Cobber Noodle and Mochi

營業中

休息中

新開業嘅🌟Cobber Noodle and Mochi🌟位於觀塘，文青風📚嘅木系裝修，加埋闊落嘅座位，感覺都幾輕鬆舒服🥰！新張期內有個超級優惠💥，就係特飲放題免費🍹！有幫襯主食類嘅就會送，是晚一共有五款特飲自助斟🍊🌹🍇🍋🫖，nice！🥑牛油果藜麥沙律 $92以牛油果為主軸嘅沙律，新鮮美味又夠健康！🍝蔥蒜香蟹肉炒意粉 $148一啲都唔誇張，蟹肉多過意粉！整體口感偏濕潤，辣度可自選！🥗Set 餐包＋餐湯＋沙律 $20餐包係迷你牛角包，酥軟美味，配搭埋香甜嘅南瓜忌廉濃湯，十分美味！另一款餐湯係黑松露蘑菇湯，菇香四溢！沙律份量足，而且幾Fresh，幾個組合真係超值！🍗蜜糖芥茉炸雞＋$38｜鹹蛋黃黃金炸雞＋$48惠顧主食可以用優惠加配小食同埋甜品！無骨炸雞有兩款口味，入面嘅雞肉都幾Juicy！🍨玄米茶雪糕麻糬＋$20一片麻糬放喺雪糕之上，麻糬口感軟糯中帶一點煙靭，perfect！係店家嘅signature餐點，可配搭多款雪糕口味！🍰開心果巴斯克芝士蛋糕＋$58由外到內都充滿住香郁嘅開心果味，勁Nutty，好正！

觀塘一間新開嘅Cafe小店，環境舒服，午市仲有飲品喺自助區任飲。午餐揀了芝士焗肉醬意粉，加配餐包及湯。牛角包🥐外脆內軟，配埋黑松露蘑菇湯，湯底濃郁，有黑松露香味，飲落好暖胃！意粉煮得啱啱好，肉醬香濃，芝士焗到金黃色，拉絲效果一流，食落好惹味！加配嘅松露薯條🍟好香脆。另一個午餐叫咗香脆雞扒撈通粉，炸雞扒香脆，肉質嫩滑，撈通粉凍食好似沙律咁！呢個就揀咗餐包配沙律🥗牛角包外脆內軟，沙律新鮮爽脆，配埋一齊食，好開胃！甜品試咗玄米茶雪糕麻糬拿破崙，雪糕玄米茶味好濃郁，麻糬煙韌，拿破崙酥脆，整體配搭好有心思，食落好滿足！

Cobber又開新分店，趁未係好多人就同朋友嚟食，每人最低消費一個主菜/藜麥沙律，另外仲有免費嘅飲品吧任飲🍹選擇都好多，今日就見到有西柚特調、巨峰提子伯爵紅茶、檸檬特飲等，另外仲有茶包供應主菜+$15 仲有餐包同餐湯🫶🏻超級抵！牛角包焗得好酥軟，黑松露蘑菇湯超級足料！只係需要加$15嚟講真心係超值✨Cobber Noodle $98自家製嘅辣蕃茄忌廉，加上超級掛汁嘅意粉🥹酸酸甜甜再帶少少辣勁，好開胃🤤另外仲有六隻彈牙嘅大蝦，個人覺得性價比好高👍🏻✨蔥蒜香蟹肉炒意粉 $148賣相好吸引嘅蟹肉意粉，蒜味好香，加上超級多嘅蟹肉，好澎湃好滿足🫶🏻✨鹹蛋黃黃金炸雞 +$48💯初嘗其他分店冇嘅鹹蛋黃黃金炸雞，超級有驚喜😋新鮮出爐嘅炸雞好Juicy，鹹蛋黃味好香，唔會太油亦都唔會太粉，莎莎嘅口感，令人忍唔住食完一嚿又一嚿👀✨玄米茶雪糕麻糬拿破崙 +$68新分店限定嘅麻糬甜品，淡淡清香嘅玄米茶雪糕配上薄薄一層煙靭嘅麻糬，就咁食都幾好食😋試埋佢嘅拿破崙，咬落真係好鬆脆，三樣夾埋一齊食好口感好有層次👍🏻✨開心果巴斯克芝士蛋糕 +$58巴斯克芝士蛋糕都好有驚喜！值得一提嘅係開心果碎比想像中更加脆😮✨蛋糕嘅開

位於觀塘的Cobber Noodle and Mochi是一家充滿創意的餐廳，專注於提供獨特的意粉和精緻的日式料理。餐廳的環境舒適，適合與家人或朋友聚餐，讓人一進門便感受到溫馨的氛圍。老婆點的明太子忌廉蝦肉三文魚子飛魚子紫蘇意粉，色香味俱全，濃郁的明太子醬汁與新鮮的食材完美融合，搭配餐包、黑松露蘑菇湯和沙律，讓整體用餐體驗更加豐富。抹茶雪糕麻糬作為甜品，清新的抹茶香氣令人陶醉，麻糬的口感更是增添了層次感。而我則選擇了和風火炙帆立貝意粉，意粉的口感滑順，帆立貝的鮮甜與和風醬汁的搭配相得益彰。餐包、黑松露蘑菇湯和沙律讓這頓餐更加均衡。焦糖巴斯克芝士蛋糕的濃郁口感令我回味無窮，而馬蘇里拉芝士焗薯蓉帶子則為這頓美食畫上完美的句號。Cobber Noodle and Mochi不僅提供美味佳餚，更是一個讓人放鬆心情的地方，值得一再造訪。

一向喺觀塘已經好熱門嘅Cobber最近開咗主打Mochi嘅分店！新開張仲有飲品吧任飲，有西柚特調、玫瑰荔枝特調、檸檬特調、香橙綠茶、炭燒烏龍茶等，豬太郎最Like西柚特調，酸酸甜甜又解渴！.➜明太子忌廉蝦肉三文魚子飛魚子紫蘇意粉Cobber嘅大熱菜式之一，滿滿嘅魚子＋淡淡嘅粉紅色夠晒Igable！明太子忌廉醬汁帶有濃郁奶香味，蝦肉爽口彈牙，有齊晒三文魚子同飛魚子令到意粉口感好豐富！.➜墨魚汁墨魚燉飯令豬太郎超驚喜嘅燉飯，雖然會食到黑忟忟，但真係好好食！燉飯吸滿海鮮嘅鮮甜味，墨魚爽口唔會韌，份量仲好夠飽𠻹！.跟餐加多 $15 就可以有埋牛角包仔同餐湯，同朋友都揀咗香甜嘅南瓜湯，豬太郎就鍾意邊食牛角包，一邊沾湯食！.➜焦糖開心果牛奶麻糬新店主打Mochi，又點可以唔叫份嚟食！開心果香氣濃郁，將麻糬沾滿焦糖開心果之後，食落好似多咗層脆皮咁，又脆又軟糯，好特別。.➜玄米茶雪糕麻糬拿破崙玄米茶雪糕茶香濃郁，甜度啱啱好。個麻糬好似件被仔咁鋪喺雪糕上面，連埋拿破崙酥皮一齊咬就有齊晒軟糯、酥脆嘅口感！.#msmessypig_food 

觀塘區好似有超過一間Cobber，呢間嘅前身唔知係咪同世貿大樓。不過無論如何，呢頭開咗新嘅西餐廳，對附近返工嘅打工仔女又多咗個lunch選擇Cobber Noodles (辣番茄忌廉大蝦意粉) (套餐$98起) ★★★★✰呢個菜式名有店鋪名稱，相信係呢間舖嘅招牌菜。食落有番茄香味、辣味適中，有淡淡忌廉味但又唔會太膩，大蝦就正常雪藏蝦水平。整體絕對係水準以上，不過感覺係難度較低嘅菜式，喺屋企都可以煮到差唔多質素。芝士焗肉醬意粉 (套餐$98起) ★★★★✰芝士同意粉份量都好generous！相信即使一般成年男性都會食得幾飽，極香濃芝士味，肉醬由唔會太肥膩，中意肉醬嘅話應該會幾中意呢道肉醬意粉。玄米茶雪糕麻糬 (跟餐好似係+$20) ★★★✰✰Cobber系列餐廳就係每間舖有自己嘅招牌甜品，而餐廳名就係甜品名。呢個麻糬雪糕雖然雪糕幾好食，但我覺得加塊煙韌嘅皮上去無昇華到，食落去感覺好似係皮同雪糕分開咁。值得一提嘅係呢個價錢有包埋任斟嘅飲品吧(好似係新舖先有嘅優惠)，食物質素中上，我覺得算好抵食；而且雖然啲枱擺得有啲逼，但整體都算乾淨企理坐得舒服，店員都十分友善。

原來Cobber and noodle最近起觀塘開咗新line，主打食Mochi～呢度嘅飲品係任飲㗎，有好多好refresh嘅飲品，我試咗一個西柚特調，幾重西柚味，甜甜地酸酸地咁好開胃！想解解膩嘅可以試吓無糖烏龍茶～晚餐又唔同嘅主食選擇，可以另外加錢轉set蔥蒜香蟹肉炒意粉，可以自己選辣度，賣相非常吸睛，而且蟹肉嘅份量好驚人，性價比好高，食每一啖嘅意粉都有蟹肉，而且意粉煙韌掛汁！另外加咗$20轉set有牛角包，黑松露蘑菇湯同埋沙律～非常豐富^^墨魚汁墨魚燉飯每一粒米都比黑色嘅墨魚汁包圍住，燉飯充滿鮮味，味道濃郁，墨魚嘅份量好多！最後梗係要試吓佢嘅mochi玄米茶雪糕麻糬拿破崙賣相非常討好，上下既兩塊拿破崙甜甜地好酥脆，而mochi皮好煙韌，入面包住好濃好creamy嘅玄米茶雪糕，三重口感一次get哂🫶🏻開心果巴斯克芝士蛋糕開心果味非常濃郁，身為開心果控嘅我表示10分滿意！😍

近排好鍾意搵啲工業風嘅Cafe影下相打下卡，朋友就介紹咗呢間Cafe俾我同老公食，唔單止裝修環境靚，啲嘢食平靚正，真係好抵食，最緊要係而家嘢飲任添😍真係好吸引。我哋order咗兩個套餐套餐1蔥蒜香蟹肉炒意粉 $304真係好味！蟹肉鮮甜，搭配香濃嘅蔥蒜，味道一流。意粉煮得剛好，唔會過軟，吸收咗蟹肉同調味料嘅精華。套餐2明太子忌廉蝦肉三文魚子飛魚子紫蘇燉飯$236真係好食！忌廉滑順，味道濃郁，明太子的鮮味搭配蝦肉，非常出色。每一口都有多重口感，三文魚子同飛魚子添咗一份鹹香，非常有層次感。紫蘇嘅清香又為整碗飯帶來清新感，真係每一口都好享受！餐包+餐湯+沙律 $20餐包係牛角包外脆內鬆，咬落去好香！層次分明，牛角包嘅黃油味十足，口感超級滑順。餐湯係南瓜忌廉濃湯，口感滑順得嚟又香甜，南瓜嘅味道好濃郁，正好配合忌廉嘅豐富口感。老公嗰個係黑松露蘑菇湯，真係好好味！湯底濃郁滑順，蘑菇嘅香味同黑松露嘅獨特風味融合得恰到好處。沙律菜新鮮可口，味道清新又健康。番茄切得剛好，口感爽脆。小食我哋叫咗鹹蛋黃黃金炸雞四件 $48真係好正！炸雞外脆內嫩，鹹蛋黃嘅香味濃郁，吃落去一咬就爆汁。每一口都有香脆嘅口感，搭配鹹

同事介紹觀塘巧明街開左個新場，多間食店進駐，是晚就黎左Cobber試試。店員好快送上qr code落單，仲簡單介紹下店内餐單同外邊的自助任飲區。⭐自助任飲水果茶左起有西柚、荔枝、橙、檸檬口味梳打水/茶，最右邊的你黑烏龍茶，呢款係無糖的。幾款口味都試過，淡淡的果味、微甜，都幾好飲，不過個人都係鍾意黑烏龍茶😋⭐餐湯+餐包+沙律隨主食可自由加配餐湯、餐包或沙律，加晒三樣都係$20，抵！餐湯有黑松露蘑菇湯同南瓜忌廉湯，揀左前者，菌味香濃好飲呀。餐包係牛角包，烘熱過的很香脆。沙律菜新鮮爽口，酸酸的柚子醋好開胃。⭐明太子忌廉蝦肉三文魚籽飛魚籽紫蘇燉飯朋友點咗呢款燉飯，個菜名超長，哈哈😆上枱時粉紅色一碟，顏色幾吸引，入口係帶有鹹香嘅明太子忌廉汁，雖然望落睇唔見，但每一匙羹都有蝦肉，入口彈牙鮮甜，仲有三文魚籽同飛魚籽，成碟飯真係好鮮味，好好食🤤⭐芝士焗肉醬意粉自己點咗個焗肉醬意粉，上枱時店員貼心提醒小心個焗盤熱👍肉醬意粉嘅醬汁鹹鹹酸酸幾好味，意粉有咬口，仲落咗超多芝士，叉起上黎拉絲㗎，勁正😍⭐明太子薯條朋友話佢愛上咗明太子，點完個明太子飯，再要點埋呢個明太子薯條，薯條即叫即炸熱辣辣好香脆，上面嘅明太子

搬咗新地址，地方細咗，不過變咗地舖，一樣咁多人。新舖裝修比較光猛，舒服，日系。新張期內，飲品自助無限添飲，都有四五款任你揀，我就試咗Earl Grey 巨峰，同埋Lemonade，兩個都好飲，唔會太甜。主食叫咗蟹肉🦀意粉，同埋黑松露risotto。蟹肉🦀意粉可以揀辣度，我哋就揀咗中度，啱啱好，開胃，又多蟹肉，好味🤤至於risotto好鬼大碟，兩個人真係食唔晒，有啲漏。講到甜品，佢哋嘅mochi 真係冇得頂，煙煙韌韌，口感一流😋，真係唔好錯過。

呢日嚟咗觀塘新開嘅餐廳，餐廳喺工業大廈嘅地下，呢日lunch hour嚟到都要等一陣先可以入座😎 餐廳有供應多款意粉、意大利飯同沙律，當然唔少得餐廳嘅招牌麻糬甜品啦😚Cobber Noodles呢款係餐廳嘅招牌意粉，係辣番茄忌廉大蝦意粉🍝 呢個意粉有得揀辣嘅程度，我哋就揀咗正常，食落口非常惹味，上面仲有六隻彈牙嘅大蝦🦐 味道相當有驚喜。蔥蒜香蟹肉炒意粉呢個蟹肉意粉份量勁多，呢個都有得揀辣嘅程度，同樣係揀咗正常辣🌶️ 呢種係好易入口嗰種，蟹肉好香蒜味，撈埋同個意粉食幾正🦀套餐加配我地揀咗加配餐包+餐湯+沙律，沙律有柚子醋調味，餐包係牛角包🥐 餐湯有得揀黑松露磨菇湯同埋南瓜忌廉濃湯🍲 兩款都好濃郁，係好稠杰。甜品♦️開心果巴斯克芝士蛋糕呢個巴斯克芝士蛋糕唔會好膩，質感creamy，開心果嘅味道幾出，特別鍾意佢面頭嘅大量開心果碎😙 ♦️玄米茶雪糕麻糬拿破崙係餐廳嘅新出品，玄米茶口味嘅雪糕味道唔算好重茶味，但呢個口味唔會搶咗拿破崙嘅味道🍞 拿破崙好酥脆，同雪糕麻糬嘅質感相映成趣🥰 ♦️朱古力雪糕麻糬面頭嘅mochi口感超正，係好軟糯嗰種，包裹住朱古力雪糕係好吸引🍦飲品吧餐廳嘅飲品係任飲，每日有五六款飲

以前不嬲都幫襯開cobber，見到呢一間新嘅Mochi就諗住試一試，入到去覺得都幾驚喜，原來啲嘢飲係自由斟，飲幾多都得。啲意粉同我記憶中嘅味道都好接近，所以帶到比我驚喜嘅都係芝士蛋糕同埋麻糬。我自己覺得玫瑰荔枝特飲都幾得意，粉紅色影相都幾靚。‣ 明太子忌廉蝦肉三文魚子飛魚子紫蘇意粉 $148明太子醬汁香濃惹味，蝦肉新鮮彈牙，而且都比得好疏爽。三文魚子同飛魚子增添唔少口感，其實唔使加紫蘇葉佢都唔會顯得腥，不過令到個味道相對上比較清新啲。‣ 餐包+餐湯 ＋$15南瓜忌廉湯香濃順滑，飲落去都幾綿滑。我幾鍾意佢嘅餐包係牛角包，而且口感都相當鬆脆，唔會話腍啤啤，記住趁熱食。‣ 鹹蛋黃黃金炸雞 $48炸雞裹滿鹹蛋黃，相當香濃惹味，而且個炸雞都炸得相當好，金黃酥脆，嫩滑多汁，一啲都唔會嚡。而且個份量都啱啱好，試到個味之餘，又唔會話因為太多太膩食唔落。‣ 蔥蒜香蟹肉炒意粉 $148我自己推薦嗌少少辣，係要有少少辣味先過癮，而且啲蟹肉嘅份量比得好疏爽，最鍾意嗰啲蟹肉完全冇腥味，炒意粉同明太子意粉又係兩種唔同嘅感覺，都推薦大家試一試，而啲蔥蒜嘅香味都滲入去啲意粉到，食吓食吓就食晒成碟。‣ 開心果巴斯克芝士

之前去過另一間分店一直都好鍾意食佢嘅意粉，因為意粉嘅質感呢煙煙韌韌而醬汁又夠creamy。今次同朋友嚟咗新開嘅分店，新舖更加方便唔使行嗰個好細嘅樓梯上去。之前間分店係主打疏乎厘pancake呢一間分店係主打Mochi，真心Cobber 嘅意粉，意大利飯同埋甜品都真心好食👍🏻👍🏻👍🏻午餐跟餐有沙律牛角包同埋餐湯，黑松露蘑菇湯好濃郁，粟米湯裏面有鮮粟米好impressed😍主菜叫咗鮮茄忌廉大蝦意粉，我哋揀咗小辣，酸酸甜甜辣辣好好食好開胃。另一個主菜叫咗黑松露意大利飯，材料好豐富有洋蔥有蘑菇有啲雞肉，好Creamy好正😍甜品叫咗焦糖Basque Cheesecake，焦糖整得好似好好食另外叫咗個牛奶麻糬配開心果碎，食食吓食晒成個，口感柔軟又脆，好特別好好食。😋而家新張期內仲送嘢飲任飲👍🏻又多一個返工嘅飯堂啦☺️

觀塘巧明街99號原來開咗好多間食肆，今日「Cobber Noodle and Mochi 」 lunch 🤭🤭飲品吧任飲，有四款Cocktail同埋一款炭燒烏龍茶我覺得西柚cocktail 最好飲🤭🤭Cobber Noodles 辣蕃茄大蝦意大利粉….蝦隻份量不少，而且醬汁大少少辣幾開胃不錯！和風火炙帆立貝意粉。個醬汁加入咗蛋黃醬好香濃別有一番風味🤭🤭玄米茶雪糕麻糬拿破崙…個麻糬好煙靭好好味，配拿破崙也不錯！開心果巴斯克芝士，開心果味好香濃👍👍

這間餐廳嘅食物質素真係高，每一道菜都睇得出廚師嘅用心同埋創意，無論係食材嘅選擇、烹調嘅技巧，定係擺盤嘅心思，都做得好出色，而且餐廳嘅環境都好舒服，服務都好周到，仲有令人高興嘅任飲飲品，有西柚特調、玫瑰荔枝特調、檸檬特調、香橙綠茶、炭燒烏龍茶，真係令人食得同飲得開心。🥢鹹蛋黄黃金炸雞（4件）：小食嘅鹹蛋黄黃金炸雞（4件）最先出場，炸雞炸到金黃香脆，外皮裹滿晒鹹蛋黃，一睇一聞就知好惹味，咬落口去，卜卜脆嘅外皮，加上嫩滑juicy嘅雞肉，簡直係雙重享受，鹹蛋黃嘅鹹香，同炸雞嘅油香，喺口入面完美融合，味道濃郁，令人一食就停唔到口。🥢芝士青醬大啡菇 (2件）：芝士青醬大啡菇買相好靚，呢個配搭都幾有新意，大啡菇烤到軟稔多汁，上面鋪滿晒香濃嘅芝士同埋青醬，味道好夾，芝士嘅鹹香，青醬嘅清新，同埋大啡菇嘅鮮味，營造出豐富嘅味覺層次，而且大啡菇嘅size都好大，食完都幾飽肚。🥢香煎白酒忌廉汁挪威三文魚配煙燻薯蓉：主菜嘅香煎白酒忌廉汁挪威三文魚配煙燻薯蓉上枱一睇個樣已經流晒口水，三文魚煎到啱啱好，外皮金黃香脆，入面嘅魚肉仲保持住嫩滑多汁嘅口感，加上回香頭蔥、蘆筍、車厘茄好配合一齊食，而最正嘅係白酒忌廉汁，味