ChumChum味 (已結業)

食幾次都咁愛🥰呢間我認為係食幾多次都係咁愛架奶油芝士炒年糕 $270呢個真係食幾多次我都咁中意，而且幾個人share就岩曬，年糕唔算好辣，而且食落帶一點甜，愈食愈想食。除左年糕之外，醬油蟹(1隻) $220香港之最愛既醬油蟹，味道岩岩好，唔會過咸，就咁食同拌飯食都好好食😋泡菜蕎麥煎餅捲 $120有d似泡菜餃子🥟，但皮就感覺有d唔同,唔似好薄既感覺，泡菜好夠辣蘋果調味炸雞(半隻) $100第一次食呢個味，半隻有8件雞，食落似醋味，上面有好多杏仁片

睇完個舞台劇…心思思諗住去食韓國嘢即刻諗起尖沙咀嘅ChumChumMi……啲嘢上台失望到極點 😔其實好想問吓係咪轉咗過廚師點解啲嘢可以難食到咁個泡菜無味都算啦…因為係送嘅(心諗由佢啦）點知///個泡菜煎餅鹹到苦，仲要超油超多麵粉個部隊鍋…完全只係一個鍋，完全唔係嗰回事😖啲味道出晒事連個炸雞都可以揸到咁難食…好似食緊呢炸粉咁以前不嬲都食開呢間嘢今次食真係俾佢嚇親…心諗其實係咪連個老闆都轉埋啲菜式嘅風格完全唔係韓國嘢唔會再有下次不了不了真係好掛住以前嘅ChumChumMi

醬油蟹同超級市場買返去嘅冰鮮醬油蟹味道差唔多，雖然我係一個生食愛好者，生牛肉豬肉雞肉馬肉都食過，壽司唔加豉油照樣食，但我真係無法欣賞醬油蟹嘅味道。又唔係腥嘅，淨係我食唔出蟹味，又食唔到蟹黃有幾肥美，生松葉蟹我又唔係未食過，但醬油蟹感覺特別唔同lol一份醬油蟹會送一碗紫菜飯，食唔飽，於是一個人都叫咗成大盤牛小腸牛大腸牛心同唔知咩嘅拼盤bbq，結果發現佢係乾燒無醬。好在我自己一個食唔曬，於是打包返屋企，自己加韓燒醬，蒜蓉牛油醬之類分幾日食，超級好味😭特別係牛大腸焗到外面微微燶，入面油脂化開，好味到痴線。不過食完呢餐短時間都唔想再食韓燒拼盤了。價格一般啦，牛拼盤太多唔想食嘅嘢，但5xx，醬油蟹2xx，一個人食飯埋單8xx有啲貴

一段時間無出去食韓食～喺尖沙咀搵到呢間chum chum味，食埋呢餐韓餐，下餐飛去韓國吃吧！窗邊打卡位，靚靚地磚🤩食韓國菜一定有醃菜：泡菜、芽菜、 茄子、 翠肉瓜，泡菜辣度比較mild，不嗜辣的也能吃～食物份量唔細，好彩就住嗌～韓牛牛小腸肥腸拼盤 $580個鍋係有爐keep住煲～入面有韓牛～又肥腸又小腸，肥腸就真係肥咗啲，辣辣地湯底，味道唔錯，夾埋芽菜，我諗起毛血旺😝奶油芝士炒年糕 $270個名叫芝士炒年糕，但勁豐富，飯卷、紫菜卷、炸蝦、炸餃子，魚糕～個汁甜甜辣辣，開胃👍🏻醬油蟹 $220/隻其實我係第一次食，因為我唔好蟹⋯帶著懷疑嚐一口～鮮甜！配埋碗白飯～正

呢晚想食韓國菜，上網搜尋時發現尖沙咀chumchum味風評唔錯，同朋友book位試下！平日嘅晚上，座位都差不多坐至九成滿另外好多人都有提醬油蟹 好好食～醬油蟹$220 跟紫菜飯 友人都喜歡食醬油蟹，表示呢度嘅醬油蟹算係多膏，色澤鮮明，醬油味唔會好咸，肉質鮮甜～雙併炸雞 $180 2款口味4款中 揀左蜂蜜醬油 & 大蒜醬油口味炸皮唔厚，雞肉嫩滑多汁，不過兩款味道都唔算好大分別，整體都係好食嘅菜包肉 $240 份量十足，好岩幾個朋友點黎share嘅一道～菜式，店家除提供醬汁、韓式前菜、生菜包肉外，比較特別有提供娃娃菜，生食娃娃菜都算第一次烤牛肉飯捲 $65呢道嘅韓式飯卷非常足料，醃牛肉醬汁好夠味道，亦有好香嘅麻油味，值得一叫

今日走進一間朋友唔推介 我就miss掉嘅韓式餐廳 chumchum味, 原來都有幾間分店～想不到在尖沙咀巷內勁多韓國人在內用餐提供韓式配菜有3款醬油蟹 $220/隻 跟一碗紫菜飯 我超愛食醬油蟹，以價錢來講都算抵食，蟹膏豐盛，味道鮮味甘甜！ 好似食緊海膽甘，唯擺盤方面較平實！烤牛肉飯捲 $65最中意韓式醬汁醃牛肉味道，而且多肉小米飯，大滿足！雙併炸雞 $180/任選2款口味蜂蜜醬油/大蒜醬油口味份量十足, 熱辣辣 好juicy菜包肉 $240烤過五花肉配泡菜辣醬包住生菜食，超爽！成餐飯3個人都食得超飽足！

朋友介紹隱世韓國餐廳⋯⋯果然冇介紹錯入到餐廳暗暗的燈光好有feel地下嘅階磚都好有特色有四小碟前菜泡菜辣度好啱食茄子、芽菜、脆肉瓜醬油蟹一隻$220嚟到梗係上機食先，一見到呢碟醬油蟹，大家味蕾充滿力量急不及待，兩個人都向住蟹膏進發，哇⋯⋯超級好味，醬油味、蟹膏味，真係冇嘢講好鮮甜味⋯⋯配埋白飯，簡直無憾，本身諗住一碗白飯大家分，但係原來醬油蟹配白飯係好好味，所以我哋叫多一碗白飯令到呢間韓國餐廳，記得必試醬油蟹🦀🦀🦀韓牛牛小腸肥腸拼盤$580呢個拼盤包含牛小腸、牛大腸等等喺出邊淨係食到普通牛嘅部位，呢間韓國餐廳，居然有牛嘅其他部位比客人品嚐，等我認識下牛小腸牛大腸，其實都幾好味，原本諗住好肥膩，但係拼盤裏面仲有芽菜等配料，咁樣就令到呢個拼盤冇咁嘅問題奶油芝士炒年糕$270首先，我以為淨係炒年糕，點知上枱原來咁豐富，有薯條、炸蝦、壽司、紫菜卷、餃子、煎蛋等等炸蝦、餃子都係脆卜卜⋯⋯熱辣辣，絕對熱辣辣上枱，年糕煙煙韌韌，薯條配奶油汁，絕對美味，仲有八件壽司，今餐我絕對滿意、滿意、滿意返到屋企，忘不了醬油蟹🦀🦀😆😆已經約咗朋友下星期再嚟，順便可以試其他食物

一向愛食蟹，醬油蟹只係首爾食過，因玻璃肚，在香港不敢亂食。見這店甘多人讚其醬油蟹，便試試，現四天多都無事，才寫這文。間舖有點難找，幸座位都算寬廠。先送上的是三款前菜及泡菜，份量十足，味道也不錯。主角醬油蟹，蟹膏份量很多，一口咬落去，蟹肉很滑、蟹膏很香，混合香香的醬油味，實在很好味，再配上紫菜麻油飯，實在令人食到停吾到口！連我這戒飯及澱粉質的減肥人士，都清晒整碗飯！另外叫了個韓式辣豬手，我個人幾喜歡，很肥美及辣辣的，幾多皮及骨膠原，但若想食肉或吾太辣得的可能叫其他款豬腳會較適合。另叫了個ChumChumMi沙律，味道一般。總括來說，醬油蟹味道幾好，食完也無不適，有機會要再來食醬油蟹及其他蟹。

又到食蟹的季節！友人介紹了一家正宗的韓國料理餐廳，今晚決定一試餐廳位於小巷裡，位置並不易找，來這隱世地方的都是懂韓國菜的食客有室外花園或室內選擇，戶外用餐區域可供客人抽水煙或呼吸新鮮空氣店內以石灰牆配馬賽克地磚、工業風燈泡，裝潢格局仿如韓國小酒館，簡約時尚店家將窗台邊的空位都變成座位，再加上室外的多人長檯位，座位挺多免費前菜除了泡菜以外還有三小碟泡菜爽脆微辣，吃完可再添加開胃的韓式前菜有蜜芋頭、醃青瓜及糖蓮藕片酒逢知己千杯少！先來一瓶初飲初樂，口感醇厚，酒香清新！酒杯還是冰要是冰過的主角招牌醬油蟹醬油浸滿整隻蟹，蟹膏很多，蟹肉味道清甜將紫菜飯飯加進蟹蓋內與蟹黃一起伴吃，滋味無窮，歡怪這道菜色又名「白飯神偷」 吃完生冷食物，要吃一些暖胃的嫩豆腐海鮮辣湯！挖一匙白飯泡進辣豆腐鍋裡面，讓湯汁浸滿飯粒，再一口吃掉，每一口都讓人直呼過癮

呢間地點比較隱蔽嘅韓國🇰🇷餐廳，近尖沙咀P3出口。餐廳外圍比植物包圍住，有室外和室內位置。一坐底，店員已經給我們前菜，醃製椰菜、青瓜、芽菜和泡菜。泡菜驚喜到我，唔會太辣或太酸，連大白菜都好爽好fresh嘅感覺👍🏻👍🏻🧡醬油蟹 （1隻） $220太耐冇食過醬油蟹，二話不說就即刻點咗😂😂😂醬油浸滿整隻蟹🦀️，雖然唔算好大隻，但都多蟹膏，蟹肉味道清甜。個人覺得醬油鹹咗小小，但男朋友又覺得味道剛剛好😂😂我再將蟹殼嘅啲蟹膏撈落紫菜飯一齊食，味道就剛剛好🧡牛排骨湯 $130本身以為唔辣，但食落原來係係辣辣地🌶但湯好足料，牛排和配料都夠入味

醬油蟹係我一直想試嘅韓國菜，加上屋企人未試過韓國野，所以今日就去尖沙咀依間餐廳試吓先😁餐廳位置唔算明顯，但係都有指示牌指示，所以都好易搵到👍重點係泡菜同漬物可任食🤩醬油蟹 🦀第一次食估唔到味道係咁，醬油味足，生蟹肉味咸中帶甜，蟹肉好飽滿而仲有蟹膏，配埋白飯一齊食好正奶油芝士炒年糕🥘食落辣辣地而且都好奶油芝士味，唔單止有年糕仲有煎蛋、炸蝦、粉絲卷、餃子🥟、薯條🍟同紫菜包飯添，好豐富呀，撈埋醬汁一齊食味道唔錯幾回味👅人蔘雞湯味道略啖，但用料十足，雞肉肉質軟荏，雞腔內仲有米飯，食左幾啖發覺味道好差，仲有一碗白飯包你夠飽🫃整體來講，食物質素唔錯，環境都舒服，只係不懂英文就有少少麻煩，因為店員主環用英語溝通

難得今日約左朋友們聚舊，就揀左一間位於尖東站附近嘅韓國菜，當去左一次韓國🇰🇷 不過門面有啲難搵，好彩後行都有指示牌教點去醬油蟹 $220 🦀賣相唔錯，蟹肉好鮮甜，啲醬油甜甜地，連埋大大啖蟹膏配合埋麻油紫菜飯，真係冇得輸，餐廳仲好細心咁比埋手套我地，方便我地食🥰CCM Signature Gimbap $80 🍙個紫菜包飯味道同出面果d 差不多，但勝在材料好足，滿滿嘅牛肉配合埋其實配料食落真係好滿足炸醬麵 $132 🍲炸醬麵熱辣辣,，麵質就煮得淋左啲，食落去口感就差左啲，不過就勝在熱辣辣，麵都好掛汁，如果硬身啲會更好😅環境都坐得舒服，不過如果附近有人燒烤就會嘈啲，未必可以好易傾到計

🖤黑白配⚪️成餐飯嘅experience都有啲失望，首先所有食物比預期中差，然後我哋坐室內成餐飯都好似去咗酒吧咁勁嘈🥲同朋友傾偈係要大聲講嘢，所以食完我哋都冇坐好耐嗱嗱臨走不過見佢有個室外位置幾chill嘅蜂蜜醬油炸雞(half) $100半分嘅份量四人食都足夠，但啲雞唔太出色😟都幾鞋同乾 有啲失望醬油蟹(1隻）$220一隻蟹配一碗紫菜飯，蟹肉唔算腥但蟹膏唔係爆曬嗰隻！食到最尾咸左少少🤏 性價比唔高泡菜煎餅 $110好咸，泡菜味唔出，而且個薄餅煎得好厚，食落口好似食緊一團麵粉咁奶油芝士炒年糕 $270年糕係一條條好似烏冬幾搞笑，另外有啲飯捲、炸蝦薯條、炸餃子等等浸係啲醬入面，啲炸物其實已經淋晒，成個配搭都有啲奇怪，但個醬汁辣辣地都幾惹味食食吓飯有客人生日，餐廳仲幫手熄晒全場嘅燈捧個蛋糕出嚟同佢慶祝幾貼心，但係熄燈嘅時間都幾長起碼三四分鐘，如果你想食嘢係完全睇唔到啲食物😂😂

今日收工來到呢間隱世韓國餐廳主要係因為真係要搵左陣先知大門位置如果唔係朋友介紹都真係好難會搵到餐廳環境氣氛幾好與外界隔絕感覺去左另一個地方四個人叫左一隻醬油蟹奶油芝士炒年糕泡菜蕎麥煎餅捲半隻蘋果調味炸雞呢次係我人生第一次食醬油蟹食之前一直都覺得蟹應該要熟食先食得出鮮甜味道但原來生食個感覺都幾鮮甜可能因為配合埋醬油處理啦而醬油味唔會太重唔會蓋過蟹嘅味道泡菜蕎麥煎餅捲外皮煙韌彈牙材料爽脆幾特別而蘋果調味炸雞醬汁食入口唔似蘋果味反而有少少似烤鴨醬味酸酸甜甜幾開胃肉質就視乎部位脾位就好嫩滑奶油芝士炒年糕年糕吸收左個汁入口先有一種甜甜地既芝士味道慢慢就再有一種辣辣地既感覺一般食唔到辣嘅就真係要注意因為呢個菜式嘅辣係慢慢先嚟呢碟其實真係幾豐富入面又有紫菜飯卷又有少少炸物感覺就好似一個巨型小食併盤咁個份量真係夠哂4個人食

今日放工，好想食韓國嘢，朋友介紹食呢間好有韓國風味嘅餐廳。地點其實好近地鐵站，但係比較偏僻，唔響大街，要經過個巷，但就係因為咁樣，有種隱世嘅感覺🥸餐廳入邊大部份都係韓國人，連員工，食客都係，真係有種去咗韓國嘅感覺👍🏻而家冇得去旅行，一解思鄉病🥹🍴 醬油蟹🍴醬油蟹都算大隻，好多膏，個醬油偏甜，完全係白飯小偷，略嫌有少少未完全融雪，但放在熱嘅白飯上面，都唔係好覺嘅😝🍴蜂蜜蒜蓉炸雞拼原味炸雞🍴佢係原隻雞斬件，所以比較大份，蜂蜜蒜蓉味好入，炸粉唔厚，外脆內嫩👍🏻另外仲有旋片，夾埋一齊嚟食，好香。朋友比較喜歡蜂蜜蒜蓉味，我就比較喜歡原味，唔算好單調，有少少辣嘅胡椒味，好足夠😍我哋兩個女仔，食呢兩個餐都完全覺飽，仲要食淨，食物好大份，性價比高👍🏻