165
36
9
港鐵上環站 A2 出口, 步行約5分鐘 繼續閱讀
所有分店 (2)
電話號碼
23463889
營業時間
今日營業
11:30 - 21:30
星期一至日
11:30 - 21:30
*每天營業直至120碗售罄
付款方式
八達通
其他資料
Wi-Fi
酒精飲品
自帶酒水
外賣服務
加一服務費
食評 (234)
等級4 2022-04-22
2856 瀏覽
自從冇咗晚市堂食後真係好耐冇食過拉麵🥺因為總覺得拉麵係要即食,熱辣辣先好食,外賣係食唔到嗰種風味😌😌趁住今日放假,要好好搵一間想試好耐嘅拉麵店🍜之前經過好幾次都見人龍,估唔到疫情下人龍仍然冇減😂不過店員會喺排隊時預先落單同收錢,流程好順暢,所以都唔算要等好耐☺️另外,店員仲喺排隊期間派飲品,好窩心🥰一心想試嘅沾麵今日冇做🤭好可惜!唯有白湯同清湯都試吓啦🤗鯛白湯 ($138)奶白嘅魚湯稠至起泡,可想而知係幾濃郁😝湯採用真鯛同各種貝類熬製超過八個鐘而成,所以味道比平時所品嘗到嘅拉麵濃味得多😋若果怕太鹹嘅可以配搭碗邊嘅柚子蓉,以中和黏膩感😊鯛清湯 ($138)雖然顏色比白湯清好多,但味道一啲都唔清淡,完完全全表現出真鯛嘅鮮味😋😋拉麵仲會附上一小碟自家製牡蠣油,令整體鮮味升華😆最正係塊炸鯛魚皮,薄薄嘅,炸得好脆,即使沾湯上仍保持到咁脆🤤難怪咁多人會另加一碟炸鯛魚皮,真係好滋味😋日式炸雞 ($48)份量比預期多,3大件炸雞😬最初睇menu仲以為得3粒😝雞炸得外面香脆,肉質軟熟滿有肉汁😙 炸雞冇過多嘅調味,有需要可以沾黃薑粉,更添風味😋櫻本煙熏糖心蛋 ($15)糖心蛋嘅生熟度啱啱好,晶瑩剔透嘅蛋黃,呈流心嘅狀態😍咬落去散發陣陣煙薰嘅香氣,比一般食到嘅糖心蛋更多一個層次😌再一次證明呢度嘅小食性價比非常高👍🏼 繼續閱讀
(以上食評乃用戶個人意見 , 並不代表OpenRice之觀點。)
📍中環人氣過江龍拉麵店‼️· 濃郁鯛白湯🐟-- Ode▽ 鯛白湯らーめん🍜========================呢間係座銀嘅姊妹店,兩間嘅位置都好接近~店舖主打三款鯛魚湯麵,分別係鯛白湯、鯛清湯同埋鯛魚湯沾麵~🥰不過可惜兩次嚟都無供應沾麵🥲------------------------------⭐️鯛清湯 $138 (4.2/5)湯頭係由慢火烤製天然真鯛魚中提煉出嚟,第一啖飲落覺得幾鮮味🤩但一路食落去就會覺得鹹咗啲🙈炸魚皮有兩大塊,食落超脆~點埋秘製嘅牡蠣醬好夾!🤩拉麵係幼身,腍咗啲😣叉燒肉味唔濃,味道仲有啲似火腿…😂·⭐️鯛白湯 $138 (4.5/5)個人比較中意呢個湯底‼️湯頭係用咗天然真鯛同埋水,再配上貝類熬製8個鐘😍質感creamy,味道濃郁鮮味,鹹度剛好👍🏻如果怕太膩嘅話仲可以加入碗邊嘅柚子醬~面頭仲有好多碎魚肉😝拉麵同叉燒都係同上面一樣嘅comment啦🙈------------------------------整體嚟講呢到嘅魚湯係唔錯嘅,個人就偏好白湯多啲😍‼️惟拉麵同叉燒都唔太啱個人口味~不過見到沾麵係會用咗令一款粗身嘅麵條,有機會嘅都會想試埋佢!🥰------------------------------賣相:4/5味道:4.4/5性價比:3.8/5回頭?:maybe------------------------------店舖資料:名稱:Ode▽ 鯛白湯らーめん 地址:中環鴨巴甸街13號地舖前往方法:上環站E2出口 繼續閱讀
(以上食評乃用戶個人意見 , 並不代表OpenRice之觀點。)
等級4 2022-03-12
2348 瀏覽
過江龍嘅拉麵店香港有好多,豚骨味噌雞白醬油通通都係心頭好喜歡四處嘗試。中環有一間以鯛白魚湯主打拉麵店,由座銀同集團主理所以有信心保證,本身唔喜歡魚既我都決定要試一次。.鯛沾麵 💲148⭐️4.2/5拉麵賣相一流。有乾冰墊底上枱時仙氣滿滿。餐廳話乾冰唔係為咗增加打卡特效,真正原因係因為沾麵本身水份唔多,好容易出現黏連難夾,所以貼心地加上乾冰補充當中嘅水份。建議想打卡嘅朋友,盡量喺1分鐘之內完成,要趁仲有乾冰嘅時候享用。.沾麵用上店家特製嘅波浪紋拉麵,更掛湯。濃縮左嘅鯛魚豚骨雞白湯,口感濃厚似以魚肉打碎既魚湯。呢個拉麵冇乜配料,價錢不平可能有人會覺得性價比不足,但作為沾麵粉既我屬正評。.鯛白湯拉麵 💲138⭐️4/5雖然呢款係湯拉麵,但湯頭濃郁程度都比一般拉麵高,濃稠至起泡狀。採用天然真鯛,再配上各種貝殼類海鮮,熬製超過8小時而成。湯有少少鹹,店員建議可以配埋喺碗邊嘅柚子蓉伴麵,以柚子香中和後感覺確實更為清新。.炸鯛魚皮 💲48⭐️3.8/5見到好多食家推介試吓呢一款炸鯛魚皮,價錢唔平所以猶豫咗一陣。一客炸魚皮兩塊但大塊,超薄超脆身,絕對不油膩,同平日食過給炸魚皮有好大分別。另外仲可以配上牡蠣油一齊享用,不過味道上未見有太大提升。.日式炸雞 💲48⭐️3.8/5水準之作。一客三件炸雞非常香口,雞肉大塊內滑有肉汁,冇太多挑剔空間,份量滿滿性價比高。口味濃嘅朋友仲可以用黃薑粉添味。.總括:有店家特色、高質素嘅拉麵店,唯一缺點係價錢真係唔平,不錯但只能偶一為之。.不專業食評 nei.foodie 繼續閱讀
(以上食評乃用戶個人意見 , 並不代表OpenRice之觀點。)
等級7 2022-03-09
1529 瀏覽
上次去元創方,離開後沿着鴨巴甸街往下走,已經發現這間門面帶點神秘、外觀裝修簡潔的小拉麵店。由於當時有10多人在排隊,所以沒有等位,但已決定遲些再來一探究竟。今日就趁長假前夕,專程出城食麵。雖然刻意提早在中午左右到達「○de▽ 鯛白湯らーめん」,但已經有6至8人在排隊。門面牆身掃上淡米白色,襯以暖色櫸木門框及低調招牌,加上日本料理店專有的暖簾;設計簡約。如果不是鋪位轉角處改成一大幅落地玻璃,差點以為是頂級鮨店或者高級料理亭。雖然拉麵店其中一邊面向橫巷,但與毗鄰暗灰色的大廈牆身對比下來,仍然顯得明亮突出;加上從落地玻璃透出的室內柔和燈光,整體外觀設計更顯細緻優雅。落地玻璃上貼了帶著東瀛特色的紅色魚形圖案,同店子名字的「鯛白湯」呼應,隱然透露了此拉麵店別樹一幟的特色。店門外有一台自助售票機,但只收取八達通,所以基本上沒有客人採用。排隊期間,店長會向客人講解餐牌,並且安排提前落單及信用卡結帳。只有10個拉麵吧座位及另外兩張小餐枱,最多只可以招呼15個客人。正值疫情復熾,需要用透明膠板分隔成兩個座位一組;但店主有點小心思,膠板貼上同款紅色魚形圖案,可說苦中作樂。室內裝修同樣明亮簡潔,可以選擇的話一定要揀拉麵吧座位;皆因舖位的先天原因,開放式廚房較吧座低了二級,食客可以更清楚看見廚師炮製拉麵的過程。招牌用符號取代名字中的「丸(maru) で三角(sankaku)」,除了玩噱頭之外;實際也隱喻「圓形的叉燒在熱騰騰的拉麵湯碗內」,很有意思。拉麵店來自大阪,同附近歌賦街的「座銀」同系。兩者同樣以半新派拉麵店的形式經營,裝修風格新穎;沒有自助冰水壼,亦沒有生蒜蓉、七味粉、芝麻磨、漬物等。「座銀」以雞白湯突破日式拉麵傳統,「○de▽ 鯛白湯らーめん」就調配了以天然真鯛為主材料的湯底。據香港分店店長透露,湯底由日本總店熬制後真空包裝空運抵港;麵條亦由日本同一麵廠供應 ⋯⋯ 保證味道與日本總店一樣。一如日本的傳統拉麵店,款式選擇少,只供應三款拉麵及四款小食。拉麵全部採用鯛魚湯,「鯛清湯」、「鯛白湯」及「鯛沾麵」的分別在於湯底的濃稠程度及熬煮方法;但定價一律是日本大阪總店的一倍!鯛清湯拉麵($138 )的湯頭採用天然真鯛先慢火烤香,引出魚鮮味後再煲煮而成;之後再將所有雜質過濾,顏色金黃清澈。配合鯛清湯,拉麵配料也作出調整,只保留薄切日式叉燒,重新配搭紫洋蔥碎、切成圓形及三角形(配合餐廳的圖案)的酸筍及真鯛魚蓉。一貫日式拉麵傳統,湯底口味偏重。清湯鹹度稍高,勝在魚鮮味道濃郁;更可加入一點鯛魚蓉一同品嚐,提升魚味。隨鯛清湯拉麵奉上一小碟自家炮製的牡蠣油;將細隻牡蠣炸香,然後磨碎,再混入炸過牡蠣的食油,入口充滿牡蠣鮮甜。無論用來蘸叉燒、或者混和一匙鯛清湯提鮮以增添美味,兩者皆可。日式叉燒入口肉汁軟腍嗽滑,儘管吸收了魚湯仍然肉味鮮甜。採用傳統粗身拉麵,入口彈牙煙韌、軟硬適中;食用鹼水味道很淡,並沒有嗆舌頭,麵條質素很好。另外還配搭了兩小塊炸鯛魚皮;由於夠薄,入口香脆鬆化、並沒有硬梆梆,亦沒有油膩感或油膱味,比普通中式炸魚皮更好食。鯛白湯拉麵($138)的湯底採用天然真鯛,再加入數種貝類,然後慢火熬煮8小時以上而成;魚骨及魚肉的蛋白質因而產生變化,變成奶白色,並且濃稠至起泡,一端上來已經魚香撲鼻。配料同鯛清湯拉麵差不多一模一樣,但用了白洋蔥取代紫洋蔥,似乎刻意配合奶白色的湯頭。除此之外,亦有一些柚子皮以中和黏稠的鯛白湯。鯛白湯入口黏稠而沒有肉糜,口感幼滑;鮮甜魚味較鯛清湯更濃郁,鹹度卻也更高,多嚐幾啖後會覺得有點膩。可以拌入抹在拉麵碗邊緣的柚子蓉,以果香及果酸中和黏膩。日式炸雞($48)有別於常見的日式居酒屋出品,並非一塊塊,而呈長條形。原來採用了日式叉燒的處理方法,將雞髀扒捲起紥好、蘸上炸漿後再炸香。雞肉表層香口,雖然未夠脆身,但內𥚃鮮嫩多汁,醃料味道出色。如果仍嫌未夠惹味,可以沾上少許黃薑粉以增加香辣,倍添美味。每碗拉麵定價與同系「座銀」相同。撇除那些以貴價食材例如龍蝦作賣點的拉麵,「○de▽」很大可能是香港最貴的日式拉麵;但用鯛魚作為湯底材料的拉麵店在香港的確少有,而且味道又確實出色,實在不容錯過⋯⋯ 當然,前提一定要喜歡吃魚。厭惡食魚的話,就不要考慮了。 繼續閱讀
(以上食評乃用戶個人意見 , 並不代表OpenRice之觀點。)
今次我就去到呢間過江龍拉麵店。過江龍喺某D人眼中係「貴」或者「吹噓過大」,但我就認為未試過都唔好咁快下定論,但前題要問咗你個銀包先。 呢間餐廳,店名都覺得奇奇怪怪,連寫都唔識寫。Marudesankaku由2018年於大阪嘅新大阪站開業,2020年登陸香港,人龍源源不絕。不過過咗一年之後,連星期五lunch time 都冇人。 餐廳裝修時尚,入店前已經要點餐,而且唔收現金。食物選擇同日本店一樣,得三款,沾麵/清湯同白湯,但價錢就...。日本店$81就有大大碗鯛白湯麵+兩件和牛壽司。冇辨法啦,香港物價咁貴,又要視乎市場定位。 鯛白湯拉麵 $138 份量就正常,性價比要睇埋先再衡量啦。湯底以真鯛魚+各種貝類熬製8小時而成。我就第一次食魚湯拉麵。一開始以為會呈奶白色,但原來係啡色,可能係加咗貝類啦。面頭加咗D泡沫,個人覺得佢冇乜功效,又冇令湯更creamy。 湯底順喉而有粉粉地嘅口感,應該係魚骨嘅精髓。一入口魚嘅濃厚鮮味在口腔中爆發,同時又非常creamy,一D腥味都冇。味道偏咸,適合重口味人士。個人就希望佢冇咁濃郁(即係煲嘅時間唔洗咁耐),而有更多魚肉本身嘅甜美。但到最後我都全部湯飲哂,表示對湯底堅持用足料嘅誠意。 魚湯上面配上一羹柚子醬,佢綿、蜜、甘、苦嘅味道有助減少魚湯嘅咸度,但面頭嘅紅椒粉就毫無貢獻,洋蔥粒就有D刺激感。話明魚湯,當然要有魚肉。欣賞佢保留魚皮,軟嫩鮮明。 叉燒大家可以望到就只有薄薄一片,似係裝飾品多D。入口粉嫩,但偏瘦,期望有更多脂肪。肉帶有少許煙燻味,如果有更多清酒/味醂嘅甜味就更好。 麵條size幼小,掛湯能力中等,能夠同湯頭配合。口感軟熟彈劾,未夠飽嘅可以加埋白飯,而我呢,就夠飽嘞。 繼續閱讀
(以上食評乃用戶個人意見 , 並不代表OpenRice之觀點。)