DPD大牌檔 (已結業) 查看

揚起布幔，以為保留大牌檔獨有風格。綠色鐵皮、木製長枱、摺椅等元素，加上庶民風味，提供種類繁多的餐點。乍眼一看，餐廳佈局優雅，與餐廳名稱看似風馬牛不相及。但內部設計巧妙，有休閒格調的吧枱、有寬敞寫意的梳化座位。 (1) 燒美國西冷牛扒 + 黑松露燒汁硬要說西式餐點與大牌檔的共通之處，便是上餐迅速及食物熱度。賣相、味道算是水準之上。唯燒汁不夠濃稠，未能沾上牛扒，整體味道會較為分離。 餐廳供應的菜式領域十分廣闊。有港式小炒：咕嚕肉、乾炒牛河；有東南亞地道：海南水晶雞配油飯；有泰色風味：冬蔭公海鮮湯。對於聚首一堂，又能滿足各人的口味及需要，尚算不錯的餐廳。

旺角清新舒適大牌檔成日返工都經過呢間大牌檔今次喺第二次食，第一次無特別寫今次夜晚再嚟食，餐廳環境好大好寬敞設計好清新舒服😌我地叫咗海鮮炒飯，賣相一般但個飯炒得幾香，不太乾，恰到好處鮮蝦新鮮爽口彈牙另外叫咗大啡菇，一樣賣相一般但味道可口美味，一個不夠喉😂最後還有炭燒豬頸肉嘩！不得了！呢個真喺好好味完全鎖住肉汁，咬下去才滲出香濃肉汁入口滋味無窮🥰DPD大牌檔 (旺角)旺角砵蘭街244號遠東旺角銀行大廈地下B2-B4號舖

如果當呢度係大排檔, 可以不來, 如果當呢度係茶餐廳, 去隔離果間應該會好D。下午一點午餐時候到，冇乜人，進店時沒有人招呼，自行選擇座位，亦沒有奉上餐牌，純粹以桌上的QR code自己解決，零服務。叫左兩個lunch set, 沙爹牛肉炒粿條 ($98) 及蒜香欖油煙肉肉碎意粉 ($78), 連湯及飲品。可惜全部中伏！食品方面，炒粿條只係得個名，其實是勁多獻汁的沙牛炒河，零沙爹味，只得甜味。蒜香欖油煙肉肉碎意粉，個碟好大，但份量只得幾啖(三住)架咋，仲要等左20分鐘再三催促先上檯! 服務方面，更加不濟，簡單lunch set，乜都要催促，而且沒有跟進，兩個lunch set，只有一碗湯，另一碗湯, 前後催左幾個店員都冇理過，外加的小吃 (炸雞軟骨) 由落單到食完 30分鐘都無黎過，中間亦有多次催促! 咁既質素，係有加一服務費！唯一最快既“服務”就係埋單，完！從此唔會再幫襯

門口望落好靚以為係好貴嘅餐廳。經過門口，睇睇餐牌，原來都唔算貴，比一般茶餐廳貴少少。入到去，地方乾淨，最正係冇茶餐廳嘅迫同嘈音，仲有服務員帶位餐牌西餐（例如：意粉，据扒）、泰菜（例如：冬蔭公湯，咖哩配薄餅，海南雞飯）、中菜（例如：炒粉麵，撈烏冬）都有得食今次叫左午餐（跟湯同野飲）同炒米粉。穫仔豉椒炒蜆米粉$148，蜆肉算多但係米粉餅煎得唔夠乾身，食到落底個粉索哂味好鹹午餐：飛驒和牛熔岩芝士漢堡配黑松露薯條🍟配薯仔湯+咖啡$168。條條薯條都沾滿左黑松露個包淋滿左芝士醬，包入面有少少千島醬，蕃茄同生菜，塊漢堡夠哂厚同軟熟值得encore

一朝早諗住搵間茶餐廳食碗沙嗲牛係平時早餐嘅不二之選，點知經過呢間門面望落好似cafe，居然又有沙嗲牛食喔🤔仲話招牌添？試下啦就！沙嗲牛：佢話秘製嘅，好味嘅，比得上茶記果d有餘😋肉揀得好，唔似用d粉整冧佢。最重要讚d蛋同杯熱奶茶☕️，蛋用日本蛋，好滑，其實似大快活d滑炒蛋😂。奶茶比我想像中好，講熱奶茶不嬲係茶餐廳威d，但呢間居然又做得幾好喔👍🏾👍🏾👍🏾一d都唔澀，仲好滑添🤩正環境上，食緊茶記野，但聽住西餐、cafe 嘅背景音樂，連埋單都唔係出面埋，如果咁啱係附近，都真係值得嚟一試🤩P.S. 呢度係有all day breakfast 食嘅😂“”“” “”“” “”“” “”“” “”“” “”“” “”“” “”“” “”“” “”“” “”“” “”“”❤️‍🔥卡路里指數❤️‍🔥沙嗲牛肉麵(米粉)：～640 kcal牛油多士：～232 kcal炒蛋：～148 kcal熱奶茶：～110 kcal總攝取量：～1130 kcal ☠️☠️☠️

叫個泰式炒河，諗住穩穩陣陣。但一上枱就見到伏，炒到湯河禁，完全違反我對泰式炒河既認知。我知佢地d滑蛋唔差，但唔洗專登攪個蛋水茨上個所謂炒過下既河粉度，完全唔夾，而且水好多，好難食阿之後唔食，等左三個字，佢d水又比佢d炒河索番，十分壯觀，諗住可以試一啖。點知唔試由自可，一試就食到油，水，蛋嘅混合物味，一試難忘，再試問閻羅王。環境方面，好鬼多蚊，一路等老婆食完佢個burger，一邊同佢拍蚊，我真係有大排檔風味，與商品說明一致

雖然叫做大牌檔 但係嘢食都幾fusion✨夏天最啱就係食冷麵😌個麻香雞扒三色蟹籽拌麵 好足料🤩有大大塊炸到金黃香脆嘅雞扒🐔仲有蟹籽、蟹柳絲、青瓜絲❣️最特別係有齊麻醬同辣汁醬 撈勻食 超香口惹味🌶

假日同hubby 在朗豪坊振興經濟之後，肚子餓要搵地方醫肚又唔想行咁遠，搜尋左陣openrice揀左就係朗豪坊對面街既DPD落腳。入到去門面感覺都幾舒服，我地2條友，侍應帶我地坐左張舒服4人枱雅座位。由於太肚餓，2個人我地叫左4樣招牌野（中西合璧😋）飛驒牛熔岩芝士漢堡-推介鑊氣豉椒炒蜆煎米粉-推介炭燒豬頸肉（少燶）但配個醬汁不錯川川辣子雞（中意食辣必叫）Hubby仲以為我眼闊肚窄，最後我食得比佢仲要多，全都食光光旺角出名食野好多選擇，但要搵間乾淨企理又有特色小菜既店真係有啲難度。呢間中西合璧，的確好多選擇。會再encore

味道：⭐️⭐️⭐️⭐️每次經開朗豪坊 都會見到呢餐廳👨🏻‍🍳今次見到有promotion就決定一試下🍴 ❶麻香雞扒三色蟹籽拌麵 $68呢排餐廳做緊promotion🔈呢個超足料又清新既拌麵只需$68就食到啦🙀拌麵嘅材料好豐富 有翠綠色食落好清爽嘅青瓜🥒、鮮味嘅蟹籽同埋大大塊狀炸至金黃色嘅雞扒同冷麵🍜而醬料方面就有兩款 分別係胡麻醬同辣醬🌶️將胡麻醬＋辣醬一次過加入冷麵 食落麻香十足👍🏻❷秘製泰式檸檬燒安格斯牛肉 $168呢個菜式可以媲美到唔少泰式餐館🇹🇭呢個泰式酸辣汁正正就係呢個菜式嘅精髓🍲酸辣汁惹味開胃 為牛肉增添鮮味🐄❸Nutella 榛子朱古力一口西多士 $58呢個簡直係邪惡嘅甜點🫶🏻西多士炸到金黃色 火候啱啱好 🟡中間仲夾住榛子醬 一口一啖 香脆又可口🥜

waiter 態度極差，各種無視同睇你唔到，我11：23 入去，只係想羅埋個 lunch menu 望下，睇下叫早餐定午餐，催左 4 個唔同的 waiter 先羅到一份 all day dining 的 menu, 再問先比個 lunch menu 我，我用咗十秒鐘睇完個menu, 再叫到個 waiter過黎已經 11：31, 佢地的答案係已經 cut 左單，無早餐，我都係食開茶餐廳的，不要求什麼服務的，但這餐廳真的很討厭，黑衫經理最為惡劣。唔會再黎依間餐廳。

坐下，見好多落錯單，叫雞扒來豬扒，然後十幾個待應都話唔落得單，要等經理，坐住，等左十分鐘之後先找到經理落單，後尾埋單，又唔可以出去埋，經理又唔見人，成間野好似得一個經理熟手，真係差，係旺角呢種水平，無下次，野食平平無奇，咁樣做管理，真係差。好耐無寫食評，只係想提返大家，趕時間千祈咪幫襯呢間快餐店茶記！無心做的食店，點同人競爭？落單可以用qr曲，無唔緊要，培訓下啲員工，唔好咩都叫經理啦，一個人能力有限，甘樣邊做得長遠丫。

琴晚豬話帶我去間餐廳食飯，就係平日間唔中經開旺角朗豪坊對面既某間餐廳🤭小妹去到先知以前係翠華既舖位，已經靜悄悄轉咗手…呢間係西餐廳，但又叫做「DPD大牌檔」🤣 成件事有d怪，但因為怪諗都冇諗就入去幫襯…入到去幾有情調，又有唔同擺設，完全唔似大牌檔🙈主打多國菜餐廳🍴幾有驚喜，價錢適中；重點環境不錯，坐位闊落👍🏻 惟職員服務態度一般…小妹叫食物時問有咩特別飲品？答我：今日賣哂啦，但當時下午6點幾🤣唔緊要，算…之後小妹問：有咩甜品擇？答我：甜品唔係隻隻款都有，但要問下先…如是者，食完成餐飯都等唔到今晚有咩甜品😅呢方面真係要改善下…同埋呢間餐廳🍴似有點趕客feel係入到間餐廳就感覺到同外面既溫差很大，呢度冷氣超强，身上汗水秒速消失後，其實真心爆寒☃️好彩豬有多件衫比我..唔係實冷病😥環境：🌟🌟🌟🌟🌟🥣餐湯職員完全無講餐湯可選中或西，係網上睇先知可以擇，而呢碗西湯完全唔知叫咩名😓但味道係唔錯既😶🐷🥗香煎豬鞍扒配燒汁+沙律伴燒薯先講下呢到價錢唔貴，$140左右就可以食到😋所以唔好expect會非常好食，但係呢個餐係合乎佢既價錢，性價比算高，肉扒幾軟，唔洗每嚿都要用好多牙力咬落去，加上賣相唔錯，跟碟配

咁岩係旺角搵野食，見到呢間睇落高質茶記，就入黎試一試點知中伏🤮🤮🤮就咁睇佢嘅野食全部都係單點，我地叫左2個小炒但無飯無湯又無野飲跟，加$20有湯同飯，我叫一個小炒都$138加$20都變左$158，$158食個小炒係勁貴！另外加多杯凍檸茶再加$22，一共$180食個難食嘅小炒，大家自己衡量會唔會黎食！沙嗲虎蝦粉絲煲$128-少少沙嗲味都無，粉絲都好林，蝦就係烚熟佢擺落去，又好淡，真心唔好食🤮辣子雞$138-呢個真係顛覆咗我對辣子雞嘅睇法，雞係切粒肉少，每一隻雞都係似辣醬撈勻再炒，重點係超級鹹一啲都唔辣，完全係食唔落🤮仲要咁貴😒真係食到嬲

誤打誤撞試咗呢間喺朗豪坊對面嘅港式餐廳，睇門面以為佢係cafe，但睇menu先知原來係食fusion港式嘢🇭🇰 見openrice話呢間係由米芝蓮二星名店主廚擔任行政總廚，唔怪得之啲菜式配搭幾創新，味道真心有驚喜🤭！▪️秘製泰式檸檬燒安格斯牛肉 $168▪️安格斯牛肉🥩燒到半熟，一啲都唔乾唔韌，好juicy仲要勁香牛味，特別係啲肥位真係好正😍配埋個泰式汁勁開胃，做前菜一流！
▪️鑊氣豉椒炒蜆煎米粉 $148▪️豉椒炒蜆相信大家都食過，但配煎米粉真係未試過，原來係超夾！！成個鑊上都幾足料，蜆嘅份量都好多，啲汁配埋勁脆嘅煎米粉真係好惹味💯咁多煎米粉我哋都成碟清晒，你就明佢有幾好食🤣▪️Nutella榛子朱古力一口多士 $58▪️呢個真係超推薦，記得留肚叫呢個呀🤤！一口多士炸到勁香脆，入面本身已經包咗Nutella榛子醬，再蘸埋煉奶食真係不得了🤤▪️原味雞蛋仔伴雪糕｜朱古力脆脆｜海鹽焦糖醬▪️呢個甜品配搭好創新，係雞蛋仔嘅fusion做法！雪糕係椰子味，配埋朱古力脆脆同海鹽焦糖醬味道好豐富，如果雞蛋仔整得再脆口啲就perfect～(老老豆豆，我哋真係眼闊肚窄🫣 其實兩條友食兩個主菜+一個甜品就好夠飽，佢啲嘢

再食呢間，啲食物差左，乾炒牛河牛肉充滿鬆肉粉"拿"喉，咕嚕肉得個甜味。最差係服務態度，問個侍應拎水唔記得左，要問個經理先有水；問是日例湯（唔止我一枱問）個個侍應發緊夢咁話要問下廚房。原來做左全日野都可以唔知是日例湯架？個個十問九唔應，識收餐廳價錢，但只提供大排檔服務水平，店如其名。永遠black list