ChumChum味 (已結業)

最近和友人很想去吃韓式料理，聽有人推介位於尖沙咀的ChumChum味，說這裏的食物物超所值，而我也抱着期待的心態進入了這間餐廳。不得不說這間餐廳的選址相當方便，從地鐵站上地面只需1分鐘便能到達餐廳。進入了餐廳的環境我覺得很有韓國餐廳的特色，而且其他顧客也有一部份是韓國人。我們決定了吃炸雞，豬肉湯雜菜煲，以及本人最喜愛的醬油蟹，醬油蟹需要相當新鮮的蟹才能夠製造出來，所以該餐廳的海鮮質素絕對很高，而我食用後也覺得醬油蟹相當好吃。蟹的肉質很鮮甜而最後醬油在拌白飯也相當香口，而且炸雞也炸得不錯外脆內軟，而韓式的壽司也相當不錯，壽司入面的餡料也很足夠，誠意推介大家來吃，保證絕對不會令你們失望！！！！！！

又到左十月食蟹嘅季節, 所以今晚小妹就約左兩個好朋友一齊拆蟹🦀 港式蟹食得多, 韓式嘅蟹小妹真係好少食, 今次朋友特登揀左E間專食蟹嘅韓國餐廳試下! 餐廳環境算大, 坐得幾舒服, 食物選擇繁多, 淨係蟹嘅煮法都有好多種, 生食又得熟食又得😊! 前菜小食前菜有韓國辣白菜, 辣芽菜, 辣茄子同炸蓮藕, 泡菜微辣爽口, 岩哂唔太食辣嘅朋友仔! 酸蘿蔔味道酸酸甜甜, 口感爽脆好開胃!什錦炒粉絲粉絲炒得幾香, 夠乾身, 唔會太濕一餅野咁, 口感彈牙煙煙韌韌, 味道唔辣口味比較清淡, 小妹個人覺得加左泡菜落去更惹味😋!蒜蓉調味炸雞🐔（半隻）蒜味幾濃, 表面有層甜甜地嘅蜜糖🍯, 炸雞炸得幾脆, 咬落去熱辣辣出哂煙, 肉質幾juicy而且唔嚡口, 味道唔錯!紫菜飯卷飯卷味道正常, 份量幾多, 而且件件都幾足料!調味蒸梭子蟹🦀講到食蟹, 小妹覺得清蒸係最佳嘅烹調方式😎, 因為最能保持肉質嘅鮮甜而且原汁原味😋! 梭子蟹有兩隻而且肥美膏厚, 蟹蓋鋪滿左飯, 飯質軟熟帶有蟹嘅香味, 撈埋蟹蓋入面嘅蟹膏一齊食十分正! 蟹肉好嫩而且鮮甜多汁! 除左蟹蓋, 蟹身一樣好多膏, 口感豐腴, 細膩綿密, 入口慢慢融化,

去到尖沙咀呢間比較隱世，喺行仔入面嘅韓國餐廳店員都係用英文招呼客人嘅，入到去發現有好多外籍客人佢呢度大部分嘅韓國菜式都應有盡有，我同朋友叫咗一個招牌嘅紫菜飯卷，即係kimbap入面嘅材料好豐富：有肉，有菠菜，有紅蘿蔔，有蛋，有魚糕，有醃蘿蔔，仲有芝士！食落口感爽脆得嚟，味道濃郁最後上面都唔孤寒咁灑上大量芝麻，令到本身已經有麻油香味嘅飯捲更加香今日晚餐嘅重頭戲係蒸梭子蟹 第一次聽呢隻蟹嘅名，係韓國空運過嚟嘅蟹 兩隻大大隻，清蒸嘅味道加上少少青蔥同埋蒜鋪底，食到原汁原味蟹蓋加上一啲紫菜拌飯，同樣攞去蒸，分量真係好巨型，唔怕唔夠飽一擘開就發現勁多蟹膏，啲膏係軟膏狀態 ，黃膏黃油食落好香蟹殼入面都有一啲硬身嘅蟹膏，同飯撈埋一齊食簡直就係絕配

好耐無食過正宗嘅韓國菜！朋友推薦我嚟呢間食，由韓國人主理，仲有少見嘅梭子蟹。 環境地理位置有少少難搵，同另一半唔熟路，由後面入咗餐廳，入到餐廳比我真係有d去咗韓國餐廳咁，d隔格裝修幾有feel。免費前菜梭子蟹火鍋 $400(medium) 比較少食呢款蟹，係香港唔係食花蟹就奄仔蟹，再唔係大閘蟹，見到係梭子蟹一於試下，由於即叫即製，會等耐少少。湯頭加咗辣椒、辣粉、瓜類，飲落去清得嚟辣辣地，帶蟹鮮味，而Medium有2大隻蟹！一隻勁大隻！而且每隻都勁多膏，我本身雖然唔算係蟹膏愛好者，但火鍋煮熟哂，咬落好有彈性而且絕對唔腥，呢款梭子蟹啖啖肉！蒜蓉調味炸雞 $100(half) 估唔到半份都咁多！有10件左右，開頭仲怕係店員聽錯落咗全份，原來真係半份都有咁多，見到人哋order全份仲大兜！炸皮唔厚，好少皮肉分離嘅情況，不過略為炸耐咗時間，肉質可以再嫩滑啲，醃味亦可以再濃啲，不過真係抵食！總括然而，估唔到尖沙咀都有咁抵食嘅正宗韓國餐廳，難怪平日晚上餐廳入座率都咁高！附：餐牌參考

無得去旅行對於勁鐘意韓國料理既我真係覺得好難受😣雖然香港好多韓國餐廳，但講到比較正宗既餐廳🍴真係比較少好多都係配合番香港人味道既港式韓國菜，雖然會比較岩我地胃口👍🏻但我有時都會想食番啲正宗啲既韓國菜，等我止一止對韓國既思念😭😭😭所以今日放工同朋友黎左呢間食，老闆係韓國人佢送錯左菜黎我地枱西自覺爆左句韓國😂平日晚餐時間，唔算多人但入面有一半睇落都似韓國人應該係熟客，好似我地隔離枱咁都係韓國人抱住bb同侍應用韓文傾計👩‍👧餐廳環境暗暗地，感覺幾chill我地坐得都舒服😌傾住食好開心🥳餐廳選擇都幾多，由韓國小食到主食，飯、都、火鍋🍲等等 到燒肉、炸雞、梳子蟹全部都有👍🏻因為選擇好多，我地花多眼亂仲揀緊既時候上左水同前菜呢到既水好特別，似係用左啲果實浸過既水飲落有好微既香草果實既味道，幾有心思🤗但我問侍應佢話係普通水😂前菜都有4款，款式同份量都唔錯左上係芽菜，醃得唔錯，夠味，辣醬幾香👍🏻中間係醬醃茄子，比較少見，入口肉質幾厚實，微辣右邊係炸蓮藕，凍左但都還算香口😚泡菜味道唔錯，夠出，辣味夠香但唔會太辣而且我個人鐘意呢種偏濕既泡菜🤗韓式炒粉絲經典韓國菜，自己煮總係差咁啲係呢到食完全係韓國既味道！

從未食過醬油蟹，一直都很想試， 因為喜歡食海鮮，而這個韓國菜亦很出名。香港大多的韓國餐廳都是做炸雞、家常菜、韓燒等等， 想食醬油蟹便要特登去找了， 而這裏面便有我期待已久的醬油蟹。如一般的韓國餐廳， 這裏也有提供前菜， 不單有泡菜、沙律還有比較特別的咖哩味蘿蔔絲。 味道不錯，refill咗幾次。醬油蟹($220)外表非常吸引，而且很大隻，蟹膏滿瀉，而顏色是蛋黃色， 證明是新鮮的。 初頭很怕腥臭味，因為醬油蟹始終是生蟹，但食落完全沒有腥味， 反而有醬油的甜味和蟹的鮮味， 蟹膏濃郁， 將紫菜飯混合蟹黃一起吃一流。烤牛肉紫菜飯卷($65) 份量頗多， 一件飯卷差不多有一半都是烤牛肉， 很下本。辛辣麵($80)是基本菜式， 當然還有雞蛋、冬菇片和大蔥。

今日同Helen嚟到呢度，早兩日食完和他食完君悅酒店，當然可能有少少落差，但呢一間韓國嘅餐廳，係適合日常幫襯當日唔係太肚餓，我就一定要試吓，醬油蟹因為食醬油蟹就知道嗰間餐廳去到邊度，炸雞方面呢如果亂啲就好好多但都係好好食嘅放心最精彩應該係講人蔘雞湯作為一個食家我都成日食啲味菜，食到都滑晒但大家真係可以叫來試吓，你就知道嗰個程度去到邊，雞同湯好明顯係分開煮，總之叫黎食啦保證好食！歡度了一個晚上，非常感恩

🌕Hello 我係Moon🌕尖沙咀真係一個充滿多國美食嘅地方，😂無論係咩國家嘅嘢食都可以喺尖沙咀搵到，🤣今日聚會就決定食韓國嘢食，😤上網搵到依間好地道嘅韓國餐廳，☺️出咗地鐵站好快就已經餐廳！😍坐低冇耐就已經有前菜享用，🥰我好鍾意呢度嘅泡菜酸酸辣辣好開胃！😚呢度嘅選擇都幾多，😇依度會會有醬油蟹食，☺️我咁鍾意食蟹當然要試吓佢嘅醬油蟹好唔好食啦，😜我之前喺韓國食過將由蟹真係一試難忘！😋另外要咗半份炸雞😍同埋豬肉湯火鍋！🤩醬油蟹真係大大隻，😋而且蟹膏好多，入晒味，😛好有韓國嘅味道，🥳真係好好味，😋醬油蟹膏真係好香，🤣剩返低嘅醬油蟹汁可以用來撈飯😇，撈飯食又係另一種感覺，🥰真係好高層次嘅享受，😍依種嘅配搭我都係第一次喺香港食！😗佢嘅炸雞真係做得好好，🥰外脆內軟而且真係即叫即炸，😍個皮好脆入邊嘅肉好新鮮好嫩！🤪豬肉火鍋真係好大份，🤩同朋友share一齊食足夠有餘，🥳豬肉嘅份量真係好多好多，😏如果你鍾意食豬肉你一定會對依一味菜好滿意，🤓豬肉火鍋嘅湯底係真係好好飲，😋我哋最後將成碗湯都飲晒，😚真係好香！🤣呢個豬肉火鍋有唔同嘅豬部位，🥰每一件豬肉都係大大件，😍食落口真係好滿足！😗🌕MoonMoon對依間

好耐冇食韓國菜，就同朋友去尖沙咀呢間韓國餐廳食晚餐。餐廳好大間，入面既環境好靚好舒服！一坐低就有前菜可以食，呢啲韓國既前菜係我既至愛，好開胃！我地點左調味炸雞，估唔到全隻炸雞份量好大，四個人食都夠食啊，超抵食！炸雞好香脆，而且個調味超好，勁惹味，係勁正宗既韓國味道！另外點少得醬油蟹呢，呢度既醬油蟹醃得好入味，而且仲要係超多蟹膏，勁吸引，蟹肉好腍，入口即溶，正！冷麵都係我既至愛，呢到既冷麵好彈牙，配埋refreshing既汁簡直係一流啊！呢個海鮮韮菜煎餅都好好味！

自從睇完愛的逼降 就心心念想去韓國食炸雞同飲啤酒，可惜疫情爆發之後都無呢個機會。呢間鋪頭既店員都唔係本地人，要用英文點菜。前菜餐牌食物選擇非常多，我地心大心細諗左陣，最後決定試下呢啲。醬油蟹（$220）超多蟹膏！醬蟹的口感都幾清爽滑嫩，配上濃淡適中的醬油味，好幸福既感覺～調味炸雞（$180）全隻呢度既炸雞炸得外皮超級香脆,但雞肉又保持到鮮嫩同多汁，就算好邪惡都忍唔住食左4、5件。不過如果早知全隻有咁多件，我地應該會叫半隻算。我地4個人都食唔晒咁多。韓式韭菜煎餅（$140）同冷麵（$110）吞拿魚紫菜飯卷（$65）

同朋友嚟尖沙咀食韓國菜，揀咗呢間「寵寵味」唔知係咪咁讀 先上嘅係appetiser：有一碟泡菜同埋啲前菜泡菜好高質，辣得嚟又夠爽口，唔會太鹹或者太酸，好少有韓國舖頭有咁啱口味嘅泡菜食，食到我哋「索索聲」，之後仲問店員再添 小食有三款：一種係醃蓮藕，一種係甜洋蔥燈籠椒，最後係通粉沙律相比起泡菜，呢幾款就相對失色 本身張枱已經放滿前菜嘅小碟，喺我哋落完單之後，店員再拎多兩碟過嚟有炸雞必備配菜：醃蘿蔔，椰菜沙律，同埋原味嘅炸雞醬亦都有煎餅嘅醬汁，發現韓國人真係好喜歡食嘢醮醬汁寫 熱辣辣嘅泡菜煎餅切好8份，建議放涼少少先至夾起，否則會好痴下面嗰張牛油紙 泡菜好香爽口，食落邊邊又夠脆口，相信係高筋麵粉嘅作用！ 炸雞方面，我哋叫咗half-half半份係蒜香醬油口味，另外半份係原味兩份炸雞都係好高質素炸到好香又好脆，普通連鎖店嘅炸雞絕對冇得同佢比 原味嘅雞就咁食已經好香口，食得出啲油係新鮮嘅，唔會有油抑味而且雞肉嫩滑多汁，配搭埋佢哋嘅韓式甜辣醬，食過唔停口

作為一個韓國美食嘅愛好者，我成日都會同朋友去尖沙咀周圍揾正韓國野食。今次我地又去到尖沙咀呢間韓國餐廳，雖然佢位置唔係韓國街，但都唔會太偏僻，食物質素都非常好！餐廳有提供燒肉同埋各款韓式美食，因為我同朋友怕熱氣，今次就無選擇去食燒肉，個如果有鍾意燒肉嘅朋友仔都可以不妨試吓，價錢亦都唔會太貴。餐廳非常之貼心，係我哋仲睇緊menu嘅時候已經為我哋準備咗小菜。我哋首先叫咗一個醬油蟹，因為曾經喺韓國食過醬油蟹，對佢嘅味道念念不忘。估唔到香港嘅韓國餐廳都可以做到一樣嘅水準，你可以見到蟹膏十足，亦都唔會有腥味，好好食。蟹蓋上面嘅蟹膏，撈埋飯一齊食，再加啲紫菜同豉油，簡直係Perfect match！因為我一直都好鍾意食韓國嘅煎餅，今次就試一試呢間餐廳嘅泡菜煎餅。唔好睇佢細細份，就算我哋幾個朋友一齊食都好足夠。餅煎得十分之香脆，泡菜味道濃郁，咬落去煙煙韌韌，啱晒我口味。另外我哋再嗌左個招牌紫菜卷飯，卷飯嘅材料10分充足，有芝士，雞蛋，牛肉，酸蘿蔔。不過佢嘅味道會有啲辣，如果怕辣嘅朋友仔要小心。煮食方面我哋叫咗個韓式冷麵同埋一份蒜味炸雞。冷麵湯底冰涼帶點酸味，冷麵咬落去煙韌，可以為大家消下暑。另外值得一

自從轉左公司，一直未有機會出黎同Friend食飯今日嘅飯聚，真係得來不易😂朋友帶我黎尖沙咀呢間「Chum Chum味」話哂我係尖沙咀縱橫咁耐都吾知有呢間韓國餐廳嘅存在，真係失敗🙈.呢間係間幾富有韓國地道氣氛嘅餐廳服務員吾識講吾識聽廣東話只係識英文同少少普通話🤣.主打各款韓式菜款招牌係韓國直運嘅梭子母蟹所以首當其衝，我地揀左佢嘅招牌菜啦😎.🥢梭子蟹火鍋。M 美味指數：🌕🌕🌕🌕🌗第一次食韓式辣蟹火鍋，未上枱已先興奮😂「Chum Chum味」所選用嘅梭子蟹全都係由韓國直運到港加上韓國師父親手主理，即使去吾到韓國都可以食到正宗韓式味道😎特別值得一提嘅係，選用出名肥美蟹黃嘅母梭子蟹每鍋都有兩隻大梭子蟹架！最岩2~3人齊齊Share👍蟹肉潔白晶瑩，肉多而又嫩滑鮮甜連蟹黃都好多！隨伴住火鍋，仲有大量配菜如芽菜，嫩豆腐，白蘿蔔等湯底係泡菜湯底，酸酸辣辣，愈食愈開胃😎PS. 火鍋底下係火爐，Keep住溫度咁食🔥.🥢板腱肉 美味指數：🌕🌕🌕🌕🌗除左蟹，其實餐廳仲供應燒肉架！由於我地嗌左火鍋，店員會幫我地燒埋再拎上枱板腱肉係牛隻嘅肩胛肉肉質緊實又帶點脂肪口感細嫩多汁又有嚼勁香烤後，牛肉特別濃郁，值得一食

環境：👍👍👍👍服務：⭐️⭐️⭐️⭐️⭐️味道：😍😍😍😍😍影相：📸📸📸📸📸Encore:98%📝進入前要度體溫 ➖➖➖➖➖➖➖➖➖➖➖➖➖➖➖踏入繁忙嘅9月日日都要OT，真係忙到一頭煙🤦‍♀️雖然忙碌但都要陪下老媽子出去食餐飯，孝順下佢🥰.原定計劃係去尖沙咀食日本菜點知一出地鐵站口，就落緊滂沱大雨為左避雨，我地行左去呢間吾起眼嘅港匯廣場🙈係廣場入面，原來隱藏左一間隱世韓國餐廳見環境吾錯，又好有韓國Feel於是就臨時轉軚啦🤣.🔸梭子蟹火鍋。Medium $400其實，食親韓國菜都不外乎炸雞，紫菜卷，燒肉等呢間嘅主打竟然係梭子蟹煲，真係幾特別！梭子蟹有多種食法有火鍋，湯煲，蒸蟹同生蟹由於落雨有D涼，我地揀左梭子蟹火鍋食完即刻暖笠笠💕一煲蟹火鍋，堆到成座小山咁高可見材料絕不手軟🥳隻隻梭子蟹都有蟹膏，肉質細嫩又潔白最緊要係肉多又肥美😋配上火辣湯底，酸辣惹味又開胃😘.🔸辣椒紫菜飯卷 $60紫菜卷真係食韓國野必食嘅小菜紫菜卷包住滿滿嘅配料如豬肉碎，芝士，魚腐，醃羅蘿等靈魂材料係墨西哥辣椒食落口感勁豐富同真係好辣😂吾食得辣嘅你，建議避開佢啦🙈

突然好掛住韓國菜特別係醬油蟹於是約朋友一齊試下chumchum味位置好近尖東P3出口 算方便叫左醬油蟹一隻 $220調味炸雞 半隻先講韓國菜必有既前菜好鐘意佢既泡菜好入味又爽又夠辛辣 食唔停口仲有粉紅色既酸蘿蔔非常開胃炸雞 半隻原來都已經好多兩個人食岩岩好香脆橙紅色外皮 有薄薄既汁熱辣辣 肉質好嫩滑真正外脆內軟 高水準之後到主打醬油蟹必叫白飯加埋 醬汁 紫菜一齊食 人間美味佢地既醬油蟹非常多膏好入味 就咁食好享受鮮味無窮我見除左醬油蟹 仲有好多蟹既菜式可惜今日得兩個人食唔哂 要下次再黎試埋其他蟹整體黎講環境舒服 食物質素高服務好 真心性價比高