ChumChum味 (已結業)

因為太耐無得出國，唯有去韓國餐廳止止癮，餐廳位置有d 似要進入時光隧道才能到達。調味炸雞 (半隻）本身以為半隻雞份量比較細，點知一上枱時大家都感覺超有驚喜 眼望有點似酸酸甜甜，食落超juicy 加上啖啖都是肉，酸甜的味道忍唔住食完一舊又一舊 部隊鍋因為每枱都有一個爐，所以部隊鍋係直接放上爐邊，秋冬食特別有感覺，鍋中的都是耳熟能詳的材料，有公仔面，芝士，腸仔，午餐肉等，份量都超足夠菜包肉本身以為是有另外生菜用尼包住d 肉，點知係類似腩肉上的菜式，肉底下是有韭菜，但以女仔尼講食食下比較油膩，適合大班人配合啤酒一齊食煎蛋卷菜單上看到非常吸引，但係食的時間味道比較淡，需要配合附上的醬料，但質感都係軟林林。

最近係食蟹嘅時份🦀~比我揾到尖沙咀呢間有韓國醬油蟹食👻一叫咗野食之後好快就上菜~前菜有幾樣，我最欣賞中間嘅菜同魚糕🤤泡菜微辣。食蟹之前餐廳準備咗檸檬水洗手，好貼心💕醬油蟹嘅蟹膏好多😍醬油加咗蔥同椒仔浸住~令蟹一啲都唔腥🥳 最鍾意嘅食法係配埋佢附送嘅紫菜麻油飯，好懷念喺韓國旅行嘅日子😭仲有驚喜係排骨餃子🥟 ($88)成個爐拎出嚟保溫，但啲餃子又唔會過熟黏底👍🏻最鍾意韓國餃子好大嚿而且呢間店嘅皮非常薄，見到餃子透出入邊啲肉色就知🤤招牌紫菜卷飯($80)有選擇困難嘅我揀咗乜都有嘅卷飯，唔食得辣嘅記得挑起入邊啲青椒，如果唔係就好似我咁辣到狂飲水🙈大醬湯($100)用石頭鍋載着真係食到最後都keep住熱！湯料有豆腐、菜同埋豆豉等等，唔會好咸，送飯一流~

網上見到呢間餐廳嘅介紹，好似幾好食就嚟試試。去到見到有好幾枱客人都是韓國人，心諗食物應該幾地道，食完之後真係覺得好滿足，好似去左一轉韓國咁。醬油蟹🦀 $220店員真的冇介紹錯，好好食👍🏻呢度嘅蟹係韓國直送的梭子蟹，蟹膏滿滿，頂晒角，金黃蟹膏望見都已經流口水🤤。蟹肉晶瑩剔透，滑嘟嘟又帶點啫喱的口感，超級鮮甜，醬油充份吊起蟹鮮味，好正。蟹膏綿綿的，鮮味甘甜，將蟹蓋嘅頂角蟹膏刮出，拌入紫菜飯一齊食，真係極之好味，蟹膏的鮮甜加上紫菜飯香和一點點芝麻香，忍不住大大啖咁食😳白切牛肉鍋🍲 $350唔好見到白切就以為淡味冇味，相反呢個湯鍋極濃，雪白色的湯絕對係牛骨精華，牛味香濃，飲呢湯超幸福，我飲左兩大碗🙈牛肉的部分份量都多，只是有湯浸住睇唔晒。牛肉有4個唔同部位，每款都有十幾件。牛脷最香濃牛味，有牛的油脂香，超淋有點入口化開的感覺😋；牛𦟌已經煮得好鬆化，湯汁入晒味，牛肉味濃，筋的部分軟滑帶點啫喱狀，層層隔著；牛筋粒滑嘟嘟帶點煙韌，有點似食花膠，吸滿濃湯精華，滿滿骨膠原；牛腩位就最有咬口，但都不會乾硬，一樣好入味。招牌紫菜飯卷$80話明招牌，餡料當然最多，有牛肉、芝士、菠菜、生菜、紅蘿蔔絲、酸蘿蔔、雞

今日韓國通朋友帶我來到這韓國餐廳開餐，這裏嘅侍應都係韓國人或外國人。現場所見，好多韓國人來幫襯，睇嚟呢間餐廳都真係非常正宗。我哋點左醬油蟹，白切牛肉火鍋同埋兩款韓式飯卷。醬油蟹今次係我第一次食醬油蟹，真係一試難忘。醬油蟹用嘅蟹係韓國梭子蟹，係藍蟹。醬油蟹超靚同新鮮，爆晒膏，好邪惡，蟹肉同蟹蓋都滿佈着橙黃色的蟹膏，非常吸睛。一口咬下，非常鮮甜，一點腥味都冇，蟹膏鮮甜甘香，蟹肉滑滑，少少啫喱QQ嘅感覺，配合微甜嘅醬油汁，食唔停口。將蟹蓋上面嘅蟹膏同拆少許蟹肉落去附送嘅紫菜飯，蟹膏拌飯鮮味十足，正。白切牛肉火鍋好大一鍋，白雪雪嘅牛骨濃湯入面鋪滿左四款牛嘅唔同部位，有牛展，牛舌，牛筋同牛腩，另外仲有一d蔬菜。湯底好好飲，濃厚嘅牛骨湯底，係精華所在。牛展牛舌同埋牛腩都好有牛肉味，個人最鍾意牛舌，牛味濃厚，肉質又腍。牛筋粒口感QQ，補充骨膠原最正。食得肉多要食啲蔬菜，蔬菜吸入了湯汁，非常入味。鮮蝦紫菜飯卷紫菜飯卷切得薄薄一片，餡料爆滿，飯卷唔會鬆散，炸蝦新鮮香口，配合其他配料，一口咬下，口感豐富。招牌紫菜飯卷同樣是餡料爆滿，餡料非常豐富，有牛肉，芝士，酸蘿蔔，辣青椒，生菜等等。這款飯卷吃下去少少辣

朋友話好耐冇一齊食飯，約咗我哋一齊去食韓國嘢。呢間韓國嘢嘅食物都好地道，雖然唔係啲乜嘢特別嘅精緻菜式，但係味道就好唔錯。坐低冇耐職員就上咗一碟必備嘅泡菜同埋三款前菜，不過味道就唔係好辣，可能因為要就番香港人嘅口味啦。我最近好鍾意食蛋卷，見到佢有韓式蛋卷所以就叫嚟試吓，佢嘅蛋捲入邊包左啲蟹子，令到個口感更加豐富。另外見到一個叫做排骨餃子，因為好好奇佢入邊係咪真係包住排骨，所以就叫咗嚟試吓。嚟到之後我諗係韓文譯中文嘅關係，入邊真係冇排骨㗎。但係餃子入邊就有滿滿嘅肉，所以個餃子都好鮮甜。其中一樣韓國必食嘅食物就係紫菜飯卷，我哋揀咗個牛肉味，佢呢個紫菜飯卷好足料，味道比較清，都幾好味嘅。而另一樣必食嘅韓國食物就係炸雞，我哋揀咗佢個原味炸雞，就咁睇好似冇乜特別。但係一咬開就好juicy，佢啲炸粉唔會好厚，而且好鬆脆，好食過炸雞專門店。最後就係今晚嘅重頭戲，蟹鍋。佢一個鍋入邊有兩隻蟹，兩隻都有滿滿嘅膏。不過我自己覺得個湯超好飲，因為個湯有晒蟹嘅鮮甜味，亦都有菜嘅新鮮味道。泡菜湯底上面係西洋菜下邊就鋪滿芽菜，所以索晒泡菜湯嘅味道，辣辣地，幾好味。四個人食為返每個人都係二百零蚊，食韓國嘢嘅話都係差唔多

好嘅韓國餐廳真的好難搵，是日朋友在IG見到哩間ChumChum味，位置都幾難搵，在商場入面，見到好多不同的蟹食，見凍凍地，就同朋友一同點左個梭子蟹火鍋，排骨餃子，雞旦卷，炸雞同埋牛肉紫菜卷雞旦卷雞旦卷入面有埋少少蟹子，好滑好食，排骨餃子排骨餃子真的好特別，有爐熱住，餃子一食真的好唔同，味道真的同食排骨無分別，炸雞炸雞真的好JUICY，食落有肉汁，同埋炸得好香脆，只差在無一杯啤酒XDD牛肉紫菜卷牛肉紫菜卷做得好正宗，味道真的同之前在韓國食的一樣，好多牛肉，少少飯，真的好正，梭子蟹火鍋梭子蟹火鍋真的一上來，滿滿蟹的香味，另外好多西洋菜，吸曬蟹的精華，真的唔錯的蟹煲，咁好嘅韓國餐廳真的值得推介!!!

實不相暪，今晚一心諗住同兩個好耐冇見既朋友，去唔為韓國，唯有係韓國餐廳食下醬油蟹，食呢間咁出名就去book位，但點知去到冇醬油蟹....我不唔多食辣，就辛苦佢地陪我食D清D既野，好彩都幾好食.🧄🐓🍗 蒜蓉調味炸雞 (半隻) $100✨好juicy! 一咬落去D肉汁爆晒出黎✨底果D浸左D汁會更甜，提提大家可拎出黎隔一隔汁✨肉質夠林，鋪左芝麻又好香.🍣🧀🍙🥙招牌紫菜卷飯 $80✨招牌紫菜卷飯入面當然有紫菜同飯😂✨仲有芝士、醃菜、蘿蔔、蛋同菜，酸酸鹹鹹✨不規則地仲有D辣汁😂 不過我唔食辣都仲接受到，辣得幾惹味.🧊🍜🧊 冷麵 $110✨凍冰冰又酸酸地既冷麵一直都係我最愛✨佢個麵做得好煙韌，各方面既醬料同配菜都做得幾好

👧🏻😋👅🍽✨.尖沙咀正宗韓食 – 地方大岩晒慢慢坐下傾計🍤🥬🥮 海鮮韭菜煎餅 $140✨一致認為係食過最好味既煎餅! 必點!✨勁脆唔會成寸粉✨邊邊仲脆✨韭菜份量適中，令個餅多左口感之餘又唔會太大陣味✨D蝦大大粒好爽口.🐷🐮🍲白切豬肉火鍋 $350✨勁大煲好抵食，有牛展、牛脷同豬肉、同我最愛既牛筋豬筋，仲要勁多粒! ✨肉既份量真係好多好多✨個煲一路滾緊好似老火湯咁鮮甜✨有瓜瓜菜菜菇菇消下滯.

前兩日喺朋友IG上面見到去咗尖沙咀食醬油蟹嘅post，極度誘惑，即刻問朋友攞咗地址，放工去試吓。餐廳喺K11 ，同寶勒巷附近，位置都幾隱蔽下。坐低冇耐，侍應哥哥即刻俾咗幾款前菜俾我哋，有海帶，泡菜，同醃蘿蔔，全部都好好味，好開胃。之後我哋睇下餐牌，諗住叫醬油蟹，點知侍應哥哥同我哋講「Today no crab, Sorry」當下真係有啲失望，再睇多一次Menu，我哋揀咗一個部隊鍋，半隻炸雞，同一個人蔘雞湯。首先上菜嘅係人蔘雞湯，雖然份量應該係一人前，但呢個湯真係好足料，我諗真係有超過半隻雞。好好味，好清甜。之後就係呢度嘅調味炸雞，食完之後，真係覺得朋友冇介紹錯，絕對係我喺香港食過最好味嘅韓國炸雞。佢嘅調味,沒有出面嗰啲韓式炸雞咁辣，甜得嚟又唔會膩，令你好有衝動一舊接一舊咁食落去。最後當然唔少得我哋嘅部隊鍋啦，一樣用料十足，我諗三至四個人食都完全冇問題！不得不提喺呢度嘅米酒，我哋叫咗一「碗」奶油米酒，我覺得酒精含量唔算太多，飲落去甜甜地，但又唔會蓋過d米香味，好得意，配埋炸雞同火鍋食，勁match！今次嚟到，雖然食唔到蟹，有啲失望，但好慶幸經朋友介紹，發掘到一間咁好嘅韓國餐廳，下次一定會

作為一個韓迷一向視韓國為「第二家鄉」每年10月我都會抽空到當地旅遊今年的訪韓大計無奈因疫情而告吹只好退而求其次吃一頓正宗韓國料理, 一解「思鄉之愁」經友人介紹,來到這家位於尖沙咀麼地道的chumchum味, 門面及裝修簡約中帶特色,地板用不同圖案的瓷磚拼湊而成。餐桌擺放得整整齊齊。量度完體溫以及用酒精搓手液消毒雙手後, 一位韓國籍店員就引領我跟友人入座。店員向我們推介了一道蟹料理, 蟹肉鮮甜加上滿瀉的蟹膏, 蟹蓋上放有淋有精華湯汁的飯, 令人食指大動。最近天氣乾燥, 所以我們點了一客人蔘雞湯, 真材實料, 不妨一試。牛肉紫菜包飯餡料十足, 牛肉醃得帶有一點甜味, 口感、層次都相當豐富。菜包肉肥肉較多, 如果口味較清淡或怕肥的朋友未必適合。但我和友人都吃得津津有味, 配上附送的泡菜亦可解決肥膩的口感。最後, 我們點了一客炸醬麵, 炸醬的味道調較得恰到好處, 絕對是一道平凡中帶驚喜的菜色。值得一提的是, 當晚餐廳內佔了8成的食客都是韓國人。此起彼落的韓語令我有置身於當地的感覺。真希望疫情快點完結, 大家的生活盡快回復正常, 可以到外地旅遊吧。人均$250

和妹妹倆都是追星韓迷 好久沒法去韓國常常看綜藝及吃播 就忍不住想吃韓國菜朋友推介說這韓國餐廳很正宗 即管一試位於尖沙咀也能隱於市 位置有點兒神秘環境闊落沒有油煙味 餐牌款式亦非常多職員似乎不太懂中文 手指指英文沒問題前菜頗多給了六款 招牌應是蟹就試試吧-▗醬油蟹▘ $220份量OK 選用的是韓國梭子蟹Blue Crab橫切面爆膏賣相極之誘人 蟹膏濃郁美味醬油醃過的蟹肉 啜入口滑溜溜咸中帶甜把蟹蓋內蟹膏挖去拌紫菜飯 啖啖皆邪惡妹妹說比韓國吃到的更加鮮味 的確不錯-▗調味炸雞▘ $100 (half)上檯熱辣辣 外皮沾了甜辣醬卻依然香脆也不會過甜或過辣 份量兩人食相當足夠夢回韓國宵夜食炸雞的感覺 好味又抵食 -▗木炭辣炒雞爪和草堂嫩豆腐湯套餐▘ $180一直念念不忘韓國雞腳 超想食終於遇上好香炭燒味 不算軟爛而是偏爽口的類型刺激又濃烈惹味 但對於我來說真的好辣 嫩豆腐湯急救了我的味蕾 味道非常清淡-整體有水準 下次還想再去試試其他菜式

之前係韓國食完醬油蟹，一直都好掛住好想食番，但最近無得去旅行，決定係香港搵下好食既醬油蟹解住癮先。韓國餐廳必有既前菜，包捨泡菜、腸仔等依間餐廳有好多種類既蟹，我地叫咗一隻醬油蟹。隻蟹一嚟到真係雙眼發光，隻蟹都幾多蟹膏。啲肉都幾新鮮，加埋個醬油真係好夾架。有一個朋友勁鐘意食泡菜餅，所以我地都叫咗，個餅既厚薄適中，而且食落吾會覺得好粉，泡菜味都幾夠。當然仲有韓國餐廳必叫既炸雞，不過餐廳就吾係好多款選擇，我地叫咗個蒜蓉調味炸雞。雖然個味吾算好濃，但啲雞肉真係好嫩滑。一個冷麵都可以知間韓國餐廳係咪真係咁好食，雖然冷麵好簡單，但啲麵既質感同埋啲汁都好重要。依個麵既質感都吾錯，但冷麵個汁就有少少淡。仲叫咗個招牌紫菜卷飯，入面有酸瓜、蘿蔔等，咁既組合都幾吸引。

好耐冇食韓國嘢，朋友帶我去呢間ChumChum味，以為食韓燒，但原來都有好多唔使燒嘅韓國料理。見佢有幾款花蟹菜式，就叫咗隻醬油蟹（ $220 ）來試吓，已經好耐未食過，隻蟹都幾大，切開四份，膏有唔少，加上醬油和蔥、辣椒等醬料，都幾入味，生蟹肉都幾軟滑，仲配有紫菜白飯撈醬油食，唔錯。另外叫咗一個吞拿魚紫菜飯卷（ $65 ），切開有12件，都好抵食！裏面有除咗吞拿魚仲有黃瓜、紅蘿蔔、菜等等，面頭灑有芝麻，味道幾好又飽肚。仲有一個牛排骨湯連粉絲（$140 ），清湯底可以飲，牛排骨都幾多，不過真係骨多肉少，有白蘿蔔好清甜，加埋我最愛嘅韓式粉絲，粉絲份量都唔少呢！

尖東呢間ChumChum味位置其實有點隱蔽，正門位於商場裏面，餐廳內又有一個小小的戶外corner，不過今日無坐出去。餐都未叫，店員好快就送上幾款韓式前菜，都係泡菜、蘿蔔、菜、酸瓜、豆乾等，都幾好味，已經問咗店員可以refill不過後來食其他嘢都飽晒結果冇補充到。餐牌選擇款式都幾多，各自揀個喜歡的，我最鍾意韓式炸雞，嗌左半份（ $90 ），都有10件，佢真係將半隻雞斬開，所以雞髀、雞翼、雞胸等位置都有，炸得好乾身，如果有醬汁點會更加正！同行朋友想食醬油蟹，雖然我唔係好想食生蟹，不過即管試吓啦，一隻蟹份量其實都幾多，用自家製醬油醃好，食落去啲肉軟綿綿，感覺幾特別，仲配埋白飯撈蟹肉和醬汁，都係個幾好嘅嘗試。最後仲叫咗個部隊鍋（ $250 ），估唔到相當大鍋，用枱上本身有嘅爐熱住。材料包括午餐肉、香腸、菇、翠玉瓜、豆腐等，麵上有芝士，溶咗超正！我哋叫佢整小辣，容易食d

同朋友慶祝一週年紀念日🎉揀左呢間位於尖沙咀FHP商場，位置較隱秘嘅Chum Chum味，食正宗韓國料理🇰🇷(溫馨提示：網上講嘅港匯廣場其實即係FHP商場。初頭唔知，令到我同朋友都搵左好一段時間先搵到）餐廳面積唔算大但裝修得幾有特色，職員大部分只會說韓語或英語。幫襯嘅客人亦都有好多韓國人，由此可見，呢度嘅食物應該幾正宗，幾啱韓國人嘅口味。秋天係食蟹嘅季節，所以我地都嗌左客蟹料理。蟹肉鮮嫩多汁，加上多到幾乎爆出黎嘅蟹膏，簡直令人食指大動👍👍👍👍菜包肉肥肉偏多，但配上蘿蔔泡菜又中和左肥膩嘅感覺👍👍👍牛肉紫菜包飯水準上乘，牛肉醃得又甜又入味，加上其他配菜，層次豐富，不妨一試👍👍👍人蔘雞湯鮮甜味美，如果再多少少湯汁會更加好👍👍👍炸醬麵的炸醬味道調較得相當出色，唔會太濃，亦唔會太淡，恰到好處，我朋友都食到讚不絕口👍👍👍👍👍綜合黎講，呢間Chum Chum味水準不錯，值得推介👍👍👍👍重點係去到聽到韓文多過廣東話，真係當堂一解我今年因疫情去唔到韓國嘅思念之情嫁😆