Espuma (M88)

營業中

休息中

一直都係Espuma忠粉，今次Espuma首次推出四季菜單, 全新28款春日限定美食, 打頭炮的春日菜單－From Seed to Bloom，由即日至6月都食到，可以慢慢試曬，岩岩個假期就約左好友黎食，每次都回味！餐廳內佈置也充滿春日氣氛先來一杯招牌雜果沙冰HKD48大大杯，簡直重量級，兩個人都未必飲得曬，入口冰涼清甜帶鮮果香氣，有點酸又不太甜，好解膩解渴夠清新我地兩個食量唔多，所以無點太多，免得浪費呢款花焦展翅HKD78名稱好特別，客人可要求不加辣粉味道十分討好，外香脆，肉內嫩且入味，外層大概加入了麥芽糖，令味道更出脆，香甜中帶點點鹹味鮮味，十分了好吃另外亦點了個清新主廚精選時令沙律HKD148單單賣相已夠吸收，加上五顔六色，十分吸睛一款沙律都可以食到多種鮮果蔬菜，感覺健康，當中有羽衣甘藍，奇異果，車厘茄，士多啤梨及藍莓等等，口感豐富，好好味！仲有好多其他選擇，下次再來慢慢吃 ，好好味呀！

作為「Espuma」 Fans，知道「Espuma」推出新Menu，吾卒先品嘗下又點對得住自己呢🤣 .「Espuma」首推四季菜單，依家打響頭炮既係二十多款春日「From Seed to Bloom」限定新Menu～ 主打7款菜式：✨Pasta✨Tapas✨Salad✨Rice & Pizza✨Large Plates✨Dessert✨Waffle & Moffle.蝦醬櫻花鮮蝦意大利麵 （$178）意大利麵上堆滿足料去殼蝦仁，仲有翠玉瓜同蕃茄仔做伴菜，最後再灑上櫻花蝦，擺盤別緻非常🥰鮮蝦爽口彈牙，鮮味十足，一食就知唔係雪藏蝦👍蝦醬同意大利麵配合得恰到好處，每條意大利麵都掛到蝦醬，咸度更控制得宜，唔會過鹹但又食到豐富嘅蝦醬香，果然係廚師重點推介之一，大滿足呀❗️.酥皮香辣橄欖蒜片意大利麵 （$128）如果你同我一樣都係無辣不歡嘅香辣控，我會極力推薦你食呢款🙈 當店員將呢個超級巨型酥皮拎上枱嘅時候，眼球完全被佢吸引住😍 賣相充滿動感，令人眼前一亮💕意粉用蒜片，辣椒碎爆炒，條條都沾滿蒜香又帶香辣，真係既惹味又入味呀🥰 唔好以為呢個只係普通嘅蒜香炒意粉，入面仲有蝦仁，翠玉瓜片，辣肉腸，口感豐富

1.慢煮花椒口水牛面頰 ($135) +1雖然話花椒但係吾會辣，而且厚厚的牛面頰加上下面水份充足的西瓜～口感十足，而且以小菜而言又吾會太少份量😆Taste: 8/102.盞鬼稻荷蝦之丸 ($138) +1個人幾欣賞依個小食，首先打開蓋有乾冰所形成的霧氣作打卡～而味道方面以腐皮包住蝦肉，入面仲有流心的巴馬臣芝士流出🤤Taste: 8.5/103.漁汁漁味 ($288) +1魚的做法也是我喜歡的西京燒法，令魚的肉質因魚脂而肥美滑溜，有少少似西京燒銀鱈魚咁入口即溶～口感相當合我胃口😋Taste: 8.5/104.籠𥚃雞作飯 ($318) +11.2～1.6kg 既燒春雞以一個竹籠上，之後會幫你切埋～不過食很個一定要有返咁上下人數，同埋春雞的油脂冇咁多放耐左會比較嚡口🙈Taste: 7/105.嗡嗡蜜糖牛油果香脆窩夫配自選Mövempick雪糕 ($148) +1今次幾令我喜出望外的係個窩夫，以前這餐廳比較常用麻糬的窩夫，如果以下午茶而言係幾有飽肚感，但食完晚飯後可能會飽過龍～而今次用左香脆的窩夫就可以避免依個情況發生，加上我個人一向偏愛脆身的窩夫為主😆不過鍾意麻糬窩夫的朋友仔可以放心，因為仲

Espuma位處大廈高層，中午時份的陽光照射室內，明亮舒適。Hot Caffe Latte啡味適中，加少許糖已不覺苦澀，可惜稍欠熱度。友人點了一壺招牌水果茶，有小蠟燭一直熱著，不怕放涼。問侍應多拿一隻杯子，態度也很好，抵讚。水果茶真材實料，加入不少橙粒、菠蘿、青蘋果，果汁味與茶味也能平均滲出。餐牌上標示了一隻辣椒的擔擔吞，辣度極低，細細粒的雲吞醬汁creamy而不膩。鮮雜菌寛條麵滿有黑松露香，雜菌炒得爽口，寛條麵份量足夠二人用。窩夫新鮮烘起，熱辣軟熟；配搭牛油果、士多啤梨、藍莓、紅莓和Movenpick 雲呢拿雪糕，效果討喜。

自從發現 Espuma 飲野buy 1 get 1 free 咁抵飲, 同朋友間中都會上嚟開餐。每次都必點nachos 同 pizza！特色粟米薄脆日式粟米薄脆$108Nachos香脆可口, 本身略帶鹹香, 就咁食已經好好味, 配經典番茄莎莎、牛油果蓉和酸忌廉, 就更加滋味。巴馬風乾火腿蘑菇薄餅 $138Pizza餅底做得非常出色, 又薄又脆, 仲熱辣辣, 絕對令人停不了口。芝士加上Parma ham, 鹹香味濃, 配搭蘑菇、車厘茄、火箭菜等蔬菜, 正好作為緩衝。擔擔呑$138中式擔擔醬料crossover 義大利餛飩, 呢個組合夠晒新意, 食落芝麻醬味道突出, 如能加強麻辣程度, 一定更加惹味。

今日係非常Happy Friday, 因為連續放三日假, 收工就梗係去威下, 唔返屋企住啦! 今日照舊收工過咗中環，等我好姊妹收工，一齊食飯開心下！今日我哋再去到中環嘅Espuma， 數數手指已經去過三次啦！ 呢間餐廳除咗地方吸引，而且食物好好食，好特別，食得出廚師非常用心去做每一道菜。呢度嘅菜單成日都唔同，最近搞嘅係春日菜單，Seed to Bloom 🌸🌼🌷🌹💐🌻又係時候叫嘢食😋店員推介左兩個前菜，係廚師精心炮製。前菜一盞鬼稻荷蝦之丸 $138師傅每日都會自己打蝦膠，一切開，裏面嘅芝士就慢慢流出，個賣相仲好靚，用乾冰做裝飾，緩緩地噴出白煙💨前菜二西班牙果酒蜆 $118呢道前菜係一道冷盤，顧名思義，蜆係用西班牙酒浸嘅，再加師傅把生果切粒浸在酒中，發揮出甜甜生果香。食完蜆，我地仲食埋生果同飲埋浸嘅酒😌主食忌廉菠菜帶子意大利飯 $158呢個飯係綠色嘅，因為係用菠菜汁整嘅，帶子好大粒， 半生熟，個汁仲好creamy!流心芝士麻糬厚鬆餅 $128要等30分鐘，因為師傅即叫即做，蛋白係即時打。份量其實一d都唔細，夠3-4人食。食落感覺似梳乎厘， 一切開，裏面嘅流心蛋白芝士就流出，個鬆餅好有空氣

星期六啦🙌🏻 不用番工的日子特別令人興奮！今日約了好姊妹來中環嘆個brunch！悠閒寫意一番😍 地方易搵，就在蘭桂芳附近。一入到餐廳就覺有種春天的氣息。落地玻璃，陽光灑進餐廳，令人精神爽利！😎另一邊是一橦花牆，女孩最愛的花花世界。蟹肉蘆筍蛋餅 $88熱烘烘上枱，香氣撲鼻！一切開熱騰騰的蒸氣涂涂上升，看著已覺療癒！蛋味濃郁嫩滑，蟹肉味道明顯，新鮮焗出，香口美味！👍🏻 $88份量多，幾抵食！擔擔吞 $138Fusion的名字，擔擔麵的西化版？不過我們不太吃辣，點了個走辣版的。吃進口時味道像平時的雲吞，好好食！雖然沒有絲毫擔擔麵的味道😂醬汁濃郁，但完全不會膩！讓人一口接著一口吃也不會脹胃！正！推介！朝思慕想 $128甜品時間！一見到這張甜品的照片就決定點這個！賣相吸引！中間的mousse不會過甜，圍住mousse是士多啤梨yogurt，配上早餐吃的穀物flakes，卜卜脆又帶甜味又有咬口，幾好食Cherry Brandy coffee $78貪新鮮點了這個Cherry Brandy Coffee。 一入口是濃烈的酒味，後繼是苦味的咖啡，再有甜味做點綴。值得一試！假日見見好姊妹傾計嘆美食，享受

Weekend 就是要一個悠悠閒閒的來一個brunch 今天來到了espuma 看到春意盎然的裝修少女心大發咖啡是weekend 必備吧叫了杯花見完全是為打卡而設的吧, 厚厚的cream上更有食用花作Decoration咖啡上的cream是烘過的，所以不會飲到一半便已經散掉了latte味重，是屬於奶味較重的咖啡滿滿的幸福感✨慢煮花椒口水牛面頰 $135 前菜是牛面頰一看便很有春天的氣息先用清甜的西瓜墊底 上層有鮮燉的牛面頰有咬勁的有得像牛展的口感甜咸在口中互相交替肉上還配有食用花 頓時添上了生氣雖然我冇食到哈哈✨南瓜日式麵鼓活峴闊蛋麵 $138Pasta 上有不少大峴意想不到的新鮮立刻為pasta 加添不少鮮味配上cream sauce濃而不溜蛋面夠寬也沾上了不少醬汁意粉控或海鮮控推介✨ Devil Black 半份 $98 再飽也想吃甜品這裹有得選半份太甜心了😍朱古力控點了朱古力的waffle 表示大滿足Waffle 不是厚實形的 是屬於較脆身的感覺不過本人是較喜歡厚實形的旁邊還配上Oreo 和brownie甜品的豐盛程度有如正餐加上雪糕是冰火交融在口中响起了交响樂雪糕還可以自選味道

 A bit tricky fo find as the building is on a corner and the lifts to the 17th floor are at the back of the building. The front lifts only go to the 9th floor.First time to try this restaurant. My friend come to central to get her nails done. As there are so many booking . Thats why we decided to go the the restaurant on the 17th floor of the building we were in for a quick lunch. The food we ordered was well presented and delicious. I had the fish & bits and my friend had the stuffed potato ski

呢間餐廳好適合黎慶祝節日, 例如好似我咁, 慶祝女朋友嘅生日. 餐廳裝修優雅高貴, 私隱度高, 當日慶祝雖然多人, 但餐廳燈光浪漫, 氣氛依然好.我地叫咗幾樣野食, 有超好味嘅 帶子牛油果芒果莎莎, 呢道菜基本上一定會一叫再叫, 我唔知道個莎莎醬係咩組成, 但真係好開胃, 就算一個人都可以食得曬, 叫咗另一份黑松露雜菌寬條面. 因為黑松菌用嘅份量好反應到一間餐廳嘅質素, 果然呢間餐廳係高質之選.另外叫咗流心朱古力鬆餅, 作為甜品黎講真係一定超級飽, 即使你係女人有另一個甜品胃, 無記錯最後真係食唔曬, 搞到好似浪費咗啲美食咁.呢間餐廳一定會再黎, 希望下一次都一樣有好味嘅菜色啦.

星期六的上午, 約了閨密嘆下午茶, 來到位於中環的一間樓上舖, 在窗口位座下, 看著窗外面半山的風景, 與自己的好朋友飲下食下, 又傾下, 非常寫意自在.這間的下午茶好有特色, 我們入到去見到好多枱都在食一個摆設得好靚同埋裝飾都非常之靚的三層玻璃盒的下午茶套餐, 於是我們都叫了一set, 我仲配了橙蓋朱古力飲品, 而朋友就配上一壺草本士多啤梨果茶.個下午茶套餐有好多款嘢食, 甜的, 咸的全部都有, 每樣細細件, 款式相當多, 包括有玫瑰鬆餅配鮮忌廉及玫瑰果醬, 慢煮八爪魚迷你麥包, 野菌忌廉撻, 香烤牛柳伴茄子, 紅菜頭忌廉伴烤雞柳, 菠菜薯仔蛋餅, 法式檸檬馬令撻, 迷你忌廉芝士漢堡, 野莓蛋糕, 伯爵茶意式奶涷及濃香朱古力竹炭蛋糕, 淨係睇呢D食物個名, 就知道係幾咁多款式.我個人喜好, 食嘢鐘意先食咸味的食物, 所以我先食香烤牛柳伴茄子, 牛柳嫩滑, 有牛味, 配上茄子獨特的林甜, 味道好夾, 在口腔中咀嚼是越嚼越香. 之後又慢慢嘆下個菠菜薯仔蛋餅, 三角形的菠菜薯仔蛋餅好厚肉,厚厚的蛋餅裡面有好多菠菜, 淡淡地, 加上菠菜的清甜, 味道認真唔錯! 但野菌忌廉撻更加令人喜出望外,

經常見人來食呢度嘅告白氣球Tea Set打卡，又見個Tea Set比起其他地方嘅平，所以一直都好想來，今日終於約到朋友來喇！中環嘅分店位於十幾樓，望出去係山同樓景，景觀幾開揚。一來到先叫野飲，加左$40要左杯香橙芝士奶蓋朱古力。香橙芝士奶蓋朱古力可可味好濃，反而橙味淡左少少，整體味道唔係太甜，都唔錯嘅。以呢個價格來講，呢個Tea Set嘅甜點同鹹點都唔錯，有幾個係個人覺得特別好食。1.慢煮八爪魚迷你麥包用八爪魚做嘅包點比較少見。八爪魚切粒，每粒都好彈牙，配埋個甜甜地嘅醬汁，好食！2.野菌忌廉撻蘑菇溝埋啲忌廉汁，口感好滑，蘑菇嘅味道亦都好出，而且加左少少黑松露，有淡淡黑松露香。3.伯爵茶意式奶凍茶味濃郁，口感順滑，又唔係太甜。裡面有粒我唔知係咩嘅生果做裝飾，食落幾酸，同個奶凍幾配。4.野莓蛋糕最上層係啫喱，下面係草莓mousse，個底係層薄薄地嘅海綿蛋糕，酸甜嘅配搭，味道唔錯！

適逢係附近玩完carnival , 就搵下有咩好食。之前係tst 食過一次espuma, 覺得幾好食，見中環都有分店，就上黎食。原本以為要排隊，誰不知去到竟然不用排隊之餘，個用餐環境仲好舒服，因為好少人仲要好安靜，估都估唔到。呢個前菜薄脆我唔記得個全名，但好脆，伴上d 蔬菜同醬好新鮮好開胃。 慢煮牛頰肉咸蛋黃醬寬管麵咸蛋黃味好出，但食落又唔會搶曬d 牛味，幾match.焦糖單骨雞翼已經幫客人去曬骨，超級好味！！！全場只有幾枱客，而且全部都係細細聲傾計，同tst 個間既氣氛差好遠！！！

Love Confession Afternoon TeaEspuma 新推出的期間限定的下午茶，氣球好夢幻呀，而且「打卡」一流，十分適合情侶同女生們既聚會，2019年1月25日至2月14日期間供應時間:下午2時半至5時半HK$258 2位真係好抵餐廳枱上正放滿透明氣球，裡面是一層粉紅色羽毛第一層：迷你忌廉芝士漢堡、伯爵茶意式奶凍、野莓蛋糕迷你漢堡灑上了芝麻，加上朱古力百力滋，好有趣。第二層：慢煮八爪魚迷你麥包、菠菜薯仔蛋餅、野菌忌廉撻、香烤牛柳粒伴茄子、紅菜頭忌廉伴烤雞柳我最愛食鹹點，款款都好好食第三層：鬆餅配鮮忌廉及果醬、濃香朱古力竹炭蛋糕、法式檸檬馬令撻最後一層就係甜品，先吃鬆餅，可以蘸忌廉或果醬，再食特別嘅竹炭蛋糕，唔會搶走個味。

呢個告白氣球teaset 真係超吸晴!!氣球入面有粉紅色羽毛 少女心出哂嚟 個set 點影都甘靚!!仲要只係$258/2位咋 咸甜點都有驚喜 最鐘意香烤牛柳粒伴茄子 好juicy好惹味 野菌忌廉撻 好creamy 又唔會太漏伯爵茶意式奶凍 😋😋好有earl grey味 口感又滑溜紅菜頭忌廉伴烤雞柳 平時我好怕紅菜頭陣腥味 呢個加左忌廉甜甜地 我又接受到啵菠菜薯仔蛋餅 我凍左食 所以有小小乾 但個味道幾好香橙芝士奶蓋朱古力 $40地板好靚 杯野好靚 個杯好似富士山甘 朱古力唔甜 🍫岩哂我