Dodam Chicken (1亞太中心) (已結業)

當無預訂位置周圍都無位，亞太中心就係一個好去處，無期望就無失望，千祈唔好睇見menu入面張相好似好細份，點知出黎就大大份，大份到我要打包拎走。正題，試咗三味，就係泡菜煎餅、甜辣炸雞同香脆雞，香脆雞就無乜特別，正正常常，反而甜辣炸雞就有驚喜，甜甜地辣辣地又幾開胃，唔會粉多肉少，食到停唔到口；泡菜煎餅有一大塊肥豬肉圍邊，相就細細份，出黎大過我塊面。仲要眼見周圍好多人都有叫pizza，睇黎下次都要試一試！

觀塘試新嘢，食物份量大，叫左兩款炸雞各半份，最後係要打包4件走，下次叫一款炸雞半份夠啦熱辣辣最啱飲Asahi，第一啖覺得好似1664 blanc咁甜，凍冰冰，爽呀🍺韓式甜豉油脆雞 / 甜豉油，但有點太咸，可以唔落咁重味香辣脆雞 / 味道ok，雞肉唔乾，但可以再辣番少少芝士年糕拉麵 / 鐵板上熱辣辣，年糕夠淋，可以落多少少椰菜，不過芝士既範圍太大，去到鐵板邊嗰啲了都了唔到，可以考慮將芝士集中淋喺中間，唔好哂左啲芝士

觀塘亞太中心新開左間食韓式炸雞嘅餐廳，有新餐廳就有me💁🏻‍♀️，我當然黎試試啦。 👅Cheese Egg Roll 芝士雞蛋卷($128) 👍🏻👍🏻蛋卷中間有好多好多好多芝士，一切開就會見到佢地滿瀉哂出嚟，芝士足料係最讚的😆但記著要趁熱食，如果唔係啲芝士就會凍哂變成固體(雖然都好食) 👅Honey Butter Garlic Chicken 蜂蜜牛油香蒜焗烤雞 ($188) 👍🏻蜂蜜牛油烤雞呢嗰配搭本身就10分吸引人。金黃色嘅烤雞，又外到內嘅蜜糖甜味，一哄而上嘅牛油香味。特別欣賞佢嘅細節位，例如佢會加埋炸蒜同埋杏仁片令個味覺更豐富，。調味做得幾好，而且唔會太油膩，食完罪疚感都冇咁重 👅Seafood Green Onion Pancake 韓式海鮮煎餅 ($142) 👍🏻👍🏻👍🏻覺得哩個韓式煎餅幾特別，因為佢成個都係綠色🤣好似食緊菜餅咁。但實際上佢表面都佈滿曬海鮮，十分足料。辣椒醬唔辣，但保有辣椒嘅香味，兩者配合好似令個煎餅少左油膩感，食好多都唔濟👍🏻

今日係去完apm之後突然好想食炸雞但係又唔食kfc喎。見附近有間新開冇幾耐嘅韓式炸雞店，就去試下，入到去餐廳嘅環境都幾舒服，而且啲座位都幾大張，唔似有啲餐廳嘅座位好細好唔舒服。而且野食嘅質素都唔錯，炸雞啲表皮都幾脆口，而且都幾薄，唔會好多粉，我地叫左個甜豉油炸雞，佢調味岩岩好，唔會太甜冚咗雞嘅味道，佢嘅分量都唔少，我地叫左半份都有六件，我哋兩個人去食啱啱好，我哋仲叫左個泡菜煎餅，唔會辣之餘，口感都幾脆。整體而言呢間餐廳嘅質素都唔錯，下次都會再嚟幫襯。

今日行吓街，突然想食炸雞就即刻上咗OpenRice搵，首先，推介幾款食物，我叫咗個黑松露薯條，個薯條送到過嚟就已經聞到好大浸黑松露，佢嘅香味連隔離枱都望左過嚟，個賣相係得嘅！食落去嗰陣好脆，真係同我之前喺其他地方食嘅薯條完全唔一樣，另外我都叫咗一個炸雞，☺️🎉蜂蜜牛油炸雞🎉☺️呢個係令我最意外，佢嘅口感同埋外觀，都好得！講完食物，當然要講吓服務態度，員工嘅服務態度好好，我同佢哋講呢個位有少少凍，可唔可以轉位，但其實當時好多人所以佢就同我講，我幫你較細啲個冷氣如果真係有必要我會幫你換位架，但過多陣我真係頂唔順我就同佢哋講幫我轉位，咁嗰位員工講得出做得到幫我換咗位，之前喺其他地方食嘢如果同啲員工講，一係就西面一係喺背後鬧，仲有一位着恤衫應該係經理，佢好Nice，有時會問吓啲客啲食物點啊，好唔好味等等，仲有推介好味嘅嘢食比食客，送餐嗰陣佢會同你講呢款嘢食係咩要點樣食先最好味，同埋好貼心，呢間鋪嘅員工語氣好好，好nice，我跌咗支叉，轉個頭個員工已經攞咗支新嘅俾我。至於環境衛生方面，地面冇好大嘅垃圾已經好好。最後推介你哋一定要食黑松露薯條，炸雞同埋年糕，下次我一定仲會黎試埋其他嘢食！整體來講一啲都

適合一家大細嚟食，食物質素都唔錯，今次同朋友嚟食魷魚炸雞拼盤，魷魚不錯，呢間店啲炸雞對比出面其他鋪真係好食，別有一番風味，牛排骨湯都10分好食，部隊鍋都唔錯，泡菜煎餅都幾脆味道都唔錯。

最近好鐘意食韓國野，咁岩見到觀塘有間我以前係銅鑼灣幫襯過既舖頭做緊6折，就同埋屋企人一齊去食炸雞我地要左半份蜂蜜牛油味超超超好食😍新鮮熱辣辣炸起真係冇得輸其實，加埋真係勁入味，食完一舊又一舊，依家我都回味緊仲有全家最愛既人蔘雞！！有兩隻大雞脾，仲有勁豐富既配料，飲完感覺同首爾既餐廳試過一樣味💯手抓飯貪得意叫既，但估唔到幾驚喜😍唔好睇佢簡簡單單咁撈埋其實真係幾唔錯埋單食左咁多野都係500有找，真係好抵食😍

眼見觀塘都開始踏入翻新既階段,當然趁住有落成既新商場去附近行一圈。雖然最後係新商場內無揾到心儀既餐廳但卻係對面商業大廈內發現到美食香脆雞翼薯角以油炸食物黎講呢到即唔會炸得油膩，夾起都無滴油既問題，外身炸得夠香脆而且帶一陣油香，雞翼外脆既炸漿內包藏住嫩滑多肉汁既雞肉。再配上香脆充滿薯香又帶點香辣感既薯角相當惹味。冷湯麵冷湯麵即等於平時係韓國餐廳既水冷麵，主打由麵條至湯底都係帶以冰涼口感既主食。平時係韓國人食燒肉時必點既主食之一，冷湯麵帶住酸香既湯底再配上香甜既青瓜及梨肉令口腔帶起一陣清香，同時省減肉類及油炸既膩滯感。同時係湯麵內有一住烚蛋,令湯底帶多點蛋香。冷湯麵同韓國即食麵一樣都充滿咬口，入口煙煙韌韌相當彈牙。Mango Yogurt Smoothie 質感濃密細滑,帶乳酪既發酵酸香及忘果熱帶既甜味.入口好開胃同時化解香脆雞翼薯角既膩感.

Dod Chicken終於衝出銅鑼灣係觀塘立足,由佢係銅鑼灣已經好鍾意.見到佢係觀塘開左就一定要試下！觀塘分店比銅鑼灣店既燈光更明亮,而且有落地玻璃可以睇到窗外既環境.牛排骨湯以濃香既牛骨湯底熬成熱湯再放上石鍋內保溫,鍋內充滿大量牛排骨及牛肉令湯內既牛肉香更濃更醇厚.牛排骨肉質嫩腍香軟而且牛香味相當濃厚既同時又唔會好肥膩.鍋內帶有粉絲充分地吸收牛骨湯精華.伴隨大蔥,金菇,雞脾菇令湯底帶多陣菌香.冷湯麵熱湯配搭返冷湯麵剛好中和返熱騰騰既身軀.冷湯麵既蕎麥麵同日式完全唔同,比起日式蕎麥麵更Q韌及彈牙,相當有嚼勁.冷湯麵湯底同樣開胃,帶一陣醋酸香及甜味,拌上辣蘿蔔絲加上一陣辣味.雪梨及青瓜片同蘿蔔絲都增加左一陣爽脆口感.鮮橙汁酸酸甜甜既鮮橙汁解膩又醒胃,入面帶粒粒果粒,飲得出係鮮榨既橙汁.

其實不嬲都知香港嘅韓國菜係幾overpriced，不過如果好味貴少少都唔緊要，只可惜今次食嘅真係又貴又唔好食🙈份香脆雞整體嚟講都真係幾乾，調味就係原味咁樣，不過不失。最好味其實就係雞髀同雞翼，連雞槌都偏乾。👉🏻點之雞髀一咬開仲有血絲同埋好似有啲血水，感覺未熟透，兩隻都係😂😂😂 同左經理講，佢解釋係雞髀比較厚肉係正常嘅係熟嘅🌝 跟住佢就話可以換左兩隻雞髀，然後其實到我地食完飯都冇俾翻我哋🥲 中間有催過佢，不過都係不了了之，到最後埋單經理主動扣翻$35嚟彌補兩隻冇再出現過嘅雞髀🍗可能係佢哋新開張太忙，不過係食客嘅角度，呢道菜唯一好食嘅部位就咁就冇左，都幾虛無🥲最最最最伏嘅一定係個牛排骨湯，超級市場買到嘅即食湯俾佢好飲一百倍，唔係講笑😂 啲湯係完全冇味，好似清水咁，佢啲牛排骨似係醃過，感覺係醃嚟做其他嘢，因為完全唔夾🌝 淡得嚟又怪怪地🌝 我寧願佢唔醃認認真真搵啲高湯煲下佢。啲配菜就都係咁，金針菇就係滾水淥金針菇嘅味🙏🏻 其實講真我冇expect過個湯係真係傳統煲咗好多個鐘嗰種味，但係你標價接近二百蚊🥸，然後竟然係一鍋清水，我真係冇嘢好講🤧就係咁，冇作大，100%真實體驗👌🏻

✨呢排好多朋友仔都食炸雞,所以我都唔執輸搵間黎食吓😏,呢間係觀塘新開既［Dodam Chicken］,其實佢地都有分店係銅鑼灣,我見觀塘鋪新開又見定枱特定時間有折,所以去試下‼️.💬芝士雞蛋卷 $128蛋卷頂鋪滿蟹子,切既時候啲芝士都急不及待咁湧晒出黎,見到都流口水🤤,整體味道加埋啲沙律醬一齊食真心幾好味!值得一試😎✌🏻❗️.💬招牌甜辣芝士無骨烤雞 🍗$198呢個賣相唔錯✅鋪滿晒芝士而且份量都唔少,目視都覺好足料,除左有烤雞之外,仲有年糕,芝士竹輪,椰菜等等,味道甜酸中帶微辣幾惹味,加上厚厚又拉絲既芝士卷起烤雞黎食,口感確係唔錯,不過我覺得佢地呢個醬汁太稀太水狀了,如果杰番少少會好啲😆！..📍 Dodam Chicken (1亞太中心) (觀塘)觀塘觀塘道414號1亞太中心3樓1號舖.📍 Dodam Chicken (利舞臺廣場) (銅鑼灣)銅鑼灣波斯富街99號利舞臺廣場18樓A號舖..

今日嚟到觀塘亞太中心新開嘅 Dodam Chicken, 一心就係嚟食炸雞。很難取捨之下決定點雙併炸雞。雖然貴少少，但一次可以滿足2個願望。我哋揀咗辣味同香蒜豉油味。辣味炸雞係傳統甜辣味，香蒜豉油味反而有驚喜。佢唔係勁蒜味嗰種，味道係剛剛好嗰種。另外點咗一個牛骨湯。牛骨量頗多，湯中能嚐到淡淡牛骨味。飲品分別點咗士多啤梨沙冰同柚子沙冰。士多啤梨味幾fresh, 柚子沙冰就甜啲。雖然只係點咗2樣主食，但炸雞份量好大，有成12件，所以真係好飽好滿足

Dodam Chicken 位於觀塘亞太中心三樓，餐廳以售賣韓式烤雞炸雞為主。網上食評介紹餐廳菜式份量十足，二人確實難以同時間試到多款口味，幸好餐廳有半份/雙拼選擇。是夜晚餐點了一客雙拼炸雞，香辣脆雞以傳統韓式甜辣醬汁調味，醬汁味道偏甜，不會有辣感覺，雞肉皮脆肉嫩多汁。另一款香蒜豉油脆雞，同樣帶點少甜味，味道較韓式甜辣醬清新。另外再加了一份牛排骨湯，牛骨湯味濃，牛肉軟嫩。飲品方面亦有相當多選擇，炸雞也不一定要是配啤酒的，配Yogurt 沙冰也不錯。

雙重芝士麵包辣烤雞($198)，上菜時聞到陣陣芝士香味，中間個係提子包，當作盛器裝滿濃郁既芝士醬汁，醬汁好幼滑而且冷卻後都不會凝固，個包食落有烤焗過既香味，至於食物方面有雞肉和獅子狗，都被芝士完全覆蓋，芝士煙煙韌韌可以做出長長既拉絲效果，不過要趁熱食否則冷卻後會凝固。芝士年糕拉麵($158)，韓國菜點少得必食既拉麵，醬汁都有d辣但未至於辣到食唔到，食物有蛋、獅子狗、魚糕、年糕，拉麵吸晒汁好惹味，年糕口感煙韌度適中。店鋪亦都會跟足韓國食肆，配上一份醃蘿蔔，解油膩感之餘酸酸尾尾幫助消化，而且好爽口。

注意!芝士控出現喇!成個月冇食炸雞,D引出曬黎Dodam chicken 一直都bookmark左，但cwb對我呢d唔過海的人黎緊太遠喇😚😚一知佢黎觀塘開，即刻打電話黎訂位2個人眼闊肚窄, 叫左2樣野已飽到頂點古岡左拉芝士薄餅芝士控當然連薄餅都要叫埋芝士， 薄薄嘅餅底配上一層又一層的芝士餅底脆芝士軟綿綿三重芝士炸雞Wo❗一黎到勁吸睛❗超級多芝士侍應提議我哋先食咗個包，一切所有芝士熔岩即刻流曬出嚟炸雞即叫即炸非常香脆，配上三種芝士，美味升級分量勁連埋芝士食， 倍感飽足