影片
更多
2006-08-11
13 瀏覽
食之前...感想 舊同事知道我今晚去Daisy食飯, 就叫我出食評同影相. 睇怕我有一日如果唔再打工, 只有2個可能性: 一係死左, 一係轉左去爬格仔, 講飲講食講旅遊呃飯食... 一頓美味既晚餐, 除以食物本身衡量外, 亦有好多其他因素影響評分, 旺角花園既Daisy係其中一間因為一篇雜誌報導, 而吸引我既光顧既少眾. 與友人合資並將所有積蓄一鑊過付出既總廚, 今年33歲, 肥仔一名, 佢會考零分, 讀書唔成係咪真係三大害, 就好睇個人日後造化. 曾在Sheraton and Inter-continental任職既總廚哥哥, 千辛萬苦學識煮意法菜, 並試左多年先炒得一碟上佳既意式海鮮飯. Daisy既呢個飯, 造價128蚊, 好多人嫌呢間位於mk咁cheap既舖仔貴, 但總廚相信, 總有識食既人會入門幫襯. 訪問出稿當日, Daisy仲蝕緊錢, 但總廚孤注一擲, 不成功, 便成仁, 開店願望達成喇, 但往後既路, 可能係... 食物一個二人餐作價198, 我點左龍柳天使麵同牛仔骨. 先說湯與沙律, 湯係好簡單既minestrone, 好有香草味, 沙律有鴨胸同vine
舊同事知道我今晚去Daisy食飯, 就叫我出食評同影相. 睇怕我有一日如果唔再打工, 只有2個可能性: 一係死左, 一係轉左去爬格仔, 講飲講食講旅遊呃飯食...
一頓美味既晚餐, 除以食物本身衡量外, 亦有好多其他因素影響評分, 旺角花園既Daisy係其中一間因為一篇雜誌報導, 而吸引我既光顧既少眾.
與友人合資並將所有積蓄一鑊過付出既總廚, 今年33歲, 肥仔一名, 佢會考零分, 讀書唔成係咪真係三大害, 就好睇個人日後造化. 曾在Sheraton and Inter-continental任職既總廚哥哥, 千辛萬苦學識煮意法菜, 並試左多年先炒得一碟上佳既意式海鮮飯. Daisy既呢個飯, 造價128蚊, 好多人嫌呢間位於mk咁cheap既舖仔貴, 但總廚相信, 總有識食既人會入門幫襯. 訪問出稿當日, Daisy仲蝕緊錢, 但總廚孤注一擲, 不成功, 便成仁, 開店願望達成喇, 但往後既路, 可能係...
食物
一個二人餐作價198, 我點左龍柳天使麵同牛仔骨. 先說湯與沙律, 湯係好簡單既minestrone, 好有香草味, 沙律有鴨胸同vinegar汁, 好醒胃. T骨扒太肥, 好多膏, 但稔身有肉味, 天使麵龍柳一般, 反而伴碟既配菜更見心思. 蕃茄雕左花, 菜粒應該用醋醃過, 最欣賞個棵原條無切而又捲住左珍珠荀同紅蘿蔔既小棠菜. 天使麵好味, 唔似白烚完就咁上碟. 不過大食積應該唔夠食, 份量實在唔多. 節食者如我則可考慮.
點左甜品, 只要加28蚊就有. 朱古力心太軟熱辣辣, 一叉, 嘩...好似溶岩湧出火山咁係咁標, 放入口, 唔...皮唔夠鬆軟, 朱古力漿唔夠香, 不過咁既價錢, what to expect? 另外既橙酒souffle唔知係咪酒落得太多, 剛入口有少少澀, 比起Island Shangri-la既souffle還是有少少距離, 不過蛋白發得甚高, 夠輕盈, 味道尚算不俗. 最難處理既係奶茶咖啡, 味道一般, 証明水吧唔係太雞, 茶應該係用lipton沖既, 因為紅茶味好濃. 2人埋單285, 我就好飽, 不過有人大叫仲好餓...
陳設/用料
地方優雅, 坐得舒服, 敗筆係餐廳中間有個笠位放餐盤, 坐正對面既我覺得甚礙眼. 敗筆有幾個:
1. 洗手間既抹手紙只係普通廁紙, 且質地普通
2. 張桌比較cheap, 同白色既椅子及梳化不大相配
3. 杯水係普通既凍水, 而唔係浸有青檸或檸檬既凍水--> sorry, 實在太挑剔...
4. 門口個餐牌好cheap, 花園餐廳格局, 佢不如搵電腦打好過搵手寫喇, d字體又...
服務
門口個姐姐仔唔掂, 我準備入門口佢先收起電話唔煲粥, 咁又難怪...大熱天時企響出面...入面哥哥姐姐都算殷勤, 放下食物時又會幫你準備食具. 只係d哥哥姐姐仔行路時"tag"住黎行, 呢d細眉細眼野就要執. 無計, 佢話佢食意法菜, 咁我梗係好高要求, 最怕上錯賊船係高級餐廳格但花園餐廳質素嘛...
食客
mk即係mk, d食客都嘈d, 成間舖雖然有柔和悅耳既音樂, 但食客聲浪只係比花園低少少...如果開響中環, 我好肯定waiter / waitress都唔係咁既樣...
食之後...感想
餐廳價錢合理, 食物睇得出係有心思, 而唔係求其pet堆配菜或夾件大扒比你食完快快趣走既餐廳, 佢張咭片都有寫住, Philosophy of Dining, 仲要係用突字印刷, 甚落本. 價錢合理, 食物水準不俗, 雖未至於好食到曉飛, 但在芸芸十蚊雲吞麵舖堆中, 佢確係好有誠意既選擇. 我入去時連自己得4張桌有人, 時值晚上7點半左右...心諗...廚師哥哥, 你既將來可愁雲慘霧了...誰知越夜越旺, 幾乎全店爆滿, 如果廚師哥哥出黎見倒, 應該唔駛太擔心失業. 以呢間小店水準及格調, 如果於中環soho區營運, 相信收個double都大把人幫襯.
衷心祝福總廚哥哥可以頂住間小店, 憑佢多年黎既烹調經驗及誠意, 相信仲有知音人, 不會將小店湮沒在垃圾食店堆中.
張貼
