DPD大牌檔 (已結業)

人數：2個（男女）日期：2月時間：5:00天氣：清涼好耐之前去快食左個下午茶～秘製沙嗲牛肉通粉配北海道牛乳炒蛋多士沙嗲醬有淡淡花生味,牛肉煮得夠淋,又厚身,整體真係不錯。炒蛋正常發揮,沒有很重牛乳嘅感覺,勝在都滑溜秘製沙嗲牛肉厚切滑蛋三文治老實說,同個通粉大致上分別不大,我覺得三文治本身可以可以用厚一點嘅麵包會再好啲,因為沙嗲牛味道本身夠濃,麵包的份量可balance番～值得一提嘅係服務,好有禮貌同埋落咖啡嘅時候有note寫低係女士order,唔知係咪同拉花或者用咩色杯有關係呢～整體評分：中上🥪🥪🥪🥪主食：沙嗲牛可試服務：細心主動環境：Morden 清潔：很好

行過見佢裝修幾靚,就入去試下有人帶位 地方乾淨又光猛 坐得幾舒服食物種類都幾多我哋叫咗蕃茄芝士焗厚切黑豚豬扒飯同埋檳城椰香海鮮喇沙湯麵蕃茄芝士焗厚切黑豚豬扒飯等咗約15mins豬扒的確厚切, 食豬都有豬味, 口感不錯仲有D肉汁 (見圖) , 飯底都好好, D飯算粒粒分明唔係一pat pat 。喱間個焗豬我俾5星👍🏻👍🏻👍🏻檳城椰香海鮮喇沙湯麵都好食, 真係幾大碗, 正常女仔胃口相信要好餓底先清得哂成碗overall 好滿意 ! 算係MK少見的高質食店👍🏻

🇭🇰DPD大牌檔·DPD招牌無骨海南雞$108 l 秘製沙嗲虎蝦粉絲煲$128雖然佢叫自己大排檔 但係其實佢menu係中式同西式嘅嘢食都有 都幾搞笑🤣我自己就比較鍾意佢個海南雞飯 尤其係佢個油飯都幾出色 佢係真係粒粒分明 好有油香得黎完全唔會油膩 之後佢入邊仲有啲乾蔥 所以口感好好🍚之後佢個雞都煮得岩岩好 尤其係雞髀好滑 雞胸位雖然無咁嫩 但係都唔錯既😎之後佢嗰虎蝦粉絲煲好夠熱 係食到尾都仲係熱辣辣😈😈而且佢啲粉絲索曬啲沙嗲汁 超惹味 不過佢呢個粉絲煲就偏濕少少 唔係炒到好乾身個種🤣🤣·高纖沙律碗$108 l 凍OREO 髒髒黑糖珍珠奶茶$42 l 椰汁紫糯米·椰子雪糕$42之後佢呢度個沙律真係超大兜 而且佢個芝麻醬係另上既 你鍾意落幾多都得🥗配料方面我最鍾意佢個牛油果 牛油果配麻醬真係好好味 而且督穿佢個溫泉蛋點沙律黎食都好正😌😌之後佢個珍珠奶茶我自己就覺得一般啲啦 佢無咩oreo味既 係真係得杯上面啲oreo碎🫢🫢反而佢個椰子雪糕好濃🥥·#rbyeat#rby港式#rby旺角·📍旺角砵蘭街244號遠東旺角銀行大廈地下B2-B4號舖

在朗豪坊附近，有間比較時髦的茶餐廳，裡面的食物都好多樣化，而且沒有想過那麼好食！日本飛驒和牛熔芝士漢堡配松露薯條，這個漢堡絕對是芝士控不可以錯過，熔芝士覆蓋了整個漢堡和旁邊的薯條，芝士味道咸香！漢堡入面有好juicy而且牛肉味濃的飛驒和牛漢堡扒，還有蕃茄、生菜、酸瓜，非常惹味！薯條是粗薯條，外脆內軟，還附有黑松露醬，非常邪惡呢！秘製沙嗲虎蝦粉絲煲，上枱的時候非常熱辣辣，粉絲的份量都好多，有香濃的沙嗲味，微辣！虎蝦爽口彈牙，整煲送飯一流！避風塘炸雞軟骨，這個菜式非常香口，雞軟骨爽口咸香，不會好油，加上用上避風塘整法，味道辣辣的，非常惹味！椰汁紫糯米，椰子雪糕，這裡連甜品的味道也不錯，紫糯米味道不會好甜，糯米亦不會太硬，連不太吃糯米的我都食到！椰子雪糕有淡淡的椰子香味，非常滿足呀！百香果檸檬氣泡水，飲品有淡淡的百香果香味，味道酸酸甜甜而且味道較清新，解渴又解膩！凍Oreo髒髒黑糖珍珠奶茶，好有奶茶的香味，珍珠不會好甜，煙煙韌韌！上面還有Oreo餅和餅碎，還有棉花糖在面頭，大人細路都很岩喝！

旺角嘅🌟DPD大牌檔🌟，店名夠晒地道，裝修和菜單卻不一樣！DPD文青風格嘅裝修相當悅目😍，店員態度相當友善親切，除咗有🇭🇰港式鑊氣小炒🔥，仲有西餐同埋亞洲菜，賣相精美，而且味道唔錯，份量足，係令人驚喜嘅大牌檔體驗！🤩🎌日本飛驒和牛熔岩芝士漢堡🍔配松露薯條🍟 $148😍嘩! 🧀熔岩芝士將成個🍔Burger cover住，超誇張！😆味道同質地都調配得唔錯，🧀咸香芝士味足，但又唔易膩！🎌日本飛驒和牛漢堡扒厚身香口兼夾好Juicy，真係滋味無窮！💗✨DPD無骨海南雞 $108無骨海南雞雞肉夠嫩滑😋，油飯香口，仲配埋🍲老火中湯、🥬時令蔬菜、薑蓉、自家酸辣醬及黑豉油，夠晒滿足！😚🥗高纖沙律碗 $108材料好豐富呀，包括有🥚流心蛋、南瓜、🍅車厘茄、羅🥬馬生菜、羽衣甘藍、🥑牛油果及藜麥，份量仲要超足，而胡麻醬分開另上，夠晒細心！💕🧋凍Oreo髒髒黑糖珍珠奶茶 $42將所有邪惡嘅材料堆到滿瀉，夠晒凍涼甜美！😈🍹百香果檸檬氣泡水 $42酸酸地又夠爽！👍🏻💜椰汁紫糯米、🥥椰子雪糕 $42中式甜品加雪糕🍨，雙倍椰子滋味！🤍

位於旺角砵蘭街< 𝓓𝓟𝓓 𝓗𝓚 >, 一間新派高質餐廳, 由米芝蓮二星前大廚主理, 而食物及服務質素方面, 彷彿體驗五星級酒店服務。川川辣子雞 $¹³⁸雞肉帶有酥脆口感, 再放有紅辣椒乾、花椒、薑蓉及葱, 整體相當惹味。爆麻水煮牛肉 $¹²⁸牛脊肉非常新鮮滑嫩, 將其浸入紅湯、刀口花椒、乾辣椒等的配料, 香辣不嗆喉, 更能昇華濃郁牛香, 這個推薦！日本飛驒和牛熔岩芝士漢堡配松露薯條 $¹⁴⁸和牛油脂分佈均勻, 軟腍多汁, 入口即溶。而芝士十分澎湃, 相當邪惡。椰汁紫糯米、椰子雪糕 $²⁸紫糯米粒粒分明, 香甜軟糯, 再配上椰子雪糕, 帶有濃重椰香味道。ᴼʳᵉᵒ曲奇棉花糖朱古力 $²⁸濃厚朱古力配上曲奇碎及微焦棉花糖, 口感很豐富。ᴼʳᵉᵒ髒髒黑糖珍珠奶茶 $²⁸奶香奶茶配上香甜黑糖及彈牙珍珠, 層次豐富。DPD大牌檔📍旺角砵蘭街244號遠東旺角銀行大廈地下B2-B4號舖

一向都非滿意此餐廳外賣焗豬扒飯，以100塊錢左右可以有一客有水準的飯盒，但昨天給了我一件超肥的豬排，很失望！希望能改善，因為而家好食的焗豬扒飯愈來愈少🥲，餐廳的招牌貨式得來不易😓

有日行街想食個下午茶，經過朗豪坊商場內街，見到呢一間設計幾高檔，但係竟然標榜大排檔style既餐廳，就入左去試下😛沙嗲牛肉麵係我favourite，基本去親茶記都係嗌佢，我對於沙嗲牛肉麵嘅要求都幾高，因為呢一樣野係我由細食到大😋DPD之所以高檔地走大排檔style，原來係由前酒店總廚坐鎮，食得出食物水準真係高一班！🔥下午茶｜秘製沙嗲牛肉出前一丁 $50配北海道牛乳炒蛋(九州)及牛油多士上枱賣相好唔錯，係我自己心目中沙嗲牛肉麵嘅味道，好正宗，個人好怕食啲好杰撻撻嘅沙嗲牛肉醬，哩到DPD秘製嘅調味好濃味，醬汁溝埋湯底中和得非常好❤️選用嘅牛肉都好嫩滑好新鮮，一口既大小，一啖湯一啖麵一舊牛肉very good!!通常麵底我都會叫爽麵，黎到6,7分熟岩岩好💓通常配餐嘅炒蛋同多士好多時都係配角，但我自己認為如果呢兩樣都做得好嘅話都睇得出呢間餐廳嘅心思！多士上下都㶥得好均勻好脆口，牛油唔會得少少，炒蛋都好出色！牛奶味重，好香滑🍳🤩疫情關係佢地宜加暫停營業，不妨遲啲有時間搵一日去試吓！

食過DPD嘅早餐和午餐，屬於比茶餐廳高級的餐廳，實在有一定實質素，環境舒服🌿😌讓人可以食個休閑舒適的早餐🥓🍳☕️，為一整天生活「加油」⛽️。留意了一段時間，早餐無論價錢及食物質素都吸引一班早餐擁躉😍下次路過，不防試吓！今次我是刻意試下「外賣」🍱的，首先，可以用QR code下單take away，也有一個獨立counter 負責處理外賣，不用進入餐廳內（安排都幾周到和細心💗)。外賣餐牌有四款選擇，每款都是$48，如果大家食過午餐，就知$48外賣算是抵食👍🏼，今次試了 黑松露白汁蘑菇雞肉🐣及紅酒燴牛肉🐮，兩款都可以選擇跟飯及意大利粉！黑松露白汁有水準，意粉🍝幾彈不會淋曬，紅酒燴牛有紅酒🍷味，牛肉燴得夠～～美中不足，飲品要另加$7，牛肉和雞肉數量不夠 ～

今天大除夕，陪Honey到旺角逛郵品店，路經朗豪坊。朗豪坊對面，有一間門面寬闊/企理的食店，叫做DPD大排檔。看看餐牌，中價啦。不過，見坐得舒服，在旺角喎……就這裡啦。座位擺放疏落，光線暗暗的，環境不錯。餐牌顯示有好多款，但當點餐時，侍應說只有1/3/4 /7，，可能已經二時了，冇乜得揀。所以，就揀海南雞飯和泰式香辣肉碎拌飯。餐湯是老黃瓜湯。幾好，有南北杏，而且能飲到陳皮味。Honey點海南雞飯 $108很快就上桌，雖然不算便宜，但是質素不錯。海南雞是雞髀肉和背脊肉，沒有雞胸肉。而且，雞肉僅僅熟，好滑，還保留了脂肪啫喱，所以，雞肉好滑。而油飯有炒乾蔥，所以幾香口。我點泰式香辣炒肉碎 $88等了很久才上桌，不過，都幾好味。因為真的炒得好香口，微辣，惹味。至於兩杯飲品，既然餐廳標誌是大排檔，所以我點了一杯凍咖啡和一杯熱奶茶。熱奶茶還可以，有茶香，不過奶就不夠滑。凍咖啡呢，太甜了！甜到漏！整體而言，食物和環境都不錯，坐得舒服，相當滿意。

這天午飯，點了極品龍蝦湯海鮮泡飯和日本飛驒和牛熔岩芝士漢堡，飲品點了熱咖啡。龍蝦湯海鮮泡飯先上桌，先看食材，已經有點失望，因為湯飯中的海鮮不多，只有一些蝦粒和帶子粒。接著吃一口，失望升級，因為湯頭雖然味道還可以，但真的喝不出是龍蝦湯。若這是一般的湯飯，是合格的，但既然名為極品龍蝦湯海鮮泡飯，價錢 $178一客，就有點令人失望了。接著漢堡包上場，賣相一流，熔岩芝士很漂亮。漢堡包餡料充足，但免治牛肉的味道並不突出。可能是日本飛驒和牛的名字令我對這漢堡有較高的期待，結果卻覺得它和一般的漢堡分別不大。至於熱咖啡，也只是水準一般。食物不突出，但這店的環境真的不錯，服務也好，侍應很有禮貌。若對食物要求不高，只想找個環境好服務好的地方和朋友共聚，這店還是可以一試。

行經旺角啱啱要食晚餐，見到大大個餐牌推銷緊試食晚餐，諗住見平又有少少肚餓就走入去啦。6:30到唔算太多人，試食晚餐有湯，主菜有三個選擇，雞翼肉燥飯、日式吉列豬扒飯、蕃茄辣魷魚意粉，款款都係$68 （未連加一服務費）。我揀咗中式湯（薏米煲排骨），蕃茄辣魷魚意粉。中式湯唔似落咗好多味精，好飲嘅，意粉好足料，茶餐廳居然有橄欖，辣味蕃茄酸味適中，超級好食。雖然冇餐飲，$75算係差唔多啦。咁好食，一定會再試。

收工行過諗唔到食乜見到有一間門面以白色主題嘅大排檔，就俾佢吸引行咗入去食。估唔到大排檔都有黑松露蘑菇湯，面頭仲加咗少少忌廉同埋松露油，勁香黎到大排檔點可以唔食乾炒牛河，分量冇茶餐廳咁多一個男仔食就啱啱好河粉炒得好乾身而且唔油膩肉片都好大片又淋身，配埋辣椒醬食勁開胃我哋仲叫咗個黑松露薯條，真係每一條薯條都沾滿黑松露醬，勁好食估唔到以茶餐廳為主題都可以係高級嘅餐廳，而且地點好方便喺朗豪坊附近，價錢亦都唔貴又有冷氣

星期六夜晚，同朋友喺旺角行街搵食，行經呢間DPD大排檔，見門面幾吸引，就喺門口睇吓有咩食，旋即被門口播放嘅輕爵士音樂吸引左入去😌雖然名為大排檔，但餐牌上中式小炒、西式扒餐、亞洲風味菜不缺。室內環境頗舒適，播放住音樂氣氛都唔錯。兩個人叫了一個砂鍋龍蝦帶子霹靂泡脆米同一個黑松露牛柳粒炒飯。本來對砂鍋泡脆米好有期望，但個湯作為呢味菜嘅靈魂實在失色，不但冇龍蝦同帶子嘅鮮味，味道仲頗清淡，我哋加咗少少幼鹽先至吊番起少少味道。黑松露牛柳粒炒飯總算挽回少少分數，飯粒炒得乾身分明，黑松露醬份量適中，香而不俗，雖然當中嘅牛柳粒稱為牛肉碎都不為過。總括而言，呢度環境舒適，食物水準OK但冇驚喜，下次有機會或者試吓西餐。

今日去開旺角做野順便食埋lunch 先番Office, 上次食過一次DPD，坐得舒服而且食物都有水準, 所以今次試埋午市。作為意粉控既我就試咗海鮮卡邦尼意大利粉，海鮮份量俾得好足料，有煎香咗既帶子，魷魚，大大隻既鮮蝦, 仲有雜菇，而意粉煮得好彈牙好al dente， 食完成碟都唔會覺得膩。仲有好多款都想試，下次有機會再約friend 試其他先!