Coti the Bistro (五芳街)

營業中

休息中

黎到新蒲崗食brunch, 搵到呢間coti the bistro, 門口有少少難搵, 不過入到去就有世外桃園既感覺, 好relax好小清新!!weekend brunch有好多選擇, 我地叫左2個main course, 再加2個甜品~紅酒牛肉飯勁大份, 牛肉炆得好淋, 多d汁就更好啦!!我叫既豬助骨都好抵食, 因為好多條骨, 而且個汁好好味!!重點推介呢到既甜品, 因為好多選擇~ 選擇困難症既我就揀左2款, 巴斯克蛋糕同埋tiramisu waffle!巴斯克蛋糕1d都唔膩, 好香芝士味, 仲帶有d 檸檬味, 所以都幾fresh!而另1個tiramisu waffle就岩晒咖啡控, 好濃好香既咖啡味, 配埋waffle好夾!!

Coti the Bistro 位於新蒲崗工廠區，呢區茶餐廳就多，但有質素嘅西餐廳就好難搵，Coti算係呢區小數而高質，CP值高嘅西餐。今個星期六就同阿仔來一個weekend brunch吧，打開餐牌都好多選擇，All day breakfast 、意粉🍝、飯餐、snack等等，上Openrice 搜尋🔍下有咩好介紹，呢間餐廳原來甜品都好好味😋。🍴Deluxe Weekend Breakfast 豪華週末早餐酵母麵包、雞排、煙三文魚、松露炒蛋、蜜瓜。最有驚喜係酵母麵包，包上放滿一層厚厚嘅牛油果🥑蓉，（牛油果蓉應該用左檸檬汁拌勻）食落有些少檸檬酸味，好清新，仲有杏仁片，一啖咬落去，先感受到麵包嘅脆度，繼而牛油果嘅香滑，兩個唔同層次互相交織；雞排外層煎得好香脆，入邊肉質嫩滑好juicy；蜜瓜片夾埋煙三文魚食口感一流😋。🍴煎慢煮西冷配薯條及沙律Order5成熟，切開肉質粉嫩，牛味濃郁，近根位置油花充足，入口甘香嫩滑，成塊扒份量亦唔小，牛控嘅我必試👍🏻。☕️天然蜂巢咖啡 - 將杯特濃咖啡撞入杯奶泡入邊攪拌，啡味即時隨即四散，極之香濃，口感綿滑，加埋天然蜂巢蜜，味道清甜，唔會過火。🍹蜜桃🍑茶，清涼

打風會有好食喇啱啱見完客喺工廠區就話掛八號風球上填飽個肚先返屋企因為而家搭車都好多人㗎啦點不知畀我喺新蒲崗撞到呢一間餐廳佢竟然係八號風球都照開嘅一間好窩心嘅餐廳 啲服務員亦都好好㗎喎八號風球照開唔會話唔開心㗎個個都好nice 好舒服畀你感覺到拿拿聲同朋友叫嘢食啦佢有set lunch嘅 ？包餐湯主菜仲有甜品㗎😋巴馬火腿蘆筍扁意粉♥️ 好多巴馬火腿😋 啲意粉好creamy㗎👍啲蘆筍脆卜卜好新鮮😍店員仲好好好窩心咁問我哋有冇對豆類有敏感如果係嘅話就要轉餐㗎啦💯咁我當然冇啦😁所以呢間餐廳係服務真係一流呀👍👍👍煎慢煮安格斯西冷扒配薯菜沙律♥️ 安格斯西冷扒雖然係薄咗少少😅但係好juicy真係五成熟你睇下係咪好正呢😋 仲有一種燒烤嘅味道入口係回甘㗎😋😋 個沙律都好清新㗎💯手工巴斯克芝士蛋糕， 呢個芝士蛋糕好正呀👍好似我以前喺文華酒店食嗰啲芝士蛋糕咁♥️完全冇檸檬味㗎👍👍真係純芝士好濃厚嘅芝士蛋糕感覺😍 入口嗰種嗰creamy芝士呢好正💯💯呢度嘅蛋糕值得一試👍👍戚風蛋糕♥️呢個戚風蛋糕有兩種食法㗎😁如果你就咁淨係個蛋糕呢就好清新嘅戚風蛋糕奶茶味咁嘅♥️咁如果你連埋中間嗰啲奶蓋一齊食呢😋有種珍珠奶茶嘅味👍好特

而家放假出親街真係People Mountain People Sea，今次搵到位於新蒲崗工廈嘅cafe，淪近港鐵站環境又好，最重要係星期六日嘅工廈人少少，可以坐返兩三個鐘悠閒傾計都唔洗怕被人趕嘛😉。🌖豪華週末早餐 $118All day breakfast 有黑松露炒蛋、牛油果多士、雞扒、煙三文魚、煙肉、蜜瓜。多士係酸種麵包（Sourdough bread)，有咬口得來又唔會太硬，配上軟滑嘅牛油果🥑醬又有返少少濕潤；煙肉🥓冇煎過，唔會硬梆梆，味道亦都唔會過鹹，單食都可以；煙三文魚就稍鹹，但夾埋蜜瓜🍈食就啱啱好；炒蛋🥚生熟度剛好，不過黑松露味未算濃。🌗煎慢煮安格斯西冷扒配薯菜沙律 $188西冷扒慢煮過，唔會有血水，肉味同調味都偏淡，但配埋醬汁就唔錯。🌖提拉米蘇窩夫 $88第一次見到嘅配搭！鍾意飲咖啡嘅男朋友大愛，但咖啡BB班嘅我就覺得一般般，而且底層嘅餅乾冇被浸軟，同正常嘅tiramisu 唔太一樣，不過呢個配搭係幾新奇嘅👍🏻。🌖焦糖香蕉窩夫 $78焦糖香蕉只係鋪滿一半嘅窩夫🧇之上，另一半就可以配上忌廉進食，欣賞呢個聰明嘅比例，因為如果成份窩夫都鋪滿焦糖香蕉嘅話，食落會太甜太膩，而家一

🥃🥃《Coti the Bistro》新蒲崗係小編平日極少出巡🕵🏼嘅地方。一嚟無咩特別景點🤷🏼‍♀️，二嚟港鐵又唔到🤦🏻‍♀️…… 今日呀大人😎話要嚟搵間🧐隠世嘅小餐館🍾嘆個靚lunch☺️，先發現原來鑽石山港鐵已經伸延到新蒲崗頭了🥳！呢間餐廳唔止隱世🥸，門口仲好隱蔽🌳，出邊行過都唔容易發現🧐入面原來係個很寬敞舒適嘅食嘢地方🤩。餐館有很多卡位😙，淺木色加田園風🌿設計，很有法國餐廳🪴嘅氛圍！☘️☘️☘️☘️☘️☘️☘️☘️☘️☘️☘️☘️☘️🧡煎慢煮西冷扒配薯條及沙律 配是日餐湯及蒜蓉包 HKD$188**~**~**~**~**~**~**~**~**~**~**~有d野真係用時間🕜換返嚟嘅！慢煮嘅功架✊🏻換嚟𥚃面肉汁豐富Juicy💦，再煎封🔥令到外面香脆鎖汁👍🏻。五成熟處理剛剛到位😍！成塊西冷🐮完全無渣🤩！粗薯條🥔面有很薄嘅脆口炸漿✨，熱辣辣🔥的上枱，正到無朋友💥！🧡慢煮64*C溫泉蛋卡邦尼意粉 配是日餐湯及蒜蓉包 HKD$88**~**~**~**~**~**~**~**~**~**~**~**比起傳統嘅溫泉蛋🥚卡邦尼🍜，佢哋落左超多嘅食材配料🤩，意粉份量也不少😋！隻溫泉蛋🥚好有蛋香😙，佢嘅存在令意粉更掛汁😆！亦

是日餐湯係蕃茄湯，酸甜開胃，為之後既菜式作好準備。🍛法式燉煮羊膝飯首先一絲絲既羊肉好輕易咁切開，就知道質感軟淋。而法式煮法，完全將紅酒汁融入羊肉𥚃面，再散法天然既陣陣羶味，完美既配搭。🥗煎慢煮西冷牛扒配薯菜及沙律本人平時叫開5成熟，但出面食既餐廳唔係overcook，就係出現過生既情況。而呢度廚師拿捏得剛剛好，牛扒呈粉紅色，表面煎得金香，而內𥚃鎖住內汁，可自由選擇點上自家製醬汁增添多一份層次感。配菜同樣發揮出色，薯條炸得金黃香脆，沙津亦新鮮爽甜🍮Tiramisu WaffleTiramisu本身既flavour 十分特出 ，同時擁有多層layer，令你每一口都有唔同既味道充滿你既味蕾。表層灑上可可粉，而中底層有creamy 既奶油同咖啡酒作為呢道甜品既基礎，再配上外脆內軟既waffle，天作之合。🍵Green tea Latte抹茶香濃，配上陣陣既奶香，抺茶控必選!☕️天然蜂蜜咖啡賣相擺盤非常吸引，打咭一流，我首先將咖啡自行混和在鮮奶中，先品嚐一下香濃咖啡既味道，之後再逐漸加上蜜糖，再増添多一層口感。

新浦崗食店Coti the Bistro*慢煮烤雞配霹靂汁💗118$肉嫩大份❤️沙律配黑醋係我至愛😊個霹靂汁先係重點，自家調製唔係好辣但勝在惹味，啲雞唔點汁好正，烤到好嫩滑，但係點左汁係另一個層次，好食到停唔到口💗個種味係令我想問佢有冇一樽賣比我，真心正，如果可以拌意粉係應該掂過條蔗（4.5/5）好味嘅汁🤤*牛油果蟹肉他他配窩夫🧇93$我平時好驚牛油果，但呢個係好驚喜，配搭年窩夫唔漏之餘仲要有fresh嘅感覺，蟹肉夾上牛油果好鮮甜☺️件窩夫食多幾件我都仲得😙不過就好肥😂重點呢間窩夫都整得好好 脆脆地入面軟，但唔係一舊粉果種，就係正💗同埋又係我喜歡嘅沙律菜配黑醋😙😙（4/5）有驚喜！*香煎雞漢堡伴椰菜絲沙律及薯條🍟108$最後呢個就略嫌太漏啦，可能係我少食油膩野，但個雞係有心機整嘅，應該自己整，不過本人都係喜歡牛肉漢堡🤤（3/5）食野滿一個金額仲有印花儲，儲滿十個有杯咖啡☕️🤤*鋪面比較隱蔽，要搵搵😌——————————————-

午餐12點左右黎到無人 座位環境係幾舒服嗌左三個午餐，1. 巴馬火腿露筍意粉 正常 2. 鰻魚飯 唔好食 鰻魚無肉全條都好似食緊塊皮3. 是日限定 羊膝意粉 意粉份量超級少 食洛無味 係白烚意粉 羊都唔好食飲品 鮮奶咖啡 兩杯拉花都唔靚待應態度都唔好😞三個人午餐食了$380總結，真心唔建議黎

#新蒲崗美食 #小蓮星呑食新蒲崗🔻 Coti the Bistro新蒲崗五芳街31-33號永顯工廠大廈地下C號舖/🧃慢煮烤雞配霹靂葡汁雜錦沙律 $108差唔多係半隻雞嘅大細，表面用香料醃過先至攞去慢烤，皮脆得來又充滿香料嘅香味，肉唔使講，慢烤一定係嫩滑，不得不提係嗰個霹靂葡汁，非常辛香，點雞肉真係食唔停口。/🧃煎慢煮西冷扒配薯條及沙律 $158西冷五成熟，切開好嫩滑多汁，一啲都唔韌，薯條係粗薯條，脆卜卜，薯味十足，沙律菜都夠新鮮，配上酸味味嘅沙律醋，非常開胃。/🧃是日餐湯及蒜蓉包 set dinner南瓜忌廉湯好幼滑香濃，蒜蓉包一小片就啱啱好，唔會太飽。/🧃巴斯克芝士蛋糕, 蘋果慕絲蛋糕 $90Cheese cake好滑，淡淡嘅芝士味，作為飯後甜品唔會好滯，蘋果Mousse蛋糕連形狀都係青蘋果咁，非常得意，切開之後入面仲有焦糖蘋果粒，味道都唔錯。/🧃玫瑰鮮奶咖啡(熱）$42就係有玫瑰香嘅latte, 仲加咗少少蜂蜜，提升左甜味。/🧃玫瑰普洱冷泡茶 $36普洱本身比較苦，撞咗啲玫瑰花香同埋蜂蜜落去，調劑咗唔少苦味。//#food #foodie #hkfood #hkfoodie #fo

最近嚟咗新蒲崗，見到呢間藍色嘅西餐廳好特別，去咗試佢哋個𝙒𝙚𝙚𝙠𝙚𝙣𝙙 𝘽𝙧𝙪𝙣𝙘𝙝。可以揀一款主食，會配是日餐湯同埋蒜蓉包👍 我就試咗佢哋嘅蒲燒鰻魚飯同埋慢煮溫泉蛋卡邦尼意粉，兩款都好正，好好食！份量啱啱好👍飲品就要散叫啦，不過佢都有好多款飲品揀，同埋都好有特色！我就試咗佢個𝙄𝙘𝙚𝙙 𝙏𝙞𝙧𝙖𝙢𝙞𝙨𝙪 𝘾𝙤𝙛𝙛𝙚𝙚 ($48)，serve係一隻木碟上面😆，上邊有一層tiramisu，下邊就係咖啡啦，開頭嘗試分開兩層咁樣飲，會覺得上邊可能會比較creamy，所以都係建議撈埋一齊會好飲啲😋👍 另外都試咗𝘾𝙤𝙣 𝙋𝙖𝙣𝙣𝙖 ($32)，呢杯就一定要熱飲啦，賣相都係好靚，當然都好好飲啦！

經過發現呢間餐廳 餐廳內佈置都不錯，有少少裝修🌱有小清新感覺😽是日餐湯係：蘑菇湯配蒜茸包，細細塊，但口感好脆收左蒲燒鰻魚飯，上碟時都吸引，係原條鰻魚上，燒得剛剛好，配上鰻魚汁，味道都好入味 ，質感都係夠淋，軟身 ，配上一隻糖心蛋，雖然不是十分流心 ，但都算滿意😆另外，黃色的是一些醃蘿蔔 ，比大家開開胃食就最好💗另一個叫左安格斯西冷配薯菜，好大塊安格斯西冷 ，沙律菜同薯條的數量都吾少😎薯條很粗身 ，口感係硬身爽口類，醬汁另外上西冷牛扒係比較薄身 ，吾會太厚，但就相對比較多筋🙈🙈不過友人之前食過，就無咁多筋😜但整體好大份，都好飽果皮冰糖檸檬冷泡茶 ，個名幾特別 ，其他地方都比較少見，係屬於偏向菜味較重的飲品，當你飲到去喉嚨會感覺到有少少果皮味，幾搞笑🤣玫瑰普洱冷泡茶玫瑰味好香好重，𣎴會太甜，清清地，係一杯不過不失，正常嘅飲品💓都吾錯甜品上碟真係好靚😍😍🍰巴斯克芝士蛋糕🍰咖啡味提拉米蘇

估唔到新蒲崗都有一間咁有水準嘅隱世西餐廳，味道和賣相也相當不錯，雖然唔近地鐵站，但都有唔少巴士、小巴經過呢度，所以都推薦大家嚟試下👍我哋叫咗一個Set Dinner包括：法式野菌湯牛油果蟹肉他他烤慢煮BBQ豬肋排朱古力香蕉窩夫凍咖啡另外叫多個意粉：慢煮64度溫泉蛋卡邦尼意粉我呢個慳家媽媽當然發揮我慳家精神，我發現在Openrice訂位，有些時段係有6折架，星期五六日公眾假期都有折，下次搵食，記得去Openrice 睇下先，話唔定仲有唔同驚喜優惠🤩 #sohappy◽️

今晚收工過嚟食好西，呢間食過幾次質素真係唔錯，而且環境夠靜又舒服。✨餐湯係南瓜湯，質地細滑甜甜的，配埋香脆嘅蒜蓉多士好開胃。✨巴馬火腿蘆筍扁意粉，個汁香濃得黎唔會膩，意粉掛晒汁。咸香既pam 同埋爽脆既蘆筍幾match.✨慢煮西冷扒配薯條沙律：塊牛扒都幾大，叫咗七成熟食落都唔會太韌。牛味濃而且帶點油香，點埋個甜甜地嘅醬汁幾好味。薯條鍾意佢夠粗身多薯肉，加埋茄汁超正。✨蕎麥茶：呢杯茶冇咖啡因，夜晚飲都唔怕失眠，茶味都幾香啱晒用嚟送甜品。✨ 巴斯克芝士蛋糕：芝士味好香，而且食落好滑，忍唔住一啖又一啖。✨焦糖香蕉窩夫：窩夫好香脆，入面仲有啲蜜糖，加埋香甜既焦糖香蕉好好味。

去開新蒲崗，見肚餓就上網搵下附近有咩好食，見到呢間Coti The Bistro近近地好似唔錯，就決定食呢間啦！呢間Cafe位置都算較隱蔽，搵左一陣先搵到門口入去。入到去環境唔錯，Cafe既主調以暖木色為主，我地被安排坐係卡位，座位闊落，坐落都十分舒適。餐廳非常貼心，準備左一個卡紙俾我地裝口罩，唔係所有餐廳都會咁貼心。餐湯係羅宋湯，餐包係兩塊小多士，羅宋湯入邊既配料都非常之多，十分足料，酸酸甜甜，十分開胃。多士係蒜蓉多士，十分香脆。我男朋友叫咗個燉煮牛肋骨飯，牛肋骨燉得非常之軟腍，入口即化。而我叫左個巴馬火腿蘆筍扁意粉，係健康人士之選👍飲品分別叫左一杯蜜桃茶同果皮冰糖檸檬冷泡茶。蜜桃茶桃味濃郁，非常香甜。二檸檬藍泡茶味道特別，有少少似涼茶味。甜品係巴斯克芝士蛋糕，裝飾十分有心機，芝士味濃郁，配上忌廉一齊食唔會太膩。總括黎講價錢相宜，環境優美，不失為抵食之選。

Coti又係All day breakfast，返工去開新蒲崗呢頭，周圍搵下有咩好食先，見到呢間藍色牆cafe好似幾好，試下先。餐牌寫到all day breakfast 好多野食咁，一於試下先。賣相都ok ~密瓜切得好有心思。成個早餐有咸有甜，食完幾飽，本身想減肥，少食碳水化合物野。呢間就算唔食包，都仲有雞扒、三文魚、煙肉等等，唔會變左無乜野食，但煙肉略嫌真係太肥。包上面都配有牛油果，算好食。女仔食可能啱啱好，但男仔食驚會唔夠飽 。至於意粉就麻麻哋，屬於素意粉，感覺有啲寡，而且都接近$100有少少貴 。