DPD大牌檔 (已結業)

非常方便嘅地點，開店之後已經來過好多次，次次都覺得坐得好舒服又好好食。每次都一定會叫乾炒牛河，可謂係必試👍今次試吓喇沙亦有驚喜！非常足料而且味道都幾正宗，椰香味濃，材料有魚、有蝦、有青口、仲有半熟蛋，加埋炸豆腐吸晒湯汁D香味，而且麵底係鴛鴦底，份量亦好夠，性價比超高！唯一係叫咗杯凍檸茶，諗住篤爛啲檸檬，店員話餐廳冇長柄匙羹提供，唯有用飲管。整體來講環境食物及店員服務質素都中上，價錢亦唔算貴，性價比非常高👍

同fd食完dinner之後 嗰餐好似唔夠飽 就諗住食下甜品 原本諗住一路行 一路揾下有咩甜品好食 點知原來朗豪坊對面有間大大間舖頭 以為只係西餐廳 但係裏面竟然有賣甜品 就係咁入咗去食啦 仲要有驚喜🥰食完先睇返 原來有前米芝蓮二星主廚坐鎮主理 唔怪得之咁高質🤭One Two Tea $54就係見呢個伯爵茶蛋糕賣相勁靚❤️所以完全吸引咗我入去 點知有驚喜🤩好重伯爵茶味 味道完全唔假 食得出係好用心調製 蛋糕外面有伯爵茶慕斯 而入面有橙味雲尼拿海綿蛋糕🥧餅底係用伯爵茶曲奇嚟整🍪蛋糕上面仲有隻靚靚蝴蝶🦋超打卡 雖然價錢小貴 但係俾到咁嘅質素 完全係值得嘅🤪 Tiramisu $54呢個意大利芝士餅一樣咁靚😍味道亦都好好味 甜度啱啱好 而且好重奶油同芝士味 但係食完都唔會好膩 tiramisu上面仲有薄薄一塊樹葉形狀嘅朱古力🍃好有心思 P. S. 有機會會試下佢地啲熟食

收工食咩好？食一個人都可以食到嘅大牌檔！聽聞背景有少少來頭，因為一個蝦多士嘅吸引力，念念不忘。所以決左收工一個人，第二次到訪。今次一個人慢慢品嚐～ 去到大牌檔，唔試乾炒牛河點得！？所以決左犧牲鋸扒晚餐同冬陰功米線～叫了個招牌乾炒牛河，果然係招牌！牛肉唔會太厚，薄薄地，口感唔錯。放咗一陣仲係熱嘅，仲有鍋氣。但味道較濃，要飲多啖水~重點來了，飛魚子脆蝦多士，食完一定唔會失望！脆脆嘅多士配合彈牙嘅蝦肉，夠香口。精粹在於嗰醬，淡淡飛魚子，料都幾足。另外，測試埋服務態度，當食到個醬唔夠，服務員態度非常好，有求必應，唔夠可以加多一次。另外，都好細心，留意到客人冷氣唔夠，會自己調高。抹枱同上菜會分開人手。環境方面，有高bar 枱chill 住坐，柔和燈光即刻relax 感加強。坐近門口都算地方闊落，入面就較迫。門口大窗設計好聰明，可以俾街外人望吓入嚟之餘，坐係入面望出去，感覺好解壓~唯一要挑剔，人手不足，舉手叫了服務員幾次都無人見到。同埋，多人嘅時候都幾嘈。建議tea time嘅時候，飲杯咖啡食個cake，更舒服。最可惜晚市的cake 已賣完，這裡的cake 都高質。疫情下，有間咁嘅餐廳，獨自食下飯

行過旺角見到呢間店裝修幾靚，個名竟然叫大牌檔，好大反差見到個餐牌都唔錯，就試下佢啦，今次我地揀左中菜，佢有得揀中或西，好好奇個廚房點分配餐廳環境幾靚，本來我地2個人坐2人枱，但隻枱for中菜太細，職員主要幫我地拉埋隔離張2人枱，good2人套餐可以點2道餸，1款菜，2個白飯，2碗湯，分量非常足。芝麻雞super香口，雞皮嫩而且有半隻，幾抵食，咕嚕肉唔厚粉，冇骨，唔錯唔錯，是日湯係冬瓜湯，清清地都ok非常可惜係飲品要加錢，一杯茶(冇茶包) 5蚊，如果係一壺會好d, 或者有茶包...

朋友推介之前來吃水晶海南雞不錯～在星期日來試一下新開的“大排檔“”星期日沒有午餐，只有西式餐點，有燒雞（$118)，豬胺($128)及牛($138)～那只好點豬胺配意粉及單點了喇沙（$78)，好失望我沒食過那麼硬的意粉好像沒煮一樣薯仔及豬胺都偏硬，餐具美觀但切不到呀！餐湯只有碗的一半（份量可以多一點吧）而喇沙正正常常沒太特別，但如此價錢食吐司工房就可以一間裝修如高級西餐，但食物像茶餐廳的選擇而已那沒煮的意粉，廚房應該需要改善一下！（1分食物5分裝修4分騙案）

一早係朗豪坊附近，見到呢間外觀幾靚，望下門口個餐牌又唔算貴嘅偽茶記，就入嚟試下佢個早餐。雖然佢有加一，不過佢環境都舒服，侍應都快手，加一都算合理。叫左個最平港式早餐（連加一40蚊），滑蛋、多士、高級雞肉腸米粉再加個熱奶茶。滑蛋同多士都好味，係個腸出事。。。定係我理解錯佢個名。。完全係廚師腸，食到你個腎會壞嗰隻廚師腸。 其實呢個價佢講普通腸，我係無問題，佢寫到咁。。就好似被人呃左咁。再嚟就未必，早餐附近仲有好多選擇，不過值得一讚佢其中一位侍應啲服務，堅好。

在家附近新開的一家港式西餐，咖哩雞排味道還ok，但不比小店出色，價格略顯貴，新加坡laksa味道還可以，兩杯港式飲品太差，港式奶和凍檸檬茶都沒有太濃味道！最出色的是蛋糕，很好吃

靚裝修，靚位置，靚食物，但差啲咩呢？好多人入去食都可能係因為佢地有個米連二星廚加上前港旗球星做賣點，但食落去都係無驚喜，雖然佢地想做到四星酒店甘既質素，但佢俾唔到甘既服務質素，一班好有性格的waiters and waitresses, 令到個氣氛一般，高格價同高質素係兩樣野，大家唔好以為貴野就一定係好。蝦多士有兩種，38蚊同48蚊，48蚊多個醬囉。但呢個都真係好食，而且隻蝦都新鮮，無雪櫃味。隻燒雞一定要食乾牛河以為係重點，可能叫咗啲師父仔炒啦印尼蝦炒飯有兩隻，係兩隻蝦呀 如果你等佢加水，我建議大家主動叫佢地，因為佢地見到你吉咗個杯都唔會主動幫你加水架。完

今日經過見到新開就入去試下啦😝😝我地2個都要等位既，等5張枱度，不過都算快大約等左15分鐘就入得，餐廳裝修到好似一間cafe咁，高檔裝修👍🏻入到去我地就即刻叫野食，我地叫既餐都無飲品跟要另外買，本人就覺得有啲唔抵😣海南雞-個油飯整得好好食👍🏻而飯雞好滑同係微暖，因為好多時呢種雞飯啲雞都係凍既，再加埋佢既醬汁都好好食，加埋花生好香脆，好食另外叫左冬陰功湯飯-味道方面湯都好夠辣都好夠冬陰功湯既味道，料就唔算多得2隻蝦，少量既菇類，唔算太抵食題外話，上菜速度唔快，落完單一陣就比左個海南雞我地，之後等左勁耐個冬陰功湯都未到，我食埋個飯都仲未到，吹左2次，第一次吹佢地無人覆，第二次吹個經理覆話整緊，話個廚師突然唔舒服走左，而家搵人整緊，我地足足等左差唔多9個字，等到真係嬲，但經理態度還好，仲親自黎過嚟比我地，所以就算喇，上菜方面需要改善

路過朗豪坊又有d肚餓，見到新開的DPD大牌檔雖然話係大牌檔但其實似係cafe多d餐點分為中，西兩類，今次就點左乾炒牛河同粒粒西多士，兩款的品質都唔錯，乾炒牛河唔會太油可惜河粉無炒散到，西多士有花生醬夾層一口一粒唔錯可惜餐廳無套餐，性價比偏低，真係未必有下一次啦

因這間餐廳的幹炒牛河十分出名特意冒名而來，特意點了它和冬陰公湯，味道是不錯的，有獲氣的，只是份量十分小，幹炒牛河的粉很小，幾乎牛肉多過河粉 ，好似普通茶記下午茶餐的份量。78元 冬陰公湯很清新的感覺，很多新鮮的香料，但配料只得兩只大蝦，再沒其他了，這較為失望，所配的米缐又是得兩條， 128元 定價算合理，只是份量連最基本餐廳的應該有的標準都達不到。酒店的份量都不致於甘小吧？總結來講名氣大過實質 ，味道是可以，試過就算了。

以後唔會再黎，貴而不值。以後唔會再黎，貴而不值。以後唔會再黎，貴而不值。見佢新開，環境幾好，試下啦，叫了一個泰式海鮮燴河粉，足足等了超過30分鐘，連對面枱遲來的都吃完，催幾次先黎到。點知一睇，原來所謂泰式只係一碟滑蛋加兩舊魚同魷魚既炒河粉囉，蝦都無隻😒,咁就收$88，說好的泰式就是滑蛋河粉🙄以後都唔會再黎😤今日午餐時間唔算太多人，叫的已經不是要焗要蒸的食品，要等超過30分鐘已經過份，明明叫的是泰式海鮮燴河粉，黎到只係一碟普通茶記既滑蛋炒河無分別，邊方面值$88？

朗豪坊對面開了一間裝潢在附近商舖裡突出的新餐廳，說是來頭不細，今天有機會跟阿姨一齊來食午餐。星期五放飯時段等位十分鐘，剛內進就感覺到跟外面的溫差很大，冷氣很强，讓身上的汗水秒速消失了。午餐價錢平均大約$100一位，包括基本的飲品。若要點有奶的咖啡，須要另加$20，所以整體來說定價也是偏高一點。餐湯可選中式或者西式，我選了後者的蕃茄湯。蕃茄湯沒有一般西式餐湯那樣稠身，反而質地如清水，再有些細的蕃茄蓉和顆粒。湯沒有很濃，不過飲到蕃茄味，沒有如那些加入很多茄膏，故意做出來弄得好像很濃的湯，味道比較自然。阿姨選了中湯，味道正常普通。香葱茄子牛肋骨配白飯($88)。醬汁濃郁惹味，質地看得到是打出來的芡，加入了不少黑胡椒帶點辣，同時也有很多葱和洋葱，不過不是很夠淋索不到太多汁。說是牛肋骨，其實是一般食的牛仔骨，做得很淋，但淋得讓人感覺過度使用鬆肉粉，令肉完全没有質感。茄子原來是跟其他蔬菜一起擺放，跟牛仔骨分開所以未能吸收醬汁。白飯的份量都有幾多，女仔可能會吃不完。由於冷氣實在很大，所有食物特别是白飯很快變凍，也令食物質地變硬難咬。去到「大排檔」，也點了如大排檔那樣地道的港式奶茶試試。奶茶茶底濃郁，

最近見到網上都有好多人介紹呢間大排檔，餐廳仲喺由曾經喺本港多間星級酒店的中菜食府任職既師傅主理✨初時同朋友聽到「大牌檔」以為係啲環境一般既餐廳嚟，估五倒呢一間大排檔並非一般嘅大排檔，環境好似一間Cafe咁，位置闊落幾舒適👍🏻 加上餐廳又近地鐵站，約埋班朋友食飯就啱曬🤩_餐廳其中一個特別之處就係無論係中式小炒定係西式都有得選擇💜今次就同朋友叫咗幾款小食、甜品同咖啡試吓，估唔到質素都唔錯😆_🦐飛魚子脆蝦多士 $48⁣🍞一口西多士 $38兩款多士都係邪惡之選，特別推介脆蝦多士🤩面層蝦滑食落去幾彈牙，配上旁邊嘅飛魚子醬更香口惹味☺️.🍗芭堤雅珍寶燒雞翼（三隻）$48小編嘅朋友好鍾意食雞翼，所以就叫咗嚟試吓，燒雞翼外皮香脆，配上旁邊的秋葵能夠減輕油膩感_🍝香蒜橄欖油虎蝦意大利粉 $88虎蝦嘅份量都唔少，食落去香蒜味比較重，另外呢度亦都有幾款唔同嘅意粉選擇😚_🍰 Tiramisu $54☕️熱焦糖鮮奶咖啡$36有冇諗過大排檔都有咖啡同甜品先？😏咖啡估唔到仲有拉花🤩入口順滑咖啡味足夠🤎小編就覺得Tiramisu甜左少少 不過配埋咖啡就啱啱好，下次有機會試埋其他款蛋糕先😍

酒店大廚自立門戶，唔駛再用明閣價錢就可以食到優質食物，當然要去試吓啦！餐廳裝修簡約舒適，空間感十足，座位亦算多。坐下一望餐牌，選擇頗多，立刻選擇困難症上身，樣樣都想試想食。最終敲定以下三樣：1）星州炒米材料豐富，火喉十足。咖哩味香而不辣，材料新鮮，米粉炒得乾身分明，唔會有一舊舊的現象。2）海南雞飯連中式餐湯雞滑有咬口，肉質彈牙，纖維性高，不過雞油飯唔夠香。三種醬汁各具特色，每一隻都很美味。伴碟的花生焗得香脆，好味😋中式餐湯絕不馬虎，材料充足湯味濃，有滿滿的椰子味👍🏼3）冬陰公米線幾乎係單點菜式最貴的一款，但份量相對比較少。冬陰公湯比較稠，建議好似食冷烏冬般，一束束米線混上湯食。湯味濃，但湯裡除了兩隻蝦外，全是菇菌同香茅，材料比較單調。米線彈牙，熟度剛好口感佳。總體而言，食物質素算是不俗，價錢中等。茶餐廳菜式，但酒店質素，算是物有所值。