Coti the Bistro (五芳街)

營業中

休息中

Coti the Bistro (五芳街) (新蒲崗)我之前食過呢間九龍灣既分店好唔錯😚😚所以見到新蒲崗有分店就再嚟食過！🥰羅宋湯超好飲！好足料😚😚食到有牛肉、薯仔、洋蔥同蕃茄等等！酸酸甜甜做前湯真係好開胃❤️❤️蒲燒鰻魚飯 $88鰻魚煮到好淋好入味😚個醬汁配埋飯一齊食真係無得頂😋😋仲有冬菇、溫泉蛋同醃蘿蔔做配菜😆煎慢煮安格斯西冷扒配薯菜沙律 $148我叫左5成熟😚嚟到熟度啱啱好🥰有肉汁又夠淋，配埋黑胡椒超入味😋薯條都炸到好好食！手工巴斯克芝士蛋糕 $32芝士味好濃！食得出落左少少檸檬🍋所以有檸檬香💛💛而且我個人好中意濃邊！所以都幾中意食呢個甜品❤️伯爵茶戚風蛋糕 $32呢個嚟到真係必叫啊！！！個cream好好食🥰🥰🥰伯爵茶好出😋蛋糕配埋個cream就好似珍珠奶茶味❤️勁新奇勁好食！！熱棉花糖朱古力 $42呢個唔會話好甜，我自己係好中意飲朱古力🤣🤣所以我覺得好好飲😚😚而且嚟到個外表勁cute🥰果皮冰糖檸檬冷泡茶 $36呢個都唔錯架😚好似我frd咁唔中意飲太甜既可以叫嚟試下❤️解渴！餐廳環境好正好有情調❤️生日或者紀念日嚟都唔錯🥰🥰地址：新蒲崗五芳街31-33號永顯工廠大廈地下C號舖整體評分：5/5

今日難得去新蒲崗做事，午餐直接在五坊街解決。店鋪比較難揾，但味道實在不錯。我哋嗌左2份餐：煎慢煮西冷配薯條及沙律：牛扒嗌左7成熟，分量好大，切落去還有絲絲血絲，牛肉嫩滑，牛味濃郁，配上牛肉汁，非常好吃。薯條熱辣辣，炸得金黃香脆，分量都不少。另一份嗌軟殼蟹蟹肉拌飯：軟殼蟹炸得卜卜脆，滑蛋包住飯，啖啖飯都能食到滑蛋，撒些胡椒粉，都十分美味。甜品嗌左2份，提拉米蘇窩夫：窩夫好香脆，蛋糕分量很足，帶上滿滿咖啡苦味，味道很特別。烤焗棉花糖伴朱古力：棉花糖大大塊，烤得金黃金黃，撒上朱古力醬，好甜好邪惡。

豪華週末早餐💰118（牛油果酵母麵包🥑雞扒，煙三文魚，松露炒蛋，蜜瓜）新鮮牛油果🥑搭配烤過的麵包，外酥里嫩的雞扒，煙三文魚和培根肉🥓松露炒蛋淡淡的松露味道加上嫩滑的炒蛋口感👍🏻當季的新鮮蜜瓜甜椒汁慢煮香脆雞腿肉💰108雞腿肉🍗份量也是相當大，配料就有薯蓉和西蘭花🥦一個雞腿肉就足夠飽的了🍗手工巴斯克芝士蛋糕💰32芝士味道很濃郁，加上奶油和淡淡的巧克力醬，蛋糕也烤得很好👍🏻推薦！焦糖布丁咖啡💰42上層有薄薄的焦糖布丁，搭配下層的咖啡，不會太苦，喜歡偏甜點的朋友可以嘗試一下天然蜂巢咖啡💰48特色咖啡，分開蜂巢、咖啡、純牛奶🥛上來，可以根據自己的喜好去加減調節，十分貼心，很細心，推薦！

很久無返去新蒲崗見哩間餐廳好多笑臉lunch time入去一試裝修以至餐具擺設都睇得出用心配搭口罩套嘅綠色更顯classy品味但食物同咖啡都幾令人失望先來忌廉湯淡如水像飲緊白色無味道的奇怪東西飲不到一半放棄了乾蕃茄雞肉意粉鹹味分離似煮完再放幾粒鹽補救味道不足蜜糖咖啡擺盤好吸引未落蜜糖時先嘗咖啡味道淡簿放埋蜜糖更平平無奇只談食物真係唔合格但好耐無返嚟熱鬧嘅lunch time好多人高談闊論感覺就係好土炮、好香港心情係溫暖嘅

青檸芫荽忌廉意粉　4.5/5最中意就係呢道菜，芫荽嘅清香再加少少青檸，very refreshing 味道不會過份creamy 和，入口到消化食完都唔會太濟!! Lotus焦糖芝士脆餅　4.0/5「Lotus」顧名思義⋯⋯佢真係有一塊Lotus 餅乾🍪係上面——LoL——我地見到真係笑咗出聲。芝士的餅身軟冧冧，但企到係度，不致走樣塌陷。味道有少少似木糠蛋糕，但就木糠粉就轉換成Lotus餅脆脆；而芝士味就更突出。煎慢煮西冷配薯條及沙律　3.8/5　$148西冷牛扒係叫做medium level, 雖然外表睇落好似好熟，但係慢煮再煎就真係不可以貌取牛。裡面保持到medium level～ 牛「油」份量好豐富，多到似和牛。不過根部份和韌嘅位都有少少嘅。薯條🍟炸得非常之脆! 熱食點茄汁最正!沙律嘅份量少左啲~ 但加黑醋係好嘟嘅。京都朱古力蛋糕　3.5/5「京都」顧名思義⋯⋯我都解釋不到。不過朱古力味濃厚，有種可可豆嘅苦澀甘味，不會太膩。Matcha Latte and Cappuccino (熱)為着見證Latte Art的拉花，我覺得值得飲。

喺新蒲崗嘅工廠區入面，竟然係地舖都有一間環境舒服嘅餐廳。同朋友兩個人，坐咗卡位，好闊落。我嗌左一個五成熟嘅西冷牛扒，加一杯熱嘅天然蜂巢咖啡，同埋一件手工巴斯克芝士蛋糕。碟西冷牛扒嘅擺盤幾靚，牛扒味道唔錯，起碼唔會過熟。薯條都幾好味😋我覺得牛扒都夠味，所以冇點碟醬。食完主菜已經好飽，但係見到甜品好吸引，忍唔住嗌咗一個芝士蛋糕，好滿足呀！全晚最驚喜嘅係天然蜂巢咖啡。奶、咖啡、同埋蜂巢分開上，自己溝，有趣～

同朋友附近上完堂，行過見到呢間Cafe就試試啦每個主菜會包裹沙律或即湯我叫咗個牛扒配南瓜湯南瓜湯一般，如果再重啲南瓜味會更好塊扒正正常常，估唔到係啲薯條炸得幾香口唔錯我朋友要咗個雞髀雞髀雖然話係慢煮香脆雞腿肉，但食落似滷水雞髀，反而個薯仔沙律仲好食我叫咗個牛奶咖啡配蜜糖，味道正正常常，但影相就幾靚嘅最後要咗兩款甜品，都係正正常常冇特別，不過擺碟幾靚

Coti the Bistro👻星期六搵野食搵到去新蒲崗係工廠大廈之中竟然有間咁chill既cafeWeekend menu選擇都幾多甜品仲要好出色Signature coffee有款勁特別Peanuts butter coffee有機會再黎試下🤣🤣.🔅甜椒汁慢煮香脆雞腿肉 HKD 108成隻雞髀煎到表面金黃色入面就係粉嫩既肉慢煮的確係出色雞肉嫩口又多汁🥰🔅軟殼蟹漢堡伴椰菜絲沙律薯條 HKD 98大大隻軟殼蟹放入個burger加咗啲佢地特調既汁有埋啲沙律菜幾夾薯條新鮮炸又脆又熱即炸即食一流😛🔅提拉米酥窩夫 HKD 88超級吸引既甜品見到隔離枱叫咗一定要叫黎試下🤣窩夫夠脆擺得勁靚Tiramisu 酒味夠濃作為甜品真係無得彈🔅京都朱古力蛋糕 HKD 32唔知係唔係自家製既cake不過朱古力濃度夠哂偏向黑朱古力唔會太甜咁very good🔅天然蜂巢咖啡 HKD 58依個signature coffee個名好吸引就叫咗黎試下大大塊天然蜂巢店員教加落個coffee溶咗先之後再加落啲奶到蜂蜜夠甜同咖啡又好夾好Ig able 仲要勁好飲下次黎要再叫🤩🔅泡沫咖啡 HKD 48水準以上既cappucci

其實食咗幾次但一直唔記得比返個好評🤣第一次食係嗌網上外賣平台因為有優惠發現佢個早餐好好食然後之後就見到用openrice book位有優惠有6折！勁抵順便一提，環境好靚好乾淨呢杯咖啡☕️好igable 好岩打卡！好飲下次想試奶醬啡有一次係另一間試左花生醬咖啡好正！所以見到都想try try 薯條都好食～不過個飽嘅雞唔太岩我食～😗不過整體嘅野都好食

返工咁辛苦，星期六日一定要慰勞下自己，搵一間舒適cafe 坐低，比自己唞吓！呢間Cafe除咗環境好好，食物質素都唔錯！價錢好合理！🌸🌸🌸🌸🌸🌸🌸🌸🌸🌸🌸🌸🌸🌸🌸☘️隨餐附送餐湯及蒜蓉包蒜蓉包十分酥脆！口口蒜香，偏硬身有種薯片般的口感！至於餐湯誠意十足，打碎蘑菇，香氣四溢，夠濃香！☘️豪華週末午餐$118有滑溜雞蛋🥚、超嫩滑雞排、新鮮煙三文魚、爽甜哈密瓜、仲有一塊高質酸種麵包！呢個all day breakfast 樣樣味道都不錯，尤其酸種麵包質感佳，軟硬適中，而上面鋪有牛油果🥑伴有杏仁片，感覺organic 健康！讚👍☘️烤慢煮BBQ豬排骨$128近期潮流興慢煮！未食過豬排骨呢！呢條豬排份量適中，（之前有去過其他地方食豬排骨，咬到牙🦷都甩，仲要有骨痴住，食相相當難看！）使用慢煮方法烹調，完全唔會有呢個問題，肉質淋滑，加埋BBQ醬好惹味，薯條都唔錯，食完一定夠喉☘️伯爵茶戚風蛋糕戚風蛋糕軟綿綿，睇落有少少乾，但係配埋上面嘅伯爵茶「岩漿」，口感真係啱啱好，雙重嘅伯爵茶享受！超濃郁，媽媽話勁好食！🌟☘️巴斯克蛋糕$45即使係原味巴斯克蛋糕，都處理得10分不錯，入口面滑，芝士香濃，食嗰陣時有少少凍，有少

🌎Coti the Bistro (鑽石山）最近搵到間唔錯嘅餐廳 食物高質 而且價錢合理 估唔到慢煮烤雞咁好食 肉質鮮嫩 下次再幫襯先 另外餐廳門口比較難搵 門口細又睇唔到招牌 但坐滿人架😂🤍慢煮烤雞配霹靂葡汁雜錦沙律$98（推介）用慢煮方法烹調令雞肉肉質保持鮮嫩，加上再烤焗雞表面，聞落已經香味撲鼻，食落雞肉肉質嫩滑，蘸配製醬汁酸酸辣辣，令味道提升🤍煎慢煮西冷扒配薯條及沙律$148西蘭牛扒點了七成熟，牛扒切開都好易，牛扒肉質味道而且肉質都唔會太韌，加上有少少肥膏，帶出牛味。配菜薯條熱辣辣，亦好好味🤍巴斯克芝士蛋糕$45芝士玫瑰蛋糕芝士食落軟滑，加上有餅底碎，中和甜味，加少量玫瑰花瓣，食落味道清新🤍烤焗棉花糖伴朱古力汁$58大大嚿嘅棉花糖西多，可以拉出軟綿綿絲狀，食落比較甜，要飲返杯咖啡中和甜味先得🤍天然蜂巢咖啡 +$24用濃縮咖啡倒入鮮奶當中，攪拌埋一齊，再加入蜂蜜，飲落有種蜂蜜清香感而且帶出陣陣香甜 🤍提拉米蘇咖啡+$24表面一層提拉米蘇 一陣陣可可粉香味 食落左甜度適中 而且軟滑 咖啡偏向苦 食完提拉米蘇再飲一啖咖啡 口感有層次 甜中帶苦 💵人均消費：220✨環境及衛生：8/10🙋

工廠區浪漫💕行過一間唔起眼嘅西餐廳門口細細，入去一睇環境擺設歐陸風味😙我哋習慣早食嘢所以入去都有位一去到食飯時間排晒長龍餐牌好多選擇（All Day Menu)老公👨🏻‍🦱就選擇左個日式紅酒🍷燉牛肉飯～賣相好靚、話就話牛肉飯但係一粒粒牛腩加上紅酒炆，非常入味😋好好味😘😘我當然梗係試新野啦😋軟殼蟹漢堡🍔伴椰菜絲沙律薯條🍟其實我哋都好好笑😆 食得津津有味😜就問呢舊乜嘢嚟😅😅😅（咪軟殼蟹囉）老公👨🏻‍🦱話未試過咁樣食，但又俾佢食晒😘我只係食咗一啖😅😅再嗌多嗰Dessert~傻佬一貫作風係叫芝士蛋糕🍰👍🏻我緊係叫啲特別啲～Lotus焦糖芝士蛋糕🍰（值得推介真係好好味😋）唔係太甜，好滑😘好香嘅芝士味👍🏻👍🏻👍🏻👍🏻另外我嗌左一杯從來未試過嘅蕎麥茶☕️～好香飲完好舒服😌AllDay Menu真係好唔同野食，下次再抽時間過嚟再試，不過都要早少少🤏唔係有等位😜

原條鰻魚漢堡配蕃薯條 $98一開始已經比佢個名吸引咗😌鰻魚原條上 賣相十分吸引 鰻魚新鮮 質感彈牙 配埋滑蛋同蛋黃醬 口感豐富 麵包略嫌軟身 未夠香脆 以蕃薯條取代薯條 非常吸引😎烤大菇青醬闊條麵 $76闊條麵軟硬適中 有彈性 醬汁味道不錯 仲有大大嘅大菇🍄不過呢個意粉食落都頗油 醬汁亦唔算太多 所以比較乾身 但整體個意粉都非常唔錯班尼迪克蛋貝果伴煙三文魚 $98小編非常鍾意食Benedict Egg🤗所以都十分之期待 雖然賣相好似好一般 不過佢嘅份量都唔少㗎 有滿滿嘅牛油果醬同大片煙三文魚 加埋係不死嘅組合 味道唔錯

假日去到都幾多人 好少見工廠區有間幾靚嘅餐廳🤩 環境都幾舒服 而且價錢合理😙weekend set 仲有餐湯同蒜茸包 超脆又香😋牛油果蟹肉他他伴窩夫雜錦沙律 ($98)牛油果真係好健康嘅食材🥑 溝左少少蟹肉碎整做窩夫幾有新意 又幾健康🤤 窩夫唔係好多麵粉漿 反而係脆嘅 不過都唔會超飽 當tea食啱啱好 唔heavy又健康😋😋煎慢煮西冷配薯條及沙律 ($188)我地叫左5成熟 幾有咬口 肉質juicy又唔鞋口 仲配埋好香嘅牛肉汁😍😋 薯條都好香脆 份量都幾多🤤 而唔同嘅菜式餐廳都會配返適合嘅菜 好細心🥰提拉米蘇窩夫 ($88)呢個tiramisu好啱打卡📸 同出面有啲唔同 佢cream嘅比例比蛋糕多好多 方便客人配窩夫食😋 而入面好重咖啡味 應該係直情有咖啡係入面浸住 幾特別呀🥰😍手工巴斯克芝士蛋糕 ($32)蛋糕都幾大份 幾香芝士味 但又唔heavy🤤 旁邊嘅cream仲要唔甜 唔會另到蛋糕甜上加甜👍🏼 可惜蛋糕冇流心效果🤭天然蜂巢咖啡 ($48)本身冇expect係咁得意 但尼到發現係分開3樣咁上 自己可以按口味咁溝埋😜 整體都係偏苦 但加左少少嘅蜂蜜會甜啲香啲😋 蜂巢最後會碎開

終於有好天氣啦！🌞 秋涼加埋陽光普照嘅日子真係冇得輸٩(˃̶͈̀௰˂̶͈́)و 趁呢個weekend又發掘下新地點 今次嚟到工業區新蒲崗🏭估唔到埋藏喺工廈入面都有間高質cafe！☕️◍「豪華週末早餐」🍳 $118Weekend一定要食番個All Day Breakfast！🥓今次嘅早餐好特別 竟然有一大塊煎得好香脆嫩滑嘅雞扒🤤avocado toast仲要係整咗guacamole嘅醬🥺好食！◍「牛油果蟹肉他他伴窩夫」🧇 $93竟然有蟹肉他他食！😳完全係fine dine質素 估唔到同waffle都幾夾😙◍「伯爵茶戚風蛋糕」🥧 $48揀咗件最愛嘅earl grey口味蛋糕做甜品🤎chiffon cake同個醬超夾！😋◍「焦糖香蕉窩夫」🍌 $78由於窩夫實在太吸引😹所以又叫多咗份做dessert 焦糖香蕉同窩夫永遠唔會出錯☺️◍ 𝙷𝚘𝚗𝚎𝚢 𝙲𝚘𝚖𝚋 𝙲𝚘𝚏𝚏𝚎𝚎 🐝 $48呢款咖啡超特別☕️大推！奶、咖啡同蜜糖都係分開上 可以任意調配 🤤◍ 𝙰𝚖𝚎𝚛𝚒𝚌𝚊𝚗𝚘 ☕️ $34另外一定咁少得必飲嘅americano～滿滿嘅咖啡香😙隻杯仲好靚🤎