CHOO CHOO (已結業)

喺朋友介紹之下搵咗呢一間長沙灣嘅餐廳試下。 點知就發現好有驚喜，間餐廳嘅設計好特別，我同男朋友享用咗一餐好難忘嘅晚飯 首先一去到門口就見到一個行李手推車，載滿著同顏色嘅行李， 又見到有個車長企咗喺行李旁邊，好似準備要幫我哋放行李，然後上火車咁 一推開餐廳門，就見到餐廳嘅左右兩邊有兩個長方形嘅窗， 一直有唔同嘅風景順著同一個方向咁移動同切換， 彷彿置身於行走中嘅火車， 感覺新奇有趣 然後餐廳職員安排我哋坐低點餐，佢為我哋遞上兩本嘅menu， 仔細一望發現係全手工做嘅皮製餐牌。兩本餐牌所顯示嘅食物選擇一樣，但係佢嘅旅遊主題唔同， 有一本係以法蘭克福為主題，有一啲相關嘅地圖張貼咗喺入面，而另一本係已日本札幌為主題嘅，佢貼滿咗一啲日本火車票，一路翻閱嗰本menu嘅時候，就一路畀佢唔同嘅設計所吸引！ 我哋選擇咗試下佢個seafood paella，辣肉腸pizza同埋pork ribs， 飲品選擇咗 pineapple coconut同埋mixed berries！ seafood paella嘅海鮮好新鮮，佢烹調嘅方法可以完全鎖住咗海鮮嘅鮮味，味道好好，略嫌啲米飯可以入味多啲！Pizza底做得

朋友介紹嚟呢度食晚餐，雖然地點唔就腳，但設計上係絕對放咗好多心機嘅，入到去會令你置身於火車上用餐一樣，好有特色，仲有一份浪漫嘅感覺除咗裝修特別，呢度啲嘢食都好精緻，睇得出係用心製作！就連餐牌都好似一本旅遊日記咁，好有心思！墨西哥辣肉醬Nachos比起平時食開嘅有少少唔同，有好多肉醬係底，加埋牛油果醬和酸忌廉就完全Perfect西班牙海鮮飯二人份量啱啱好，材料也夠豐富，有黑墨魚筒、大蝦、青口、帶子、魚等濃郁的鮮味滲透係飯粒中，煙韌彈牙，口感豐富$198絕對物有所值！西班牙伊比利亞黑毛豬梅扒（100%Acorn Fed)$178 口感出乎意料的柔和，半肥瘦好香滑，輕輕的就能融化在舌頭上，之後上網睇原來其脂肪主要是不飽和脂肪酸，營養價值和橄欖油相似，所以此豬又有「懂走路的橄欖樹」的暱稱呢度絕對啱晒男女朋友拍拖晚餐嘅地方，雖然今日我唔係同另一半嚟，但係我都感覺到好浪漫喎！

呢間餐廳真的實現了我細佬仔時嘅幻想，就係有一間餐廳好似喺火車𥚃面舒舒服服咁食靚嘢，餐廳內兩邊牆按火車窗口設計安裝左大型screens，不斷放映火車在日本冬天雪景的沿路風景，好有feel。連個餐牌都好有心思，令我好似旅遊火車中嘅感覺。叫左個Nachos，比起好多出名西餐廳，呢度嘅Nachos 更接近墨西哥風味，如果佢可以加埋啲豆豆會更好味更似原來墨西哥風情。炸薯餅格是意外驚喜，脆而不油，只有簡單蕃茄汁伴碟，但個薯餅香脆可口，我連茄汁都唔需要點就好快食晒全部。跟著叫左個是日甜品，上抬時喺用凍冰冰嘅雲石盆保持甜品雪榚冰凍，非常有心思，而且成個presentation好靚好吸引，甜點頂部軟棉棉白色充滿青香青檸味，啱哂喺今日熱到儍左嘅日子食。

唔駛出國，都可以享受到旅行feel + 美食？今次我同友人就發現到哩間位於長沙灣以「旅行+美食」為主題嘅特色餐廳！一踏入「Choo Choo」，就俾佢嘅裝潢吸引住！店裡嘅裝潢以「火車車廂」為主題。除左一啲層架/ 車廂擺設外，最具心思一定莫過於 牆上模擬車廂窗戶嘅設計！每一個窗戶都設有一個mon，並播放住唔同國家嘅街景片段，就好似置身喺列車上用饍一樣，非常有feel!而menu都係另一超有心思之作設計到好似一本旅遊筆記本咁！每本都代表唔同國家。入面放佐嗰個國家嘅車票或旅行照片，仲有景點推介&心得！淨係欣賞本menu，都用佐唔少時間呀！⭐️西班牙伊比利亞黑毛豬梅扒（全橡級別）— 迷你甘荀 、燒粟米（$178）推介！黑毛豬表面煎得略脆，但內裡仍保持肉汁鮮嫩，一啲都唔un！豬肉油脂分佈均勻，再配埋旁邊甜甜地嘅醬汁，相當美味⭐️黑墨魚筒西班牙海鮮飯（$198）一上枱時，就俾海鮮嘅份量嚇了一跳，沒諗過份量係如此多！！！蝦/帶子/墨魚筒/魚柳都係悉心煎過，所以香味更濃，特別鐘意帶子&墨魚筒！而飯嘅味道都剛剛好，唔會太辣或太濃而搶過海鮮嘅鮮味！⭐️Uji Matcha Latte ($42) 抹茶味跟牛奶比

一直知道有一間以火車做主題嘅餐廳，見到其他朋友大家嘅相片覺得好吸引，今日就決定同男朋友過嚟試吓。佢位於長沙灣，同地鐵站都有一段距離，要穿過啲屋苑先行到。我因為早到咗，所以有時間慢慢睇佢嘅餐牌，佢嘅餐牌設計得好有心思，係店主旅行嘅紀錄，會有唔同嘅相同車飛。店裏有四個好大嘅螢幕，一直播住列車行駛嘅畫面，令我好似置身係火車入邊咁樣，果然有心思！另外再講野食，叫咗泰式軟殼蟹羅勒葉墨魚麵，墨魚面好彈牙，軟殼蟹炸得好脆，不過就偏辣，忍唔住即刻帶咗個嘢飲，係Mix Berry，推介呢個果汁，真係feel到好足料嘅野莓係入邊！之後再叫左個西班牙伊比利亞黑毛豬梅扒，佢嘅擺盤擺很好有心思，豬肉好有肉汁，配埋佢個醬汁，推介！最後仲叫咗個西班牙辣肉腸火箭菜薄餅，估唔到咁大份呀，佢係薄身pizza，好脆，中間有火箭菜可以中和返左辣肉腸嘅濃味，不錯，但略嫌有少少油。

平時較少到長沙灣覓食，是次受友人推介，故特意前往位於長沙灣的Choo Choo。Choo Choo是一間以火車為主題的餐廳，餐廳裝潢極具特色，無論是環境設計，抑或是餐牌，都很有心思，讓客人有置身於火車用餐的感覺。餐廳內還有模彷移動火車窗口的電視。每一個餐牌的封面都不同。芥末籽燒雞牛油果沙律配糖心蛋 ($138)與普通的沙律不同，店家於擺盤上很花心思，用上銀盤。而且沙律的襯色別出心裁，有紫紅色的紫洋蔥、翠綠的沙律菜及牛油果、澄黃色的糖心蛋，非常吸睛。其沙律不僅賣相吸引，味道也十分出色。尤其沙律醬，其調味非常對口味，因為醬中入了檸檬汁，食起非常清新，而且酸酸地，十分開胃。燒雞之肉質很嫩滑，當中還加入了煎至脆卜卜的煙肉，令整個沙律口感更為豐富。墨西哥辣肉醬粟米片配酸忌廉牛油果醬 ($98)非常吸睛的小食，用色非常大膽，粟米片擺脫了傳統的黃色的形象，用上了奪目的鮮紅色及暗黑的粟米片，非常創新。這道的粟米片有三種醬汁，芝士肉醬尤其出色，肉醬味濃配上淡味的粟米片，互相配合。另外，還有牛油果醬及酸忌廉醬供配合食用。建議大家與多位朋友共享此小食，就不用擔心吃膩。粟米片配芝士肉醬。微辣白酒蜆意大利麵 (

長沙灣一帶一向多美食，今次去咗朋友推薦嘅西餐廳choo choo。 店面用咗地圖嘅形狀作為裝修，滿足旅行嘅feel，門外仲放咗好多個好有復古feel嘅喼，身為一個鍾意去旅行嘅人真係非常鍾意呢間小店嘅concept入到店裏面，店員馬上就向我地解釋餐廳嘅concept，店入面播緊嘅片仲係餐廳老闆親自係日本拍，menu嘅設計亦都好有心思，未食嘢之前已經加哂分啦！旅行主題既地方我同朋友叫咗白酒蜆同黑墨魚筒西班牙海鮮飯，白酒蜆有好鮮味，而且d蜆難得地一粒沙都冇，真係食極都唔夠！西班牙海鮮飯嘅飯粒粒分別，有少少辣，非常惹味，而裏面嘅海鮮全部都好新鮮，分別有青口，墨魚，蝦同煎魚。一餐飯嘅最後當然要係甜品啦！我同朋友叫咗餐廳最出名嘅甜品L.I.K，佢係一個frozen cream cheese波波包住野莓醬，入面仲有d朱古力脆脆，係個波波下面有個野莓musse，所有嘢配埋一齊食真係好夾，唔會太甜太酸或者太膩好舒服呢！

旅行與美食果然是最佳的配搭！今日喺長沙灣果邊收工，之後就等埋女朋友一齊去搵o下附近有乜好食，經過一條人數不多的小街卻見到有一間外型同週邊並不太相同的小店，看似是以旅行為主題的餐廳。入到去先發現原來我o地係入o左個火車車廂內面，而且是在北海道旅行中，準備開展一餐鐵道上的美食之旅。餐廳內的裝潢極像火車車廂，還有著一本如旅行本子一般的Menu，內裡設計精緻有品味，而且乾淨，跟往常的餐廳有著不少分別。然後我o地叫o左2個主菜: 分別就係墨魚筒海鮮西班牙炒飯，墨魚夠新鮮，鮮蝦也很彈牙，帶子也煎得好香，最主要的是西班牙炒飯炒得軟硬程度適中，食得出水準非常之高！另一款係南美香辣青檸豬腩。西班牙脆包。温泉蛋。香辣青檸豬腩又辣又酸酸的而且肥瘦適中，配合攪拌均勻的温泉蛋，然後放到脆包內吃，非常好吃之餘也甚有歐陸風情！我o地2個都非常喜歡。之後仲叫o左甜品名叫L.J.K, 入面的材料有Frozen Cheese Ball, Raspberry soda, mix berry curd, cocoa nibs and honey comb; 形成一個球體，還會流心，除o左外形靚，味道都好正。係一餐令人非常滿足

今日去左長沙灣，早早訂左位同朋友食飯，去左一間以火車為主題的餐廳CHOO CHOO，入到去就好似入左一架火車，滿滿木製傢俬和風景畫，好有味道。午餐有套餐供應，價錢唔貴選擇又多。我叫左一個蒜香蝦意粉配風乾蕃茄龍蝦醬，濃濃醬汁好香加上櫻花蝦好滋味，醬汁味道好濃郁，入口是滿滿的番茄味道。意粉掛滿醬汁好出色，大蝦最驚喜，爽口彈牙好新鮮。另外叫左一杯mocha，咖啡味道濃香不失可可味，入口幼滑唔會太甜，頂層的奶泡我非常喜歡。

2018.7.27(星期五)Happy Friday~當然要同老公仔搵好野食！知道長沙灣有間好評西餐廳，於是特地相約一試！店面雖然不太大，但好有特色！餐廳營造出旅遊列車的感覺，每個座位上都有個流動風景窗口裝飾，令人好似置身列車睇風景咁，而且Menu亦精心設計，加插好多旅遊資訊，好有feel！前菜先點左《墨西哥辣肉醬粟米片配酸忌廉牛油果醬》$98！一上碟就覺得擺盤好靚好有heart! 粟米片香脆可口，配以肉醬酸忌廉同牛油果醬，口感好rich好夾好惹味！兩個人食得好滋味又夠開胃！每滴醬都毫不浪費到了主菜，我就點左牛肩胛配蘆筍，黑松露波特菇$228！擺盤依然好精美，牛上面舖牛油碎，牛煎得剛剛好，肉味夠好香嫩。底下的蘆筍亦好鮮嫩多汁。波特菇面上舖滿蒜片，不但juicy好味，仲好香黑松露味，味道好夾好惹味至於老公就點左個《西班牙伊比利亞黑毛豬梅扒（全橡級別） 迷你甘荀.燒粟米 》$178擺盤好高貴，有別我一般對豬的想法！個豬梅扒好淋好香口，個燒汁甜甜地好好味亦同豬好夾，個感覺有些似食極高檔的燒叉燒！而且份量亦好足夠！總括而言，服務好，食材用料佳，擺盤用心精緻，味道一流，食得又睇得！值得推薦！

泰式軟殻蟹羅勒葉墨魚麵個麵一上台勁有驚喜！忍唔住係咁望～大大隻黃金色即炸軟殻蟹擺係黑色既墨魚麵上面，勁吸睛！估唔到會成隻蟹上本身，仲以為得啲蟹腳⋯真係好揼本！軟殻蟹食落完全無油膩既感覺，咬落卜卜脆仲好鮮味哈哈！食得出唔係用隔夜油炸～墨魚麵係較有咬口既質地，配埋勁多蒜蓉同辣椒提升鮮味，雖然唔太食得辣但味道真係好夾忍唔住係咁擺入口！好好食！Mango Banana叫左杯特飲叫mango banana，味道如其名！好fresh好好飲！真係飲得出係新鮮製作，唔係用啲濃縮液沖出黎既！正！好有芒果同香蕉既味道！質地入口順滑，應該有加到牛奶同水果一齊打成汁。食完咁多好野食解辣消除飽肚感真係一流！下次一定要試埋其他款式既特飲！微辣白汁蜆意粉佢有好多蜆肉同扁意粉 份量好大！ 有成10幾隻蜆，而且味道上微辣！將蜆肉味帶出黎，鮮味又濃郁！ 做得好出色，味道無墨魚面咁濃， 口味淡既人既必叫之選。芥末籽燒雞牛油果沙律配糖心蛋哩度既沙律菜超新鮮！牛油果都鋪滿係上面， 燒雞既表皮好脆，加埋2粒蛋！ 賣相好吸引😍😍🤤而且份量超大盤！ 一定要兩個人食啊！佢既芥末醬好好味，酸酸地夏日食岩哂！ 不過吾鐘意沙律醬既人 可以分

登上一列快速列車，轉眼時空交錯瞬間抵達目的地。這一站來到日本高山，品嘗車卡晚餐。餐館為一所旅遊主題食店，抹殺了食客無數菲 。裝潢時尚，善於利用暖調燈光營造舒適環境。連餐單也滿載老闆出埠的點點經歷，叫打工仔多麼妒忌!西班牙海鮮燉飯西班牙食物中的代表作，依從傳統以鑊盛上。在西班牙當地一鍋燉飯少不免要數百元，海鮮紅醬飯中亦加入辣肉腸與黑橄欖很滋味。每粒米都被醬汁包裹著，啖啖充滿紅椒的濃和蕃茄的香。米粒接近意大利米的大小，嚼勁更好，熟度剛好不會一咬就爛。海鮮陣容豐富，數數竟然有9顆海鮮加上原個墨魚筒。墨魚濕潤有彈性，沾上墨汁雖然無味但至少唔腥。帶子煎得香外表非常討好，蝦隻已除腸，魚柳肉質結實呈一片片，青口有4隻仲好多肉。去旅行希望到處黎留下足印，正如食無分國界一樣。望著雪景吃亞太風情的意粉，反差極大，去旅行都未必體驗得到。第二個海鮮主餐是軟殼蟹墨魚汁意大利粉。意粉本來已用墨魚汁調色，因為不會掉色不怕約會時沾得一口黑牙。軟殼蟹甚大隻，幸運地切開發現蟹膏呢。意粉用蒜片金不換炒過，辣味都好突出，略嫌少了一些醬汁的調和。朋友點的matcha latte有奶泡架! 抹茶粉量不多夜晚飲茶都不會失眠啦。我更

接朋友收工，想搵間好坐少少，可以靜靜傾下計嘅地方，朋友就話去Choo Choo，去到真係覺得環境一流，是一列在雪地行走的火車內，見到呢個環境，未食都已經開心，覺得自己在旅行。食物：我地一人叫咗一個main，先嚟嘅西班牙海鮮飯。D汁包住每一粒飯，但唔會太多滴出嚟，係剛剛好掛到係粒飯上面就夠，味道香濃但唔會太過濟口，好好。而佢嘅飯粒亦都好正宗西班牙風格，飯粒中間係比較硬，可惜我食咗n年泰國米，都係鐘意原粒軟綿綿多DD，朋友就讚口不絕。海鮮份量都幾足料，大半隻墨魚、大大隻青口，蝦同帶子都輕煎過，特別香口。朋友唔怕肥，叫咗伊比利黑豬，呢種豬咁貴真係有原因。豬肉表面煎到微燶，而裡面均衡嘅油花同肌肉，油脂真係入口即溶，但肉質又保留住彈牙感覺，唔會好似和牛咁成啖肉化開唔見咗，每一口豬肉都好充實，好味。而且配菜放置得好靚，好似藝術品咁精緻。粟米同甘筍都係烤過嘅，味道特別香同甜，好想再食多DD。本來有諗過叫甜品，但朋友話怕之後做運動太飽，唯有留返下次。環境：店不大，座位約6張4人枱，環境寧靜，好適合人少少傾下計。店內設計為一架火車車廂，佈置懷舊又真實，車窗外一直有動態風景，是白濛濛的雪地和木屋，好有fe

同男朋友撐枱腳，去邊好呢？就等我地坐火車，等呢架唔停駛既列車帶我地去有美食既地方啦🚆一入到「Choo Choo」，雖然地方細細，但係比藍妹既感覺好好，音樂柔和🎶，唔會嘈到我地傾計。同時，昏黃既燈光照住每張枱，唔會令人昏昏欲睡。😉 —藍妹最最最欣賞就係佢既Ｍenu，佢係一本充滿旅遊氣息既筆記本，貼滿左旅遊既相🗺。食物分類既方法相當特別，海鮮會寫「FROM THE SEA」，肉食會寫「LONE TRAVELLERS FROM THE LAND」，而每款肉類既旁邊都會有相應既動物小圖案，實在太可愛啦💗唔好睇少呢啲細節位，就係小小既心思，就令到客人有舒服窩心既感覺，藍妹大讚啊❣️ —鋪頭仲整左個Mon播住短片，模擬係火車車箱裡面望出窗既情景，又係小心思💖—我地淨係欣賞Menu都搞左好耐，終於入正題啦！🤣食之前大家要知道一樣野喔，就係佢既食材都係每日新鮮入貨既，保證新鮮唔會成陣雪味👍黑墨魚筒西班牙海鮮飯海鮮既份量相當多，蝦、青口、帶子、魚柳同墨魚筒，可以話每樣鮮味都十足，全部都有煮過／煎過先，令到食材更香更入味😉 。藍妹最鐘意係隻蝦（冇錯啦，藍妹係唔鐘意食蝦既，但都覺得佢最好食），男朋友最鐘意青口

星期六放假就想食番個brunch，又搵一間特別既餐廳之前已經知道長沙灣有間火車做主題既餐廳所以就專登揸車去，都唔難搵，好方便！店內不算太大，但裝修好特別每個車窗既風景都會轉動，真係好似身處係火車內星期六都有lunch set，我同朋友一人叫了一個餐share食呢款係日式咖哩蛋包飯配漢堡，咖喱甜甜的一切開蛋內裡就有漢堡，漢堡肉好juicy慢煮手絲豬配菠蘿．西班牙麵包手絲豬肉少少辣，再配上多汁既甜菠蘿一甜一辣中和番個味道，好特別！