Deer Kitchen (已搬遷) 新店位置

今天下午朋友帶我去一間讓美食升華到藝術級別的工廈餐廳大開眼界，好開心可以見證到有人對食物不單止在味道的層次，餐廳牆上的裝飾藝術層次一樣有咁極致要求！從APM 嘅地鐵A2出口一直行經過一些品牌朱古力及肥皂店，再看見商場內有巧明街個標誌，落扶手電梯向前行再落扶手電梯，面向大街嘅左手邊行前幾步，就見到樓梯仔行上去一樓就會見到有鹿頭🦌嘅指示牌，就發現到呢間我知褲係術性嘅工廈餐廳順帶一提，朋友工人姐姐病倒所以帶埋可愛BB女出來，呢度嘅店員好Nice及貼心，上餐時特別注意及提醒，以免小朋友捉碰到而受傷，值得稱讚✨鬱金香香蒜雞槌陣陣清香，清新味道令擁有金黃香脆外皮的雞腿變得清爽、不油膩，味道和口感和炸的一樣，不過皮有少少肥，不過都好味✨荔枝菠蘿水果茶首先荔枝本身味道清甜獨特，菠蘿味道酸酸甜甜，氣味清新，又富含多種維生素，又可以養顏護膚絕對是對抗夏日之選✨朱古力配心太軟雪糕，其實我麻麻地鍾意食，不過朋友勁力推介下我先切開1/4 試味，高身的心太軟外層香脆，切開見到入面的朱古力漿不停流心，味道卻相當濃郁，配上帶有雲尼拿的雪糕進食，整體感覺會融和起來，冷熱相間的滋味甜在心頭，最後我一個人食晒

呢間工廈餐廳環境都唔錯 裝修都幾靚可能比較少幫襯工廈餐廳唔知價格所以打開餐牌睇價錢個陣我覺得有少少貴不過睇落都好似幾高質素 有慢煮鴨髀又有芝士焗龍蝦同鵝肝選擇我同朋友叫咗兩個set dinner兩份食頭盤有麵包同湯麵包好鬆軟又熱辣辣 好味黑魚子蟹肉手指多士我一向都鍾意食蟹肉 所以覺得呢個好好味黑松露意大利雲吞其實唔係好睇得到 原來有兩塊雲吞口感硬身左少少香煎比目魚拼波士頓芝士焗龍蝦呢個好味 龍蝦啖啖肉 比目魚好滑紐西蘭慢煮牛柳拼香煎砵酒鵝肝個牛係好食嘅 同埋份量都幾多舊薯仔餅都好好味甜品同飲品士多啤梨奶凍好味綜合來講都係覺得貴咗啲 但係係好味嘅間唔中一次半次同朋友食晚飯都OK啦

官塘工厦樓上店，這間評分算高，特來一試。叫左一個香煎比目魚拼芝士焗龍蝦和西班牙杜洛克黑毛豬鞍配黑松露汁。前菜係厨司沙律和黑魚士蟹肉多士。餐送一小片香草麵包配黑醋和波菜湯，好普通，冇特別。通常西餐肉多菜少，這頗特別，不論前菜和主菜都有好多瓜+菜。份量算多，大大塊黑毛豬， 肉嫩多汁，好味。 但個黑松露汁，就吾覺香。比目魚+龍蝦就一般。甜品亦係普通。由7點吃到9點，走餘我們一枱客， 離開時總要幫襯一下個廁所。。😔😕😓 厠所塊地濕糴糴。

呢度用鹿黎做主題，都幾多影相位，又坐得舒服，kt工廠大廈果然好多特別餐廳 ⭕️餐包鬆軟，個汁唔酸，好特別👍🏻 ⭕️黑松露蝦春卷 $78望落平平無奇，食落勁重黑松露味，勁正！但蝦就唔太食到，黑松露迷必點！ ⭕️啤梨鮮莓燒蝦沙律 $110勁新鮮！酸酸甜甜甘，啤梨就冇咩味，反而蘋果好有驚喜，爽脆。燒蝦好新鮮，又有膏，蝦肉彈牙，但只得一隻，唔太夠喉😫 ⭕️黑松露菌意大利飯 $128黑松露味勁重，勁creamy，菇切得碎令每啖飯都食到菇，推薦！ ⭕️金文畢芝士釀海鮮三文魚扒 $248個名超長😂😂三文魚扒極軟熟，入面唔係全熟，食落唔會硬，又唔腥配上濃濃芝士，勁perfect。配菜有好多翠玉瓜南瓜同炸薯絲，全部都好好味唔會hea整。推薦！ ⭕️士多啤梨奶凍幾重奶味，如果有士多啤梨粒就完美😍 整體黎講，食物係高質的，份量偏小，但出面要食到呢個質素應該要更貴。見到呢到有個2人餐好豐富，搵日屈男朋友黎食先😎

家姐bk左觀塘一間工廈嘅西餐，佢話好好食，咁就一於嚟試下。入到去發現餐廳裝修好靚今次叫左下面幾樣野食，首先嚟左個啤梨鮮苺燒蝦沙律，佢用左士多啤梨醬，好特別！d生果好甜好夾，但蝦得一隻就小左d啦主食嗌左黑松露意大利飯，黑松露好香好夠味！而且有好多菇，食得好開心 另外仲有個芝士三文魚扒，呢個好好食，上面有好多芝士，同三文魚一齊食都唔會漏配菜嘅南瓜好甜覺得好正最後仲有個黑松露蝦春卷，黑松露味好夠仲又係蝦好小 甜品係個奶凍，唔太甜都幾好味

已經食過一次，質素無庸置疑，今次叫左個SET DINNER，環境都好寛落座落好舒服！係同朋友黎既一個好地方。黑松露意大利雲吞好特別，未係其他餐廳食過，再加上黑松露味，前菜已經好好食。仲有個菠菜湯，唔會好咸，也有新鮮菠菜味，係可以飲哂佢既湯！主菜 － 紐西蘭慢十大日火牛柳拼香煎砵酒鵝肝呢個！真心值回票價，D牛好冧，冧得黎有咬口，又有牛香味，如果要比拼牛扒同牛柳，我會選擇呢度既牛柳，好值得推！伴碟也好靚﹗個薯也好特別，一開始我都唔知係咩黎，切落先知，個薯整成咁都係第一次見，送牛一流。都未完，重點係個煎鵝肝，入口即溶，不多說，推！甜品呢個心太軟係我食過最好食既，外面好有質感，入面熱騰騰，所有野都恰到好處，不得知了。一定會再黎！

今日黎到deer kitchen食afternoon tea,裝修好靚，周圍都放滿鹿的擺設，而座位是布料質地，好舒服，好有家的感覺!首先我地叫了牛油果煙肉多士，牛油果不嬲查麵包一流，今次仲要係非常香脆的熱辣辣多士，加上煙肉，上面再鋪上塊塊薄芝士，絕配，記住要趁熱食!之後我地叫了廚師精選意粉，是青醬煙肉蘑菇天使麵，果然係廚師推介，配料份量非常之多，而且味道香濃，我想是廚師把carbonara改良了。如果天天的推介的意粉都不同，就好有新意!最後甜品我地叫了鮮果軟棉棉鑊仔窩夫配雲呢拿雪糕，賣相非常吸引，窩天是香脆的那一種，軟棉棉是因爲窩夫下有棉花糖，因為熱力而變得半溶化，黏著窩夫食，再加上草莓和藍莓，正!Menu仲有很多款下午茶揀，下次再黎

之前自己都去過幾間觀塘工廈西餐廳, 普遍都環境大, 坐得舒服,食物都好食既, 但就唔係非常深刻, 份量多數都唔太多~ 同男仔朋友去食set dinner就真係唔多夠食~ 今次呢間係觀塘返工的友人介紹~ 試過呢間餐廳午餐幾好~環境:地點都唔難搵~ 大廈近地鐡站, lift位在停車場入少少~一出lift就見到餐廳的招牌了~平日7:30pm去, 客人不多, 有1-2圍~ 不用等便有位了~店內環境比想像中細, 因為諗住工廈環境實很大~坐位都是四人枱, 枱與枱之間保持寬敞距離, 空間感大, 佈置都很trendy, 坐得幾舒服~食物:點了1個 set dinner : 沙律 + 餐湯 + 焗紐西蘭6個月bb羊架 + 甜品 + $15 Special Drink~仲有加多個main dish, 小食~沙律以一人份量黎計, 都算多~ 沙律個醬甜甜地好易入口~ 似係水果醬~ 熟識但又估唔到係咩... 問左職員, 知道原來係梅醬~ 幾特別喎~餐湯+香草包應該係西蘭花打的忌廉湯, 好實在, 餐完都有點飽~ 好在1人set din share食~麵包想唔到咁重香草味~ 軟而香, 點橄欖油+醋, 我最愛~焗bb

近日嘗試官塘工業區改裝的樓上餐廳，其實官塘工業近年都開了不少食肆，今次選擇了一間西餐廳，内裡裝潢都幾別緻和舒適。但2人桌子較小，至於食物味道吾错但份量較細。至於飯後coffee 就吾掂啦！正体不過不失。

難得我同我朋友可以唔駛ot，決定食餐好嘅賀一賀佢。第二次食呢間，呢樹環境舒服，枱之間唔會好迫，可以放開啲傾計，唔駛就住就住。我地算早到，之後都開始多人黎到。我地揀左一個set dinner，一個小菜，一個通粉。沙律好fresh，本身明明唔係好肚餓，佢除左平時嘅醋，仲要有啲酸酸地嘅梅味，即刻開胃。小菜係美式蟹肉，蟹肉有驚喜，啖啖肉，本身好夠味，點小小沙律醬就再出啲。通粉係焗海鮮芝士通粉，初初黎到以為細細碟，無乜料到，一食，芝士控表示十分喜歡，入面海鮮齊料，一啖通粉一定有海鮮送，最特別係面頭嘅帶子，佢唔係全熟，芝士襯落唔會搶走鮮味。最後係bb羊架，7成，唔會太血，亦唔羶。廚師整到成碟菜好似一幅畫咁，好靚。佢旁邊有條綠色嘅汁，味道似奇異果，羊架點落去好match！環境好，同朋友有無盡嘅話題，唯一可惜嘅係呢間收10點，未夠喉。平均每人300元，都可以接受。

聽講有 Deer 餐廳，終於有時間下午來 Tea 一 Tea 。Lovely deer ! 有了這些 deer 相陪，使得不大的店堂充滿了生氣，用餐都心情愉快點😜。正值茶市時間，按餐牌點餐。＂迷你三重奏漢堡＂配橙汁，賣相超靚，小巧精緻似藝術品，經烤烘過的麵包芯脆脆哋，分別配上濃味的蔬菜（翠玉瓜和矮瓜）、牛肉、炸魚三種不同食材，再夾埋芝士，真係估佢唔到會咁好食😍。由此可見廚師落足功夫做好每一個細節，就像餐廳內的牆壁上所寫的文字那樣……食完＂迷你漢堡＂仲有胃口，跟著點了＂忌廉香草醬野菜長通粉＂。無肉，用蔬菜、忌廉，加埋啲醬汁煮成，食落濃味煙韌，回味無窮，又是一個好味的餐😍。最後一杯 Latte ，嗰杯的造型別緻，拉花好靚，再給一個贊👍我一個人 K.O 了兩份茶餐😅，覺得嗰量是細份少少 la 。

今天到觀塘工作，想起有朋友介紹有間餐廳用了上等，中等的價錢，順便去試試DEER KITCHEN 在工廠區內的一樓，懷舊的升降機，餐廳以鹿的裝飾為主，環境舒適而清靜價錢化算，二百幾蚊有一個set dinner 先來湯和麵包，橄欖油和黑醋點麵包吃，麵包鬆軟好吃頭盤：廚師沙律，沙律菜新鮮爽口，醬汁酸酸甜甜清新開胃主菜：焗紐西蘭六個月BB羊架，我對羊唔抗拒，但不算喜歡，店員介紹這裏的樣很好吃，就試一次，肉汁鮮嫩，不覺蘇。令我對羊架改觀了，鮮甜香口擺設好像圖畫一樣，有心思甜品：焦糖奶凍，滑而不甜，入口creamy ，不好甜點的我也一點不留吃光了最後飲了杯柑橘蜜，完美的一餐，十分值得推介水準極高的餐廳，全是靚材料

去觀塘維修電話完，悶悶地又熱又唔想回家吃飯，想立即找個冷氣地方坐下休息下，就在附近找個餐廳，盲舂舂就上咗這間餐廳嘩！有好多鹿仔嘅裝飾，有一種好清新嘅感覺環境很舒適空間感很高，最啱我喜歡寧靜的人我點了一個set dinner, 先來一個麵包加黑醋，黑醋配合橄欖油味道適中不會過酸，現麵包感覺是認真做的，軟屬有彈性又香，再配合一碗什菜湯頭盤意大利雲吞配黑松露，博博的雲吞皮，加上黑松露的獨特香味，聞到都口水流，食落滿口都是黑松露的氣味主菜火焰西班牙黑毛豬肋骨，肉汁鮮嫩，皮脆香口，最尾一條我切下去肉是粉紅色的，以為未熟晒，但他們解釋因是慢煮而且是黑毛豬，是可以8成熟的食，沒有問題的，這樣才好吃，誰不知我吃下去真的是肉汁爆燈，沒有肉腥味就係咁樣粉紅色的，但真的很好吃最後一個焦糖燉奶和咖啡，燉奶滑而不太甜完美的一餐

成日都聽人講話觀塘有好多野食，今日朋友就帶我黎到呢間位於工廈既隱世cafe，間cafe仲好特別，係以鹿為主題。🦌一入到去餐廳就覺得裝修好靚，有好多鹿公仔既裝飾，走高檔路線，同工廈完全係兩個唔同feel。可能係位置比較偏僻既關係，到左繁忙時間都無咩人，所以環境比較清幽，又唔會坐得太擠逼，啱晒我同朋友慢慢一邊食飯一邊傾計catch up近況。我地點完菜首先就上個餐包同沙律先。餐包係配黑醋橄欖油，個包暖笠笠，就咁聞落去有好香既蒜香味，點落黑醋橄欖油到食唔會太乾，仲酸酸地幾開胃。沙律方面我地叫左脆脆雞棒沙律，有沙律菜，雞柳同脆脆。沙律菜新鮮，雞柳嫩滑，味道不過不失。我同朋友就非常鐘意佢既脆脆，店員話脆脆係用餃子皮新鮮炸起既，配落沙律到食幾特別，好香口，口感好豐富。鐘意既田螺既我當然要叫法式焗田螺做小食啦。田螺係連埋殼上，焗得啱啱好，面頭鋪住滿滿既蒜泥，好惹味。比較驚喜既係田螺下面係有紫薯蓉，而唔係一般餐廳會用既薯蓉。紫薯係近年好熱門既材，又健康又好味。紫薯蓉既面頭焗到好香脆，入面質地好滑，味道又好香甜。我地仲叫左香烤海鮮三重奏，有大蝦，扇貝同蜆。一黎到係用木板堆到滿滿咁上既，賣相唔錯。大蝦既肉

又係朋友帶路食好野嘅時間，不過真係唔講唔知喺觀塘嘅工廠大廈有間咁有格調嘅餐廳。先黎嘅係個餐包， 相當特別！麵包好鬆軟，配埋廚師調配嘅黑醋橄欖油，健康得黎又好開胃！ 👍🏻脆脆雞棒沙律$88--又係一道開胃菜！因為個沙律汁麵係用上黑醋。最特別嘅係入面加咗啲炸過嘅餃子皮絲，食落脆脆地，都幾有驚喜！🤣法式焗田螺$128--田螺焗得好香，同埋最估唔到嘅係用咗紫薯蓉做伴碟。紫薯好甜，相當唔錯！ 👍🏻香烤海鮮三重奏$208-- 入面有大蝦，帶子同埋蜆。份量都幾多，煮得都相當鮮味！ 紐西蘭慢煮牛柳拼香煎砵酒鵝肝$278--牛柳十分juicy，煮得都好惹味！ 特別一讚嘅真係個塊香煎砵酒鵝肝！ 煎得非常非常之香！😩拌埋塊牛柳黎食真係無得頂！！ Deer Kitchen 真心唔錯，下次帶埋重要嘅人一齊再食過先！