水平。若是附近工作的人士嘛，天天來吃的話就太奢侈，該只會於慶祝生日又或是工作壓力太大、想對自己好一點之時才考慮前來。點餐後，侍應便以極速端上雜菜湯、蒜蓉多士及隨餐飲品，食味也算對辦、是一般港

身為觀塘人  眼見觀塘咁多人住但每次諗食咩都諗爆頭  實在可悲難得有間野有咁多好評  走去一試但結果頗為失望Set dinner 平均200up  但食物質素對唔住呢個價我同男友叫左個墨汁意粉  冇墨汁既鮮味  得個咸同羊架  仲衰  五成熟變7成熟  冇羊味  好梅即係食得出係d好yup既肉  連放題果d都好食過佢我覺得收得中高檔既價錢   又開係工業區食物選擇唔多又主打海鮮同肉扒類好心佢就入d有誠意d既貨講真  呢個價錢真係有好多第二d更好既選擇都唔明點解仲咁多人幫襯(因為觀塘真係冇野食...)好在佢環境同服務都ok  而且冇加一加番少少分

是日首次經友人帶路踏足觀塘的工業大廈搵食，友人帶我來到這間餐廳，進去前的兩邊走廊都掛滿了充滿美式西部味道的車牌裝飾，入到餐廳看見餐牌也不少選擇，我點了煎魚柳白汁飯跟湯與咖啡，煎魚柳夠大份炸得剛剛好不燶，伴菜亦夠份量，湯揀選了羅宋湯，味略淡。這裡最驚喜是沒有加一服務順費。聽友人說午餐同是賣一塊牛扒只需五十多塊錢，晚餐則需二百多元。所以朋友點了牛扒品嚐，他說超值票價。想吃超值牛扒的不妨考慮這裡吧。

觀塘工廠大廈裡面有間佈置很有心思，用材十足的餐廳，樓梯佈置感覺特別，行上一樓打開餐廳門，見到哈囉喂的佈置還有一座鋼琴和結他，帶有Rock ＆Roll 的風格。所有椅子和桌子都是用老樹木做成，感覺很舒適。坐下看看菜單，朋友選了Set E. 紅酒汁煎鵝肝牛柳扒, 有不同熟度任君選擇三成、五成、七成，可跟飯、意粉、薯菜。我點了鮮果鮮蝦沙律加HK＄40元可轉套餐有餐湯，餐飲和甜品。香草包－包質鬆軟，有Rosemary 的味道。香草炒雜菌多士－雜菌有蒜蓉和香草味，還有一片脆卜卜的多士。忌廉湯鮮果鮮蝦沙律配蜜糖芥末汁HK＄109大蝦入口彈牙、蜜瓜爽口、還有香甜橙和火龍果，底下有大量蔬菜，配上甜甜的蜜糖芥末汁，清新感覺，份量足料！Set E. 紅酒汁煎鵝肝牛柳扒 HK$219上層有入口即溶的香煎鵝肝，下層有五成熟的厚切牛肉，入口肉質鮮嫩多汁，牛味濃郁。Movenpick 香草雪糕焦糖燉蛋－蛋味濃郁！評分：（以5個＊為滿分）食物：＊＊＊＊服務：＊＊＊1/2環境：＊＊＊＊Add: 觀塘巧明街99號巧明工廠大廈1樓A室TEL: 2345 8333

人生最怕是沒有選擇，搵間未食過既去食下在工廈內，要行一層先上到去點知，第一次嘗試在沒有選擇的餐廳食下午茶間野個裝修有少少特色，人不多 亞姐用漂白水拖地中不用等位店員拿出餐牌，只有麵包.... 不是嘛，後轉....有個叫咖哩飯有咩都無寫，只有咖哩飯3隻字，不打緊，就食呢個原來是日是咖哩飯牛飯飯偏硬，一粒粒好彩咖哩汁做得不錯，整體來講平平啦

平日絕少踏足觀塘區，但一直聞說觀塘工廈有好多美味既特色餐廳，所以都等緊機會過黎試下～直至今日終於有機會過黎觀塘，所以事先做左資料搜集，然後搵到呢間餐廳有好多正面既評語，所以選擇過黎拜訪一下。同男友由裕民坊行過黎，對於唔係成日踏足觀塘區既人會比較難搵路。知道工廠區食飯時間會好多人，所以我地選擇早D去餐廳，行左10-15分鐘就到達目的地，無需等位，直接入座，不過要搭枱。餐牌上既選擇花多眼亂，眼見有好多人點大碟多料既“煙三文魚沙律”，好吸引耶～ 但我今日比較餓，所以點左：龍蝦汁煎龍利柳意粉 & 黑椒汁牛扒意粉～ 點菜後，店員立即送上餐湯，不過不失吧。飲完湯，主菜到！先講我點既龍蝦汁煎龍利柳意粉，無多餘既裝飾，料足份量大(有成3大塊龍利柳)，龍利柳仲煎得好香，絕對貨真假實，只係略略認為果個龍蝦汁既味道似燒汁多D，食唔出原來係龍蝦汁～ 另外一個黑椒汁牛扒意粉，牛扒又厚又大件 (塊扒比我塊面還要大)，連一向奄尖開既男友都覺得味道唔錯，所以我倆都一致認為整體都幾好，假如下次再踏足觀塘，都可以再過黎試下！

一般來99都會等1：45PM來，有9折，感覺會抵D，但有時會唔餐湯，話系送完即止，就唔係咁好啦！主要系呢度D湯好味，特別系羅宋湯，多蒜蓉，味道好濃。由當初大大碗到依家得7-8成滿。推介呢個大啡菇餐好濃芝士味，好夠吃，本身配薯蓉，一般都無焗薯蓉，所以以意粉代替，配買德國腸+豬仔臂，慢慢吃都幾享受！餐飲冷熱同價。呢度冷氣比較大，所以只會叫熱飲。。。豬扒，水準不一，每次都唔同味道，可能來源改變, 廚師手勢問題吧？煙三文魚賣相一般，但是分量充足，抵食！晚餐都OK，set dinner豐富，分量夠晒！

近來好多食肆都開左入工廈, 在內裏裝修成食店, 可能因為潮流亦都可能因為租金關係, 而其中一間就係在觀塘既FACTORY 99雖然入去地方幾大, 但因為LUNCHＴＩＭＥ，　仍然人頭湧湧，　各位朋友訂左位會好Ｄ裏面裝修幾不錯，　以木為主，　好似長木枱，　木櫈，　木既裝飾等，　都幾特別ＬＵＮＣＨ只能叫佢當日精選, 但其實已經好多選擇, 冇記錯, 有A至H, 而每日吾同, 所以我都幾欣賞佢每日既心機每個餐都會有餐湯同麵包, 我覺得味道正正常常, 所以冇影相, 而主菜我覺得不錯同朋友叫左一個蕃茄雞肉磨菇意粉, 芝士焗大冬菇蕃茄雞肉磨菇意粉 64蚊: 好香蕃茄味, 意粉軟硬適中, 而且雞肉雖然係雞柳,但做得幾滑而且吸哂蕃茄醬, 配以上面既菜可以中和番個濃味, 推介芝士焗大冬菇59蚊: 聽講係法式整法, 估吾到好好味, 首先冬菇係勁香勁JUICY , 一咬落去多汁, 而上面係有芝士粟米, 煙肉, 十分香濃, 而配上清又JUICY既冬菇十分ＭＡＴＣＨ ，　不得不讚既係，　佢側邊既伴菜，　有青瓜，　火龍果，　芒果，　生菜之類，全部都好新鮮　令人望落去感覺更開胃，　色彩鮮艷

今日去食晏，叫咗焗豬頸肉飯，食食下反轉塊肉真係比佢嚇死，全燶，肯定係固意反轉塊肉固意隱瞞，但最慘係已經食咗一半才發現，燶到咁都重比人食，真係無良食店,同個侍應講，態度其差，好吋咁問我係咪要換，最後我無換由得佢，最多以後唔去，有圖有真相。

Factory 99 以前喺觀塘做野嘅日子最鍾意食，原因係五六十蚊茶餐廳價，西餐廳質素。有餐湯，凍飲又免2蚊。週末一但要喺觀塘食lunch，我都會黎依到。假日餐湯會跟一片蒜蓉包。平日lunchtime都會逼滿上班族，假日座位就比較鬆動，好易有位。今日同MFP兩個人食。天氣熱熱地緊係整沙律食。依到嘅沙律係好豐富，印象中沙律會包括芒果。水果並唔會出晒水咁，亦無濫用沙律醬。非常健康！而MFP食點咗份豬仔骨配薯條。粗薯條，炸到內軟外脆。豬仔骨，肉好腍。完全食到好滿足。雖然落錯咗我杯野飲，但係都好樂意及迅速換返啱比我。整體侍應用心有禮，值得一讚！－－－－－－－－－－－－－－－－－－－－－－－－－－－－－－回頭率：10/10 食慣