○de▽ 鯛白湯らーめん

營業中

休息中

評分：🐷🐷🐷🐷（5🐷滿分）作為座銀既姊妹店，開業無耐已經有唔少人慕名而來。今次難得去朝聖，一心想試吓佢哋嘅招牌鯛白湯，但係...食唔到😐得番清湯，都有少少失望。鯛魚清湯🍜印象中香港又真係冇乜以魚作為湯底嘅拉麵，今次亦都係我哋第一次試魚湯拉麵。湯好清，雖然冇咩複雜嘅口味，但係好有魚嘅鮮味，一啲都唔腥，另外再加以鮮蠔而製嘅蠔油，鮮味就多左一分層次。麵就略偏淋，都係中意座銀既麵質多啲。但要一讚佢哋嘅炸魚皮，雖然已經經過油炸，但係外表依然能夠見到魚皮嘅紋理，脆口得來一啲都唔粉，仲保留到原味，非常好。

剛剛系附近剪完頭髮，上次經過還未開業的，今次見到自然要一試，可能生意太好，只剩下鯛清湯拉麵和小食。周圍都有鯛魚圖案廚房整潔乾淨小碟是𧐢油今次試咗鯛清湯拉麵，先飲湯，湯底好清甜有又濃郁嘅鯛魚香味，跟餐會有一碟仔嘅自家製蠔油，店員解說呢個係佢哋自己整嘅，加埋落果麵度一齊吃，會令個湯昇華，又真係好好味。麵係用粗身嘅拉麵，麵質爽口彈牙，仲有一片好好味嘅叉燒，叉燒唔會鞋口，另外有兩塊炸鯛魚皮，很脆👍，個湯配埋紫洋蔥碎，多了一份香味，還見到有𩶘魚肉叫了個拉麵以外嘅小食，今次叫咗一個煙燻蛋，好香櫻花木香味，味道一流

呢個係我第一個好評真係要俾兩下掌聲👏🏻👏🏻首先我自己本身好鐘意食魚加上佢個白湯做得好出色魚湯好濃就算我十二點排到一點鐘我都覺得係值得排總結大前提係你要鐘意魚因為魚湯好濃郁如果唔食魚就唔好試係一間食完會返轉頭既一間餐廳

呢間嚟自大板🇯🇵嘅鯛魚湯拉麵店🍜，自從大台旅遊節目介紹後，阿叔一直bookmark咗📃，打算日後有機會再去時，定必幫襯吓，點知話咁快就有集團引入嚟香港！😄.呢間主打以鯛魚🐟做湯底同食材嘅拉麵店開業一個月多，店內只提供鯛魚白湯拉麵、鯛魚清湯拉麵及鯛魚沾麵，每日仲限量發售100碗，賣晒就無🥺。平時人山人海👫🏻👫🏻架，撞啱上星期落狗屎🐶💩，阿叔3點幾嚟到先唔使點等，大約10分鐘左右就入得，不過就只可揀清湯拉麵。.#鯛魚清湯拉麵($138)，湯底偏濃味，但亦有淡淡鮮魚香🐟，店員建議先飲湯🥣，食一陣，之後再加入附送嘅牡蠣油，加後會令湯底更添鮮味，味道層次更豐富。🤤.主、配菜方面，呢度叉燒🐖經過慢煮烹調，肉質比一般拉麵店食到嘅更幼嫩，不過就較薄身😅。除咗叉燒，拉麵跟有兩塊炸鯛魚皮，香口脆樂樂，好似打邊爐時食嘅炸魚皮咁，幾好味👍🏽。另外仲有蒜蓉、洋蔥及魚肉碎，食材好豐富。如果想加多隻櫻木煙熏糖芯蛋，需另加$15，不過今次整得過熟，唔加無損失！☹️.如果你問阿叔食後感🤔，老實講，一開頭對於佢嘅登陸，阿叔一直都好期待，但之後網上食評好壞參半令阿叔有少少卻步😅，話晒$138一碗拉麵喎！食完後，的確佢哋嘅湯底

趁住閒日有假放，出開中環，等男朋友放lunch，去試依間新開一個月嘅日本過江龍拉麵店有朋友試過都話好食，推介我黎試試。預咗會有好多人排隊食新嘢，特登早少少放lunch，由prince building經菜檔行過去。嗰日成33度，又曬，再行上少少斜路先到，去到已經滿頭大汗。雖然已經早少少去，已經有3 pair人排我哋前面。拉麵店細細一間，落地玻璃清晰睇到晒裏面，座位分別有bar枱同幾張二人同四人枱。烈日當空，等嘅過程都幾辛苦，好在佢哋好貼心，安排咗員工倒咗一盤一杯杯嘅冰水，畀排隊嘅人降一降温差唔多到我哋入得嗰陣，要喺出面先落單同畀錢。本來想試佢哋嘅沾面，但係因為試業期間，三點前只供應鯛魚白湯拉麵同鯛魚清湯拉麵兩款。噤我哋兩個都鐘意比較濃嘅湯底，就點咗兩碗白湯，再加兩隻温泉蛋同兩塊魚皮($48)。點完餐冇耐終於有得入去畀咗張靠玻璃嘅二人枱我哋坐（其實坐bar枱好似舒服d，唔洗畀排隊嘅人一路望住噤食），因為係落地玻璃，係真係有d同出面嘅人同枱食飯嘅感覺。加上我本身食嘢比較慢，比人望住，食全程都好有壓力。講番食物先，食物喺我哋坐低後好快到，有個女員工好有禮貌噤向我哋講解。白湯拉麵賣相好吸引，魚

Summary: A welcome and delicious change from the endless Tonkotsu ramen in HK. Marude Sankaku's amazing seabream broth is rich and incredibly flavorful, but not overwhelmingly salty or oily. In other words, the perfect ramen (for me at least). They have a tiny menu, and the 3 choices for ramen are probably the only things worth ordering, but oh what bowls of noodles. The restaurant is way too small and the lines are omnipresent, but when the crowds die down, definitely give this place a try.  We

I have tried the one in Osaka which is very good, so I was really looking forward to try when there is an opening branch in Hong Kong! The ramen was still good and the fish soup was first-rate! However, the service was even worse than fast food restaurants! ! ! Especially the male staff member Michael who was in charge of the seat, was giving us a very bad attitude, and every time he used the company policy as a reason to embarrass guests. Purposely seperate me and my friends by using compa

Delicious ramen. Chewy, thick broth, all the components of a good ramen and more. Yusuf zest tied everything together and made the broth super refreshing. But the service was enough to make me never return. Sad but our appetites were ruined and I’m not paying 150 for ramen to be bullied no thank you.

同友人去完PMQ搵野食, 見新開拉麵店食管試下.環境望落唔錯, 坐底服務亦好好.叫左鯛清湯麵同沾麵, 今日白湯賣晒, 所以只好叫呢兩款.鯛清湯麵:講老實, 麻麻地.湯係清, 但只飲到腥味, 我真係用唔到鮮味黎形容.麵淋, 唔似自家麵.兩"舊"鯛魚細細舊, 幾香.叉燒太薄, 對唔住, 我真係叫唔到佢做叉燒, 最多叫火腿.沾麵: 湯當然比拉麵濃, 比較好彩無乜腥味, 但亦試唔到有魚鮮味.反而薄薄沾麵掛湯幾好, 可惜湯唔夠熱, 食5分鐘到開始凍.兩舊類似五香肉丁既魚肉加兩舊瘦肉, 不過味道OK既, 好味, 太少.我唔敢講佢唔好食, 但真係唔啱我口味.不過整個用餐體驗唔錯, 舗面裝修好靚, 服務亦好到位,細心, 麵上檯時都放得好好, 好靚.不過$138碗麵就貴左少少.

「〇de▽鯛白湯らーめん」日本大阪高人氣拉麵店香港開始試業，每日只買100碗。「〇de▽鯛白湯らーめん」在日本當地食評網Tablelog 3.67分高水準表現。因為試業的第一個星期，自動販賣機仍未可以運作，所以只可以人手落單，餐牌沒有太多選項，只有鯛清湯和白湯拉麵，我選了鯛白湯拉麵($138)，湯底用真鯛魚熬製8小時，再用機打成cappuccino泡沫，濃郁帶啖啖鮮魚香。拉麵上有一塊薄切日式叉燒和鯛魚肉碎。另外炸魚皮蘸上日本鮮蠔製蠔油，令香脆魚皮加添鮮味，不過$48一片有點太貴了🙊

「座銀Zagin」的雞白湯拉麵是我在香港百吃不厭的拉麵店，湯底超濃郁，集團品牌在中環同區開設姊妹店，就在座銀轉角的斜路，主打「鯛魚湯拉麵🍜」，五月份soft opening，每日限量提供100碗拉麵，12:00開舖直至售完，要試就趁早了🤩拉麵只有3款選擇：鯛清湯、鯛白湯、鯛沾麵，未夠一點去到，附有兩大片炸鯛魚皮的「鯛清湯 」已賣光😭😭，唯有點「鯛白湯」($138)，再加份「炸鯛魚皮」($48)，排了足足一個鐘，先落單付款後入座，要有心理準備排到近門口位，會有陣陣魚湯味飄出來，令人更肚餓，全店只有10幾個座位，為了食好西唯有耐心等候🤪單看「鯛白湯拉麵」的賣相，已知是日本師傅巧手作品，每樣食材細緻鋪排在湯碗中，一點也不馬虎，這就是日本拉麵的本領🤩！湯底秉承座銀集團出品的濃厚白湯，充滿魚香🐟，湯底打成奶泡份外creamy幼滑，嫌魚湯太濃可將黏在碗邊的柚子醬加入湯底，加添清新口味🍋叉燒肥瘦適中，肉質軟淋🐖伴有粒粒鯛魚肉碎增加口感，再配上解膩的洋蔥粒🧄和切成代表店舖名的圓形&三角形厚切筍片，個人口味一向不好魚湯底的腥味😣，但這碗「鯛白湯」改變我對魚味湯底的印象，原來鯛魚白湯配拉麵的味道可以如此特

鯛清湯非常鮮味，特製蠔油同魚皮好夾，唔好睇佢細細碗，成碗湯飲晒夠晒飽。$138一碗有佢價值。平日12:00黎等開門先有幸做到第一批。下次要試埋沾麵同鯛白湯先得。

讚1. 魚清湯拉麵既湯底好飲，魚味濃郁唔腥，柚子抹醬吊起啲魚湯既魚味，洋蔥粒爽甜，叉燒薄身面煮得好嫩滑，啲魚肉令到湯底好有質感，入口唔會好似豬骨湯咁笠2. 價錢貴，但服務幾有格調，上野食時好有禮貌，環境亦幾靚，同樣都係貴野，呢間好過另一間松露拉麵彈1. 炸魚皮賣$48/塊，令人有極高期望，但可惜麻麻，炸得唔油，但硬脆而唔係香脆，魚皮中心有部份又偏腍，唔值得噃

香港幾乎每個月都有過江龍拉麵店進駐，最新應該都算係中環的「◯de▽」，源自大阪，周奕偉的「周遊關西」都介紹過。唔知點讀？有日文拼音嘅，就係「Maru de Sankaku」。至於有咩吸引？香港由豬骨湯、醬油湯、蜆湯甚至雞湯拉麵店都有喇，鯛魚湯印象中應該未有，而日本都係近兩三年先興起，所以都好有興趣一試。中環店有少少僻，要由蓮香樓向上行一段斜路，店鋪細細的，只有十幾個座位，要有排隊的心理準備。順帶一提，拉麵賣完100碗就會提早收工，所以想食就唔好咁遲去。佢有鯛清湯、鯛白湯同沾麵三款選擇，另加幾款小食，不過當日去拉麵只得一款白湯（$138），冇辦法啦一場去到照食。白湯係用鯛魚加幾種貝類煮8個鐘而成，湯底帶少少灰色，然後師傅會再將湯打成泡狀，可能想佢滑身d掛。其實甫入店已經聞到濃烈魚湯味，就好似阿媽煲緊魚湯咁。未食麵先飲一啖，魚味係濃，但一點都唔腥，就好似老火湯咁。店員好親切地提醒，白湯味道比較濃，如果嫌味道太重，可以加入旁邊的柚子蓉中和下，其實淨飲已經好好飲，又唔鹹，但加左柚子又突然多返陣清爽味，味道又提升去另一層次，無論點飲都美味，最起碼我飲晒成碗，都完全唔覺得口渴。再講下配料。最特別係

座銀嘅姊妹店○de▽終於開張試業喇🎉基本上自從座銀開業之後 佢係我唯一會喺香港食嘅拉麵 仲要食極唔厭🤣 所以今次鯛白湯嘅concept我係好期待㗎😆鯛白湯嘅做法同雞白湯大同小異 同樣會將濃湯打成泡 質感好厚好掛麵 味道係非常非常濃嘅魚味帶輕微海鮮味 怕腥嘅朋友絕對唔需要擔心 因為真係唔腥!! 假如你覺得個湯太濃 碗邊黃色嘅醬係柚子味嘅調味料 大家可以因應個人口味而選擇 加咗柚子醬嘅魚湯味道變得好fresh 又係另一個感覺😉小食方面我自己好鍾意溏心蛋同炸鯛魚皮 溏心蛋嘅半熟效果啱啱好 而且煙薰味好香!! 炸鯛魚皮就真係第一次食 打邊爐嘅中式魚皮就真係無得比 點湯唔點湯都very good啊😋