ChumChum味 (已結業)

尖沙咀1間好隱蔽嘅韓國餐廳，我地在外面兜兜轉轉先搵到。😂前菜前菜可以 refill，有3款小菜+ 泡菜，好好味，爽口，甜甜地帶少少酸辣， 醃唔會太鹹，非常開胃。 醬油蟹 $220一隻有4小份，第一次食醬油蟹，冇想像中咁鹹， 亦都冇腥味，蟹膏滿滿，配紫菜飯食一流。燒豬肘 $250豬手滷到入味， 豬皮口感煙韌，唔會腍啤啤，滿滿骨膠原，鹵水味香濃，甜甜地好香。豬肉比較乾，一定要連皮一齊食。 配生菜，蒜片，辣椒仔，同兩款醬汁，可以消除油膩感。蘋果調味炸雞+大蒜醬油炸雞 $180雖然大蒜和蘋果味都唔算太突出，但勝在炸得夠香脆，唔會好dry。招牌紫菜飯卷 $80我最鍾意嘅菜式，材料好豐富， 有牛肉，蘿蔔，雞蛋，芝士。如果包得再大個啲就仲正啦。

朋友係韓迷最近冇得去旅行佢哋話帶我去一間好友韓國feel嘅餐廳🍴扮吓去旅行餐廳格局勁韓式 好正宗嘅地道新派韓式餐廳而且服務員都係以韓國人噢巴為主個感覺又真係幾時去咗旅行喎店內可以同服務員用英文溝通，又或者用QR code掃描落單有冇人同我一樣咁鍾意食韓國前菜小食？醃製大豆芽、西蘭花腸仔、泡菜⋯⋯泡菜爽脆有少少微辣，喜歡💕朋友推介Must eat item 醬油蟹 $220呢度嘅醬油蟹都幾大隻，切開四份見到入面滿滿都係鮮黃色嘅蟹膏口水即時湧溢😂🤭配上熱辣辣嘅飯食落非常新鮮，朋友果然冇介紹錯招牌紫菜飯卷 gimbap $80 最鍾意食呢個，芝士味香濃咩料都有，又好昧雙拼韓式炸雞 $180鍾意佢嘅韓式炸雞可以配兩種唔同嘅味道收同一個價錢選擇咗蘋果調味炸雞 & 大蒜醬油炸雞新鮮即晒熱辣辣煮豬肘 $250會上山菜式，唔錯最後都係講一次，醬油蟹真係非常出色今餐我同朋友都非常滿意

位置超級隱蔽，大概有三個入口。我哋喺麼地道入口向着酒吧行，轉左行入小巷就係ChumChum味。職員大部份都係韓國人，人手好少同埋要講英文，落單可以用QR code，而且有細圖可以睇。*前菜前菜可以添加，三款小菜都好食，爽甜小辣，非常開胃。泡菜係我數一數二食過好食嘅泡菜，小酸小辣，唔會有嗰種奇怪嘅酸味怪味。北方冷麵 $110有北方冷麵又有冷麵，食完都唔知有乜分別。呢度冇幫你剪開冷麵，所以食得有啲論盡。麵條煙韌偏硬，配埋青瓜蘿蔔片非常清爽，配豬肉食都唔會有油膩感，肉配麵反而有種踏實嘅感覺。可惜牛骨湯唔夠濃，食得出淡淡牛肉味，食麵唔連湯飲會偏淡口，有啲失色。煮豬肘 $250煮豬手真係好少見！下面有個火爐坐熱豬手，食到最後都唔會凍。豬手滷到入味，骨肉分離，筷子工差啲都會夾到散晒。豬皮唔會腍啤啤，而係非常有咬口又重膠質，反而豬肉本身有少少乾，所以要連皮連肥食，等啲油脂滋潤翻豬肉。因為豬手始終都係油膩食物，難免會食膩，所以我會夾埋前菜同泡菜食。想要啲刺激新鮮感，就可以分別點兩種醬汁，一種偏辣，一種帶蒜香，同樣都係重口味。奶油芝士炒年糕 $240幾乎個個食評都有叫炒年糕，一上菜就以為自己去咗韓國街頭

完全極度失望！懷疑其他評論係打手！本身諗住同好朋友一齊嚟食餐飯，點知入到去個侍應已經唔理我哋，餐前小食唔俾，水又唔拎俾我哋，餐具又唔拎，要我哋幾個人企喺門口度等咗15分鐘。之後叫嘢食嘅時候QR code又唔work，之後佢話人手幫我哋叫，到我哋想落order，佢哋又叫我地試另一個QR code。之後我哋係坐室外，喺屋簷上面已經有一個死老鼠嘅影子係上面唔郁，本身以為冇可能會有老鼠，點知食食吓，後面勁嘈，一望，三隻老鼠跳下跳下咁，唔講以為自己去咗動物園。跟住同餐廳侍應反映，佢完全無視我哋，講咗一句，入面full左，一句聲都唔出都冇諗過協助我哋就走咗。脾氣差少少可能會想打佢。總括而言，嘢食一般，態度同環境係極度惡劣，你俾錢我都唔會再黎。

平時好少主動食韓國野🤭🤣但今次聽朋友介紹嚟左呢個係尖東嘅地道韓國餐廳,一嘗招牌醬油蟹,估唔到相當有驚喜👍🏻.餐廳位置都幾隱蔽下,係舊k11 對出一條巷仔入面,有酒吧隔離就係依間韓國餐廳,分戶外同室內用饍,依家天氣涼涼地如果坐係出面食都幾chill的(如果唔怕食到二手煙🤭)有別於一般韓國餐廳得炸雞,燒肉食,都有幾多特別韓國料理菜..🌟($230)必食推介!上嚟都幾大份🤣以韓牛牛柳配以秘製醬汁醃食,有別於之前食過嘅法式beef tartare會另外加入其他材料,呢道韓牛他他只以純純粹粹的牛肉,加入生雞蛋撈勻嚟食👍🏻非常嫩滑嘅口感💯.🌟($220)全晚主角,亦係為此而來!一隻大約有四小份左右,金黃色嘅蟹膏溢滿出來,非常新鮮而且一啲腥味都冇! 會配以紫菜飯撈埋蟹膏一齊食😋絕對係必食嘅一道👍🏻.($240)一上嚟個陣仲以為嚟錯係部隊鍋,但原來年糕係係下面整成一條條烏冬般嘅形狀非常煙韌,而且辣度調得恰到好處,配料都非常豐富有Gimbap(韓式飯卷),炸gimbap,餃子🥟,薯條,腸仔,炸蝦等(真係部隊鍋嘅陣容)建議3-4人一齊食先好🤣唔係好快飽..一場嚟到試埋佢地嘅烤肉,平均每碟$140-$200

前排在朋友介紹下，竟然在尖沙嘴鬧市發現一個別有洞天的地方，食韓國嘢氣氛一流！原來餐廳在見到大眾銀行隔離好大條走廊入面，估唔到咁隱世都有超多人飲嘢食嘢，非常熱鬧（就連出面戶外位置都爆了）不過好彩餐廳都快安排到位，菜式選擇非常多，而且每一款都份量十足個人覺得他們以通粉做前菜幾特別😝，矮瓜調味也不錯，是微辣的。去韓國餐廳總喜歡點部隊鍋，唔駛諗就有好多款嘢食。而他們這款奶油芝士炒年糕更加豐富，好多料之餘好欣賞醬汁，是非常香濃、少少辣和creamy的texture。各款餡料下面更有年糕麵條，口感煙煙韌韌好特別（還是第一次吃到如此特色的年糕麵條！）芝士飯焦烤全雞也非常特別，見到上面鋪滿芝士，已覺得好吸引，更加可以拉絲的！底下有撈了瓜子粒的飯和飯焦，真係幾好食。唯一要留意係，雞肉係比較健康的，少油分，撈飯一齊食口感最好。離開時發現餐廳另一個在赫德道fhp shopping centre的入口，下次識來搵食🤣😋😋😋

雖然都經常經過呢個位置，但都好少注意到原來呢度有個小型嘅商場，亦都有一個雅致後巷位置，令到呢間餐廳擁有一個自成一個又寫意嘅露天位置，如果唔係天氣比較熱咗喺呢度食飯令人放鬆又享受。佢哋招牌上寫上成立於2009年開業，基本上所有侍應都係韓國人，我覺得佢哋食物都應該幾正宗。辣椒年糕配壽司、炸蝦、餃子、腸仔薯條，呢個配搭都係幾有特色，本來以為薯條要卜卜趣先至好食，原來揸過嘅薯條加落啲辣椒汁度出奇地夾。壽司亦都係加咗辣椒汁釋出唔同感覺。再加上烏冬，都忍唔住食晒所有烏冬。芝士燒雞配炒飯底，應該有一隻雞，份量充足，芝士感覺唔會好濃烈。炒飯放在雞下面之後，有淡淡然嘅雞香味。

今日試咗依間韓國餐廳 覺得佢哋好有新意 將韓國傳統菜式加入唔同嘅新元素👍🏻👍🏻泡菜Rose ddukbokgi成個鍋有炸蝦、粉絲卷、餃子、紫菜包飯、 烏冬、腸仔、長型魚糕 一上枱就覺得係好豐富嘅大雜燴🤩🤩 而且份量都好大嗰啲擺喺底嘅烏冬樣年糕 好煙韌、好彈牙 食落好有驚喜🤩🤩我完全俾佢個樣呃咗 以為佢喺麵嚟嘅😂😂依個醬汁就算係cream sauce base 都幾辣 但辣得好平和 唔嗆喉👍🏻Cheese crispy rice roasted whole chicken 依個菜係用鐵板熱住 由於係鐵板嘅關係 雞下面會見到有飯焦🤩🤩 而啲飯煙煙韌韌 吸收晒雞油嘅香味 係人蔘雞湯嘅DRY version 芝士拉絲超吸引🥳

呢間店位於尖沙咀港鐵站附近，但係都幾隱蔽，穿過一條好靚好光嘅走廊就會見到㗎啦☺️而餐廳就好似一個世外桃源咁，分戶外位同室內位，依家天氣唔熱坐戶外位應該好正🥰而裝修就令人好似去左bar咁好有feel⋯Cheese TongdarkCheese crispy rice roasted whole chicken $270一到枱仲有個蓋蓋住，估唔到係落單即整🥰一打開就出晒煙、又見到勁多芝士😍啲芝士仲可以拉到絲，真係好足料架，勁好味呀！雞既話就有啲似人參雞既味，而肉質如果可以更鮮嫩就仲好啦☺️再估唔到既係雞入面係包住晒啲飯架👍🏻令到啲飯可以吸晒雞汁香味！Rose DduckbokgiCream sauce stir-fried rice cake with cheese $240呢個有啲似韓國🇰🇷既部隊鍋咁～一鍋入面有好多唔同既野！首先個湯底係好濃好香既芝士湯底，再加上有紫菜包粉絲卷、條狀年糕、炸蝦天婦羅🍤、炸餃子、飯卷⋯⋯真係一鍋入面滿足晒咁多願望呀！飯卷平時都係就咁食，估唔到加芝士湯底都咁夾架！

今晚約左幾個fd喺TST食飯, 有人帶路黎到li間勁隱世嘅韓國菜食, 成日黎TST都唔知原來有個咁嘅地方🤣, 原來係地鐵P3出口過馬路就係.🇰🇷餐廳入面每張枱都有韓燒爐n抽氣, 用QR code scan menu有好多選擇: 韓國花蟹, 韓燒, 雞肉, 炸雞同火鍋🍲, 我地幾個都係鐘意嗌d勁野開心share.🇰🇷奶油芝士炒年糕Creammmmmny!! 一個鍋嘅creamy cheese sauce放滿: 炸紫菜粉絲卷, 炸蝦, 炸餃子, Kimbap, 太陽蛋, 香腸, 韓國魚蛋…. Waaaa原來一條條我以為係烏冬原來係年糕黎gaaa勁特別呢! 趁熱食, 咩都dip滿creamy醬, 有小小辣好正. Kimbap超有麻油香, 裡面條醃黃瓜好開胃, 推介!🇰🇷芝士飯焦烤全雞真心LOADS OF芝士🧀🧀, 厚厚嘅蓋實隻全雞, 第一層係口感有黏糯+脆脆嘅糯米飯焦mix左d籽增加香味同口感. 然後係全隻烤雞+cheese, 店員送黎時話佢會開個蓋(因為一定會辣親😅), 跟手幫我地將雞肉剪開成一件件方便我地share食, 每啖雞肉都CHI到d cheese係件幾咁奢侈嘅事🤩.

好像去了韓國一樣好掛住韓國的我，幾時先可以飛超級誠意推介去呢間，因為其實佢都幾多韓國菜可以食，而且味道真係唔錯，仲要係韓國人打理唔識講廣東話㗎，你要用英文或者韓文同佢溝通。佢個格局有啲似平時睇韓劇嘅餐廳一樣，而且當晚仲要俾我見到真係有韓國人去食。Cream sauce stir-fried rice cake with cheese $240超級建議叫呢個，因為個人認為乜都有得食之餘仲要唔錯。入面有韓式飯卷，韓式餃子，韓式粉絲卷，薯條，炸蝦，蛋，魚糕同烏冬，而且佢個汁係泡菜汁，就算所有嘅嘢食都浸左泡菜汁，都係好好食。連個烏冬都出色過人，唔會好林，簡直呢個鍋係完美嘅配搭。Cheese crispy rice roasted whole chicken $270呢個嚟到見到個面超多芝士，店員會幫你剪開隻雞，佢都幾大份，兩個人其實真係食唔晒，而且佢係燉雞，再加上有芝士，呢個份量四個人都夠食。整體來講佢啲食物都幾大份，建議四個人去食，同埋最好book位，我見啲人全部都有book,冇book位應該就未必有位。有計一間尖沙咀我鍾意嘅韓國餐廳。

上星期與好友去位於尖沙嘴的「Chum Chum 味」食韓式料理，這家餐廳有outdoor 位置環境相當Chill，食物款式多，而且還用自助落單，方便又簡單。點餐前送上韓式前菜，泡菜酸甜帶微辣，其他前菜小食也很令人開胃。「芝士飯焦烤全雞」烤全雞用鐵板盛載，芝士蓋滿整隻雞上，未吃已嗅到香噴噴。雞肉嫩腍，內裡放滿了糯米飯， 糯米Q 彈清香，而且配雞肉一齊吃飽腹感十足。「奶油芝士炒年榚」這道菜食物款式超多，有炸蝦、 韓式餃子、 紫菜包飯、 粉絲紫菜捲、 韓式魚蛋及韓式年榚。單看賣相已吸引，味道方面也不錯， 醬汁辣中帶甜， 韓式年糕煙韌又幼身， 紫菜包飯餡料正宗， 炸蝦裡還有香濃芝士夾在其中，是一道有驚喜的食物，令人一吃難忘。

隱藏於鬧事說實話真的一直路過這邊好多次但都沒有發現這餐廳經由朋友介紹下才決定一試餐廳分室內室外個人比較喜歡室外，貌似喝酒會比較盡興但室內的話又可以吃燒肉心大心細，難做決定講返食物叫咗cheese雞煲好特別底層係飯，然後擺上雞，最後才是cheese店員會在客人面前把雞剪碎很貼心雖然個人覺得有一點點over cook 整體來說還算ok吧雜燴煲第一次吃韓式壽司會浸到湯裡幾特別醬汁也很不錯，十分惹味底下還有烏冬給你澱粉質的滿足感

尖沙咀有好多地道韓式餐廳 今次聽朋友介紹一間位於麼地街小巷尖東P3出口 過對面馬路轉入的小巷餐廳如果唔係朋友叫停我 應該又行過左 直行轉彎就係店鋪門面 今日可能天氣涼返d 都有唔少人選擇坐外面店內環境都唔濟迫 向門口有d單邊位俾1-2個人都可以靜靜用膳牆壁都有掛畫 幾雅致奶油芝士炒年糕 芝士汁帶出點點辣味唔會喧賓奪主 個飯卷浸落個汁食 juicy 🤣如果可以有多個爐 一直暖住個年糕 我認為可以更加出色芝士飯焦烤全雞 一上菜店員就好貼心將雞分成六份 易食冇難度 芝士有拉絲效果穀物飯作為飯焦都係健康之選 兩個人叫兩個菜都已經好飽！ 果然小巷的韓國菜有驚喜

韓國料理餐廳在尖沙咀隨處可見，大部份都是傳統的韓國菜，我和朋友致力尋找特色韓式料理，前陣子吃的Chum Chum味便是朋友帶我來吃，我超期待Chum Chum味所帶來的驚喜。Chum Chum味有四款韓式前菜供應，而且都是無限添加的，誠意十足，我們追加了兩回。四款前菜包括泡菜，娃娃菜，野菌及香腸西蘭花。娃娃菜夠味清脆，每次都被朋友秒殺，野菌充滿芝麻油香氣，滑彈順口，西蘭花蒜香盈盈，又帶點香腸的香味，十分涮嘴。泡菜調味很棒，不會死辣，微微酸甜具脆感，營養豐富，更令人胃口大開。芝士飯焦烤全雞使用精壯豐厚的韓國雞隻烹調，全雞上層撲滿各式各樣的芝士，經高溫烘烤逼出香氣，雞皮金黃脆口，雞肉軟嫩帶人參香味，芝士和人參味道把全雞襯托出天衣無縫，每一個環節都完美發揮。飯焦除以糯米飯為主，並加入多種健康豆類，松子一同釀入全雞中，飯焦脆糯相兼，與全雞無比融洽，餘味無窮，餐廳還貼心地派店員替我們分切烤全雞，方便我們食用。奶油芝士炒年糕視覺豐盛，與傳統所吃的炒年糕很不一樣，賣相滿分。朋友笑說是星級版新穎韓式部隊鍋，因為奶油芝士炒年糕用料豐富多元化，有炸紫菜粉絲卷，紫菜包飯，炸餃子，炸蝦，薯條，香腸，魚糕，太陽