Chatterbox Café (K11 Musea)

營業中

休息中

夏天的感覺真好， 陽光燦爛風和日麗的日子， 在尖沙咀海旁 享受著海風， 重新開啟的藝術館， 逛半天遊逛不完。 晚上到 k11吃飯😋😋， 真的很喜歡這裏， 吃最喜歡的星加坡文華海南雞飯。😎😎文華海南雞飯最重要還是要加十蚊轉雞髀， 總喜歡海南雞 滑捋捋的感覺， 雞髀位置啖啖肉，質地嫩滑 夾著啫喱狀雞汁精華。 每次就是為了這個 海南雞飯而來， 3款不同醬汁， 帶出雞肉的鮮味。星洲海鮮炒河鮮甜的帶子， 肉質彈牙不黏， 大蝦爽口鮮甜， 河粉夠鑊氣夠爽身， 香濃的醬汁加上蛋絲， 甜滋滋的感覺， 非常美味。特色鹹蛋雞翼香酥鲜味的鹹蛋黃， 均勻融入每一隻雞翼， 皮脆肉嫩多汁， 趁熱吃最滋味， 香脆嫩集於一身， 放涼了會有一點點出油。班蘭蛋糕配 新鮮水果充滿新加坡風味的班蘭蛋糕， 令我想起每次在新加坡機場，也不能錯過的手信。蛋糕充滿 班蘭味道， 綿密軟滑， 香甜濕潤。新鮮水果充滿星洲風情， 新鮮芭樂🍍 鳳梨 🍓草莓， 配上清甜 獨特的椰糖， 更突顯水果滋味。

想當年大學去過新加坡Exchange, 一直都好懷念新加坡嘅味道，所以都好想泥食呢間餐廳，但成日經過都見到呢間排晒長龍，今次我就一放工就sharp leave過泥食，yeah, 終於唔洗等好耐就有位🤩上菜都好快，落完單唔洗5分鐘就有野食😂✨文華海南雞飯 - 都幾足料，d雞幾滑，飯唔算重雞油味，唔會太漏✨招牌珍寶帶子喇沙 - 職員好好會提示為免個麵浸淋，要盡快食左先~ 我第一啖係食個帶子，勁鮮同爽口，湯底正常，唔會太辣😜✨黃金咸蛋雞翼 - 係雞全翼，仲要有7大隻，個咸蛋味勁濃烈，食到最後覺得有d咸同漏😂✨斑蘭蛋糕伴椰子雪糕 - 蛋糕好軟熟，最有驚喜係個雪糕，裡面有椰子肉同椰絲，勁香勁特別✨美祿恐龍 - 面頭美祿粉做到脆脆感覺，味道唔會太甜，剛剛好食完已經見到出面排晒長龍，雖然唔係平，但都真係食得過嘅~

今日同老公行完K11 ，行到腳都攰，喺商場度諗住是是但但搵間餐廳食飽就算，見到依間Chatbox Cafe門口有十幾個人排隊，入面都坐到爆曬，餐牌睇落好似幾好食，所以喺門口拎飛再去對面買買化妝品就差唔多到我。我哋叫咗兩個主菜一個小食+2杯飲品，主菜係雞肉喇沙同埋海南雞飯，海南雞飯應該係我近呢半年黎食過最出色嘅一間，我加咗$10升級做雞髀飯，雞肉嫩滑，中間冇肥膏，雞肉冇血水，very gd!雞肉喇沙湯底有好充足嘅椰汁味，唔算好辣，好開胃，份量都OK，我仲叫埋一份小食， XO醬炒蘿蔔糕，風味十足，仲好大份添，食咗七成已經好飽肚。呢度最出名嘅飲品就係美祿恐龍同埋雪糕豆漿紅豆冰，咁我同老公梗係一人一杯啦，美祿好夠濃，我淨係夠膽飲兩啖，因為我怕肥，但係我老公飲晒成杯肥仔水，我個杯甜度都OK唔算好甜，可惜太飽飲唔晒，買單$422，喺K11黎講抵到爛，性價比極高！

本身想試咗好耐，但係次次去到都排長龍，可能熱潮已過加上平日夜晚，所以等咗10分鐘左右就有位。首先講下兩個主食：白胡椒肉骨茶配白飯同招牌雞肉喇沙。肉骨茶好豐富，有8-9舊肉骨，而且都幾多肉，不過如果個湯再濃味啲，藥材味重啲會更加好。喇沙方面，係有啲驚喜，因為我本身唔太鍾意食喇沙，嫌佢有時椰味太重，但係呢個完全唔會，各方面味道都好平均，如果下次有機會再嚟都會想再食。不過小食方面，就有啲失望喇。雞肉沙嗲串性價比偏低，份量少而且味道一般，建議可以唔使嗌，另外馬來特色炸豆腐都一樣，因為真係冇咩特別。不過餐廳入面嘅防疫唔錯，我哋兩個人都坐四人枱，感覺闊落又唔會同隔離枱太近，但可能就係因為咁所以成日排長龍⋯⋯總括然而都可以試一試。

😋 招牌珍寶帶子喇沙喇沙以一個精美的大碗盛著大碗頗深，可能有防止食麵彈汁沾污衣物之用途🤣比起普通餐廳喇沙麵一定有更好的賣相湯底味道香濃、帶椰香，湯夠濃厚是屬於足料的湯底，而且不會過分油膩👌🏻除了主角帶子，也有雞蛋和魚片?(fish cakes)雖然有豐富的材料，但份量不算多🤭極度肚餓的食客未必滿足，可能要配上小食帶子和麵條也是煮得合宜，有咬口🤤帶子大大粒，鮮甜，感覺很新鮮不過也是略嫌價錢稍貴呢😢但與海南雞餐比較之下，我偏向海南雞😳

星期五晚放工想食海南雞飯，諗咗好耐食天天定係呢間好，最後揀咗呢度順便喺附近買嘢。我哋應該七點左右嚟到，等咗三個字度已經有位，係吧枱，但坐得唔係幾舒服。我哋叫咗最岀名嘅海南雞飯，大蝦喇沙，炒菜同魚餅。海南雞好似係慢煮，夠嫩滑，不過啲雞皮好厚，雖然幾彈牙，個油飯都ok，整體都唔差。跟住到大蝦喇沙，有三隻大蝦，蝦新鮮彈牙，喇沙湯幾好不過同百勝廚好似差不多味，同埋佢配米線我覺得唔夾，見好多食評講到好正，搞到期望好高，有啲失望。另外小食個魚餅好辣，食咗幾啖頂唔順。菜就正常。總括嚟講，食物質素好一般，未必再想嚟食。

雖然平日午市未夠12點都要等位，但係的確有佢要等位嘅道理。限時90分鐘用膳時間，所以都唔會話要等得好耐，10至15分鐘可以接受。海南雞飯，雞髀要另外加錢，冇加到食咗其他部位都滑，個飯好夠味，乾身又唔會好硬👍🏻 黑豉油炒蘿蔔糕👍🏻👍🏻成碟我自己都食得晒，蘿蔔糕有彈性仲有好多真蘿蔔喺入面好有咬口，味道有啲甜，但係我好鍾意黃金雞翼，鹹蛋味都夠，就咁睇隻雞翼都勁厚粉，只係炸得唔夠脆，可以一試美祿恐龍👍🏻 濃味，多脆脆

今次約左朋友去K11 Musea間新加坡過江龍餐廳食晚飯，就算閒日過黎，呢間都已經滿座咁制，都要等一等先入得，當然要入去睇下啲野係咪真係咁正先。一打開餐牌，我地就比一個甜品吸引左眼球，所以都叫定後上。聽講呢度嘅文華海南雞飯好出名，就叫左個黎試，雞皮同雞肉都好嫩滑，同埋有配埋幾碟醬汁比我地去點雞黎食，我個人鍾意用甜醬油去點雞食，覺得夾啲。而油飯夠香，配埋雞肉黎食真係好正。跟住，招牌大蝦喇沙真係份量好足，尤其係蝦肉嘅份量夠哂多非常佛心，湯底香濃可口，食落真係特別惹味。特色咸蛋雞雞翼真係值得推薦，外層包滿香濃嘅咸蛋黃，雞翼肉汁又保持到，仲要係呢個價錢有6隻，真係性價比超群，重點係呢種風味唔係度度都食到，先至難能可貴。斑蘭蛋糕配椰子雪糕作為甜品，真係好完滿，椰子雪糕嘅椰子味極濃，裡面仲會食到椰肉，而蛋糕都係高質，班蘭味足夠。整體上，呢間係值得再食。

新加坡名物嘅海南雞喺香港都食到啦！雖然仲未有機會去旅行，但可以喺K11食到鼎鼎大名嘅海南雞飯。文華海南雞飯 $118必食招牌菜，雞肉肉質嫩滑有雞味，無骨啖啖肉又肥瘦適中，一個人可以食哂成碟雞；油飯粒粒分明，入口甘香軟熟；雞湯清甜，提提大家，食雞的時候記得蘸辣椒醬、薑蓉和醬油，豐富味道層次。咖喱豬肋骨煲配白飯 $118熱辣辣成個煲上檯，keep住夠哂熱，咖喱味唔會一味死辣，反而好惹味。豬肋骨好入味，仲有薯仔、茄子等配料，佐飯一流。特色咸蛋雞翼 $78超邪惡美食，一客有6件，厚厚一層鹹蛋黃，味道超級濃郁，仲帶少少微辣，外皮香脆，惹味度十粒星！星洲彩色刨冰 $58賣相夠哂colorful，一睇個樣就知透心涼，除咗冰之外，仲有綠豆、紅豆、涼粉等等，材料豐富。原個鮮椰青 $48原個椰青上檯，味道清甜，清熱又解渴。

傳說中的文華海南雞飯終於試得到星期日六點呢個鐘數可以唔使排隊不過門口個侍應又要處理外賣order又要安排客人入座就入而搞左一陣黎到呢到就一定要食個海南雞飯啦加左十蚊定十幾蚊要個脾位一貫新加坡海南雞飯既組合個飯味道夠但偏乾身啲雞就都真係好嫩滑同食到雞味基本上唔點醬食都好好食福建炒麵唔係乾身既炒麵 但食得到鑊氣味 有驚喜招牌大蝦喇沙有三隻大大隻既蝦 個湯頭未飲就已經聞得到好香飲落蝦味同椰香味超夾炸豆腐今日幫我地帶位 落單到埋單都係同一個侍應我諗餐廳最應該加強應該係人手😅

K11 Musea入面既Chatterbox係我成日都會幫襯既，佢既海南雞飯真係好食今晴同媽媽同妹妹黎食，總共三個人，叫左三個主食加一個小食，總共$552.20，以係Musea入面既餐廳黎講，其實真係唔貴海南雞飯（$118+$10轉脾）👍🏻👍🏻👍🏻推介脾位嫩滑，呢$10真係好值得比雞既份量真係好充足大蝦喇沙 （$158）👍🏻👍🏻👍🏻推介有三份大蝦，一上菜已經聞到濃濃既蝦味，食完最後我連個湯都清埋海鮮福建炒麵 （$158）👍🏻👍🏻👍🏻推介有蝦同魷魚，呢個炒麵都有驚喜，屬濕炒麵類小食-炸豆腐（$58）炸豆腐就普通少少，上面既配菜係完全冇味

Chatterbox Café獲獎無數，已在已經開到來K11 Musea，愛吃星洲佳餚嘅我又點可以錯過！來到餐廳已開始有人等位，我們就先在旁邊的取票處先取號碼，等叫號。經過一輪等待，終於可以進店下單了。店中牆身以一幅植物及動物為主題的大型壁畫，中間再間以植物佈置分隔，地方闊絡，給人一種輕鬆寫意嘅心情。今期主打班蘭系列，我又點可以錯過！簡單而美味，幸福的一餐！凍班蘭牛奶咖啡斑蘭聚在牛奶咖啡底層，輕輕攪拌，那獨特的天然氛香，味道清新，散發著香醇幼滑的牛奶咖啡中，絕對是至高級嘅享受。招牌珍寶帶子喇沙來到時已香氣撲鼻，喇沙湯底非常濃厚，還見到浮浮沉沉的珍寶帶子，真係流哂口水！喇沙湯底香濃，還有大大粒鮮嫩帶子，配上豆卜、魚片、蛋等...真係不知不覺就成碗食哂。豬肉沙嗲 (6串)一串又一串，來到又點可以錯過串燒呀！一份有6串，串串燒至金黃色，豬肉肥瘦適中，咬落非常嫩身，再配上甜甜香香的沙嗲醬，真係無得頂。椰子雪糕新地新地上有足足3球椰子雪糕，每一球都是自家製，再鋪上菠蘿和亞答籽，非常吸引。自家製椰子雪糕散發著醇厚奶香，再跟藍莓爆珠感覺特別地爆開，充滿熱帶幸福風情。

之前係太古城食過chatterbox express覺得幾好味, 今日放假約左妹妹去tst行街食飯, 於是就帶左佢去k11嘅chatterbox cafe試下! 餐廳環境幾大, 座位寛闊, 坐得幾舒服!🌟四季柑汁味道酸酸甜甜, 大大杯解渴又開胃🌟文華海南雞飯🐔🍚小妹將海南雞升級做雞脾, 雞脾口感鮮嫩滑溜幾juicy, 配搭油飯一流, 小妹最中意附上嘅辣椒醬, 辣味由淺入深, 愈食愈滋味!🌟黑醬油炒鮮蝦蘿蔔糕炒蘿白糕份量非常足, 黑醬油甜甜地, 沾滿哂成粒一口蘿蔔糕, 非常惹味!🌟馬來特色香煎辣魚餅魚餅香香辣辣, 食落煙煙韌韌, 夾上麵包食落口感更豐富🌟鮮斑蘭蛋糕伴椰子雪糕🍰🥥🍦斑蘭味好香, 蛋糕口感軟綿有彈力, 椰子雪糕入面有椰絲, 食起上嚟好香椰子味, 淋上椰子糖漿, 味道更香甜味美!

位於尖沙咀的Chatterbox Café，是一間在1971年創立的的新加坡海南雞飯專門店。品牌多年來獲獎無數，平均每日售出700份招牌海南雞飯，深受當地人歡迎。 Chatterbox Café來了香港之後，人氣有增無減，每次經過餐廳，都大排長龍，非常誇張呀! 我曾經與朋友品嚐過這裡的菜式，覺得質素不錯，所以這次便帶媽媽來試一試啦。店家除了有招牌的文華海南雞飯，亦有各種星洲美食佳餚，例如:喇沙、炒貴刁、特色小食、甜品等等，我們也點了數款呢。 文華海南雞飯 $118 鎮店之寶的文華海南雞飯，下單後不用三分鐘就呈上，光速的速度，令人驚訝呀! 海南雞用50分鐘慢煮製成，肉質軟腍鮮味，加上醬汁後更加惹味。海南雞比首次品嚐時更加嫩滑和入味，味道不錯呀~ 招牌雞肉喇沙 $108相對於海南雞飯，我更愛味道濃厚的雞肉喇沙。喇沙散發著濃濃的椰香、奶香、咖喱香，令人忍不住馬上吃一口。湯頭濃郁芳香，惹味無比，如果麵條彈牙一點就更好。 鮮斑蘭蛋糕伴鮮果 +$58 期間限定的斑蘭蛋糕，當然要試試。蛋糕鬆軟可口，斑蘭味濃，味道也不錯呢。

K11 Musea將新加坡鼎鼎有名的文華酒店Chatterbox Cafe帶來香港，讓我們不用遠赴新加坡，都可以享用到星洲正統佳餚。Chatterbox Cafe皆使用進口食材，保留每道菜餚原始味道，Chatterbox Cafe叫人迷戀的地方就是各種南洋風味都吃到，餐牌內容幾乎涵蓋大家所熱愛的料理，不論海南雞飯，肉骨茶，喇沙，炒貴刁等通通都有。文華海南雞飯我們加10元升級做雞腿，海南雞附上兩片青瓜和蕃茄仔，很單純的海南雞飯。飯相信是泰國進口的香米，至於海南雞則嫩煮後去骨而成。海南雞飯配有自家製薑蓉，辣汁及黑豉油，建議大家先嚐海南雞原味，再嚐其他醬料風味作對比。軟嫩的雞腿肉淋上黑豉油，不會過於搶味，讓海南雞更加甘甜鮮美，薑蓉與海南雞好不對味，是不可缺少的元素，有著淡淡的薑味，辣汁則味道濃香，和海南雞十分合拍。雞肉口感鮮嫩，雞皮微彈不軟爛，海南雞有著自然的肉香，無敵涮嘴。油飯使用雞湯及其他香料一同烹煮，粒粒分明具彈性，嚼起來有點鹹香，這點還挺加分呢。雞湯就是濃而不油膩，又富蔬菜的清甜，不愧是海南雞飯專家，水準一流，讓人難忘。對新加坡美食有點認識都不會對喇沙感到陌生，吃招牌雞肉喇沙是指定動