Deer Kitchen (已搬遷) 新店位置

​ 上星期因朋友邀請去到了位於觀塘區的一間西式餐廳， 這間西式餐廳的名字是Deer Kitchen。 首先映入眼簾的當然是餐廳的裝潢，以小鹿為主的一間餐廳， 到處都可見到油畫和小鹿的擺設，加上餐廳地方適宜， 不會過份擠逼，頗有雅調，適合作為情侶拍拖或同事聚會的熱點。 說完裝潢之後，當然是說菜式了， 頭盤是該餐廳的沙律和黑松露醬醃麵包， 沙律固然是採用較為有機的蔬菜配上不同的醬料， 口感和味道都適合普羅大眾的歡迎。 之後侍應上了大蝦pizza,這道菜為今晚的亮點， 尺寸合適能與3-4名朋友一起進食， pizza並不是採用普通的厚餅而是像薯片般托上大蝦， 既新鮮又加上點辣醬混和，口感爽脆和並不單調。 之後主菜是比目魚扒配波士頓龍蝦， 比目魚扒煎得剛好，其魚骨亦只有少量， 加上特製的醬汁，令魚的鮮味亦得以保留。 而波士頓龍蝦亦別具特色， 只需要用叉子插出來就能品嚐啖啖肉的滋味。 兩者份量亦多，或能情侶共吃亦能填滿飽腹。 另外在甜品方面是士多啤梨果凍， 口感清新，愛好甜品者必然首選。 在飲品方面是蘆筍青檸梳打，清新口感亦健康配搭， 新奇飲品具有健康色彩，不妨一試。 最後在侍應方

係觀塘食afternoon tea有好多選擇，知道朋友好鐘意鹿，就偷偷地book左呢間 deer kitchen同佢食俾個驚喜佢去到發現地方唔細，而且唔係好多人，所以想黎試既人可以揀下午茶時段黎，安安靜靜傾下計分別揀左迷你炸雞扒窩夫漢堡配薯角同埋焗法式蜜糖芝士枕頭包。本身以為下午茶係細細份，點知下午茶係同午餐一樣分量，都係咁多！本身諗住漢堡會好奇怪，原來甜嘅窩夫同鹹嘅炸雞扒味道好夾，最重要嘅係炸雞扒同薯角都係啱啱炸好，最怕食到林晒又凍冰冰嘅炸野另外鍾意芝士嘅朋友就可以叫枕頭包，滿滿既芝士我朋友食到停唔到口再加埋4款唔同既醬，就算咁大份都唔會覺得漏架！一路食住咁傾計，不知不覺就食哂兩份大大既下午茶，我好鐘意個炸雞扒窩夫漢堡，下一次番黎再encore影低埋佢個lunch menu番去研究下，相信質素會比觀塘其他餐廳好有外賣仲有限定時間入座優惠，觀塘番工人仕要bookmark定啦

觀塘重建由2014年開始，近年來附近一帶的工業大廈都有多不勝數的餐廳進駐，令觀塘區的市民大飽口福。這個晚上襯著學車前的空檔，決定跟中同試試一家挺有名的西餐廳，經常聽到朋友分享這家別緻的餐廳，這個晚上終於到我一嘗這家Deer Kitchen。環境裝飾Deer Kitchen位於年運工業大厦1樓，一出電梯就看到了很清楚的鹿相，門外氣氛平平無奇，但入到店內環境，氣氛截然不同。店員安排給我們的位置旁邊的牆上已經有鹿像配上銀色的框框，另外我們感受到環境非常舒服，個人認為氣氛挺有情調，適合小情侶或者朋友談天，牆上更寫上有意思的字句，再配上有一個小Corner，讓食客可以先享用晚餐，再考慮到小Corner拍照留念，非常適合我們這種偽文青來拈拈光。餐牌安排餐牌食物種類屈指可數，我們主要都是點一人晚餐的set，我們發現可以單點Apprtizers/Main course 什至其他，但我和朋友發現直接點套餐會比較划算，我們計算過單點Main course基本上已經差不多等於套餐的價錢，所以我們便爭取時間，點了兩個一人套餐，亦建議大家不要單點。另外有兩頁是有關飲品的，不論單點還是套餐都看得著。麵包配黑醋 (

前幾日係上網搵餐廳同男朋友撐枱腳個陣，就見到呢間用鹿做主題嘅餐廳幾有特色，於是就打去訂位試下呢間主題餐廳。一入餐廳就見到有好多鹿嘅裝飾品，餐廳入面空間感充足，枱同枱之間唔會好迫，坐得好舒服。一坐底就即刻拎個餐牌同男朋友研究下今晚食咩好， 由於我同男朋友望住個餐牌好耐都決定唔到食咩…待應姐姐見到就主動埋黎問我地嘅喜好再推介啲菜式俾我地，最終我地決定叫左個小食、意粉同一個Set-dinner.點完菜無耐就送上麵包配黑醋橄欖油俾我地開開胃。麵包送上黎個陣係暖粒粒架!配埋酸酸地黑醋令人食慾大增!我地選擇左<黑魚子蟹用手指多士>做前菜。多士上面鋪住嘅全部都係蟹肉黎，蟹味好濃而且啖啖肉，口感好豐富，鐘意食海鮮嘅一定要試下。 食完前菜接住黎嘅就係小食<漁夫海鮮桶>。呢個海鮮桶入面分別有炸蠔、炸魷魚、炸芝士同薯條，配埋蕃茄同自家制沙律醬。 海鮮桶炸出黎嘅顏色係金黃色，食落好鬆脆唔會覺得油膩，而且落嘅脆漿份量適中，唔會食成口粉。特別要提嘅係自家制沙律醬，沙律醬食落會有少少芥辣味道，辣辣地好過癮!!之後再黎嘅就係<白酒煮辣蜆扁意粉>。意粉口感煙韌，唔會太軟

今日係朋友既推薦下，去左觀壙工廈，試下食西餐。本來我對西餐冇乜特別喜好，因為覺得哂好多時間，又食唔飽，但今日有所改觀。「拳拳誠意」餐包唔係食開既Hea 牛油餐包，格離係橄欖油意大利黑醋，酸酸地，橄欖油味幾出，同個醋幾夾，食落係幾開胃的。「匠心獨運」頭盤都係開胃菜，呢個組合算幾新穎，咬落個蟹肉係一絲絲的，真材實料！魚手指係多士黎，睇得出係即叫即整，食落仲係脆身，冇因蟹肉而變濕軟。旁邊既配菜既都算鮮甜，面頭有淋黑醋汁，可以再體會酸酸甜甜既感覺。「避重就輕」今日既餐湯係大蒜薯蓉湯，我向來對蒜係避之則吉，驚食完會口臭，又要食香口膠，又要飲甜野辟味。但佢呢個湯個大蒜同薯仔已經融合左，蒜味唔太濃，好易入口。「相得益彰」三文魚扒上面係芝士，三文魚魚汁豐富，加埋香濃流質芝士，配搭完美。配菜係紫薯，味道好濃，一食就知係天然，無添加。當中發現左一個小小層次，入口時係紫薯既甜味，但放係口耐左，甜味消散後，淨低既係小小甘味，真係得小小，要仔細品嚐先留意到。「涇渭分明」最後今日既甜品係意式奶凍（草莓味），外觀係挺身，但入口即融既奶凍，奶味濃郁，草莓味淡，唔會喧賓奪主，幾好。令我刮目相看既係，上菜速度好快，食完就

原本開心食完，誰知道出門口，才發覺有推廣優惠，回頭再問說看不見有優惠海報，店長要求顧客要自己於埋單問有什麼優惠，還有在門口已貼出來，但如此＂鬼鼠＂，以不能取消單為由，不退回優惠金額，還囂張叫客人投訴吧！要投訴就向店長我投訴，公司有最終決定權。本來都沒有激動，但態度囂張跋扈，要比其他客人知道，如此小家，就不要做優惠，反正趕客！推廣優惠本要吸引客人回頭光顧，反而下次不要光顧，－家如此囂張傲慢無禮的小店。

班女同事話都去靚cafe打卡食飯！有好多鹿既形格裝飾！唔錯！美式蟹餅配鵝肝正到呢！個鵝肝好肥好正啊！一咬落去就有汁流哂出黎！個味道又香又濃！蟹餅又係好好食！炸得超香脆啊！入面仲有一絲絲蟹肉！味道都算濃！但估唔到同鵝肝咁夾！黑松露野菌意大利飯都好好食啊！勁多芝士！撈好左之後變左半溶好正啊！但芝士味又唔會搶左主角黑松露既味！正啊！依個雖然細細兜！不過都好正！係芝士鴨肉焗通粉！最上層除左有牽絲芝士外！仲有好脆既麵包糠！勁脆好正！入面既鴨肉好濃味！同個通粉好夾！

貓貓今日終於又食好西。貓貓order 左個set dinner黎食。前菜係黑松露義大利雲吞。第一次食西式雲吞。味道竟然係咁特別。雲吞皮好彈牙，加埋黑松露同少少忌廉，陣味好夹。口感超豐富。上邊個脆脆令雲吞更香，好好味。餐湯好濃郁，燒番茄忌廉湯。食到陣番茄味，鮮甜。估唔到蕃茄湯好好飲。浸麵包落湯食，好香。麵包點醋食，貓貓食到流口水。主菜係油封鴨腿。外表靚。鴨腿香，出邊乾脆，入邊味道濃。紫薯薯泥都好特別，甜甜地。有心思。奶凍甜品，Q，好味。

一班中同聚舊，喺openrice見到呢間有成130個，諗住應該無死。點知。。。。。。我地一行4人，無叫set dinner, 諗住散叫，可以試多幾款食物。軟殼蟹沙律。。。長通粉。。。墨魚汁帶子松露飯。。。鵝肝牛柳。。。pizza5樣野食，每人都係淺嚐數口。牛柳無味又鞋口，長通粉偏硬但汁唔錯，pizza薄脆，帶子新鮮，軟殼蟹正常。唯份量真得偏小，同行女仔都話唔夠食。待應招待不錯，上野快手，環境清幽，唯性價比低，可一不可再。

嗌咗兩個 set dinner，估唔到佢連跟餐嘅前菜都咁出色， 我哋揀咗兩個唔同嘅款式，分別係美式蟹餅同埋黑松露意大利雲吞。墨魚子蟹肉手指多士，喺烘得脆脆嘅麵包條上面放咗新鮮嘅蟹肉，蟹肉上面仲有墨魚子㗎，一啖入口，先傳嚟魚子喺口入面爆裂嘅啪啪聲，魚子嘅鹹鮮喺口入面傾刻爆發，跟住嚟嘅係蟹肉嘅啖啖鮮味，底下麵包嘅微暖配襯面頭蟹肉嘅冰爽，好有冰火嘅感覺。黑松露意大利雲吞，一擺上枱已經有好香嘅黑松露味， 一啖入口先係滲出濃郁嘅忌廉味，跟住黑松露味同埋意大利雲吞嘅麵粉味就會攻陷你嘅味蕾，纏繞喺口腔入面久久不散。西班牙杜洛克黑毛豬鞍配黑松露汁，好少會食到啲豬鞍個肉質會咁軟熟，豬味又夠哂出，特別鍾意佢放喺面頭嘅蘋果粒，切到四四方方細細粒咁，蘋果嘅酸甜味同個豬鞍作出美妙嘅緩衝，配菜方面既有新鮮嘅沙律菜，亦都有煎得香口嘅翠玉瓜條，仲有一個紫薯蓉添，連配菜都咁多花款，可見餐廳對食物嘅用心。

fd話有好地方介紹，原來就系呢間掛鹿頭賣西餐既餐廳。佢系工廈入面，如果冇人帶都唔知原來隱藏左間甘有格調既餐廳 裝修幾舒服，岩同fd黎傾計。我叫左個dinner set，好快就上左餐包先。個包烘熱左，幾軟熟。前菜系黑松露雲吞上面有炸脆左既面條（好似系），幾得意。個汁好香濃，幾夾黑松露既味道。呢個湯睇落青bb甘，原來系西洋菜忌廉湯。第一眼見到，以為又系劣食乜乜。但其實個湯飲落幾好味。味道主要都系西洋菜味，溝落忌廉令個湯變得綿滑、香濃。不過如果要比較，我都系中意中式既西洋菜湯，冇攪碎既西洋菜，咬落索索聲正d。飲品我揀左荔枝菠蘿特飲。比較少飲呢兩種水果既配搭，幾fresh。終於到期待已久既主菜，系慢煮鴨髀。配菜好豐富，食得好飽。推介紫薯蓉!!利伸：我唔系紫薯屎都放落口的。食一啖鹹既鴨髀，再食一啖甜既紫薯蓉，正！最中意呢種鹹甜balance既感覺。最後再加個甜品，焦糖布丁 ，成餐飯就perfect池啦。

諗住去觀塘食晚飯，所以上openrice search下觀塘區有咩餐廳好食，見呢間有成13X以上個笑，得4個喊，就走去試下。點左個confit de canard 法式油封鴨腳，一嚟到見隻腳細到好似隻鴨未發育晒咁，細得非常可憐！隻鴨腳非常乾身同「鞋口」一滴油都冇，亦冇鴨油香味，非常失望。老公點左牛柳，食到梳打粉味，同埋好韌。仲有size好細，根本唔飽！2個人埋單6百幾，都唔算平，但食物質素似港式西餐，真係失望。

觀塘既工業大廈 好多時都非工業用途了同事今次帶左我黎呢間西餐廳 地址係工廈入面 感覺好神奇！好多隻鹿，但其實餐廳係無鹿食既！睇下個menu 都有幾多款食物揀而我就揀左焗金文畢芝士釀海鮮三文魚扒既係主菜黎之前 就先吃個廚師沙律同飲湯先個沙律都幾大份 酸醎甜甜的 黑醋味香 幾開胃而個湯係 西洋菜忌廉湯 其實幾特別 因為我好少係西餐廳飲西洋菜湯 非常清新 但若嫌唔係好夠味好啦 主菜黎了！ 好大塊的三文魚扒配菜方面都相當健康 very green有紫薯 夠哂特別 而且甜甜地 翠肉瓜好爽好多汁 但少左dd 塊扒就不過不失 最好味反而係扒上面既芝士 仲有隔離既沙律醬同塊扒都幾夾既叫左杯荔枝波蘿水果茶 有橙有波蘿係入面由於今日有d熱 我幾啖就飲哂 最後甜品係白酒啫喱 我自己就唔太鐘意飲酒 但喜歡食啫喱 呢個啫喱如果唔係酒味就更好了！

觀塘嘅工業大廈裏面嘅餐廳越開越多由於競爭激烈 各家餐廳各出奇謀不過計我話 食物質素同價錢成正比才最重要呢間位於巧明街嘅【 Deer Kitchen】 以小鹿為主題餐廳嘅色調以木色同埋黑白為主 簡單且有格調今晚就同Bbf order咗兩份set dinner一齊Share前菜一｛黑魚子蟹肉手指多士｝喺烘香嘅多士上面 放一梳梳的蟹肉由於蟹肉係新鮮現拆 帶有鹹香且鮮甜上面嘅黑魚子咬落脆卜卜 突顯蟹肉嘅鮮味前菜二 ｛黑松露意大利雲吞｝雲吞上面撒上脆卜卜嘅炸麵條 增加口感黑松露忌廉唔會太漏 忌廉汁唔會太厚但有極香濃嘅黑松露香氣雲吞皮厚薄適中 食落有法國菜嘅風格餐湯｛鮮粟米忌廉湯｝ 用新鮮嘅粟米粒打成蓉 每一口都飲到粒粒粟米主菜一｛焗金文畢芝士釀海鮮三文魚扒｝$260金畢文芝士香濃軟滑 厚切嘅三文魚扒 煎得剛剛好 既不過火令魚肉變硬 亦不會太生 保留三文魚嘅滑溜口感點埋日式bb沙律醬 有意想不到嘅匹配紫薯薯蓉 為近期至hit食材 健康美味又飽肚食落感覺柔軟 充滿著紫薯香氣主菜二｛西班牙杜洛克黑毛豬鞍配忌廉黑松露汁｝$268西班牙黑毛豬出名肉嫩唔騷 豬鞍用咗慢煮嘅方法烹調雖然中心有小小粉紅 但絕對唔

呢間DEER KITCHDN 位置有D神秘！好彩正門有大招牌跟住行就到門口！一入去就覺得自己唔係身處觀塘工廠區😂 入面裝修擺設非常別緻！Menu都係有 鹿 logo！先黎軟熟餐包！配上黑醋沾來吃！沙律叫左脆脆雞捧沙律，好FRESH！秘製虎蝦天使面！個虎蝦好香好彈牙！而且好大隻啖啖肉！天使面SHARE黎食岩岩好黑松露雜菌薄餅👍🏼👍🏼雜菌配火箭菜係好好食，pizza非常薄脆！最後配上餐湯作句號。整體黎講環境食物服務都很好，值得再訪！