Espuma (M88)

營業中

休息中

放假前夕同朋友去M88食飯，七時多已差不多坐滿。被安排坐在窗口位置、感覺舒適開揚。八爪魚配欖油柚子醋 $98切成細細片的八爪魚軟軟的有咬口、沾點橄欖油口感較油潤、而柚子醋味道微酸、令這道菜成為西班牙著名的開胃小食。西班牙黑毛豬蘆筍燴飯 $128忌廉汁燴飯好creamy，口感幼滑像risotto。鹹香的西班牙黑毛豬跟燴飯味道挺夾。紙包焗石班柳及雜菜配黑水欖汁 $168一打開紙、熱氣迅速冒出、好嫩滑的魚柳呢！雜菜以這種方法烹調亦保持著水份。紅絲絨蛋糕配雜莓 $98有著高貴感覺的Red Velvet Cake、原來蛋糕得濕潤軟熟、配酸酸甜甜的黑莓、紅莓、作為飯後甜品挺不錯。一整子沒喝咖啡、點了這個以小杯盛著的朱古力榛子瑪奇朵 $42。可愛的小貓造型拉花、朱古力榛子味道突出、有點像喝金莎朱古力的飲料、口感順滑、很滿足☺️

同朋友在蘭桂芳來一個Happy Hour後, 便走到隔壁的威靈頓街晚餐, 我們選擇了17樓, 時間尚早, 店員安排我們坐在窗邊位置, 景觀開揚, 可望半山區, 夜景吸精看見餐廳牆上有Novell咖啡資料感覺不錯, 所以飲品點了一杯手搖咖啡, 用上香檳杯裝著, 特別高貴, 咖啡味較濃微甜味道出眾,友人就點了一壺每檯都有點的招牌水果茶先來一份沙律作頭盤, 牛油果鮮蝦沙律, 新鮮沙律菜配上芝麻醬, 牛油果/芒果及鮮蝦比例較大件, 灑上大量芝士粉, 確是有點罪惡感香煎珍寶帶子配西班牙辣肉腸及黑毛豬火腿黑毛火腿的甘香, 帶子的厚肉, 再配上辣肉腸都咸香有口感, 三者互補不足, 互相配合海鮮蕃茄清湯, 上菜時清湯用湯壺裝著, 自行車把清湯倒在碗內, 不會令湯容易冷卻, 有青口/蜆肉/ 蝦及墨魚, 蕃茄湯非常清, 由於湯面放上一條刁草, 刁草預熱後, 傳出一陣陣香氣, 更帶出海鮮鮮香黑松露醬炒鮮雜菌寬條麵, 黑松露醬絕不吝嗇, 配上雜菌更是絕配, 每條寬條麵均沾上黑松露醬, 很creamy, 麵質軟硬度適中甜點來了一份夢幻的彩虹麻糬配雪糕, 雪糕有五款口味, 我們選了cream brulee ,

來到9月尾，差不多是抓住夏天尾巴的時間囉雖然其實天氣還是很悶熱 (目死) 這天就來到中環吃 夏日Tea Set ($228 / For Two)包兩杯的飲品～或者可以加錢轉成其他的飲品喔 (╹◡╹ )Mint Chocolate Macchia (＋$15)(*˘︶˘*) 我點的那杯 - Earl Grey Tea 則是不用加錢很喜歡這茶的香氣～還可以加奶喲首先當然是吃鹹點 (第2層)～有三款：粟米白汁焗青口 - 其實這個味道還好啊，只是貌相真的有點醜 Orz烤蝦薄脆配牛油果莎莎醬 - 香脆的墨西哥片加上新鮮的蝦～有點酸酸辣辣。葡式蜆肉迷你法包 - 法包偏硬身，不過蜆肉滿多頗有口感且很惹味再來吃的是最底那一層～有兩款的鹹點和一款甜點：蟹子蕃茄螺絲粉 (冷) - 帶酸的味道～吃落還滿清新開胃。但說好的蟹子呢？煙三文魚米紙卷 - 將三文魚包在米紙當中，一口咬落去便嚐到煙熏鹹味松露拿破崙 - 酥脆的口感，不過松露味不算太濃 ( ﾟДﾟ)在吃甜品之前～先吃 - 薰衣草鬆餅配鮮忌廉及果醬有點太鬆的，如果太大力的話會很容易粉碎耶 QAQ不過這吃落比較像“櫻花“啊～而且我們這個是淡淡的粉紅色來終於

黑白芝麻吞拿魚卷 $98淺綠色的醬汁帶蒜味；半熟吞拿魚呈粉紅色，但略為偏熟黑白芝蔴包圍著吞拿魚外層，咀嚼時齒頰留香烤蝦蕃茄豆瓣醬意大利麵 $118加了豆瓣醬的意大利麵微辣，與蕃茄醬一起烹調的做法頗具創意配料足，烤蝦肉、青椒、紅椒也不少。升級版奧利奧朱古力布朗尼窩夫配雪榚 （半份$88；全份$128）我們點的是全份和草莓雪榚。水滴造型的窩夫很脆，可蘸一些煉奶。另外還有切半的Oreo餅乾、朱古力brownie和棉花糖。招牌生果茶 $45很喜歡全玻璃的水瓶、杯子、温瓶的爐，只是看著已感覺relaxing.生果茶味甜清新，青、紅蘋果片爽口。

餐廳燈光柔和，設有多個座坐，可容納更多客人，感覺舒適。🥗牛油果蝦沙律配油醋汁 $98蝦肉質彈牙有鮮味，牛油果香滑，芒果香甜，沙律菜新鮮。加埋d芝士碎同醋汁調味，好好食👍🏻，令人胃口大開。🐔焦糖單骨雞翼 $68雞肉嫩滑多汁，但偏咸左少少，不過沾上糖漿食落香口惹味。🐂慢燉牛肋骨肉飯配牛肉燒汁 $238牛肋骨肉夠腍嫩，油花多，肉味濃郁。食落似牛腩都幾好食。米飯濕潤飽滿，可惜稍為硬左小小。餐牌所指係兩人分量，但我覺得係足夠三人食，為左唔浪費都努力清哂，真係飽到上心口😂。🍹金錢與浮雲 $45上面有一堆提子味爆珠，上層紫色係蝶豆花，下層黃色係芒果沙冰，賣相吸引。初初飲都尚可，但擺耐左芒果濃度高，變左偏甜。🍹你是女神 $45造型可愛別緻，一飲落去好有童年回憶，同細細個成日食既香芋味雪糕一樣味。上層士多啤梨沙冰，下層芋頭沙冰。初初入口芋頭味相對較重，後期士多啤梨味會較出，味道偏甜。🥚🍰焦糖流心焗蛋白 $78上碟既時候瞳孔放大😂，因為無諗過甘大個，成個5寸蛋糕甘闊。發起左既蛋白好軟，食落好似棉花糖甘，被燒過既部分會更好味。切開有焦糖流心好邪惡，下面係原味海綿蛋糕唔太特別。食到實在太飽，滿載而歸既感覺，整

﹣◇Green Monday◇﹣Espuma 推出左Green Monday menu 有pizza, burger, risotto 或者all day veggie 俾你揀- 紅糙米吉列菇漢堡, 雖以吉列方法製作但入面既菇唔會乾爭爭, 岩哂想食香口野但又prefer清淡口味既朋友- 芝士菠菜焗大菇黑松露燴飯就最吸引, 芝士焗大菇冇得輸 , 想飽肚就可以揀佢啦- 簡簡單單既Margherita pizza加上薄脆批底, 一個人K.O哂都冇問題🤣 - All Day Veggie 就岩哂平時唔鍾意食bacon同sausage既朋友啦

平時好少黎中環區食野，不過呢間一直都想試好耐，見到評價唔錯，咁啱經過呢區就上黎試下😍。✨7 點鐘上到黎，人流未算多。環境幾有氣氛，燈光帶點昏暗，啱晒拍拖撐枱腳😚餐廳起17 樓，坐起窗邊望住中環既高樓夜景，幾好mood✨由於有選擇困難症，最後揀咗食二人餐（$588)。✨本身有餐酒，仲有連野飲一杯。㨂左氣酒，易入口😉。✨另外散叫左杯summer drink. 呢杯"你是女神"($45),未黎果時已經好想飲，佢個樣真係好過癮。本身都好鍾情d 紫紫粉粉既顏色，士多啤梨更加係我既大愛。初初飲落係帶點沙冰既感覺，放放下變左奶昔😍面層士多啤梨味甜中帶酸似yogurt, 同時間啜到下層淡淡既芋頭香味，整體味道幾特別又唔會太甜，推介👍🏻✨煙三文魚海撒沙律，份量都幾大，最鍾意佢係每塊菜都沾滿醬汁👍正！✨小食拼盤：👉黑白芝麻吞拿魚卷： 呢個食法幾特別，加左芝麻又幾夾，幾香口👉水牛芝士+沙沙醬多士：本身唔係太喜好水牛芝士，不過加左蕃茄粒中和左佢既咸味，底層多士搽左蒜蓉醬，味道幾豐富👉焦糖單骨雞：平時食慣蜜糖雞，焦糖味道幾特別，外皮仲微微脆✨是日餐湯係龍蝦湯，龍蝦味不足，不過勝在口感細滑，味道唔錯✨蘑菇湯味道濃

喺中環食好又唔想太貴可以嚟 espuma最重要係食完飯唔駛轉場食甜品因為呢度啲甜品好食！😂【香煎珍寶帶子配西班牙辣肉腸及黑毛豬火腿】一字排開有三隻帶子，賣相幾靚個 ham 好有鹹香，成個配搭好新穎～【烤風乾蕃茄及菠菜釀豬柳卷配蘋果蓉】呢個有少少 beef wellington 嘅 feel～不過就多幾圈酥脆卷卷上面嘅蘋果蓉好清新【自家製炸蟹鉗墨魚汁燴飯】好海鮮嘅 risotto 😂係真蟹鉗加打成膠嘅蟹肉～【鮮果麻糬窩夫配雪糕】呢度嘅麻糬窩夫係必食！雜果係真鮮果～waffle 可以配雪糕、吉士醬或者蜜糖 🤤外脆內煙韌勁好味飲品都好靚，尤其是 Summer Drink！【Rose with Cotton Candy】濃濃酒味比甜蜜嘅綿花糖中和，更易入口【Honey Green Tea Macchiato】原本個拉花好靚 🙈但我插咗支飲筒落去..

是日雖然打一號風球！亦無損我同閨蜜去high tea 既心情我地係網上見到Espuma 推出左一個tea set賣相吸引，所以就黎一試我地3點左右黎到，人唔算多我地被安排坐係窗邊望住出面既環境high tea非常寫意呢個e-House tea set $228+10% 2位享用如果餐飲唔岩飲既話可以加$15 轉做特飲薰衣草鬆餅配鮮忌廉及果醬將鬆餅切開 就見到非常搶眼既紫色而鬆餅口感結實每一啖都帶有陣陣嘅薰衣草香味非常清新手呢間屋仔分咗三格我哋就有咸食到甜第一層烤蝦薄脆配牛油果莎莎醬 ﹣ 墨西哥片上有蝦肉及蕃茄，配上牛油果醬，味道酸酸甜甜粟米白汁焗青口﹣白汁味濃郁葡式蜆肉迷你法包﹣法包太硬了，硬到咬唔係好到，影響左第二層蟹子番茄螺絲粉 - 番茄醬帶有少少辣味，螺絲粉內有蟹子 食落口覺得有爆珠嘅感覺煙三文魚米紙卷 - 薄薄嘅米紙包住煙三文魚、生菜及番茄 ，鹹得來帶點清新松露拿破崙 - 拿破崙非常鬆脆最特別嘅一樣野係平時食開嘅拿破崙係普通吉士而呢一個吉士係有有黑松露嘅味道味道相當夾又好特別唔會覺得好奇怪第三層甜點有甜粟米吉士撻，西柚果凍及五花茶冷配爆珠等等甜點 五花茶冷配爆珠有驚喜平時五花

友人生日飯選擇係呢度食, 原因係壽星女要求, 店內環境氣氛都唔錯, 侍應安排我地坐於窗側, 為於十七樓之高, 可以有街景望下都幾唔錯!侍應送上餐牌供參考食物選擇種類有沙律, 小食, 湯, 意粉/飯, 主菜, 價錢望落都幾親民, 友人真係鍚住我荷包啦.................哈!有食仲有飲, 多款咖啡及特色果茶/沙冰呢客室溫茄子鷄肉沙律 ($88)份量都頗多, 底層以深綠色沙律菜墊底, 面頭有厚切茄子及鷄肉片, 灑上少少黑白芝麻增加香味; 略為微燒烤過既茄子食落仍然有汁, D鷄肉片食落出奇地嫩滑, 有驚喜呀!鷄翼..........我鍾意食! 見到呢客焦糖單骨鷄翼 ($68)上枱時我已經流口水啦, 單骨鷄翼除左易食之外, 亦容易令佢入味, 鷄翼被焦糖包圍住, 皮香脆又肉滑, 味道甜得黎又帶D惹味, 好味道!食完沙律及小食, 主菜上場啦, 呢客黑松露醬炒鮮雜菌寬條麵 ($108), 芝士碎灑滿係黑松露醬寬條麵上, 每條寬條麵上都沾滿黑松露醬, 唯黑松露味唔算太濃, 鮮雜菌粒食落口感爽口!另一主食叫左呢客雙重芝士蟹肉薄餅 ($118), 身為芝士控的我見到"雙重芝士"呢4隻字已經心

老婆生日想在中環慶祝，想去一間既浪漫又有情調的餐廳，上網找到評論都不錯的Espuma的其中一間分店，餐廳位於中環威靈頓街2-8號威靈頓廣場M88 17樓。餐廳裝潢有特色，光線柔和有情調，讓人感覺舒適自在有格調。西班牙黑毛豬火腿配西班牙蕃茄醬及多士 $188黑毛豬火腿不油膩，肉味香，卷着濃味的火箭菜一同吃很匹配，蕃茄醬味道開胃突出，配脆多士食，香脆野味。白酒忌廉藍青口配蒜蓉多士 $128青口肉有些小，入口鮮嫩，白酒忌廉醬汁好香濃好滋味，配上香的蒜蓉包，口感豐富味道香濃。自家製炸蟹鉗墨魚汁燴飯 $128大大的两隻蟹鉗很搶眼，外皮金香酥脆，內里十分彈牙加上蟹味香濃，很不錯。黑黑的墨魚汁飯香濃煙韌有口感，吃完整個飯都有些膩。老婆生日當然要點杯「你是女神」比佢啦！見到已經開心，很可愛。整體都很不錯，無論環境、食物、服務都有中高水準，下次也會再來。

已經是Espuma的常客，襯星期六晚男友有空檔，便相約爸媽到中環的Espuma分店一起用餐。職員一貫有禮地帶我們到座位，是晚客人頗多，但仍然留有一張大而舒適的4人梳化座給我們，安排周到。我們四人各點了兩個二人餐，以下是我跟男友的選擇：||Set Menu $588 for 2||Appetizers《煙三文魚凱撒沙律》煙三文魚很大一片，煙燻味香，沙律菜十分新鮮爽脆，配上面包脆脆和芝士碎，口感味道不錯。《精選小食拼盤》-焦糖單骨雞翼x4 -水牛芝士&莎莎醬多士x2 -黑白芝麻吞拿魚卷x4小食拼盤有特色，賣相漂亮，當中甜酸感味適宜，焦糖單骨雞翼香甜野味，軟腍香滑的水牛芝士配莎莎醬多士，口感一流。吞拿魚卷肉質嫩滑。Soup《雜菌湯》湯裡面有不同的菇茸，口感非常好，味道濃郁，濃稠度適中。Mains《鵝肝黑松露醬條面》上桌時黑松露醬香氣撲鼻，鵝肝大片厚切，意粉軟硬度剛好，每一條都掛上黑松露醬，非常汁潤可口。《香煎三文魚柳配芒果欖油汁》魚柳嫩滑，煎得十分香，配上芒果欖油汁，整體很清新。Desserts《每日精選窩夫》賣相非常豐富多樣，而且是新鮮即製，心型窩夫外脆內鬆軟，可淋上雲尼嗱醬，與草莓雪糕、

夏日炎炎去游水怕熱又怕曬黑、最好的消暑活動莫過於high tea吧！中環Espuma位於M88、居高臨下、坐在窗邊位置可飽覽半山景色、綠意盎然、心情隨之放鬆。今個夏季推出的玻璃小屋high tea、很漂亮吸晴。$228 tea set 包三層鹹甜點及飲品。首先送來是薰衣草鬆餅配鮮忌廉及果醬。鬆餅暖暖的送上來、外面脆脆的、有淡淡薰衣草香味、幾特別。趁熱沾點忌廉果醬吃、味道不比酒店的遜色。下面兩層的鹹點有烤蝦薄脆配牛油果莎莎醬、粟米白汁青口、葡式蜆肉法包 、蟹子番茄螺絲粉及煙三文魚米紙卷。個人偏好牛油果、覺得烤蝦薄脆做得不錯。甜點有甜粟米吉士撻、五花茶凍配爆珠、紅莓芝士蛋糕、原粒西柚啫喱、松露拿破崙。冰涼的西柚啫喱釀在真西柚皮裡、很有趣。比堅尼造型的紅莓芝士蛋糕充滿夏日感覺、令你想馬上往海灘衝浪去～芝士蛋糕味道唔太甜、配上微酸的紅莓更加醒神。餐飲可加$15升級至一糸列特飲。熱招牌水果茶以玻璃壺暖著、由多款水果造成、有青蘋果、蘋果、奇異果等、味道討好。坐在這麼舒適的環境看著半山景色、與朋友呷口茶吃個精緻的下午茶、真的非常愜意。價錢又親民、可以趁秋天來臨前趕快約BFF再來一次！

預約7pm 吃晚餐，630pm 到達，職員立即為我們安排坐位。我和友人兩人共點了：一份沙律，一個意粉，兩杯飲品結帳連加一合共$350左右。最先到來的頭盤· 芒果冰甜，酸度剛好· 沙律菜每塊也平均地沾上油醋，是事前已經攪拌好，可見廚師體貼心思，而菜配醋的微酸味亦十分開胃· 牛油果剛好熟透，是沒有甚麼突出味道· 蝦肉都沒有突出的味道，但是彈牙有嚼勁· 鵝肝好吃，煎得外皮略脆，內料鹹度適中。甫吃下第一口，以為是煎午餐肉的口感，但是就沒有午餐肉般過度俺製的重鹽鹹味· 意粉爽口彈牙· 磨菇配上黑松露醬味道濃郁可口，情況就像比一般卡邦尼意粉帶有更重菇味，但無咁漏· 奇異果鮮甜好吃· 茉莉綠茶帶淡淡甜味，不錯，但就是沒有喝到太多奇異果汁味，真正嘗到奇異果汁味就是泡沫部分而已總言之，餐廳環境優雅，望出落地玻璃窗外更有一大遍中環的高樓大廈連山景色。環境和食物質素也是水準之上。

難得老公放假都專登走嚟中環陪我食lunch, 結果得我自己一個有嘢食， 我老公要餓住走！！ 我哋book中午12:45準時到， 一到就叫嘢食， 老公叫咗個ribs, 等咗半個鐘有多, 嚟咗另外一個唔知係乜, 原來落錯單, 但落錯單又唔同我哋講, 要我追問先認, 第一次追問就話仲要十分鐘， 好，算，我等。 十分鐘後另外一個人嚟say sorry話追咗廚房但仲要等十分鐘！！WHAT THE!! 結果一氣之下 cancel咗個ribs.... 起身走時仲搞笑, 等咗成個鐘嘅ribs竟然出現咗, 都唔知攞景定贈興