ChumChum味 (已結業)

好耐冇食過韓國蟹油蟹，係openrice 見到呢間尖沙咀既韓國菜有醬油蟹，就同朋友卜左夜晚黎食，星期五特別多人，安排左我地係室外坐，但係係室外既油煙都幾重下，所以我地都冇坐太耐，食完就走。叫左三隻醬油蟹 share 食，蟹膏都幾多，隻蟹唔腥，配埋紫菜麻油飯，撈飯真係一流！好掛住去韓國旅行既時光炸雞（半份），雖然話係半份，但份量都真係好多同好飽，食落好香口，不過食多幾件就會有 d 油膩配埋桃子米酒，好香甜入味，配炸雞可以解下油膩感，仲好大壺添。肉類方面揀左牛同豬，可以揀比廚房燒好定自己燒，揀左比廚房燒好再上菜，廚房燒都燒得唔差，燒肉味香濃，唔錯！海鮮韮菜煎餅，煎餅得泡菜味同海鮮味揀，外酥內軟，值得一試

之前見好多人推介過，但係一直都冇去，前排心血來潮想去食，就同frd兩個人book左去呢間chumchum味，位置就真係好難搵，行過經過都唔會為意，係一條巷仔入面，同frd兜兜轉轉好耐先搵到，Miss左超多次呢條巷仔，大家去既話真係要比d心機去搵路，Anyway，最後係遲左去到既，但係店員都比我地入座，成間餐廳既侍應都係講英文，餐廳入面環境望落就真係一間樹韓國嘢既餐廳，外面就酒吧feel，有🛋️，仲見到隔離檯shisha，由於入面太侷促，所以我同frd就揀左坐係出面。

因為想食韓國嘢 就係OpenRice求其求其搵咗一間😂 呢間舖頭個位真係有啲難搵 門口雖然好細 但估唔到間餐廳係full哂～豬手 $240本身一上到黎係凍凍地 而且下面亦都冇得reheat~ 最後我哋決定叫放個爐加熱～ 熱食好好食！ 味道唔好咸 豬手好淋！醬油蟹(1隻) $220唔係蟹季節真係唔好嗌醬油蟹🤣 真係一啲蟹膏都無🤭 不過佢個醬油幾好！ 唔會話係得個咸字！配埋紫菜飯！ 勁好送飯😂原味炸雞 $170見到有人食好似好吸引所以都忍唔住嗌一份！ 原味真係無乜味～ 佢有配少少辣醬比我地 自己可以點辣醬或者加泡菜一齊食 會無咁dry😂 不過啲雞肉真係好乾 唔係好推薦原味炸雞

今次唔食服務，試下新野，聽人講左呢間係後巷嘅韓國餐廳，搵左好耐知佢叫『ChumChum味』，地點都幾難搵，人人都去左摩地道，不過其實係赫德道見到JAGGER個牌行入去就係！呢間最正係，可以一邊食Shisha一邊食！應該全香港都無韓國餐廳可以，唯一Chum Chum Mi有！今次試食佢地嘅特式菜『醬油蟹』及『排骨餃子』，『醬油蟹』有跟飯上，不過就要自己撈喇，可以逐隻點，蟹好甜汁一點都唔咸，可以俾90分！『排骨餃子』韓國有名傳統美食，不過佢用火熱住上，有少少香煎感覺，平時一般都係用湯上，呢間做得特別出色。重點推介： 米酒配炸雞珍 絕配！米酒6度左右甜甜的，女生超愛，好似點飲都唔醉，配上有咬口炸雞珍，好食過配薯條！哈哈！ 最後飲左10支都有！其餘點左炸雞、泡菜煎餅、冷面、飯卷等等。 炸雞有一般，因為佢地係無韓式辣醬或甜醬點，只有香辣粉，感覺即時有點失色了！

難得放長假，但冇得去旅行，唯有食正宗韓國人開嘅韓國餐廳回味下先✨餐廳環境闊落、唔會太嘈、氣氛良好，適合三五知己一齊小聚一番👭🏻👭🏻🍽醬油蟹🦀 配飯🍚餐廳選用韓國梭子蟹🦀蟹肉鮮甜嫩滑，輕輕一吸，就能食到蟹肉，非常之方便💪🏻加上醬油咸中帶甜，送飯一流😆🍽海鮮嫩豆腐湯🍲材料非常之多， 唯一美中不足嘅係 唔夠辣🌶🍽蒜蓉調味炸雞🍗炸雞有驚喜✨ 成日食親啲炸雞又乾又柴，但呢個咬落去好juicy 🤤而且份量又多🍽血腸拼盤拼盤有血腸、肺、肝。食物好正宗🤤尤其是血腸，好似去左廣藏咁，有地道風味✨而且仲會連爐一齊上，咁就可以慢慢食，唔驚攤凍晒。🍽招牌紫菜飯卷🍙材料好豐富，有牛肉、菠菜、甘筍、蘿蔔等等。味道都好正宗。

📍ChumChum味尖沙咀麼地道37-41號港匯廣場17-20 & 31-34地下好似去左轉韓國🇰🇷好有韓國既味道！醬油蟹係好有驚喜😍每樣都好大份！2個人食眼闊肚窄😌✨醬油蟹💰$220/一隻好多膏，食到lamlam脷👅味道可以再咸啲 附送埋既紫菜飯 好足夠 將紫菜撈埋食飯到 揸成一團加埋d蟹膏食 一流🤤份量都大隻 2個人一隻都夠✨水冷麵💰$110比較普通 冇咩味 麵質都彈牙 另外有拌冷麵 中意辣既可以試呢款！✨菜包肉💰$240份量嚇死人，好大份 2個人食吾哂 上菜時下面會有個爐heat住 肥瘦啱啱好 不過我個人中意食燒到脆脆地黃金色既五花腩😍✨血腸湯💰$125好濃味 可能太飽冇認真去品嘗 最終都飲吾哂 韓國血腸同中式既吾同 入面有埋粉絲 真係飲完個湯飽左😂好足料👍🏻

IG見到韓國🇰🇷餐廳嘅蟹好似幾吸引🥺於是三人一行嚟到呢間Chumchum味 蟹蟹佢🦀原來間餐廳隱藏起一個小商場裡面 跟街號搵都花咗少少時間小搵到 但鐘意食蟹嘅 值得去嘅 🥴掀開menu睇到 韓國花蟹 梭子蟹 寫明直接由產地送達 起香港坐定定就可以品嘗到韓國嘅花蟹 幸福呀 飛唔到韓國嚟食返餐韓國野止下癮都好ar🥰有幾個蒸蟹 蟹火鍋 醬蟹 幾種組合嘅set可以選擇 🥴我哋想食蒸同醬蟹 所以揀咗韓國蒸梭子蟹 仲可以自選另外一隻要辣生蟹定醬油蟹 我哋今次就要咗辣生醬🤤等咗一陣我哋嘅蟹到 見到起蟹蓋上加咗紫菜拌飯一齊蒸 一上枱香氣陣陣 🥴韓國蒸梭子蟹 蟹好夠新鮮 蟹肉一梳梳入口清甜 蟹膏亦唔小食落都有淡淡嘅甘香初嘗韓國蟹，果然唔錯！呢度仲有好多特色嘅酒精類飲品下次放工可以過嚟chill下😌😌🤩🤩

疫情之下冇得去韓國旅行啦😅😅自從上次食完個醬油蟹之後，一直念念不忘💕💕見到朋友介紹尖沙咀呢間chumchummi啲蟹係韓國直送過嚟㗎🤩🤩即刻放心晒😌😌今晚就同朋友一齊去試吓佢啦👍👍點左蟹真係唔錯，非常新鮮，而且仲滑脫脫添真係好正啊🤤🤤另外我哋都幾欣賞佢嘅辣生蟹 醬汁好惹味甜甜微辣 蟹肉滑咄咄 ✨醬汁味濃之餘都好食到蟹肉本身好鮮甜 🤣雖然起香港食生蟹都會擔心食完會痾 但真係幾惹味喎 值得食🥰我哋仲叫咗烤牛肉紫菜飯捲牛肉佔4成 蘿蔔菜佔2成 飯2成左緊 料同飯嘅比例幾好 調味都啱啱好 食落都唔錯 可以下次再嚟encore多次試埋其他嘢😋👍🏻

地道韓國菜真係好nice呀雖然而家疫情關係佢哋冇開但係我好懷念佢哋嘅醬油蟹 正宗嘅韓國菜好有特色呢度有正宗韓國人主理每次上菜都係佢親自為我哋遞上石鍋滾起嘅人蔘雞湯係我最鍾意食以前喺韓國特登去食最出名嗰間大大條人蔘喺個熱湯裏面滾冬天食果然係一流補補身呀生菜包誠意推介俾每一位喺泰國菜都有豬肉生菜包但係呢度唔係肉碎而係炒香左預先醃好咗嘅豬肉 再夾埋生菜食 真係好好味令人食到欲罷不能加埋杯冰凍嘅啤酒一齊飲簡直係人生一大樂事！

見到有YouTuber介紹，所以都非常期待🤗地點有d難搵，明明Google map就系附近，但兜左好耐都搵唔到，最終係打電話去問🤣第一次試醬油蟹，感覺幾特別。如果膏多d會比較容易接受，透明既部分食落有d奇怪，有d腥🤔未食過韓國既醬油蟹，唔知係咪咁既味道呢🥸如果皮厚d會開心d🤗食左幾啖覺得有小小漏，加埋菜一齊食會比較好😁冷面食落好似膠膠地，有d奇怪既味😂但個面質幾有咬口整體覺得一般般，唔係太值哩個價，如果好似我咁未食過醬油蟹想試下既，可以去試下哩間既醬油蟹🤩哩間食落唔會非常抗拒，肚仔都無唔舒服😛

有冇諗過走入橫街小巷都可以搵得到美食呢間韓國餐廳 就真係正宗到不得了 如果佢開喺旺街 相信一定排滿人 不過呢度都有呢度好處 可以比到食客一個喘息的休息空間🌴🌴叫咗個人蔘雞湯、醬油凍蟹、豬肉生菜包仲有紫菜牛肉飯卷食物未上枱之前仲有啲前菜當中一定包括酸蘿蔔同泡菜最令我意想不到係仲有凍忌廉通粉😻令我想起兒時的味道 呢隻做法嘅通心粉越來越少 好難得食到醬油蟹不嬲喺韓國好有名 香港一啲地道嘅韓國餐廳先會搵得到啲蟹好肥美 裏面加埋啲醬汁 仲有埋芝麻好香口 我最鍾意就係呢個用石窩盛載着熱辣辣嘅人蔘雞湯 個石窩好滾 隨時燙到手裏面仲搵得到一條條完整嘅人蔘😻😻補身得來又足料 雞裏面仲有少少米飯價錢又唔貴 係補身朋友嘅福音另外我好鍾意❤️食生菜包 有炒香左嘅豬肉夾埋一齊食確係唔同啲飲品當然叫返支啤酒冰涼下啦～

朋友推介嘅一間地道韓國餐廳🇰🇷星期五晚都好爆場好彩預先已經訂咗位☺️餐廳職員都係韓國人 只可以講英文/韓文.前菜可以無限refill 的.🥘馬鈴薯🥔排骨湯 $280Pork back-bone stew朋友特別推介一定要嗌！🔥👍🏻分量真係大到嚇親我😳😳勁大個打邊爐嘅煲🥘本身睇到個湯底橙橙紅勁似冬陰功湯都有啲驚會好辣😂估唔到一啲都唔辣 仲非常之惹味！薯仔同排骨都炆得好入味湯非常之濃郁 較為杰身但排骨略嫌冇咩肉食🤭真係大部分都係骨😂😂但湯真係飲咗好多碗🤪.🍖煮豬手 $240Braised pig’s feet呢間豬手真係值得一讚👍🏻佢暫時食過最好味嘅韓國豬手😛碟下面有火爐慢慢滾住黎食保持豬手新鮮熱辣辣🔥豬手非常軟滑彈牙 滿滿的骨膠原🤤🤤.🍲人蔘半雞湯 $100Ginseng Chicken Soup人蔘雞湯有半隻雞份量但人參味唔算太濃郁雞亦都比我想像中硬身🙈唔似之前食開人蔘雞煲連骨都可以食落肚🙈有啲失望.🍤鮮蝦紫菜飯卷🍙$75鮮蝦炸得香脆可口仍保持彈牙好有天婦羅風味☺️飯卷味道適中 不過不失😌整體來講其實價錢算偏貴食物質素亦不是想像中咁好除咗豬手真係必叫其他都係不過不失有機會可能試吓其他菜式吧

秋冬到了食蟹季節，咩蟹都好肥美又鮮甜，好耐無食韓國菜，所以黎到朋友介紹嘅韓國味道濃嘅chum chum 味，韓國oppa接待，無得去旅行，去韓國餐廳都照殺啦！柯打左一隻醬油蟹，將未經烹調的生蟹放在醬油中醃製而成，一啖咬落蟹體有蟹膏又有蟹肉，蟹膏香濃，蟹肉超滑有膠質，因為叫左個面所以試唔倒米飯小偷嘅食法，整體覺得好鮮甜，讓人不禁多番回味。成日食韓國菜都係人蔘雞湯，辣豆腐湯，今次試下炒碼面，其實就係辣海鮮面，有好多海鮮料，加彈牙嘅韓國面，海鮮湯辣勁十足。黎食韓國菜唔少得嘅炸雞，我哋叫左半客蒜蓉調味炸雞，半客份量都好大，又雞髀又雞翼蒜蓉味香濃，甜甜地唔錯。加埋餐前小菜非常滿足呀。

限聚令放寬，疫情放緩，感覺可以晚餐時段上一上水最近秋風起，想來點新鮮滾熱辣的鍋物於是友人便帶本人來試試食韓式蟹鍋店鋪在商場裡面，但夜晚商場的正口入口已關走後門要經過一條沒人的後巷，起初還以為行錯路但只要信，穿個巷的左手邊就是了！餐廳就是這個樣子，地下全是花磚，COLORFUL～前菜有粉紅酸蘿蔔、椰菜甘荀絲、豆芽、甜酸豆腐卜、菠菜不夠還可以REFILL喔蒜蓉調味炸雞 $100/HALF想食炸雞的本人馬上來份，即點即炸，肉質JUICY蒜香味十足，鹹鹹地又甜甜地，好吃起初傻豬了只點了半份，四人食不太夠又追加多半份，哈哈招牌紫菜飯卷 $80飯卷材料有漬蘿蔔、牛肉片、青辣椒，甘荀絲和菠菜好韓式的味道，青辣椒辣度頗強建議不食辣的人點其他款吧韓國梭子蟹火鍋 $440萬眾期待的主角來了，鍋物的材料比較簡單就是兩隻梭子蟹＋大量蔬菜，蔬菜吃起上來似皇帝菜蟹湯很鮮甜，蟹也是肥美，有蟹膏整鍋不是很辣，飲完很暖胃最後還追加了粉絲，為這年秋冬的身一鍋做一個美麗的結尾

同朋友約好食炸雞，但今次呢間餐廳真係比較難揾到，可能因為商場封左，我地要兜個圈先入到去，係路口見到大眾銀行，轉入去就係。環境唔錯，坐落都算舒服。menu全部有圖睇，唔怕點錯。前菜可以要求refill，而且每次既款式都唔同。坐低已經即時order左炸雞，之後仲encore左一次。真心好香脆兼juicy，好夠味，可惜味道選擇唔多，我地兩次都係點蒜蓉調味炸雞。叫左一道飯卷，味道層次都幾豐富，連埋泡菜一齊食非常惹味，不過有少少辣，怕辣既朋友未必岩。最後叫左道梭子蟹火鍋配粉絲，都幾大煲，我地4個人食覺得岩岩好。味道好香濃，蟹肉又鮮甜，最後粉絲索哂啲湯同蟹精華，食到停唔到口～