Factory 99

營業中

休息中

上兩個月有朋友結婚喺呢度包場，食物算不錯。今日情人節，我專帶阿仔去揾媽媽俾驚喜佢，之前已經book左三位，問左有冇BB椅，聽電話嗰位女士話okay,會有BB椅同安排，但到左之後，我記得應該係老闆娘話午餐太忙吾會放BB椅，我好聲好氣再講係你職員話有，佢越講越吾想理我，個態度好似我打電話去book位book BB椅是錯的，我知道午市好忙，但咁嘅態度真係唔okay!我最終離開左去第二間。食物與態度，我覺得同樣重要，希望佢地可以改變，不過我唔會再去。

別以為工廠區🏭就只有食堂而已，經過這些年來的工廈活化，觀塘工廠區早已起了不少變化。坐落於巧明街上，絕對不難找，加上樓梯牆身上大大的招牌和一堆特色的鐵皮佈置，肯定可以一眼認出。😁沿著鐵皮牌子上一層就到了。👣工廠大廈空間感當然足夠，高高的樓底、加上水泥地磚、木製的餐枱和餐椅、再配上仿古吊燈，裝潢上看出了店主的用心。😌是日餐湯🥣：隨午餐附送，每日送完即止。今日的是羅宋湯，濃濃的蕃茄🍅湯底加入不同類型的蔬菜🥕粒粒，酸酸甜甜的，非常開胃。蒜蓉包🥖：跟隨餐湯🥣送上。可惜烘焙時間不足，麵包不夠香脆，蒜香味亦不夠。F99三併（燒紐西蘭西冷🥩&德國豬肉腸&溶芝士大啡菇🍄）配薯蓉：雖然啡菇🍄尚算新鮮，但芝士味🧀不夠濃郁。西冷🥩亦煎得太乾了，肉質很韌，沒有肉汁，失望。😢不過薯蓉做得非常幼滑，奶油味香濃。F99美味漢堡🍔（US頂級牛肉🥩黑松露溶芝士🧀）配薯條🍟：很驚喜的一個。牛肉味🐮極其濃郁的漢堡排，一口咬下去有大量肉汁流出，配以溶芝士🧀，味蕾大滿足系列！🤤總結：地方較大，要找店員有一定難道，但店員態度親切，加分。👍🏼下次來一定要再點漢堡！🍔🍔🍔

好少去呢間食lunch,因為去開嘅人都知道呢間野嘅餐牌好少轉，如果個個星期都去食會厭。隔左個幾月再同同事去，似乎有新野，有少許驚喜。個驚喜就係有芝士農夫包加炸雞真係估唔到lunch可以食呢啲，一上枱，個賣相不得了，成枱得我一個叫左，大家見到都想試吓。相到都睇到芝士有兩種，一種白色一種深黃色🤣，味道唔太鹹，調味唔錯，不過一定要預咗佢好"漏"，一碗仔芝士汁啊炸雞個粉唔會太厚，緊緊黐住雞肉，最驚食到啲炸雞肉一份粉一份，仲有雞肉係全熟㗎最好食就係個麵包，外脆內軟，加埋芝士汁得兩舊西蘭花，我覺得可以再多啲，西蘭花點芝士汁好好食。雖然呢個係一人餐，最好同同事大家一齊開心share食。

觀塘區的上班一族, 必定對「Factory 99」不為陌生, 其環境及食物質數之高, 絕對為觀塘區午膳的首選。座落於觀塘Lanemark East旁邊的巧明工廠大廈1樓, 店內懷舊的裝潢以及各國特色的擺設, 足以知道老闆對於食肆環境的執著。極邪惡系列, 必食推介, 溶芝士配搭牛味極濃的漢堡扒加上脆炸薯條作為伴碟, 大膽講句: 「無得輸！」同場加映西班牙豬脾配上德國腸和咖啡菇, 味道不過不失, 性價比高。高水準午餐推介, 絕對值得一試！

估唔到短短四個月已經瘋狂食99食咗好多次🤣快啲開張VIP俾我啦🕺🏻點解我又嚟？原因就係是日 meau!J又出現我最鍾意食嘅羊脾啦❤️❤️❤️即刻9沖唔洗諗😂羊脾同上次食薯溶嘅一樣，不過今次跟個餐要跟意粉/飯，我就簡咗意粉，有粉少少失望嘅，因為啲意粉都幾淡味，要同肉一齊食先會好食。下次會等配薯溶先再食～～

朋友嚟觀塘探我，唯有又帶佢去一定無死嘅99食個靚lunch🕺🏻🕺🏻今日勁開心！捕咗好耐嘅羊脾肉終於帶得食！🤤🤤🤤有芝士大啡菇 勁多薯溶同羊🤤🤤🤤份量係岩岩好 唔會餓襯！羊肉好慢 羊肉咪唔算太重，以一個觀塘區食lunch唔算太差啦！爆咗光唔好意思🤦🏻‍♀️🤦🏻‍♀️ 跟餐仲有野飲同餐湯，中湯唔係次次都有料 睇運氣啦

其實我已食過呢間餐廳數次但而家先第一次為佢寫食評呢呢間餐廳 響觀塘一座工廠大廈的一樓裝修充滿美式佈置今日係12月 餐廳都增加咗d聖誕裝飾呢黎得食過幾次 自然對佢充滿信心今次亦無令我失望我同友人分別叫咗一個$199猪手餐 & $268牛扒餐首先係送的香草麵包 香草味芳香濃郁可惜我唔記得影相再來餐前小食. 蕃茄多士 好脆口呢到是日餐湯 由於我係星期四食. 海底椰椰子煲雞起初我唔知係咩湯（我係走個時先望到個牆先知係咩湯）我亦飲唔出佢係咩黎 但個湯有粒粒肉 我覺得好有口感 味道亦好飲！正我的主菜.7成熟牛扒一上時已好有牛香. 食落勁林勁有牛味！超正朋友主菜. 猪手. 炸得好脆可惜舊骨好大舊 所以d有其實唔多呢⋯小小扣分位甜品： 蕉糖鄧蛋 䁔䁔好食👍🏻是日2個人$467埋單 唔收加一的我下次仲會黎幫襯

一無帶飯，唔係去etoo就係99，繼續停不了嘅沙律人生，嗌咗C1  挪威煙三文魚配田園鮮果沙律，request 蜜糖芥茉醬另上！好想飲中湯之濟竟然無晒，結果嗌咗白湯，味道唔差，有魚肉同蜆肉。沙律勁！大！份！☺️鮮果好鮮甜，下面都係生菜頂住，但呢個份量做lunch唔會餓👍🏻

繼續係又甜又大份嘅薯仔沙律，今次無咗上次嘅軟殼蟹，變咗大大隻嘅炸脾，比起軟殼蟹份量大好多！幾個女同事打算食少啲都俾佢沙律名呃咗🤣🤣外皮香脆，內裡嫩滑，就只係份量大得濟，細少少就可以食晒唔浪費啦！

軟殼蟹配薯仔沙律，香甜同脆卜卜嘅配合勁鐘意！呢個餐仲要唔係成日出現！勁想再食軟殼蟹🤤🤤份量好足嘅沙律，食落好creamy，薯仔夠晒飽肚🤰🏻🤰🏻軟殼蟹有成兩隻！ 食晒成個岩岩好！ 唔會太過份☺️

Factory99 ！值得一試的西餐廳！就近上班，聽同事講呢間餐廳d質素唔錯，價錢當然都會貴啲啲。今日工作順利，慰勞下自己就試下，平時都只會食$40樓下啲快餐。菜單都頗多選擇，掙扎完一輪最後揀佐C2餐！吉列魚柳配（鮮果田園沙律）魚柳炸到一啲都唔老，皮脆得黎肉幾鮮甜。啲沙律都好新鮮。唯獨餐湯比較味精感覺重些。但整體都ok，中午黎都頗多人需要等10-15分鐘。裝潢值得一贊！！對於普通打工仔黎講，呢個價錢都系間唔中會選擇食，每個月三次內就夠了。

之前睇左Openrice 既食評黎食左次，結果有驚喜喎！兩次都係黎食set dinner, set dinner 有 前菜，麵包，湯，主菜，甜品，咖啡或茶次次食完都好滿足喔先講今次今次前菜有意式他他包:，仲有熱辣辣既麵包同茄蓉湯 酸酸甜甜好開胃之後主菜黎啦～～ 今次係煎銀鱈魚配薯蓉 肥美但健康甜品奉上～～～係焦糖布丁❤️❤️❤️清甜不膩環境一流 由地下上樓開始就感受到餐廳既氣氛，再加上位置就近APM聚會的好地方可以變飯堂喔😝😝😝

之前有朋友講過話呢間ok 咁去開觀塘就試下呢間既lunch 個fd去左廁所 我上去拎位先然後一去到差唔多坐滿不過都即刻有位 佢亦都冇話要人齊先入然後入去坐左一陣 睇下餐牌無啦啦有個女人 入黎話我 「你幾時人齊？ 我俾多兩分鐘你 再唔齊你就同我出番去！」 我食個lunch 都要俾人鬧😭😭😭雖然係繁忙時間 但係你又冇講明or寫低再者我又唔係坐你幾個字 都係坐左5分鐘姐服務態度咁差就算野食好食 都食得唔開心同埋其實我嗌左個K 都唔好食 （西冷扒 大啡菇 豬肉腸配薯蓉）未食過咁乾咁硬既牛肉 好似煲湯瘦肉😵我個fd個 肉眼扒就幾好食不過真係食到一肚氣😡

Factory 99 之前食過幾次 lunch都超多人在門外等位，不過地方夠大夠多枱，等5-10 分鐘便有位，但昨天和同事一行4人去食lunch, 竟然等了唔使2分鐘就可安排入坐，可能近期觀塘區太多食肆進駐工廈，太多選擇吧！我們點了4個餐大家share食，美味漢堡配薯條($72), 香煎西班牙豬腩肉燒汁意粉(可選飯 $63), 咖喱牛舌焗飯 ($60), 軟殼蟹配鮮果田園沙律 (可選薯仔沙律 $62); 漢堡每次去都必叫，因夠大個 & juicy , 如2個女仔食都夠飽； 西班牙豬腩肉望落去好似好多肥豬肉，但食落又ok, 只係瘦d 既肉有少少un, 同無乜燒汁，整到d 意粉好乾； 牛舌焗飯 & 軟殼蟹沙律一般，無乜特別。總括來說： 上菜夠快，食物水準 & 價錢ok, 凍飲唔使加錢，餐牌定時會改，不過就嘈左d, 但以工廠區有這質素算不錯了。

今日好姐妹有得收早，大家剛剛又去完旅行，想交換禮物和傾吓計，好耐冇食Factory 99，所以上咗去食。見到佢晚餐有牛扒，我哋兩個都叫咗牛扒餐，牛扒有9安士都幾大塊，我叫咗7成熟，好姐妹叫咗5成熟，塊牛扒雖然大塊但好薄，叫咗7成熟，但我覺得熟過頭，有啲韌，同埋啲脂肪好多，配菜係薯條，都好粗身和脆，仲有個茄子都幾好食。餐湯係薯蓉湯有幾點麵包乾，好好飲，個餐包熱熱地好鬆軟，好好味。餐飲我叫咗凍檸檬茶，茶底好香，都好好飲。牛扒晚餐$179，唔洗加一，都算抵食，但可惜塊牛扒over cook又韌咗啲，真係有啲失望。環境好舒服，平日都唔算多人，點咗蠟燭都幾浪漫。