Dodam Chicken (1亞太中心) (已結業)

雙重芝士麵包辣烤雞($198)，上菜時聞到陣陣芝士香味，中間個係提子包，當作盛器裝滿濃郁既芝士醬汁，醬汁好幼滑而且冷卻後都不會凝固，個包食落有烤焗過既香味，至於食物方面有雞肉和獅子狗，都被芝士完全覆蓋，芝士煙煙韌韌可以做出長長既拉絲效果，不過要趁熱食否則冷卻後會凝固。芝士年糕拉麵($158)，韓國菜點少得必食既拉麵，醬汁都有d辣但未至於辣到食唔到，食物有蛋、獅子狗、魚糕、年糕，拉麵吸晒汁好惹味，年糕口感煙韌度適中。店鋪亦都會跟足韓國食肆，配上一份醃蘿蔔，解油膩感之餘酸酸尾尾幫助消化，而且好爽口。