Coti the Bistro (五芳街)

營業中

休息中

新蒲崗越來越多唔同類型餐廳，這間cafe就係新蒲崗呢！由鑽石山地鐵站出，大約行7-10分鐘就到！門口其實有點不起眼，真係要用心搵至搵到！但內裡環境都寬闊好坐！當日禮拜四平日夜晚7點都半滿，證明食物質素應該有保證！果然，食完得到印證呢！雖然cafe細細，但選擇都不少！每一份主食都包了蒜蓉包及餐湯！🌟煎慢煮西冷扒配薯條及沙拉（$158）西冷扒好頗大塊，厚度就有d薄，但食落都有肉汁！好味的！薯條份量亦好多！🌟香煎雞扒伴滑蛋飯（$78）這道菜我爸爸盛讚！話雞扒有兩大塊，雞肉嫩滑！每一口飯都有滑蛋包住！非常好味！秒清！🌟巴斯克芝士蛋糕（$45）好creamy！但正正常常冇咩特別驚喜！🌟綠茶蛋糕（$45）staff推薦了這個蛋糕，綠茶味好足！如果與巴斯克芝士蛋糕相比，我會喜歡這個多d！💡💡💡💡💡💡💡💡💡💡💡💡💡💡💡💡💡高質cafe，可惜因為位置問題，大家都去了mikiki那邊，miss了這裏！這值得一試再試啊！！尤其住附近的！🤣🤣

去完workshop見到附近有Coti分店，前陣子去過官塘用餐，今次又試下其他野～ 門口唔顯眼不過未到店先聞其香😆餐湯羅宋湯蔬菜配料加牛肉煮成濃郁餐湯，味道微酸，感覺清新，熱飲完好開胃。烘多士搽上香草蒜蓉醬，包邊超鬆脆香口。點一點湯食又幾滋味～Cascara with honey一直想試Coffee berry既味道，見到咖啡果皮茶即點～微酸有d似紫貝天葵既味道，加埋蜜糖幾滋潤。Iced Rose latte好girly 既打咭飲品，玫瑰花跟玫瑰糖既優雅芳香，冰唔會太多飲到最後依然有玫瑰花香👍🏻燉煮牛肋骨飯外層封上濃稠醬汁，牛肋骨切開數件幾多肉。燉煮過既牛肋肉質特別軟腍Juicy唔黐牙，輕易切開軟筋位口感爽脆有嚼勁。煎慢煮安格斯西冷配薯菜薄切西冷扒煎至五成熟啱啱好，外層既有輕輕焦香感，內層纖維依然鬆軟嫩滑，高温爐火迫出肉脂油份，肉香脂香完美結合。甜品點左mousse cake，分別係柑、青蘋果造型，好cute ! 柑既外層薄薄地好有果皮既質感。青蘋果入面亦有蘋果肉，入面既mousse都夠香滑!

COTIFancy a cuppa, café hoppers?With Hong Kong being a restaurant powerhouse, it's easy to find a café, but hard to decide where to start. This urban haven, with its top notch creations, are a sure recommend to you coffee aficionados ☕️〘 Slow-cooked Beef Sirloin Steak with French Fries and Salad 〙HKD158A perfectly cooked, medium rare, tender steak is what gives the meal a strong head-start. Paired with hot, thick fries and a light salad, this dish has one yearning for more.〘 Deluxe Weekend Breakf

近日經常到新蒲崗工廈試堂做運動，都開始留意周邊餐廳，其實當中都有不少卧虎藏龍。👩‍🍳🧑‍🍳之前都有留意到這道藍色門口，不過入口不大，以為一般茶餐廳而已！🏙🍽今日經過，見門口餐牌上菜色都很認真，咖啡種類很多亦很有特色，一於跟朋友入內一試！🍔🥩從窄窄的入口步入餐廳，內裡別有洞天，地方闊落整潔，店員招呼友善。😊🥩🍴煎慢煮安格斯西冷配薯菜五成熟，生熟度剛剛好，牛扒有肉味，不錯！👍🤤大大條薯條外脆內軟，份量充足，一定飽肚。👌😊沙律配菜非常新鮮爽口，同樣沒有厚厚的現成沙律醬，清新易入喉，非常欣賞！🍅🥔🥬🍔🍴香煎雞漢堡伴椰菜絲沙律及薯條雞肉漢堡調味恰當，入口腍滑，夾雜着生菜、蕃茄、芝士，口感及味道非常豐富！👍😋🍵 棉花糖泡泡咖啡 (凍)咖啡本身不太甜，加上棉花糖絕不過分，賣相亦相當吸引！🥳🥳🍯☕ 天然蜂巢咖啡 (熱)🥛一杯鮮奶泡沫，☕一杯濃縮咖啡，🍯一片蜜糖蜂膠，味道濃淡悉隨尊便！奶泡順滑，咖啡香濃，蜂蜜清甜，此組合頗有心思！😋😋是日精選蛋糕：🍏青蘋果慕絲蛋糕餐廳甜品有如此精緻蛋糕，味道清新，令人喜出望外！😍💞🍰 咖啡慕絲蛋糕咖啡豆做型很可愛！咖啡慕絲濃郁軟滑，底層有果仁碎及脆脆，口感豐富。👌😘

“煎慢煮西冷扒配薯條及沙律”($188)“豪華週末早餐”($118)“焦糖香蕉窩夫”($78)“是日精選蛋糕”($58)“天然蜂巢咖啡”($48)“果皮冰糖檸檬冷泡茶”($36) 原來新蒲崗有間咁隱蔽嘅cafe😆細細個門口喺車房隔離,一唔留意就經過咗🤣唔係有朋友介紹都唔識嚟😛 週末過嚟會提供Weekend Brunch menu食物種類大概有沙律/意粉/飯/肉食/甜品而叫主食仲會跟埋餐湯同蒜蓉包☺當日提供嘅係蕃茄湯🍅味道清清甜甜唔錯😚 主食方面我地首先要咗份煎慢煮西冷扒🐮塊扒比想像中大塊😍煎到面頭有啲微焦🤩生熟程度叫咗5成,食落都真係岩岩好☺比較特別嘅係配嘅汁係照燒汁🤣估唔到又幾夾🤣薯條炸到金黃香脆🍟食哂都幾飽肚😆 另一個主食要咗豪華週末早餐🌞有雞排,煙三文魚,煙肉,松露炒蛋,蜜瓜,牛油果酸種包望落都已經覺得好開胃😛雞排絕對唔細塊,肉質算腍滑🐔松露炒蛋食落超香口,蛋都好夠滑🤤蜜瓜片香甜多汁,食完即刻解解膩☺ 食完主食當然唔少得甜品環節🤤叫咗份焦糖香蕉窩夫🍌🧇呢道嘅窩夫夠鬆化,唔係實的的成舊粉喎隻😌配上焦糖香蕉同忌廉真係絕配😝 第二款甜品要咗個青蘋果造型嘅慕士蛋糕🍏真係超級可愛😍有啲唔捨

老公因事要處理，約咗我去新蒲崗工業區等佢食晚餐，見到商鋪改變左唔少，有不少高質的食店進駐，其中有間帶有文青氣息的Coti the Bistro餐廳，室內裝潢簡約舒適。等老公完成工作，一於入座試吓！是日餐湯及蒜蓉包，雜菜湯濃郁帶甜味，蒜蓉包好香脆。烤慢煑BBQ豬肋排：火候煮得剛好，肉會略為黏骨，入口柔軟、咬落彈牙，而香料和燒烤醬加起來，更加令豬肋骨帶來豐富的味覺層次，非常好吃！薯條香脆，沙律菜新鮮。法式燉煮羊膝：羊肉燉煮得淋滑入味，肉質鮮嫩有肉汁，配意粉加埋個特製醬汁，十分美味！有汽檸檬咖啡：將濃郁的Expresso倒入檸檬梳打水，咖啡香濃又帶點清新的檸檬酸味，好特別的配搭！鮮忌廉朱古力：滑順濃郁的朱古力，加埋鮮忌廉口感更加幼滑！焦糖香蕉窩夫：即叫即做，香蕉上既焦糖香脆可口，窩夫外脆內軟 ，配上鮮忌廉和花瓣，更添美味與色彩！提拉米蘇窩夫：蛋糕表面有一層可可粉，口感細膩飽滿，配帶脆口嘅窩夫，又係另一種美味食物法。

住左喺附近咁耐，都好少行過黎呢頭原來有間咁好水準既餐廳😙😙Dinner menu 都唔少選擇是日餐湯：南瓜湯🥣上菜的碗仔幾靚，外形吸引質感smooth 濃厚，感覺健康唔會太鹹配搭上蒜蓉包，烘脆了，幾好味主菜好快就到啦👍🏻👍🏻🙋🏻‍♂️慢煮烤雞配霹靂葡汁雜錦沙律烤雞烤得好香，侍應拎緊過黎既時候已經雞香撲鼻肉質嫩滑 入味配搭嗰個汁，辣辣地，幾惹味但有啲似泰式既醬料伴碟啲沙律都幾新鮮，有蕃茄仔，有蘋果，食材上盛🙋🏻‍♂️煎慢煮西冷扒配薯條及沙律呢個又係好香！啲薯條好吸引我，好香好脆牛扒煎得幾香，熟度適中肉質唔錯，牛味都重除左有薯條，仲有啲沙律balance返，唔怕油膩😆😆飲品🥤1️⃣抹茶鮮奶（凍）飲落好濃味！我好鍾意飲濃濃既抹茶感覺天然，無特別加糖幾好幾好！2️⃣棉花糖朱古力（熱）拉花係一隻熊仔（應該係）都幾可愛！味道都幾濃滑！都係落重料既甜品🍰巴斯克芝士蛋糕估唔到上碟都幾靚喎！仲要份量一啲都唔吝嗇都好大件！初初驚會膩但一食落去，咦，幾moisture喎佢唔係好實嗰種，係濕濕地既容易入口！芝士味亦濃側邊既朱古力碎同cream係令件cake 加分既！配搭埋一齊食，又真係幾好喎效果！有驚喜！另外，都有加分位

這間位於新蒲崗彩虹道的西餐廳，門口隱蔽，路過都不會為意，如果不是朋友介紹，可能會錯過了這間西餐廳。慢煮64度溏心蛋卡邦尼意粉，糖心蛋情流心狀，芝士味道香濃，意粉爽口彈牙，三者混合之後，味道層次豐富。慢煮烤雞配霹靂葡汁，雞肉鮮嫩可口，就算雞胸肉都不會覺得過硬，加上酸酸辣辣的醬汁，非常開胃可口又有特色。Iced mocha，朱古力和鮮奶味道濃郁，是一杯不錯的iced mocha 果皮冰糖檸檬冷泡茶，果皮香濃，茶味十足。芝士蛋糕🍰，蛋糕鬆軟可口，芝士味道香濃，配上玫瑰花粉和忌廉，味道層次更加豐富。

因為睇drama嘅原因走入新蒲崗，作為一個港島人，我對新蒲崗嘅認識係零🤣所以同朋友盲摸摸咁是旦揾間餐廳，然而發覺揾到間正嘢~個羊膝意粉完全冇諗過會咁大碟，佢隻羊膝大份過意粉，同時肥瘦適中，羊肉唔羶亦夠軟腍入味。另外Buffalo wings都夠惹味，醬汁香辣，雞肉嫩滑，因為雞翼係炸過嘅原因，所以食落都帶點香口。Tiramisu coffee係幾靚，賣相吸引都好香，但味道唔係我嘅朋友。Overall係唔錯嘅餐廳，會令我想再去試吓佢其他嘅菜式。

新蒲崗有情調cafe甜品出色屋企去新蒲崗睇戲好近，所以成日都過去，次次睇完戲都肚餓梗係要搵啲嘢食下～之前食過呢間餐廳的其他分店，覺得唔錯( ′∇′)見到新蒲崗都開，近鑽石山站，梗係要試吓環境寬敞舒適優雅，昏暗氣氛充滿情調，微黃燈光配植物裝飾感覺寫意，非常適合約會拍拖👫。雲石枱面配藝術陶瓷器皿，感覺很高級。假日主食奉送餐湯，另收+1服務費熱騰騰的羅宋湯酸酸甜甜，有很多蔬菜，蕃茄味濃郁～配脆卜卜的蒜蓉包#提拉米蘇窩夫 #🧇 $88淡淡的窩夫配上幼滑的提拉米蘇，微甜creamy ，上層是可可粉，下層是濃郁咖啡☕️記得不要吸氣，以免吸到粉XD #是日精選蛋糕 $48香橙慕絲蛋糕，賣相超吸引，非常適合打卡。幼滑得來不會太甜，淡淡橙香很creamy～有花瓣、糖霜、朱古力醬伴碟，推介#豪華週末早餐 $118有健康焗酵母麵包配牛油果柚子醬、香煎脆皮滑雞腿、薄切煙三文魚配煙肉、大大件牛油松露炒蛋、蜜瓜片和沙律菜。非常豐富，不錯#煎慢煮安格斯西冷 配薯條沙律$188點了五成熟，接近三成熟，好腍好多汁好生，還有脆卜卜的粗薯條服務質素：7/10環境舒適度：8/10ᶘ ᵒᴥᵒᶅ個人口味評分：7/10

屯馬線開通後，多咗嚟鑽石山食野，工廈地面隱藏咗呢間餐廳。食物賣相同味道都好有水準。揀咗兩款主菜，食得出用心嘅烹調「慢煮烤雞配霹靂葡汁、雜錦沙律」配上辣辣地嘅霹靂葡汁，令雞肉更惹味。霹靂好味。「煎慢煮安格斯西冷配薯菜」大大塊安格斯西冷，唔會靭。粗薯條即炸熱辣辣。「Tiramisu Coffee」強烈推介，好好飲👍🏻仲以為自己食緊Tiramisu, 手指餅脆卜卜完全唔會浸淋。「鮮忌廉朱古力」新鮮打出忌廉好滑好Creamy, 同朱古力好夾。「手工巴斯克芝士蛋糕」好喜歡呢種Cheese Cake, 手工製造好足料。環境寬敞舒適，有服務。下次必定再嚟。

新蒲崗上堂前搵地方食個Dinner，路上見到有間隱蔽Cafe好似幾好坐，就入去試試。門口好細，甚至有少少隱蔽，但內裡空間好大，佈置都靚，位都坐得舒服。菜單選擇都唔少，特色野多，叫左個慢煮烤雞配霹靂葡汁，天然蜂巢咖啡，幕絲蛋糕🍰首先上是日餐湯和蒜蓉包，法式野菌湯，菌味濃郁，口感creamy ，濃湯來說很不錯。慢煮烤雞配霹靂葡汁主菜，雞肉很嫩滑入味，烤雞香味重，都有成大半只雞，一般都很夠飽，霹靂葡汁偏辣惹味，很合適喜歡香辛辣的朋友，跟雞肉很合配天然蜂巢咖啡🍯真的有蜂巢，第一次吃蜂巢，感覺很不錯，可以直接吃點，甜甜的，蜂巢，牛奶，咖啡是分開一盆上的，可以分別嘗嘗，然後再融合一起，很好玩的嘗試青蘋果幕絲蛋糕🍏很漂亮很sweet的甜品，原本打算要巴斯克芝士蛋糕，但賣完了，就改要這幕絲蛋糕，非常漂亮很有驚喜，值得一試👍🏻👍🏻👍🏻

朋友生日飯，想近近地食就算。。search餐廳既時候見到呢間都有好評，就試下佢。。跟住google map行去工廈地方，搵黎搵去見唔到，就打去餐廳問下點行，原來門口係彩虹道😂經過都無留意到。。一坐低俾menu 就俾埋口罩套~睇下menu先。。。因為上OpenRice 訂位，有部分食品有6折~呢個menu有6折，但下面snack,homemade item同recommended 既就無折，大家要注意啊！至於呢個dinner set 都有6折優惠嫁我地最後決定叫一個dinner set，再加小食同一個飯🙈餐湯係磨菇湯 。。。我覺得淡左小小，無乜磨菇味Set dinner 揀左雞胸沙律。。。我覺得可接受，佢既汁係醋，小酸Set dinner揀既黑松露意粉。。我同朋友都完全唔覺有黑松露既味道，反而薯條加個黑松露醬重好食。。Set dinner既香蕉窩夫。。。因為朋友生日，但朋友訂位，原來諗住先到餐廳，叫職員幫幫手如果一陣嗌甜品，寫happy birthday 係碟面，不過職員話要前一日講定先寫到。。就係咁我就覺得差減小小野。。下次都係早d打去問下。。法式燉煮羊膝飯。。。呢個比想像中無咁好食，

《工廈簡約Cafe🌷》———————————————-#COTI 🌺-去開鑽石山搵朋友，佢竟然話唔好剩係識食荷里活廣場嘅餐廳，就帶咗我去新蒲崗嘅工廈區食隱世cafe🙈真心如果唔係朋友帶都唔識嚟😅-🥩 煎慢煮安格斯西冷配薯菜我哋揀咗五成熟，都唔會好raw，肉質啱啱好～牛扒都叫幾大塊，略帶牛油味嘅微香🧈🍝 慢煮64度溏心蛋卡邦尼意粉吉穿咗個溫泉蛋撈勻同卡邦尼醬汁一齊食超夾，意粉都幾掛汁creamy 🥰-嚟呢度食嘅話，重點一定係落係個甜品同特飲度🤤🍌 焦糖香蕉窩夫難得焦糖香蕉唔算太甜膩，連埋側邊嘅忌廉一齊食啱啱好～🍫 烤棉花糖朱古力呢個配搭夠哂邪惡😈，棉花糖烤完微微熔化，沾埋朱古力醬同底下嘅威化餅碎，so sweet🥰🤎 Tiramisu coffee賣相已經夠哂igable，上面嘅Tiramisu口感軟綿滑溜，啖啖充滿咖啡芳香，超有滿足感😉-⭐ 參考價錢︰慢煮64度溏心蛋卡邦尼意粉：$88煎慢煮安格斯西冷配薯菜：$188焦糖香蕉窩夫：$78烤棉花糖朱古力：$78Tiramisu coffee: $48Matcha latte: $42🍌 抵deal 指數：7/10💰 人均消費：$280

新蒲崗 高質工廈 Cafe Weekend Brunch Egg Benedict Bagel🥯😋😋😋😋😋超驚喜，份量大有兩個Begal, 個蛋同荷蘭醬亦做得好好牛油果醬調味調得好好煙三文魚大大塊原條鰻魚 Burger 😓個配搭9唔搭8 ，鰻魚好食，滑蛋好食，包好食，但唔夾囉蕃薯條就好正Brunch 唔包飲品，但有餐湯或沙律對於一啲喺新蒲崗返工嘅人來講簡直係一個天堂，想搵一間有質素嘅餐廳都難，我誠意推介呢一間！真心有質素好食😋