358
24
12
港鐵長沙灣站 C2 出口, 步行約9分鐘 繼續閱讀
電話號碼
37071034
開飯介紹
以火車做主題的餐廳,食客用餐就如置身於火車車卡一樣。LJK乃必試之自家製甜品。 繼續閱讀
附加資料
以火車旅行為主題的概念餐廳。餐廳以歐式火車車箱為設計靈感,以工業復古風格築構火車旅行的特別用餐體驗。餐廳菜式以日本食材為基調,糅合各美食文化及烹飪技術,透過一系列讓人耳目一新的非傳統食材配搭,帶領食客踏上一場無國界味蕾之旅,並傳遞富冒險探索精神的生活態度,鼓勵大家在生活中踏出安全區,勇於嘗試,像旅行一樣尋找生命中的”味”知。
營業時間
今日營業
12:00 - 15:00
18:00 - 22:00
星期一至日
12:00 - 15:00
18:00 - 22:00
*截單時間: 21:00
付款方式
Visa Master AlipayHK 支付寶 現金 AE 銀聯
座位數目
25
其他資料
網上訂座
Wi-Fi
酒精飲品
自帶酒水 詳細介紹
切餅費 詳細介紹
泊車 詳細介紹
電話訂座 詳細介紹
賞訂座積分
外賣服務
加一服務費
電視播放
當面支付
食評 (424)
好耐冇出去食飯難得可以多過4個人同枱食飯,媽咪整親腳好返d終於可以同老豆補祝生日🎂一直想退休旅行嘅爸爸由於疫情關係冇去旅行好耐,上次帶佢去飛機✈️主題餐廳打卡止止癮,今次就帶佢去火車🚞主題餐廳🍴餐廳位置並不好找,在長沙灣要走一段路。不過食物其實都有水準,可惜好幾款上網睇嘅招牌都換咗,我點嘅沙律都話午市後冇哂了🤷🏻‍♀️🍴白酒煮蜆脆多士車厘茄$138多士係烘到好乾好脆嘅,白酒煮蜆個汁就唔係特別好食,不過因為我好飽所以想點salad但又冇所以轉左呢個,最好食居然係車厘茄,真係索哂味!🥖🥣upgrade餐$42有餐湯~是日南瓜餐湯🎃+多士+餐飲🍴🦀日本松葉蟹肉黃金蟹膏意粉🍝$178 勁香濃蟹膏味!唔係講笑~真係要try try!!🍴🦐鹽燒老虎蝦意粉🍝配風乾蕃茄龍蝦醬🦞with Parmesan cheese🧀 $178 個龍蝦醬又係香濃到沖昏頭腦! 不過隻蝦就燶咗d🤣🍴西班牙伊比利亞黑毛豬梅扒(全橡級別)🥩配烤粟米🌽$188 呢個又真係幾好食😋個醬配合得好好,靚料梅頭黑毛豬扒係好稔😋粟米又甜!最後上左個甜品叫佢幫我寫🎉happy birthday to daddy 可惜佢明顯唔係香港人,連daddy都串錯😅🍑仙桃奶凍雜莓$118本身我諗住食LJK 點知已經轉左甜品,叫呢款比daddy可以玩吓敲破面層白朱古力,又唔怕奶凍太甜Overall 食物係有質素嘅,食材同食物烹調有heart,不過員工服務態度就麻麻地。因為book枱居然比張壞咗mon嘅枱我坐,食環境你比張冇景睇嘅枱我?問佢仲話我訂枱冇講明,小姐我要特登問你有冇壞mon咩?🤷🏻‍♀️最後都同我換枱就算啦🙈不過佢講嘢唔係操流利廣東話問佢野佢都唔係好聽得明😅#hkfoodie #choochoo #train #staycation #主題餐廳 #火車主題 #restaurant #cheungshawan #hkfoodblogger #foodporn #foodstagram #lovefood 繼續閱讀
(以上食評乃用戶個人意見 , 並不代表OpenRice之觀點。)
等級2 2020-12-20
90 瀏覽
洗衣店丶車房林立的長沙灣街道裹隱藏著這間火車鳴笛聲為主題的餐廳。從名字到裝修乃至食物配搭都見到老闆濃濃的誠意,尤其餐廳兩旁牆上的螢幕不斷映放着火車窗外的景色,顧客就像坐在穿梭不同國度的火車一邊吃食物一邊觀賞窗外的風景一樣。店員說他們的老闆喜歡旅遊所以開了這間餐廳,而所有片段都是他們親自操刀,既有日本也有外國風景。特別喜歡佢地既芥末籽燒雞牛油果沙律配糖心蛋同蒜香蝦意大利麵配西班牙乾番茄龍蝦醬意粉。個意大利粉高質又惹味,見個名咁長就知材料豐富,佢哋重要加埋D椰菜花碎,意粉口感即時提升,呢啲真係對食物既追求。成個lunch加埋一都係$100以內,性價比好高。另外佢地既芥末籽燒雞,個雞扒燒到又香又脆,配沙律菜牛油果糖心蛋同芥末,加埋個燒熱嘅檸檬,醒胃提神。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-10-18
703 瀏覽
最新唔可以周圍飛,唯有眼睛去個旅行走入火車旅行餐廳以火車做主題,入到去會見到左右兩邊有車窗,不段播放風景店舖唔算大但幾有特色日本松葉蟹肉意大利麵.黃金蟹膏.芫茜份量比較少,有三隻松葉蟹腳配蕃茄粒粒扁意粉,食落去比較結身不過賣相幾靚!手工黑墨汁薄餅pizza食得多,但黑色pizza 就唔係周圍都食到配黑橄欖、沙律菜、西班牙黑毛豬火腿仲有芝士同羅勒醬香口嘅脆邊再加黑墨汁,黑墨汁好多時係配意粉,次次食都會食到個咀變黑但呢個就唔會驚食到成個口黑曬大家都覺得呢個好好食1855極黑安格斯肉眼扒 .青醬.燒全蒜.波特菇見好多枱都有叫安格斯肉眼扒,決定試試個味道佢個青醬幾特別,切一塊牛再加一小粒燒蒜,個牛味都幾出,同埋好鍾意食燒蒜薯格朋友想食薯條,因為無薯條叫個薯格試試薯格全部都好大塊,一炸好熱辣辣拎出黎,好熱氣阿但好好食如有得配其他醬就更好Mango Banana賣相好吸引,係個小燈泡,芒果mix香蕉個味道好夾同好健康阿 繼續閱讀
(以上食評乃用戶個人意見 , 並不代表OpenRice之觀點。)
等級2 2020-06-18
1968 瀏覽
餐廳位於長沙灣同荔枝角站中間,兩邊都唔近起碼行15分鐘😑雖然有啲難搵不過嚟到門口、睇落又覺得幾靠得住喎!餐廳唔係咁大不過分上下層,訂咗枱一定冇問題。中檔價錢、菜式都算多選擇,服務都ok😊室內設計都幾有特色,因為兩邊牆装咗4個好似車窗嘅顯示屏,有啲似坐向架火車入面食飯、不停播住北海角火車站沿線風景🚅🥑 粟米片伴牛油果醬 $108大大碟勁抵食!牛油果醬+粟米片完美配搭😍🍲 白酒煑蜆 $138蜆肉都幾肥差美、白酒汁好味配多士超正!🐽 西班牙烤乳豬 $208 賣相唔錯,外皮好香脆,不過味道就可以再重番啲,份量好足呀😋😋🥘 西班牙海鮮炒飯 $288好食!海鮮足料、炒飯口感適中,如果想食多幾味,最好夠四人先好食,否則會食晒😌 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-08
1175 瀏覽
內在裝潢有心思,天花都有店名為燈飾,兩邊放左啲行李箱仲有電視播放街景,感覺坐喺移動緊ge火車上進食。呢度店員非常有禮貌,而且會留意住客人需要,主動提供添水、餐具等,非常欣賞當日兩位店員的態度。日本松葉蟹肉意大利麵。黃金蟹膏。芫茜,聞落好香,好似好有鑊氣ge炒意粉,仲有兩條松葉蟹腳。鹽燒老虎蝦意大利麵配風乾蕃茄龍蝦醬。巴馬臣芝士,味道比松葉蟹肉意大利麵淡,因為先食左松葉蟹肉意大利麵,令龍蝦醬味道食落好淡,要飲啲水再食。有三隻大大隻蝦,龍蝦醬亦香。脆八爪魚。甘醋。鯷魚蛋黃醬,大大舊八爪魚,外皮好脆,甘醋甜甜的,配搭幾特別。仙桃奶凍。雜莓賣相可愛,打碎外殼,就會見到入面個奶凍。個人認為奶凍味淡,面且較厚及實身,$118這個份量偏貴。 繼續閱讀
(以上食評乃用戶個人意見 , 並不代表OpenRice之觀點。)