Deer Kitchen (已搬遷) 新店位置

知道觀塘工廠區有唔少特別的餐廳，今次就約左朋友黎 Deer Kitchen 約會💕一入門口就見到靚靚影相位，入面有好多鹿嘅裝飾，好有藝術氣息有 set dinner，不過我地揀左散叫野食，個menu都好多菜式可以揀首先送上微溫的面包，感受到餐廳的用心有面包當然唔少得配湯啦 ：）整碗熱騰騰的紅菜頭忌廉湯暖下胃店員介紹的新菜式 脆脆雞棒沙律酸咪咪好開胃！沙律有d脆脆口感好得意！真係值得一試！主菜到～呢個係秘制虎蝦天使麵，個汁好濃好香，辣辣地好岩我呢啲喜歡重口味的朋友呢個係黑松露雜菌薄餅，一上菜就聞到好香黑松露，個餅底又香脆可口，真係一陣就掃晒成碟薄餅，食唔停口😋

約左好耐冇見既朋友食lunch,揀左觀塘區近佢,自己就對工廈cafe情有獨鍾,坐得舒服又可以同朋友慢慢吹水,揀左呢間以鹿做主題嘅餐廳,lunch time都算多人好彩唔駛等位,入門口見到好多鹿仔擺設已經加左唔少分!紅色湯係燒蕃茄忌廉湯,主菜揀左本人最like黑松露帶子意大利飯,好creamy有黑松露香,帶子如果輕輕煎香會仲正!

今日約咗好耐冇見嘅中學同學食飯，見到呢一間評語好似都唔錯就想試下~首先嚟咗一個雞絲沙律，的確要講呢一個沙律佢嘅口感好豐富,因為佢有一啲脆片同埋Mix左一啲雞絲仲有菜蘿蔔絲,仲有好香嘅麻油芝麻醬等等，味道好開胃，酸酸鹹鹹咁！之後主菜變咗一個三文魚扒，佢有一啲芝士喺上邊，就咁食魚嘅地方已經好突出，配芝士個味道更加creamy同濃郁，如果嫌就咁食芝士三文魚有啲悶可以加埋佢旁邊嘅紫薯， 翠玉瓜等等去食咁樣食就唔會太過濟仲幾夾添個味！ 😍另外再叫咗一個海鮮桶 ，裏便有炸魚柳，薯條，魷魚圈，炸蝦等等全部個味道都唔錯特別鍾意魷魚圈，佢個味道夠晒爽口同埋鹹鹹地脆脆地咁，幾過癮又唔會太油！佢可以點莎莎醬或者係茄醬，佢嘅莎莎醬同茄醬都係自己調配咖，莎莎醬佢用咗啲蒜蓉同香草等等去mix，配埋炸物真係一流 又夠香又有小小咸咸地，顯得個炸物無咁油～另外佢嘅香茅特飲都唔錯唔會太重香茅味又可以解濟！呢間都幾岩想食下特別小小既野同傾計既朋友黎！

約左好耐無見既舊同事食飯...諗住搵間舒服D既CAFE...點知就出事....訂左枱...點知入到去無人~!待應就安排我地坐係一個角落....我地幾個女仔其實都唔係好大食~所以就散叫啦~先黎一個雞胸沙律...不過不失...雞胸都預左佢啖而無味既....黑松露意大利飯~都係一般~無太大驚喜~黑松露似裝飾多D....PIZZA....真係好脆...同好薄....無咩芝士味~傳說個片係巴馬火腿......我地一開始就係叫左呢3樣...待應都無講D咩亦好快上曬3樣~咁我地都唔係為左食~當然傾計多過食...不過傾傾下就發現附近既枱都坐左人....我意思係D客人係迫曬一邊...但明明四圍仲有好多位~可以鬆動D咁坐...咁都算啦~到左9點...待應走黎話LAST ORDER...我地無野加啦其實都飽左....點知呢個時候~!個待應先出聲話原來有最低消費~!!!!!我質疑佢點解唔係我地一開始叫餐時提醒我地??而且個餐牌係一個最低消費既字句都無...個待應仲話門口有張紙寫左~係我地無睇~佢無責任提我地~所以要係我地已經食飽既情況之下仲想話叫我地再叫...一係打埋差價落張單度.....最後緊係廢時同佢嘈.

前幾日係上網搵餐廳同朋友撐枱腳個陣，就見到呢間用鹿做主題嘅餐廳幾有特色，於是就打去訂位試下呢間主題餐廳。一入餐廳就見到有好多鹿嘅裝飾品，餐廳入面空間感充足，枱同枱之間唔會好迫，坐得好舒服。一坐底就即刻拎個餐牌同朋友研究下今晚食咩好由於我同朋友望住個餐牌好耐都決定唔到食咩…待應姐姐見到就主動埋黎問我地嘅喜好再推介啲菜式俾我地，最終我地決定叫左個小食、意粉同一個Set-dinner.點完菜無耐就送上麵包配黑醋橄欖油俾我地開開胃。麵包送上黎個陣係暖粒粒架!配埋酸酸地黑醋令人食慾大增!我地選擇左<黑魚子蟹用手指多士>做前菜。多士上面鋪住嘅全部都係蟹肉黎，蟹味好濃而且啖啖肉，口感好豐富，鐘意食海鮮嘅一定要試下。食完前菜接住黎嘅就係小食<漁夫海鮮桶>。呢個海鮮桶入面分別有炸蠔、炸魷魚、炸芝士同薯條，配埋蕃茄同自家制沙律醬。 海鮮桶炸出黎嘅顏色係金黃色，食落好鬆脆唔會覺得油膩，而且落嘅脆漿份量適中，唔會食成口粉。特別要提嘅係自家制沙律醬，沙律醬食落會有少少芥辣味道，辣辣地好過癮!!之後再黎嘅就係<白酒煮辣蜆扁意粉>。意粉口感煙韌，唔會太軟身；蜆肉肥美而

呢排都好忙，終於有時間同朋友食下飯！今次，朋友介紹我去觀塘一間以「鹿」為主題嘅CAFE。前排開始我好鍾意鹿嘅圖案因此未去就先興奮！一入到餐廳就見到以鹿為設計嘅佈置，真係好靚好有風格，用黎影相一流。坐位空間幾好，夠闊落。因為我朋友一早就訂位，加上我地大約六點就到左所以冇咩人。一坐低，服務員態度好好，為我地介紹唔同嘅食物！我地點左唔同食物，第一個就係蟹肉牛油果黑醋粒粒沙律我本身就好鍾意食蟹肉，佢比我想像中多蟹肉，超興奮！雖然本身唔係話特別鐘意食牛油果，但係配埋黑醋粒有種好特別嘅感覺，值得一試 之後我地叫左個小食就係漁夫海鮮筒，呢個筒裡面裝嘅食物都幾多，有炸蠔、炸魷魚、炸蝦、炸魚塊仲有好多薯條！啱曬鍾意食炸物嘅朋友！！！漁夫海鮮筒有兩個醬跟，一個係秘製番茄醬，另一個係香草蒜蓉沙律醬！我就比較鍾意香草蒜蓉沙律醬，配炸物真係好好食除左小食，主菜前當然唔少得有湯啦！燒蕃茄忌廉湯完美將蕃茄同忌廉混合！平時好怕番茄酸嘅我都覺得好正，有番茄味之餘又唔會太重味搞到好酸。好啦終於到主菜！主菜就係焗鑊仔芝士鴨胸肉通粉！有睇開我打食評嘅都知我向來都好鍾意食芝士嘅而芝士同通粉一向都好夾。第一次食芝士通粉係係外國而

每份午餐都有麵包同餐湯，當日嘅麵包係蒜容牛油法包，法包送到嘅時候仍然有熱度同埋好香脆。至於餐湯係西蘭花忌廉湯，味道幾清新，唔會有好油膩、飲完之後好飽嘅感覺，所以好開胃。主食嘅午餐就試咗墨汁海鮮意大利飯。首先呢個飯有好多唔同種類嘅海鮮，例如有青口、蜆、蝦同埋墨魚，絕對足料。而且所有海鮮都新鮮又大隻，鐘意食海鮮嘅人會好滿足。至於意大利飯煮出嚟個口感幾好，唔會太冧或太硬，可能因為同一般嘅意大利米都唔同，係屬於比較大粒嘅。仲有特別嘅係飯上面加咗幾片芝士，溶入熱嘅墨汁意大利飯之中非常配合，而且採用嘅呢款芝士一啲都唔覺得膩。飲品叫野莓樂園，係一杯梳打，由於野莓嘅味道本身幾甜，但加埋梳打水就啱啱好平衡到，幾清新好飲。

有朋友介紹我嚟 呢度Deer kitchen ，因為呢度係工業區，出面環境就真係麻麻啦， 但入到去就別有洞天 環境十分幽雅 ，燈光亦都很柔和。頭盤是美國 焗蟹 餅加50元配鵝肝， 蟹餅焗起來不會鬆散 ，食起來也很有質感 加上微煎的鵝肝 簡直就是絕配。 但記住一定要兩樣一齊食才會加倍 滋味 咁好味。主菜是香煎比目魚 加波士頓龍蝦 ，最有特色的波士頓龍蝦就是入面有很多蝦膏， 啲蝦膏仲多個大閘蟹 ，味道亦都十分有鮮味 ，比目魚煎得嚟都非常香口，味道亦都十分 鮮甜。最後嘅甜品就係綠野仙蹤芭菲杯 ，裏面有雪糕少許嘅生果仲有 脆脆嘅可可 還有綠茶啫喱 加起嚟一齊食 ，效果十分完美。我個人覺得值得推介俾朋友。

依家香港租金昂貴寸金尺土，要喺地下街鋪或大商場經營一間餐廳真係難上加難，所以而家有啲比較有實力嘅餐廳就會轉型去到工業大廈，有位朋友介紹我話呢間餐廳嘅食物質素非常好，所以我和老公即管去試試啦。餐廳嘅名Deer kitchen好鬼得意個名入到去原來真係鹿🦌嘅擺設而且環境舒適裝修又非常有格調頭盤蕃茄牛油果莎莎配墨西哥片墨西哥片非常鬆脆配以蕃茄、牛油果、香草、蒜頭混合橄欖油簡直天衣無縫美式焗蟹餅加配鵝肝都只係＄178蟹肉非常新鮮而且份量十足，配以煎過鵝肝外脆內軟焗鑊仔海鮮芝士通粉＄148芝士味十分濃郁上面鋪滿脆脆嘅芝士而且醬汁又調得非常creamy對於芝士迷就非常滿足香煎比目魚波士頓龍蝦＄288比目魚分量十足，而且煎得外脆內軟，沒有丁點兒的腥味新鮮非常最驚喜嘅係波士頓龍蝦竟然有好多膏配番薯茸清新嘅配搭唔會好似一般嘅餐廳只係得薯蓉甜品綠野仙蹤芭菲杯＄62底層有朱古力可可趣豆配以自製綠茶啫喱同雲呢拿雪糕加埋啲生果完美嘅配搭

今日黎到觀塘搵好姊妹食下野先😎好姊妹介紹我試下呢間cafe話之前食過lunch唔錯😗😗好中意呢到既裝修簡約得黎幾有feel😝灰同白幾襯👍🏻啲位夠哂闊落坐得幾舒服😆同好姊妹傾下計唔錯嫁🤗🤗🤗個包好軟熟有陣陣香草味，點醋食酸酸地都夾到😌個湯係蕃茄雜菜湯😀味道唔太濃🤔似係淡味啲既羅宋湯咁～～呢個香烤海鮮三重奏有蜆、扇貝同大蝦，啲貝類海鮮幾有肉👍🏻大蝦啲肉唔夠爽口，同埋整體上啲黑胡椒落得太重，蓋左海鮮既鮮味🤔呢個脆脆雞棒沙律幾有驚喜😍😍面頭好多一條條脆卜卜既原來係炸左既雲吞皮🤓🤓撈埋酸酸地既沙律菜都啲雞肉，多左口感而且好開胃👍🏻👍🏻👍🏻個焗芝士鴨肉通粉好邪惡🙈芝士味可以再濃啲，鴨肉可以唔洗太碎🤔但啲通粉焗得岩岩好幾有咬口👍🏻👍🏻至於個焗紐西蘭bb羊架又幾林喎啲肉😍面頭血淋淋咁但入面係岩岩好7成熟👍🏻仲有pat紫薯蓉🙈Parfait好吸引😍😍😍啲綠茶啫哩自家制嫁😆帶微微苦味，但可以淋身少少，個底係oreo碎🤗🤗好靚既拉花😍幾香滑但泡略多，抹茶牛奶略甜

同好姊妹約左今晚食飯見下面，上網見到呢間餐廳以鹿為主題，好似好靚咁，就決定食呢間餐廳啦。我地六點鐘鬆d就到啦，仲未有好多客人，環境闊寬舒服，而且有d鹿既裝飾，幾靚幾有氣氛睇完menu，我地都想食羊架同海鮮三重奏，就決定左散叫，食多d自己想食既野😋叫左個餐湯share番茄雜菜湯:酸酸甜甜好開胃餐包:幾香香草味，口質軟就，點埋黑醋幾好味脆脆雞棒沙律:裡面有雞絲、雜菜同炸雲呑皮，脆卜卜好有咬口，撈埋酸酸地既醬，好清新，幾得意。香烤海鮮三重奏: 海鮮份量都幾多，有蝦、蜆同帆立貝，黑椒味好重，不過都幾新鮮。焗鑊仔芝士鴨肉通粉: 熱辣辣又好多芝士，通粉煮得岩岩好，有d鴨絲係度，都幾新穎。焗紐西蘭bb羊架: 肉質好腍，好juicy!紫薯蓉做配菜，好味呀😍綠野仙蹤芭菲杯:有雪糕、草莓、藍莓、綠茶啫喱同oreo碎，綠茶啫喱好濃綠茶味，成個甜品好夾焦糖咖啡:咖啡味好濃，如果焦糖味再出d就好啦鮮奶抹茶:好重奶味，正!不過偏甜整體食物質素唔錯，環境又有氣氛，同好姊妹食得好開心😝

今日黎到呢到呢間鹿主題嘅餐廳食晚飯入面裝修得好好有好多鹿題裝飾我地係Deer Kitcher 開始晚餐前嘅餐包💖暖暖地同好軟 旁邊仲有黑醋比你點😚脆脆雞棒沙律呢個係佢地最新嘅menu, 個脆脆原來係炸雲吞皮 好有趣 為平凡嘅沙律加添左有"脆"嘅口感而且d雞煮得一d 都唔鞋 好好味👍🏻👍🏻黑魚子蟹肉手指多士個蟹肉沙律好鮮味 而個多士係外脆內軟全部野加埋一齊二字 好好好味!👍🏻👍🏻🤗西洋菜忌廉湯忌廉味唔重 一d 都唔會膩 而且西洋菜味好出香煎北海道帶子墨汁意大利飯個意大利飯好creamy, 但又未到會好膩 岩岩好 而且個飯入而仲有好多墨魚粒 啖啖到有 正👍🏻👍🏻👍🏻個帶子煮得岩岩好 同埋面頭d 杏企片一齊食 多重口感嘅享受🤤🤤食食下個嘴會黑曬 好好玩😹😹黑松露野菌薄餅一上枱已經聞到好香嘅黑松露味🤤🤤而呢個係我最鐘意嘅超簿餅底食落個d 火箭菜平衡番芝士嘅油膩👍🏻👍🏻唔會食一兩塊就濟左🤗🤗香煎比目魚拼波士頓芝士拼龍蝦個比目魚煎得岩岩好 好嫩滑 💖💖個龍蝦好大隻👍🏻👍🏻伴碟嘅有少少沙律同紫薯蓉 唔差😚食左咁多野 要飲番杯野飲😚😚熱焦糖咖啡似焦糖Latte 多d 但都好好飲 唔會太甜👍🏻野莓樂園

一早就聽過觀塘好多隱世美食，今次同朋友來試呢間高質西餐廳位置有少少難搵，上完樓梯，仲要兜個彎先到，不過唔使驚因為佢有好多指示牌一轉到過去就即刻見到好有特色嘅鹿頭啦因為影左太多相，所以我就將佢哋放埋一齊牆身係綠色草再加隻白色嘅鹿真係好啱影相，成件事變得好優雅牆身上亦都有講餐廳嘅宗旨同埋廚師嘅熱誠，餐廳以黑白色為主色，係高檔西餐路線，坐位亦都好舒服先來個餐前麵包，有橄欖油黑醋脆脆雞扒沙律，材料食到有火箭菜、紅菜頭、雞柳、紅蘿蔔、仲有少少芝麻，問過店員原來脆脆係雲吞皮炸成嘅墨魚子蟹肉手指多士，本身睇個樣以為會揸到好硬，點知原來係外脆內軟加埋上面嘅蟹肉沙律真係好好味香煎比目魚拼波士頓芝士拼龍蝦，比目魚好有魚油既甘香仲唔似一般餐廳咁好細舊，同朋友share都夠食帶子墨魚汁意大利飯，呢個飯煮得好香，就算同朋友食到成個咀都變成黑色，啲牙黑到好似食咗幾十年煙甘，都冇後悔叫呢個飯因為實在太好味黑松露野菌薄餅，呢個係薄身嘅薄餅，比起厚身既薄餅冇咁容易濟，上枱嘅時候聞到黑松露味好香西洋菜餐湯，佢將西洋菜打碎左再熬湯，所以個湯有西洋菜味，同埋仲有西洋菜溶入面，令你覺得好似每一啖都食緊西洋菜甘最後野飲我哋叫咗焦

近年其實講起觀塘都會諗起工廈 我衣排都好中意去揾隱藏係工廈既美食 今次就尼到衣間以鹿為主題既deer kitchen當日我地6點幾到 仲未有客人 到7點就開始多人 所以都建議大家可以book定枱一入到去 餐廳以黑白灰色為主 設計簡約大方 有唔小鹿既裝飾品🦌食物方面都好有質素架首先係蟹肉牛油果黑醋粒粒沙律一食落去就幾中意😍 啲黑醋粒粒酸酸地 成個搭配都好正 加上有唔小蟹肉 推介👍🏻之後係漁夫海鮮筒 唔好睇佢細細筒 入面就有蝦 魷魚薯條 蠔 同魚塊 配埋秘製醬汁 真係諗返都流口水😋主菜係焗鑊仔芝士鴨肉通粉 好重芝士味 中意食芝士既朋友一定唔好錯過！另外仲有個燒蕃茄忌廉湯添最後就係野飲喇 我地分別叫左抹茶乳酸梳打同薄荷朱古力咖啡開頭我仲驚抹茶同乳酸會好唔夾 但都想試下就叫左 點知酸酸甜甜帶點抹茶原來係咁正架😍 大家一定唔好錯過！我就唔飲咖啡既 但朋友都話唔錯 薄荷味適中！總括而言 啲食物睇落去好似好普通 但食左就會發現有佢地既特別之處 環境又尼 值得再尼

今日同朋友行開觀塘，去試一試Dear Kitchen。餐廳算寬敞，同埋好寧靜，岩晒學生溫書同情侶談情。我地好餓所以叫了很多。火速消化左餐包同湯前菜叫了蟹肉牛油果醋粒粒沙律。蟹肉都好鮮甜，蔬菜好新鮮，醋味好濃，我好鍾意個種食落甜甜酸酸嘅味道。仲有好香牛油味，加埋d粒粒，口感好特別！係一個好清新好Flash嘅前菜，食完非常開胃。頭盤是黑松露意大利雲吞。雲吞皮好軟好冧好彈牙，食落口是很滑身的。加上黑松露作點綴，味道要所提升，好味道！然後好快就上左個蒜片辣椒脆蝦Pizza。食落有少少辣辣地，但係好野味，薄餅好薄好脆，好有口感，上面有一隻大蝦，賣相好吸引。蝦同薄餅中間有一層薄薄嘅沙律醬，更加帶岀到蝦的鮮味。主菜是香煎比目魚拼波士頓芝士焗龍蝦。依碟的賣相非常吸引，份量也很大很足料！眼見大大份比目魚同龍蝦，賣相仲要咁精緻，當然要相機食先，瘋狂影返夠本！比目魚煎得恰當好處，肉質保持鮮嫩，唔會話好老，仲有少少煎時流出的肉汁，吃得出是一條新鮮的魚！大大隻龍蝦頭，賣相精緻，蝦肉都好鮮甜，鮮味龍蝦肉汁加上芝士，仲有少少黃色龍蝦膏，正！雖然肉唔算多，但味道確係不錯。飲品方面我地點了熱鮮奶抹茶和凍小清新。我飲的是