DPD大牌檔 (已結業)

為繁忙的一天加油。餐廳裝潢優雅，一點也不像大排檔。但就被他的名字吸引，餐牌早餐價錢好合理，沙爹牛肉麵連炒蛋多士及餐飲都只係$38。 炒滑蛋好好味，好滑，有蛋香。多士也剛好，牛油有牛油香味唔係得個油字。重點沙爹牛肉通粉，比現在其他茶餐廳好吃，濃味，牛肉淋。可是仍是找不回小時候的味道⋯⋯

今日放假同朋友去旺角行街，  剛好在朗豪坊附近發現有間DPD大牌檔，便決定入去醫肚兼叉叉電。 這間DPD大牌檔主打經典菜式，Menu上種類選擇豐富，亦有其他中西美食可供應。 由於有太多想試，我們決定點特別推薦既DPD 鮮茄焗豬扒飯，金牌馬來咖哩雞扒配白飯，再加個飛魚子脆蝦多士同朋友分享。馬來咖哩雞扒飯率先上菜，侍應剛放下就聞到濃濃椰奶香味撲鼻而來。香煎雞扒分開汁另上，雞皮不會浸淋，保持口感，這一點要俾個讚!DPD 鮮茄焗豬扒飯賣相一流，整個焗飯被滿滿蕃茄汁及茄蓉包圍，再加上半融化的焦芝士非常誘人。 重點是入面的蛋絲炒飯底，粒粒炒至金黃乾爽、層次分明，加上充滿濃郁肉汁的厚豬扒，不禁讓人一啖接一啖!飛魚子脆蝦多士鋪滿飛魚子及鮮味蝦膠，炸得金黃脆口，不似坊間般油膩，咬起上脆卜卜又彈牙，喜歡懷舊菜式的朋友都讚有驚喜!整體來講食物質素有保證有驚喜，店員服務有禮又快手，環境乾淨坐得舒服。絕對會再約朋友試其他招牌菜式! 

上一篇唔知點解add 唔到相🧐麻煩加埋呢張相（焗素豬扒飯）thankss🙏🏼🙏🏼______________________________

今日收工去食叫咗焗素豬扒飯因為我唔食蛋奶就問下係咪有芝士個侍應話有 但可以走跟住又問我要炒飯底（有蛋）定白飯底咁我唯有揀白飯啦黎到見到成pat 紅色已經覺得中伏竟然係一pat 茄汁（點薯條嗰種）加素豬扒再加幾條沙律菜其實我食唔到呢個叫第二樣都絕對ok到底點解要同我講可以走蛋奶難食到🤢🤢🤢仲要盛惠$98🤬🤬講真就算唔走芝士同變返炒飯都應該好難食會唔會係就咁茄汁撈飯就算收到咁貴起碼都俾幾舊洋蔥 菠蘿嗰啲啦唔識整素食真係唔好亂黎👎🏼👎🏼👎🏼

個燒春雞 雖然望落大份 但只係拎去白烚 未擺入口已經知因為一切開果陣就d水係咁流出黎求求其其再燒一燒個皮就算 完全係浪費食材食落去仲要有雪味 無調味 勁難食西冷牛叫左5成熟 但仍然好鞋 好難咬 雖然$168唔應該強求好好食 但至少都唔應該𡁻唔爛先係埋單$300幾 但好似俾錢食垃圾咁 真係好嬲唯一好食只有伴碟既沙律菜 真係唔知講乜好叫咗杯凍齋啡 都一樣覺得難飲入口成陣酸味咁 飲左幾啖都飲唔落最好笑係賣單果陣 俾左500找錢果陣仲要找少左俾我

話說琴日晨咁早☀️出去買材料，諗住食個靚早餐就返屋企開工啦👩🏻‍🍳👨🏻‍🍳但原來11點前係旺角d商場係未開門無早餐食ga😆求其去左朗豪坊對面嘅DPD大牌檔見到$38早餐即刻衝左入去食🤣————————————————👌🏻香港情懷早餐$38包個沙嗲牛肉通粉、炒蛋多士同一杯熱飲☕️沙嗲牛肉份量好少，兩三啖可以食哂🙈味道偏咸👎🏻炒蛋食落無炒滑蛋嘅感覺，多士同奶茶就正常嘅，成個餐唯一可取就係$38囉。———————————————💡配出前一丁加$4，設加一服務費。真係諗唔到食咩早餐先好過黎呀🙈📍DPD大牌檔:旺角砵蘭街244號遠東旺角銀行大廈地下B2-B4號舖

食大牌檔予人的印象很草根，通常要跟人搭枱，通常很熱，因為沒有冷氣，風扇也不是常常對住食客。旺角砵蘭街卻有一間叫「大牌檔」的餐廳，有冷氣之餘，又不用跟人搭枱。餐廳沒有港式味道，也不像茶餐廳，餐牌上的食物既有中菜又有西餐。這天午餐在這裏吃，我點了一份黑松露牛柳粒炒飯，加一杯冰凍的牛奶咖啡。咖啡先上，這間餐廳用上Kimbo的咖啡豆，Kimbo是意大利拿坡厘的牌子，擁有五十多年歷史。食物方面，炒飯夠鑊氣，不過黑松露香氣不足，我嫌牛柳粒切得太細粒。整碟炒飯的分量適中，售價接近九十元，我認為偏貴。 凍牛奶咖啡 $38黑松露牛柳粒炒飯 $88

行行吓街肚餓走到這裏⋯見到下午茶又肚餓⋯冇睇詳細餐牌就走咗入去⋯原來係普普通通的茶餐廳但走一個高級路線⋯⋯坐位士應西裝骨骨但服務一般⋯牛肉麵加蛋⋯不特別⋯加埋一$52⋯

DPD 大排檔新開時都有經常來，不過就是略嫌價錢有點貴都有很久沒有來了！今日同事生日特意請她來這裡食早餐，酒店格局環境舒服，服務又好不失體面。🤣餐牌主打懷舊早餐🍴鮑魚絲火腿通粉湯底算是香濃，通粉軟硬也適中，鮑魚絲與火腿絲的份量也剛好。👍🍴北海道牛乳炒九州蛋配多士我比較欣賞多士香脆可口又不乾身，前者都只是名字長了都是滑蛋多士而且。😅☕️齋啡如要飲靚一點咖啡就需另加錢，我還是要了杯跟餐免加錢的齋啡，味道好苦都太濃了吧！😅

第一次幫襯，原先想來試這店的Kimbo咖啡，因為好少餐廳會採用這種靚豆，點知叫埋個All Day Breakfast後，才知食物都係咁掂！塊多士好好食！廚師應該將佢放過係煎pan面再烤，充滿牛油香氣Bacon亦煎得適度好處，乾身唔肥膩，但仍保留了少許水份，令味道更集中。只睇賣蛋，都知蛋炒得好好。滑嫩而蛋味濃郁，色澤澄黃，店員補充話用3.6北海道牛乳，肯落本錢炒出的蛋的確好好。唯一可以改良是蕃茄建議再煎熟少少，甜味會再突出d。

睇門面以為自已在中區，睇門面以為自已在中區，睇餐牌雖然都係大家都熟悉的乾炒牛河、海南雞飯及其他中西式菜式，我到達時大約是下午2:30am，藉著一頓下午茶可以在這裡乘涼避暑。一進店內已有店員招呼，態度非常誠懇，我與3個友人想食個下午茶同區餐廳的選擇確在沒有太多好坐又可以詳談的地方我點了一口西多士及泰式金邊粉與友人分享從賣相可見非常用心，先說泰式金邊粉，用蛋膜包裹整碟金邊粉，又將花生等其他佐料分開，好處是不用因為用餐時間長了，而令佐料口感變濕軟，抵錫！另外是味道夠辣，但不至口喝，調味仔細，據朋友補充大廚是來自酒店名廚，有在泰國學藝，非常了得。另外是一口西多士，雖然說「一口」，但分量好豐富，外邊炸得香脆，內裡麵包質感鬆軟，有種棉花感口感。如果以這樣的品質及大廚的水準，這個價錢試過自覺合理，在旺角實屬非常難得的餐廳。

望個餐牌一個乾炒牛河 $98，一個焗豬 $108，嘩！感覺係間貴價茶餐廳。叫左個港式銀芽豚肉絲香煎兩面黃 $98，賣相唔錯，個麵好脆，用奶茶杯裝個汁，幾多料，加埋仲辣椒醬，係好味既，但始終覺得成舊水性價比唔高。另外叫左個西式扒 香煎豬鞍扒配香橙燒汁及意大利粉 $148，先有個南瓜湯，有南瓜蓉。上枱賣相幾吸引，豬扒幾厚身，未算好嫩但都唔算柴皮。扁意粉加埋少少沙律菜都唔錯，西餐性價比感覺高啲。最後叫左個黑森林蛋糕 $42，面層好多朱古力碎，蛋糕中間有莓，我覺得有少少似x心西餅...食物質素唔錯，不過價錢上覺得唔太抵食，特別係一般茶餐廳食到既野，呢度係雙倍價錢！

晏晝時間去食好多人都要等一等位裏面的裝修一啲都唔大排檔好似西餐廳咁 當然價格都係🤣佢有午餐Menu試咗個喇沙 好多料好濃味 有啲辣 朋友食咗一啖 咳咗一下侍應哥哥睇到 即刻問我哋係咪好辣？ 需唔需要加啲湯俾你？呢一下覺得 10分貼心炒河 好嘢味 好多肉整體來講好食 但唔平囉

陳七 你睇緊啲你啲員工啦 你企喺到 啲員工同出品都好好多架真係呢間餐廳我一都唔係第一次食 之前出品好 啲招呼亦都好好 今日我放左工就約左媽咪黎食lunch 今次“本來”係叫左海南雞飯 公司三文治 同凍檸茶的 我一去到 我媽咪已經食緊個雞飯 個飯就好ok嘅 之後食完禁濟 個三文治都未黎 禁緊係要追架啦 一問就話啲野炒緊架啦! 我話 我地食完啦喎 佢先話去跟 轉頭就黎到 當時即刻落多杯COT 禁個三文治有跟沙律菜嘅 禁我食啲沙律先啦 禁我媽咪就食個三文治 黎料啦 沙律菜有爛嘅 ok我預左 至多唔食 因為在旺角食沙律菜都唔好有咩期望 但個三文治 我媽咪食完一舊蕃茄 話唔得 變左有味 liu左出黎 跟住話啲菜爛嘅 一陣食少啲啦 再食第舊 又係壞嘅 禁就緊係叫人黎啦 叫左位應該係高級？ 著灰色裝 高高瘦瘦嘅同事過黎 話佢知啲蕃茄有味喎 啲菜又爛嘅 佢話咩味呀 態度都幾差下 跟住好悔氣禁快速拎走左碟野 話 我同你取消佢啦 本來想拎個餐牌叫過第份嘅 心諗你啲野壞左 禮貌上都問下個客洗唔洗叫過第樣啦 結果我見大家都禁忙 都費事叫佢拿餐牌 阻佢搵食啦 諗住飲埋杯COT就走啦 點知 又係第極都冇 禁算啦

星期六做完運動好肚餓，行過見到依間餐廳都幾靚仔，網上食評唔錯，就諗住試下，點知真係中曬伏。。。。😅😅😅叫咗一碗檳城海鮮喇沙湯麵，一碟咖喱牛肉飯。咖喱牛肉飯味道平平，無咖喱香，大家樂/大快活比佢好食。碗喇沙湯麵一d香味都無，無海鮮味，無椰奶香，仲要超咸，真係未試過咁唔好食既喇沙，咁惹味既都可以令人無食慾🤷🏻‍♀️🤷🏻‍♀️🤷🏻‍♀️ 油麵多過米粉好多，而油麵質地太粉淋，麵質好差。為咗唔好令我地二人心情更差，無再叫飲品，去cafe好過。$98 一碗粉，仲要加一 🤮🤮🤮👎🏻👎🏻👎🏻p.s. 上載唔到相