Factory 99

營業中

休息中

觀塘都算係個工廠區，好多工業大廈聚集的地方，餐廳都慢慢開到上工厰大廈入面Factory 99都係一間工業大廈中的西餐廳lunch tmie黎factory就預左一定好多人，不過今次黎到出奇無乜人即刻點個lunch set食先burger好普通，整個賣相都唔係好吸引到我 中湯都係一般般，仲有點過咸burger中間塊肉係幾大塊，不過有點過老，食落無果種好滿足既感覺

等左一陣就有位，冇想像中咁多人…上網check 到個人均＄100 左右諗住好平，之後去到睇到餐牌發現要成2舊水一個人，灰左…睇到個menu 我同個fd 叫左個餐兩份分算…雖然價錢幾貴，不過起碼都幾多野食。首先有個餐包，外國餐包，食起黎味道都唔同d。唔加牛油淨食包都已經唔錯，之後個湯黎埋就更正。個湯加左少少香草粒上去，份量較少，但味道好濃好入味。我地叫個個咸豬手，幾大份，慢慢切都食左好耐。加埋d 大大舊薯菜，話咁快就食飽飽。Factory 99 價錢偏高，建議帶多幾個人黎食，咁會抵d。唔係一人＄200 一個餐你都咪話唔甘。

廠廈餐廳常常予人隱世美食的感覺，今次友人專程帶路，介紹到其工作地點附近的餐廳晚飯。雖然位處廠廈，餐廳樓底很高，環境倒是寬敞。香燒德國咸豬手配薯條$229，豬手外皮薄卻不脆，幸肉質肥嫰而多汁，入口帶點鹹香，香氣是漸漸溢出來的。伴碟的薯條熱度是足夠的，惟質感太粉，太過乾身，純粹増加熱氣指數。美國燒肉眼牛扒黑椒燒汁配薯條$79端上時我們被其龐大的面積嚇了一跳! 牛扒的確比普通餐廳大塊，肉汁是有的，只是明明叫了半熟，明顯煮得過火，肉質較老。黑椒汁味道不算十分濃烈，未能刺激到味蕾，亦提不起牛扒的鮮味。未有隱世美食的驚喜，食物除了件頭夠大之外，水準都是普普通通。

呢間餐廳係觀塘cafe黎講都算開得早, 一直都未黎食過! 今日上到黎, 個情況虛冚到呢@@ 好似茶餐廳咁, book左位都無用, 總之邊個齊人邊個入先, 最後我地十個人分開左兩張枱坐, anyway啦有得食唔洗等就得。見佢個扒餐都只係$79, 仲有埋餐湯飲品咁抵, 點都要試一試! 茶餐廳講得係無錯既, order左2分鐘個湯就來了, 湯既味道不錯好濃, 但好鬼多蒜蓉, 唔係紅色既話會以為佢係蒜蓉湯! 等多幾分鐘個扒都黎埋, 應該係一早整定, 間野咁忙, 都可以諒解既。薯條同扒既份量都算多, 但由於扒無得揀幾成熟, 睇個樣出面似5成, 入面就已經係7,8成, 所以都幾韌下。食完先半個鐘，未試過team lunch食得咁快@@ 總括黎講都ok既, 下次可以試其他野, set lunch好似有十款八款選擇, 而且仲平啲添!

一直都有聽過呢間野既大名，就決定一睇佢既慮山真面目！一早卜左位點知上到去勁多人，又係要等，仲要分開坐，咁都冇辨法啦！好快我就點左佢個肉眼扒跟飯，我唔知佢夜晚點好食法啦，但我唔係想喺工廈餐廳食到茶記質素，肉味唔係好夠，又冇得order幾成熟，起碼9成熟，應該係一早整定，真心麻麻。下次我都係試下佢既晚餐算，不過佢杯凍檸茶幾好，拎返少分分，不過觀塘好多選擇，想食long lunch未必會選擇，但裝修ok都冇用，而家太多人啦

租金騰貴，食肆逃到工廈，不是什麼新鮮事。今日突如其來的飯聚，來到Factory 99，店名大概是由於小店位於巧明街99號的工廈的緣故。友人告知餐廳有「不齊人，不許入座」的規距，這也不是新鮮事。只是，到過日本、台灣和其他許多國家，好像只有香港有這種「規矩」，到底是誰把經營者和食客逼到這種地步？小店的裝潢佈置，由地下樓梯入口處一直延伸至1樓，牆邊除了掛上偌大的自家掛招牌，還掛了很多鐵皮畫作裝飾，拉開店門，內裡傳來震耳欲聾的聲音，令耳朵一時間適應不了這種熱鬧。全店的空間非常大，樓底高、多柱位、加上工業味的設計，有種置身外國大學飯堂的感覺。這樣的空間感，類似的裝潢，跟火炭的Fooody亦很相似。我們被安排坐在最小的房間內，甫坐下還沒想到點什麼餐，店員便問我們要什麼餐湯，典型的香港節奏。小房間的空間很小，慶幸有一排很大的玻璃窗，陽光透進來令人沒那麼鬱悶。午餐有十多款選擇，價錢由$50~80不等，四月點的是F99美味漢堡配薯條，賣點是以美國頂級牛肉配黑松露及熱溶芝士。店員端來時，那份量多到令人有點傻眼，整個漢堡大約有女生的兩個拳頭大。漢堡的賣相挺邪惡，不過入口芝味淡薄，令殺傷力頓時降低不少。厚厚的

Happy Friday 仲要直落中秋節假期，今餐lunch 當然全香港ge 打工仔都好滾動！咁happy, 就全team 總動員試新野！Factory99, 久仰大名，未有野食落肚，首先就讓我哋試咗book 咗枱都仲要等好耐位ge 經歷， 大約企咗10 分鐘，先入到座~入座期間見到待應們手上捧住勁fit ge 唔同菜色，快速往來，令我佩服又驚嘆！ 果然，上菜速度快， 食物大件又有質數， 最重要係抵食！#F99漢堡 (牛肉黑松露溶芝士) 配薯條好大份亦足料， 個burger 有成5吋厚， 牛肉漢堡扒煎得香脆，咬落去又勁多肉汁， 證明火候夠， 用料足！ 不過就完全食唔到黑松露ge 味道~~

呢間餐廳係觀塘工業區裏面，因為好近我公司，所以成日都會同班同事去食Lunch。早過12:30食，環境都唔錯，可以傾下計。不過一到左Lunch Time高峰時間，你就真係排到出門口，仲要人齊先入得！有時候一早訂左位，但都要等下先入得。今次就簡左"香煎美國豬扒青胡椒燒汁配薯條"！哩個豬扒比平時餐廳較為厚少少，但食落去唔會好難咬，相反仲好Juicy，非常有口感青胡椒燒汁都幾香幾濃味，兩樣都值得一讚啊！個汁配埋薯條簡直係正，價錢又唔會太貴，Lunch Set有餐湯餐飲包，係觀塘返工嘅朋友仔，不妨考慮下！

服務態度差一入黎隻碟係有哂明顯未洗乾淨黃色漬呀左牛扒5成熟, 茶餐廳質素, 肉質非常普通, 差過自己煮呀左德國豬手, 皮一d唔脆, 差table 18好遠另外叫左risotto, 似飯加dd汁, 好乾, 完全唔似risotto張台5平,倒左凍飲, 無人幫手抹台, 咁我地自己抹啦, 然後自己旁邊繼續坐然後個著便服貌似老闆娘大聲鬧我地做咩倒瀉野唔叫佢, 仲坐, 無人幫手抹我都無話, 宜家仲鬧客野唔好食都算, 服務差就真係blacklist 第一次打食評都係因為希望大家唔好做下一個受害者

呢間餐廳係觀塘工業區裏面，平時我好少去食有一次同事帶我去呢度食lunch之後我就愛上左呢度，環境一般，成日因為好多人所以好逼夾，因為我覺得佢哋食物水準好好，所以可以補救返，而我最鍾意食佢哋個扒同埋薯條，首先塊扒好大塊，五成熟剛好，淋上香濃黑椒汁，另有我食指大動，仲有好清新既沙律拌碟，個薯條炸得好脆，唔似大牌子嗰啲咁細條，呢個薯條好有咬口，食完都覺得好飽，侍應服務態度尚可，所以如果食物質素好其他因素都唔係最大問題! 我會繼續叫朋友黎

喺觀塘區返工, 一心想黎試下工業大廈中既美食。第一次黎到滿座之餘門口仲逼滿曬人等位。今次有左上次既經驗，提早1個鐘黎避開lunch高峰。工業大廈既餐廳，尼間都算唔話得啦~裝潢好有自己style，喺樓梯兩邊墻上貼面不同既poster。上左2樓唔洗等位，但都已經坐滿一半餐廳位。Set lunch選擇都算多，我點了個Burger配薯條，Set餐還有湯。這個價錢算不錯。個Burger真係大，還有中間的牛肉也很厚，而且牛肉不會過熟，芝士份量剛好！咬下去，很Juicy，好抵食！配菜薯條都好味，炸到內軟外脆。

Kwun Tong is an interesting place. If you go beyond APM, you can find a lot of action inside factory buildings. Shops selling everything from clothes to beef and various restaurants and cafes of all shapes and sizes. Some pretty fancy ones, too.On this day, came with boyfriend to Factory 99. A restaurant located in, yes, a factory building. Located near APM, you'll know you find this place when you find a hallway with various interesting sign posts. Signs like this:Inside is a cafe like setting

Happy Friday當然要食好d la一早已經book左10位去食factory 99, 門口依然人山人海, 雖然一早訂左位, 但都要等一等先得, 一坐低已經即刻ORDER, 好快就上左餐湯同野飲, LUNCH款式都唔小, 我決定要D餐, 香煎豬扒配意粉, 係厚切豬扒, 黑椒汁好正! GOOD~

常聽聞觀塘這一區有很多在工廈的樓上餐廳，是日同事帶我去發掘新大陸，暫時逃離一下連鎖餐廳的魔爪～Factory 99位於一樓，從地下那層到樓梯再到餐廳門口，牆上也掛了不少佈置，我對這趟restaurant explore之旅更期待了 到門口大約12:20，這麼大的店面已經客滿了一大半，下次來也要記得早點到。我們三人和另外三人搭檯坐，情況有點似speed dating ... 哈哈, 繁忙時間沒辦法啦！Set lunch選擇算多，今日好肚餓所以點了Burger配薯條。Set lunch有湯（中湯或羅宋湯）、主菜及餐飲，這個價錢算不錯。點餐後所有湯極速到達，我們也被呀姐們的chur氣感染，不敢怠慢，很快便喝完湯。不料主菜也這麼快到，這種efficiency我想是香港特有的吧。它來到的時候成檯人都望住... 因為它真的十分巨型! 它不只麵包又高又大，連中間夾著的牛肉也很厚，配菜的薯條又多，好抵食！我把番茄、生菜和洋蔥夾進去後，再把它切開兩份來吃。一咬下去，嘩，很Juicy，肉味很濃呢! 再加上半溶的芝士和輕輕的黑松露調味，是很高分的一個Burger。如果這裡是中環，單點這個包也要一百元以

同朋友吃個午餐，餐湯有羅宋湯或花膠湯，羅宋湯味道算是不俗，至於花膠湯竟有驚喜。我就點左吉列魚柳配鮮果沙律，炸得鬆脆，好彩沒雪味，尚算彈牙。 加上有大量生果的沙律，仲蜜糖芥醬，OK的。朋友就叫左美國肉眼扒配紅酒汁，件頭也是大大薄薄。 份量是足夠，肉眼位也是夠淋，無失敗成分。價錢方面，70蚊左右，尚算OK。