COBALT

營業中

休息中

1. 服務員極無禮貌, 我已經係門口示意佢帶位, 佢真係完全定左望住我企係度10秒, 用撩人打交果個手勢叫我入去, 入到去第一句「講你電話」2. 飲水水杯十分污糟, 有唇印, 杯底有油跡3. 服務員十足十茶餐廳侍應, 每一道菜都係擺低就走, 完全唔理你檯面情況. 唔會介紹, 唔會交流, 總之態度係十分差4. 服務員做做下野係正大門口食煙, 呢個真係巴閉, 間餐廳仲要係半開放, 勁大煙味5. 明太子蟹肉天使麵 - 十分重既超級市場拼湊麵, 無明太子味, 蟹肉我直頭搵唔到, 好業餘級數, 價錢完全唔值 - 178$6. 炸甜薯薯條 - 黑松露牆係少到同一塊指甲尺寸差唔多, 只有零星幾滴, 超過8成薯條都無醬, 只能直接食 -78$7. 洋蔥湯 - 極度懷疑呢一度洋蔥湯係中式洋蔥湯, 味道都好似, 絕對唔係法式 - 68$8. 黑毛豬胺- 無特別, 就普通級數豬胺, 側邊配菜包括西蘭花, 薯蓉, 全部都係凍既 - 298$

餐廳環境唔錯，一入門口就見到一排酒櫃，感覺適合暢飲一番🍷🍷。餐枱之間都幾闊落，同朋友傾計都唔驚嘈親隔離。燒牛肉沙律配泰式香草汁第一次食辣嘅泰式沙律，第一啖入口，有好清新嘅感覺。辣辣地唔會好嗆喉，但就特別開胃。燒牛肉有5，6片，絕對唔吝嗇，牛肉燒到中心微紅，有牛味而且夠滑，同沙律菜一齊食好合適。蘭王蛋韃靼牛肉依道菜喺出邊真係比較少見，佢係生牛肉，混合左生洋蔥，酸菜，青瓜等，開頭都會有少少擔心生牛肉口感會唔會好怪或者好腥，但完全無咁嘅事。反而將材料混合，口感唔錯，而且攪拌埋蛋黃，牛肉更嫰滑濕潤，對第一次食生牛肉嘅我地黎講，真係非常有驚喜，超推薦。烤法式羊架配薯菜在店員介紹下，選擇了五成熟的羊架。份量大大件，嫰滑粉紅色嘅羊肉好jucy,一啲都唔羶，五成熟真係啱啱好，完全無多餘血水，yummy.依三個紅肉菜式，唔止唔係全熟，仲要係真“紅”肉，令我見識到“紅”肉宴原來係咁好食㗎。

COBALT 西餐廳,專門食鋸扒,海鮮,飲紅酒,餐廳位置喺大角咀利得街36至38號地下,去到餐廳望入去裝修得好有格調,一大個紅酒櫃可供客人即場飲或者買返屋企慢慢歎,如果有時間其實嗌啲嘢食點支紅酒喺度都係一個好好嘅享受。餐廳有做happy hour買一送一時間係14:00至19:00。另外做緊一個迎新優惠,時令生蠔六隻加葡萄白酒一瓶價錢都係198元,性價比好高下次收工一定會嚟試下。今日食晏就點咗個烤法式羊架配薯菜 七成熟 268元,羊架上枱賣相好靚仔,一共有三塊咁多,羊架煎到啱啱好,外面帶少少焦香,入面嘅肉質仲係好嫩腍好juice,完全將肉汁鎖住,一啲羊騷味都冇, 配埋餐廳提供嘅醬汁甜甜地,令到羊肉個香味更加突出更加有層次。另外配菜都有好多有蕃茄,蘆筍,西蘭花,椰菜花,薯仔,車厘茄,真係十分豐富，咁多蔬菜真係美味又健康

🍲海膽忌廉汁蟹肉意大利飯 $138裝住意大利飯嘅碟好靚🤣增加視覺上既食慾👍🏻意大利粉偏有口感，加入蟹肉、洋蔥🧅菇🍄、車厘茄令成個飯豐富左，尾隨有海膽既鮮味帶甜甜地既忌廉味，而且醬汁唔過多 反而岩岩好，成個意大利飯唔會好膩👍🏻✨✨✨✨✨✨🥩烤美國安格斯草飼西冷牛扒配薯菜8oz $368上菜時廚師已經幫我地切左一半，方便影相同share 👍🏻頭大點左5成熟，味道帶有煙燻味，後隨有牛既肉味🥩油脂分布平均，而且十分多汁，旁邊配埋芥末醬，不過頭大比較鍾意原汁原味，就唔點醬黎食😝薯菜🥦份量都頗多，蔬菜面上灑上黑胡椒同埋啲香料粉去焗，鹹度適中，旁邊有焗左既蒜頭🧄岩晒鍾意食蒜嘅朋友✨✨✨✨✨✨整體而言，配上輕鬆既英文歌令到整個環境都好舒適同好有格調，而櫃放滿滿既酒，十分適合朋友/情侶黎聚會😆燈光之下影食物既相都好feel📸食物份量都多同不錯👍🏻

今晚去嘅餐廳喺利得街利得街冇隔離博文街嘉善街咁旺但呢條街嘅幾間餐廳都食過都唔錯搵咗陣枱底以為有勾但原來袋可以擺喺櫈入面相當貼心似乎今晚間餐廳飲嘢都唔錯 氣氛都幾適合我地首先嗌咗一碗法式洋蔥湯同松露磨菇湯法式洋蔥湯面頭有烤過的麵包同融化嘅芝士 洋蔥嘅甜味同酒嘅味道撈埋後好開胃松露磨菇湯就比較濃稠口感比較香濃松露嘅味道喺蘑菇之中仍然非常突出估唔到有他他牛肉$168都幾抵食隻蛋撈埋生牛肉好嫩滑避風塘炸雞軟骨呢個係冇得輸嘅組合係好惹味嘅風味小食海膽忌廉汁蟹肉意大利飯顏色好吸引 醬汁濃郁又餘又好鮮味烤法式羊架配薯菜羊肉好嫩滑 配菜嘅veggies輕輕調味過 配菜好豐富 balance返啖啖肉

每次係大角咀經過呢間感覺好decent好chill嘅餐廳都好過入去試吓，今次終於約到朋友去完旺角過大角咀試吓佢！我哋係平日去，嚟到都已經見到唔少人係餐廳人面食緊，大家都同唔同嘅朋友食緊，感覺好開心！我哋就坐咗係一個近門口嘅位置。入面都有好多唔同嘅葡萄酒可以開，同唔同朋友嚟食都好適合。我哋叫咗一個肉同一個麵，肉我哋就叫咗個「烤法式羊架配薯菜」($268)，我哋叫咗五成熟，職員推薦唔好低過五成會比較好，羊架好有香草味，五成熟啱啱好，唔會太熟去到太「銀」，又唔會生到放唔到入口，我同朋友都好鐘意呢款菜。另外就叫咗個「明太子蟹肉天使麵」($178)，我好鐘意呢個天使麵，因為本身就係明太子嘅Fans，佢個麵嘅各一啖都有好足料嘅明太子，食落口真係好滿足，再加上份量好多，食好多嘢嘅我都有滿滿嘅飽肚感，好正！

這日來到大角嘴午餐😊炸番薯條-黑松露蕃薯味道甜香，炸到外脆內軟，加埋黑松露好香口，鹹鹹甜甜嘅感覺，係個非常好嘅餐前小食墨西哥牛油果扁意粉牛油果和忌廉汁的味道好配合忌廉汁嘅味道好香濃，質地濃稠扁意粉掛住啲汁一齊食，好好味意粉軟硬度適中，少少彈牙，好滿足。法式羊架配薯菜羊架只係有丁點嘅酥味，係我們鍾意嘅味道😊 份量都唔少。我哋叫了五成熟，軟硬度適中，仲有濃濃嘅肉汁添，加埋甜甜哋嘅醬汁，增加清新嘅味道。配菜都煎得好香口，加埋羊嘅油脂，味道好配合。其中，蘆筍嘅味道好香甜，口感爽脆，其他配菜仲有薯仔、椰菜花、西蘭花、車厘茄等等，相當豐富。總結嚟講，餐廳環境舒適，係適合同朋友傾偈嘅好地方，相信夜晚嘅氣氛更好。

自從過咗嚟大角咀呢頭返工，飲食既生活真係多姿多彩咗好多🤣收工約朋友食飯，一聽到大角咀個個都趨之若鶩，剛好有間新餐廳係利奧坊附近，非常容易搵餐廳好有格調，門口左手邊就係酒櫃，各式各樣紅白餐酒威士忌，連日本清酒都有，想chill high返晚的話呢到都係一個唔錯既選擇😻菜式選擇都唔少，朋友本身想叫蘑菇湯，店員推薦佢地既法式洋蔥湯，果然冇介紹錯！洋蔥湯唔係落麵粉嘅嗰種濃湯，係好清甜既洋蔥同牛骨湯既香味，上面泡軟咗既法包仲有層芝士係上面，朋友話同佢係法國飲既好似小食我哋就揀咗青檸黑椒味雞翼，上菜嘅時候真係好香，除咗炸雞翼嘅香味之外仲有青檸嘅酸香，而且一份有六隻份量都唔少非常之熱辣辣🤣熱到差啲跌落碟，失禮曬辣XO醬蟹肉扁意粉好惹味，XO醬唔會好油好辣，仲好有蝦米香，配菜有番茄乾蘑菇同埋我鍾意嘅意大利青瓜蟹肉份量都好多，扁意粉都好出色！比一般既扁意粉厚身，而且好有麥味，各方面配搭都好好👍🏻今晚既重頭戲 - 西班牙伊比利亞黑毛豬鞍擺碟靚到本身唔會相機食先嘅朋友都話要影一影相🤣豬鞍已經切好成一口size同埋淋上醬汁，豬鞍冇overcook，中心位置仲有粉嫩既肉色，有豬味而且都juicy，旁邊仲有啲黑椒

烤法式羊架配薯菜是餐廳的招牌菜之一，肉質鮮嫩，味道鮮甜多汁，配上細滑的忌廉薯蓉，入口即化，很不錯海膽忌廉汁蟹肉意大利飯，新鮮的海膽和蟹肉結合在一起的醬，味道很濃郁鮮味，配上香濃的忌廉汁和煙韌有口感的意大利飯，夠惹味蘭王蛋他他牛肉是另一道美食，牛肉鮮嫩多汁，不腥，上面還有一個鮮蛋，配上脆口多士，口感豐富環境而言，雖然店舖不大，但充滿情調😙餐廳內有一個大螢幕，可以播放各種娛樂節目，讓客人在用餐同時也可以享受娛樂餐廳內的酒櫃展示了各種出名的紅酒，讓客人可以選擇自己喜歡的酒品，讓用餐體驗更加完美我們當然都點了兩杯紅酒試試

酥炸大啡菇配粉紅汁 $88即叫即炸，熱焫焫上檯。外層嘅炸漿夠薄夠脆，裡面嘅大啡菇juicy得嚟又唔會出曬水噉；個粉紅汁食落似係蛋黃醬＋辣椒醬混合而成，辣辣地噉，非常香滑。烤西班牙伊比利亞黑毛豬肋骨 (半份) $228未食已經聞到香噴噴，半份都好大件。食落肉質細嫩鬆軟，好易切開，肉味好香件豬鞍本身都醃得好入味，再點埋個酸酸甜甜嘅醬汁，惹味開胃。伴碟嘅薯條都好好食，炸得夠脆。海膽忌廉汁蟹肉意大利飯 $138Risotto軟硬度適中，彈牙有咬口；海膽忌廉汁甜中帶鮮，濃郁creamy！

咁岩同男朋友去開奧海城，聽朋友講附近有間好高質既西餐廳，Cobalt，一於去試下！ 一入到間餐廳，餐廳既擺設，裝飾非常整齊，侍應好Nice，賓至如歸。餐單亦算多選擇，Main Course也有十款左右。 我地簡左個法式洋蔥湯，香煎西班牙伊比利亞黑毛豬鞍，海膽忌廉汁蟹肉意大利飯。 法式洋蔥湯($68)，呢碗餐湯可能係我近幾年飲過最好飲既西式餐湯，煲到淋晒既洋蔥！湯入面仲有一塊芝士蒜蓉多士，極力推薦👍🏽香煎西班牙伊比利亞黑毛豬鞍($298)，以慢煮方式製作西班牙伊比利黑毛豬，可以確保食材原汁原味，豬扒非常厚身，飽滿，咬落去肉質帶點爽，豐富肉汁，肉味亦濃，十分滿足。海膽忌廉汁蟹肉意大利飯($138)，鍾意食意大利飯既朋友絕對唔可以錯過！一上枱既時候已經聞到陣陣既鮮甜味。配上淡淡既忌廉汁，鮮甜既蟹肉同埋極度濃郁既海膽汁，非常新鮮，口感亦佳。 總結：服務:10/10味道:9/10環境:9.5/10

今日在大角咀做完運動後經過一間看似挺有情調西餐廳走進餐廳，你會驚喜地發現大螢幕和酒櫃餐廳展示了各式各樣的酒，經店員推介，我們嚐了這一款黑莓和黑色水果的香氣撲鼻而來，在口腔內慢慢滲透出香草和黑果的味道😋 很易入口呢！菜單上有很多經典的西餐，我們點了烤法式羊架配薯菜這道菜的羊肉口感嫩滑，肉質也非常鮮美，配烤菜和細滑的薯蓉，味道更豐富惹味海膽忌廉汁蟹肉意大利飯這道菜的意大利飯夠煙韌有口感，搭配上海膽忌廉汁和蟹肉，味道非常鮮美😚不要錯過蘭王蛋他他牛肉這道牛肉非常嫩滑，口感非常好，而且不會有腥味，上面還放了鮮蛋，味道非常豐富，和牛肉他他攪拌後口感更加細滑，配搭的脆多士烤得香脆😛

有日要拎啲嘢過去俾喺匯豐中心返工嘅親戚，平時真係勁少嚟大角咀，就順便叫佢哋同我喺呢區食埋飯！揀咗間喺利得街嘅西餐，佢喺新開嗰個商場對面，門面睇落好似幾高級😂 一入到去就見到成個櫃都係擺滿唔同種類嘅酒😳😳 超多選擇～～ 雖然我哋唔飲酒，不過我望到每支酒上面都有貼住價錢，我覺得咁樣幾好，避免要逐支問好尷尬😂😂避風塘雞翼 HK$78西班牙伊比利亞黑毛豬鞍 HK$298辣XO醬蟹肉扁意粉 HK$148烤法式羊架配薯菜 HK$268心太軟配雪糕 HK$88Daily Cale 拖肥蛋糕🍰 HK$68其實我哋原本想叫蘋果撻㗎 但係已經賣晒 下次要再試呀🥹btw呢度個經理好nice👍🏻 點餐嘅時候有每樣推介下～而且幾好傾😂 臨走嘅時候佢仲特登帶我哋參觀呢度嘅VIP房😳 佢唔講都真係唔知，仲要有電動麻雀枱同唱K😍😍 原來呢度係可以book房食飯～問咗佢，平日只要最低消費$4000，就已經可以book呢間房玩😱😱 勁正！啲錢係可以全部嗌返嘢食 仲抵過Party Room🥹 即刻要book mark低，下次同人慶祝生日或者啲朋友想private啲有間房聚吓，可以提議嚟呢度啦！

位置：📍大角咀利得街36-38號1A & 2G號舖📍食後感：呢間西餐廳既野食都唔錯喎，所有野食都新鮮熱辣辣整出黎，每樣野入口都超辣口呀，最鍾意佢地燒大菇野菌松露意大利飯。味道：雞翼三味（$78）-揀左13香雞翼有三個味（青檸黑椒、13香、避風塘），淨係可以揀一款味道，13香平時未見過，就決左揀佢啦。味道原來係淡淡咖哩加蒜粉，配上新鮮熱辣炸出黎既雞翼，外脆內嫩，滴曬雞翼汁，雞翼食落冇雪味。調味不太重，帶出食物原有味道。燒大菇野菌松露意大利飯（$148）忌廉加芝士配埋勁多野菌同超多汁大啡菇，令人回味無窮。意大利飯係正宗意大利質感，咬落會有小小質感，芝士份量剛剛好，不會過咸或太膩。食完一碟就好飽啦。伊比利亞黑毛豬肋骨（半份）（$228）豬肋骨食落好多汁，唔知大家有冇食過豬頸肉，咬落爽口又多汁，配上佢地甜甜酸酸既豬肋骨醬，十分惹味。配菜有焗薯，矮瓜同椰菜花。焗薯超甜😍勁正，第一次食焗薯好似蕃薯咁甜。

今日同朋友黎到呢間係大角咀嘅小店，餐廳以海藍色為主調，座位以高枱高凳為主，好有情調。櫃內的酒瓶全部標明了價錢，用白字寫在瓶身，方便客人選擇，好特別。😁😁我地點左雞翼三味，三味係指青檸黑椒，13香，避風塘三種味道，因為只能選一種，於是揀左13香，用不同嘅調味料同香料自家製成嘅味道，非常獨特，辣得過癮，加上雞翼肉質嫩滑，別有一番風味！🍗👌接著，我地叫左炸甜蕃薯條配藍芝士，甜蕃薯條好有驚喜，外脆內軟，甜香四溢，再蘸上藍芝士，芝士好濃厚，是絕妙的配搭！🍠🧀最後點左西班牙伊比利亞黑毛豬胺，豬肉烤得恰到好處，色澤鮮艷，咬下去肉質嫩滑多汁，配上南瓜蓉去除油膩感，仲有椰菜花伴碟，清爽開胃！🐖👍