COBALT

營業中

休息中

今日同朋友去完大角咀，行到呢間餐廳前面比佢既環境吸引左，牆邊放滿唔同既紅酒，餐廳環境都幾唔錯，而且見到店前有個牌寫住8折，見甘抵，入面都幾多人，於是決定幫襯。辣XO醬蟹肉扁意粉味道好豐富，雖然係炒意粉，但一啲都唔乾，落左少少配料去調味，配埋鮮味既蟹肉，非常好味。海膽忌廉汁意大利飯，忌廉汁加海膽，令個汁既味道提升左，但唔會覺得膩，好creamy!烤法式羊架配薯菜都唔錯，羊架好厚，羊肉唔會太蘇，肉質鮮嫩，啖啖肉！

好日都唔會去大角咀，今次去完比我地發現到一間高質素既西餐廳推介。餐廳環境不錯，氣氛好，環境舒適。最近餐廳做緊8折優惠，成功吸引左我地入去。烤法式羊假配薯菜：羊架大大隻，烤既火喉剛好，唔會過晒火老晒或者太生，咬落口仲食到肉汁，羊肉亦都好鮮嫩，yummy!XO醬蟹肉扁意粉：配碟幾吸引，XO醬配蟹肉又幾新穎，扁意粉有咬口，唔會乾爭爭，有少少汁，都幾唔錯呀！海膽忌廉汁蟹肉意大利飯：海膽同忌廉汁混在一起，一啲都唔覺得膩，而且海膽既香味令人愈食愈上癮！

奧海城行出少少，原來有好多新餐廳😺呢間餐廳裝修比較有情調燈光暗暗地，係個傾偈好地方。蘭王蛋韃靼牛肉大推✨✨🤭真係整得好靚味道都正，係必試既韃靼牛肉，牛肉好新鮮一啲都唔腥，口感滑嫩濃濃蛋香。如果再酸啲啲會更好，多士好脆切得好靚，有少少橄欖油係上面調味。海膽忌廉汁蟹肉意大利飯 飯粒煮到剛好帶點煙韌嘅口感，而且飯入面有啲菇混合左，相對有口感。本身上面有好多海膽醬，可以自己慢慢攪拌混合，口感creamy 份量多。黑椒青檸雞翼雞翼都係誠意之作，似係用左光波爐，因為雞翼食落一啲都唔油但成隻都好脆，好用心咁樣夾住咗青檸同蕃茄仔，黑椒份量足夠，所以食落去好香。甜品方面食咗芝士蛋糕同埋啤梨撻，非常推介俾你拍，因為佢底部有好香嘅杏仁味，唔會太甜，味道好特別。

今晚我地黎到大角咀嘅COBALT食晚餐。餐廳裝修好modern，有一幅大牆櫃擺滿酒，好適合情侶拍拖食晚餐開支酒，又或者同朋友黎開party。而且餐廳內有乾坤，有一間容納廿幾人嘅 Party Room，有得唱K，又有麻雀枱🀄️，好適合一大班人收工黎玩！👍🏼👍🏼生羊肉片伴田園沙律🐏🥗第一次食生羊肉片，估唔到有驚喜👍🏼外層有燒香到，食落羊肉味濃郁，搭配田園沙律，好清新😋烤西班牙伊比利亞黑毛豬肋骨🐷豬肋骨外層烤得好可口，肉質鮮嫩，特別鐘意豬肋骨嘅醬汁，醃到豬肋骨好惹味，酸酸甜甜，好開胃！重配埋薯菜，非常推薦呢道菜😍海膽忌廉汁蟹肉意大利飯🦀海膽好有鮮味，食落幾甜，重要啖啖蟹肉，同意大利飯一齊煮，好滋味！😋

朋友推介歐陸菜西式餐廳，於是去了大角咀利德街36至38號地下1A及2G號舖Cobalt，港鐵奧運站C1出口，步行約6至7分鐘。店內環境時尚，淺藍色襯托著歐陸式的裝潢，走年輕人路線，投射屏幕掛在牆上，旁邊還擺放著一排排酒櫃，陳列很多種類的名酒，在節日或球賽時增添不少氣氛。菜譜款式有多款沙律、佐酒小食、歐陸主菜、飯類、意粉、甜品和飲料各式其式，任客人自由配搭。避風塘炸雞軟骨$88微帶小辣，雞軟骨炸至酥脆，鋪滿香脆炸蒜粒，美味可口，佐酒一流。伊比利亞黑毛豬肋骨半份$228擺盤吸睛，豬肋骨件頭十足，脂肪均勻，肉質嫩滑多汁，醬汁調味極佳，烤焗功夫一流，入口鬆軟，配上炸脆薯角，非常好味，值得推介👍焗米蘭肉醬意粉$108碟子上枱時很熱，小心燙手，看來精緻卻份量十足，鋪上厚層芝士焗至脆口，蕃茄肉醬混雜在扁意粉，意粉柔韌彈牙，非常惹味可口。

老婆想出街食lunch，於是近近哋係屋企附近兜個圈睇下有啲咩食😋，經過利得街見到間“COBALT”。之前已經知道有這間新開嘅餐廳，一直無機會去試，今日終可以試下啦🥰。Cobalt blue 顏色🔵嘅門面，加上金色🟡嘅字，顯得非常特出之餘又非常優雅🤗，店內裝潢簡約帶歐式風格😚，配搭高枱高櫈及牆上嘅畫作，令人感覺舒適休閒🥰。見到午餐Menu📔，價錢相當實惠。但因為有心水食物特別想試🥰，所以我哋最後散叫了3️⃣份食物。燒牛肉沙律配泰式香草汁 $108一上枱塊燒牛肉🐂已經好吸睛😍，牛肉燒得啱啱好，外面烤得焦香，內裡色澤粉紅肉質軟腍，牛肉味濃油脂味香😋。沙律菜🥗非常新鮮脆嫩，泰式醬汁似冬陰功混合香草，辣辣地🌶配上沙律菜特別醒胃惹味。整個沙律無論食材質素以至醬汁都令人有驚喜😋。海膽忌廉汁蟹肉意大利飯 $138飯粒煮到軟腍中又帶點煙韌嘅口感，海瞻蟹肉🦀絲忌廉汁令整個飯味甜中帶鮮🥰，口感creamy 又唔膩，好食到停唔到口😋。烤西班牙伊比利亞黑毛豬肋骨(半份) $228雖然得半份骨，但份量比想像中大🫢，豬肋骨🐖肉質軟腍有肉汁，豬肉味香加上酸酸甜甜嘅BBQ醬，特別香口好食😋。伴碟嘅薯角🥔份量同樣十分之

What a surprisingly nice and worth-trying Thai restaurant in TKT which offers good food😍 I enjoy the dinner so much !!! We ate for 2.5 hrs… so jeng 😍 Chill night with drink 🍺 We ordered one main: ribs . Juicy ! love it so much ❤️💖 😍 it is delicious! Worth give it a try 👍🏻 The raw % is just fit, perfect match with the bbq sauce. The second main is the 明太子蟹肉 spaghetti 🍝 。love the sauce so much. The crab meat is fresh . Recommend.The snack chicken wings are crispy and yummy !!! Must order dish. I

對大角嘴呢頭唔係好熟，淨係識去利奧坊附近搵野食，咁啱見到呢間Cobalt,就入去試。呢度環境好chill, 暗暗地，好有氣氛☺️ 適合同朋友黎飲下酒，chill下😂 不過我同屋企人黎，所以都係食下正餐，唔飲酒啦。店員非常熱心咁樣向我地介紹有咩菜式推介，見我同屋企人黎，仲細心介紹一D適合媽媽食嘅菜式。最後我地揀左海膽忌廉汁蟹肉意大利飯同埋祖傳五香烤雞。海膽忌廉汁蟹肉意大利飯，好creamy好多汁，唔會好乾，唔會食到好膩。店員悉問我地要唔要煮稔d,我地揀左稔d。個口感不錯，唔會太硬。祖傳五香烤雞，好中意呢個烤雞呀！非常juicy,肉質好嫩滑。雞胸都完全唔會鞋口。調味都非常好，好香。食完正餐，點左個心太軟。一切開非常流心。入面嘅朱古力漿好滑，甜度適中，好味呀🥰

呢排工作上有d煩心事，約左朋友出黎訴下苦。互相分享下d奇葩人事物咁，轉換下心情，幫自己叉叉電。所以就特登揀左間環境chill d 可以坐得闊落d舒服d嘅餐廳～店員好Nice，可能見我地生面孔，所以一入去就同我地介紹左餐廳環境先，原來餐廳裡面有間好似Party room嘅VIP房，可以唱K之餘，另一間房仲有麻雀打。咁岩最近公司話有錢俾我地做team building，覺得呢d多人聚會黎餐廳搞都幾好丫，淨係收低消，唔洗場地費。呢到都真係個好選擇。店員仲好主動同我地介紹餐牌，好好招呼👍🏻避風塘雞翼🌶️鹹香味好足，少少辣～炸到好脆😋避風塘配料超級夠😍 烤法式羊架配薯菜🥔🥦羊架烤到好香，叫左七成熟，嫩度岩岩好😋西班牙黑毛豬鞍🐷配左個芥末醬，同豬鞍好夾🤤薯蓉超級好好食！！XO醬蟹肉扁意粉🍝XO醬配意粉好特別，好似都係第一次試呢個配搭～原來都幾夾架喎！等我之後都試下自己整先🤪甜品叫左個心太軟同拖肥撻心太軟個雪糕可以自己揀味，我地揀左配expresso☕️ 呢個配搭真係好好食😋好似飲緊Mocha咁🤣個流心係偏苦嘅朱古力，唔會太膩好好食😋

朋友即將移民，找了一間近她的西餐廳，希望促膝長談。餐廳應該開業不久，隱身於大角咀的一條巷道之中店面帶點歐陸風格，顯得低調而帶點型格。蘭王蛋韃靼牛肉：牛肉他他配以酸菜同日本知名既蘭王蛋，牛肉味都無被酸菜蓋過，係一道開胃醒神既前菜。焗米蘭肉醬意粉：意粉上碟時鋪滿濃濃既番茄芝士醬，香氣彌漫，熱氣十足。意粉用左扁意粉，焗完都係條條分明，抵讚。我同朋友都好耐無食過即叫即焗又咁好味既意粉！祖傳烤雞：烤雞用左好多種既西式調味料醃製，雞肉鮮嫩有彈性，外皮香脆，切開時肉汁流落黎睇到我都流曬口水！整體黎講，係一間令人難忘既好餐廳，不論裝修還是食物都睇得出餐廳既要求同執著，絕對會想幫襯第二次，試埋佢既牛排同其他招牌菜！

同朋友慶生唔知點解總係會揀西餐，揀Cobalt嘅原因係因為近我放工，奧運站行過嚟7-8分鐘。餐廳裝潢簡約時尚，一排酒櫃既實用又美觀，食客見到都想飲兩杯，高腳餐枱夠大唔迫，傾偈好適合，作為慶生晚餐都唔失禮。餐牌上好多嘢都想食，結果叫咗五樣嘢，以為小食會好細份，上到枱先知全部都好有分量，見到成枱嘢食好滿足，最後太飽放棄咗食心太軟。炸甜蕃薯條配藍芝士炸薯條份量十足，香脆得嚟又有濃濃甜蕃薯嘅味道，加上臭臭嘅藍芝士令朋友愛不釋手，呢個組合新奇得嚟又好食炸紫洋蔥圈洋蔥圈都係份量十足，粉漿好香脆，我覺得粉漿嘅味道同平時唔同，有啲似咸水角嘅皮，美中不足嘅係有幾條洋蔥圈嘅粉漿痴埋咗一齊，朋友好介意呢點牛油果扁意粉+辣蝦因為朋友最近唔食得海鮮，餐牌上得返呢個意粉可以選擇，牛油果煮意粉對我嚟講好新奇，本身以為味道會怪，食落又唔錯喎，牛油果嘅質地同忌廉汁好夾，忌廉汁好掛麵，啖啖意粉麵夠味，意粉口感夠煙靱，好食。+38蚊有兩大隻辣蝦，朋友要戒蝦所以要求另上，我可以自私食，辣蝦但唔辣，有鮮甜蝦味，肉質彈牙。烤法式羊架羊架有兩大件，羊肉唔羶好啱我，但朋友略嫌唔夠羶，七成熟啱啱好，伴碟嘅薯蓉同蔬菜整體都唔錯。

同朋友在附近做完massage, 有點肚餓就來了呢間～ 裝修幾英倫風，幾有格調！ 開始時候唔算多人，食食吓就越來越多人啦～我地一人叫左一個主菜～ 1️⃣羊肉正常， 煎得幾夠火候，我個人好喜歡食佢既南瓜蓉， 好濃郁好creamy 🥰 比起出面餐廳既薯蓉， 佢都比較特別和少見！朋友叫左意粉， 唔好睇佢細細盤， 食落都幾飽， 佢既汁收得好緊， 所以都幾濃味， 上面仲有芝士粉添！ 上面既紫菜同意粉都好夾， 為意粉既味道提升了一個層次～總括嚟講，呢度都幾多人嚟食相當繁忙，應該都幾多老客戶經常過嚟食， 佢地同員工都好似幾熟～ 有少少老街坊相熟的感覺！ 當然我第一次來， 以外人身份觀察也覺得呢間野相當cozy。

呢晚響大角嘴附近搵食，見呢間餐廳走歐陸風，裝修亦好有情調，兩口子入去嘆個晚餐先。餐牌以a la carte為主，種類都唔少。兩個人揀咗一份烤雞、一個意大利飯同一份甜品share。 祖傳五香烤雞（＄268）烤雞整得十分香脆，入口非常惹味香口，雞肉肉質嫩滑。分量亦相當多，仲有香滑嘅薯蓉同蔬菜，兩個人share食都絕對無問題。海膽忌廉汁蟹肉意大利飯（$138）- 海膽忌廉汁好好味，入口creamy。配上蟹肉嘅鮮甜，意大利飯嘅煙韌，令味道更加提升，食到停唔到口。 特濃比利時朱古力心太軟（＄88）朱古力好濃郁，一切開入面嘅朱古力醬就慢慢流出，連埋士多啤梨雪糕一齊食，味道好豐富。特別要讚下，士多啤梨雪糕帶少少酸，仲有果肉，同朱古力醬好夾，真心好味。順帶一提，餐廳提供三款口味嘅雪糕選擇，包括雲呢拿、咖啡同埋士多啤梨味。餐廳放置巨型酒櫃，入面擺放不同種類嘅酒，以吧枱設計，環境舒服好坐，啱晒一面用餐一面飲返杯。最後要讚一讚，店員親切有禮，上菜速度好快。

去左大角咀搵食，見到呢間餐廳個menu都幾吸引，有我最鐘意食嘅烤雞，就入去試吓！餐廳座位唔算多，全部都係高枱，燈光柔和，都坐得舒服。餐廳更設有非常大嘅酒櫃，擺放左多款酒。租傳五香烤雞 $268烤雞幾大隻，而且雞胸位置去左骨，外皮煎到非常香脆，就連平時唔食雞皮嘅朋友都表示雞皮好香好食🤤雞肉嘅肉質幼嫰軟腍，仲有大量肉汁，醃到非常入味😝西蘭花同椰菜焗到夠淋，烤雞底下仲有薯蓉，入口幼滑🤩焗米蘭肉醬意粉 $108比平時食開嘅肉醬味道更香更濃，肉醬份量好足球，芝士令整個意粉食落更惹味同有層次😉意粉就用左扁意粉，口感彈牙！檸檬批 $68檸檬味道清新銳利，加了忌廉芝士令其口感柔順，酸甜嘅味道令人食慾大增☺️

今次探訪的餐廳Cobalt，外表是cobalt blue歐式建築，充滿藝術氣息。店內的裝潢設計也很有特色，牆上的掛畫和擺設都很有心思，昏黃的燈光和門口的吧枱讓人有一種放鬆的氛圍，不難發現他的餐具也是用Cobalt Blue這主調，很有心思。餐廳除了裝潢獨特外，還提供了許多紅白酒，所有酒都標示了價錢，讓顧客可以隨心選擇喜歡的酒款，透明度高，非常貼心。而且，餐廳的雞翼三味也是非常出名，其中我點了避風塘味，雞翼炸得香脆，肉質嫩滑，讓人一口接一口，而且只是$78，價錢十分超值。烤法式羊架配薯菜也是另一道推薦菜式，羊架外層煎得金黃酥脆，切開後嫩滑多汁，7成的話肉質剛好，配上creamy又厚身的南瓜蓉，令整個口感及層次都豐富了。令人驚喜的還有麻辣牛肉扁意粉，味道香辣，配合Al dente扁意粉，吃得過癮。在服務方面，餐廳員工非常友善，熱情地向我們介紹菜式，態度讓人感到非常舒服。若你正在大角咀尋找一個可以放鬆心情和品嚐美食的西餐廳，Cobalt絕對是一個不錯的選擇。