Chatterbox Café (圍方)

營業中

休息中

Chatterbox Cafe...号称在新加坡比PS Cafe更火红的餐廳，香港首店座落围方，据说海南鸡饭一绝，每日午市排大隊令我却步。今日下午3pm去吃，还好沒人，但领班居然说下午休3:30pm，令我驚讶不矣，居然下午茶休息，有$也不赚？还好我們吃得要快，那赶紧入座。打开餐牌，价$比一般南洋餐廳贵的，招牌海南鸡饭，居然边上加上(文华酒店)，顿时明白了！这cafe后厨班底，必定是文华厨师，海南鸡需平民东西，但文华酒店的海南鸡饭，驰名国际，我当年94年上海吃，也要FEC 95 +15%，即当时人民币160/份，这几年在上海也是专门去吃多一次。所以立即下单，果然是文华味道，才＄135/份，良心价，只是沒用泰國絲苗米，唯一批評。但肉质，沾料，口味，果然好味，而坡佬炒飯也非常丰富，一份炒饭要25分鐘制作，不是快餐做法。反正如果近期新加坡去不了，这边味道準正宗了！

選擇了一款排骨茶，可能是該店選用冰鮮排骨的關係，完全冇肉味，肉質又太硬，更冇胡椒味，比起星加坡出品，此間品質絕對不合格。另外咖哩豬排飯，亦因肉質選料問題，並不好吃。總括而言，絕無下次光顧。

今日又去左圍方行街街，突然想食海南雞飯，就去左chatterbox啦，平日晚上都多人，要等等位先入到去食。圍方分店大又寬敞，坐得舒適。文華海南雞飯一如水準，雞肉嫩滑，皮彈牙！油飯吸收左雞油同蔥蒜精華，好好食！仲有可以豉油、薑蓉同辣醬，撈埋飯食又得，就咁食都好食！星加坡炒飯炒飯上面係隻太陽蛋，炒飯有好多蝦，好彈牙，另外仲有塊蝦片，蝦皮盛住飯食又幾好食！脆炸腐皮卷腐皮卷炸得香脆可口，仲有泰式辣醬！充滿新加坡風味既晚餐🇸🇬

黎到呢個新商場人群湧湧 等左好耐終於可以坐低食飯🍱•文華海南雞飯依舊叫海南雞飯雞好滑 加埋油飯加湯但覺得K11 MUSEA果間好食啲•沙嗲串燒拼盤 雞豬牛串燒熱辣辣黎到點埋個沙嗲醬肉仲好滑 好味•鹹蛋黃雞翼一聽見有鹹蛋黃整既野又係不得之了雞翼沾上鹹蛋黃 超惹味 好入味 必食🫶🏻

今日去到新開嘅大圍圍方，Shop完平就去食晚飯，咁見到呢間Chatter box係新開嘅分店，見到都幾大，而且入面都幾有garfen feel。咁我地叫左少少野，有以下:文華海南雞飯：個定價可覺得都ok嘅 ，食到啲海南雞算幾滑，其實呢個海南雞我覺得佢啲味道都夠，不過如果大家 鍾意點醬嘅話都可以點，其實我自己覺得呢個雞味都夠，食埋佢啲油飯，我覺得兩樣嘢都幾夾。招牌雞肉喇沙 呢一個喇沙係我朋友order，咁我食過佢個粉都ok嘅，雞肉都幾白滑，因為呢一間嘢我覺得係出名係啲雞，所以唔錯呀，湯底味道都濃味，不過唯一要改善嘅就係我覺得佢個湯唔係太夠，如果添加多啲湯會更加好。最後我同朋友飲埋杯錫蘭奶茶就閃人,overall其實呢間嘢啲嘢食質素我覺得都唔錯,所以如果大家行去大圍呢一頭大家可以試下呢間餐廳。

今次講講新加坡文華東方酒店，第二間喺香港開嘅 Chatterbox Cafe. 主打海南雞飯和喇沙。今次就試吓佢嘅海南雞，睇吓有幾出色。首先講講佢嘅擺盤， present得幾靚幾精緻。海南雞排得好靚。醬汁有三款：甜豉油、薑蓉、酸辣醬。飯係雞油飯。湯係一啲椰菜湯，有1件豆腐喺裏面。雞海南雞望落去好靚仔，色澤偏黃。咬落去口感偏林，冇乜嘢雞味。但勝在刀法好好，每一件嘅雞厚薄好均勻。雞髀雞胸大約各有五六件，份量適中。飯跟餐嘅係雞油飯，好香香料味，唔太油，冇落黃薑粉，唔會好似某啲餐廳嘅海南雞飯咁樣黄禽禽。醬料甜豉油甜豉油喺三款醬油之中我最喜愛的。豉油本身好厚身，甜度適中，好掛身。薑蓉薑蓉來講，比較失色。薑蓉切得好溶，浸喺油裏面，但一啲薑味都冇。甜酸醬甜酸醬又唔甜，又唔酸，又唔辣，麻麻哋。

圍方開幕已經大半個月，平日人流依然興旺。這是Chatterbox cafe在香港的第二間分店。 之前曾在K11食過，一試愛上。文華海南雞飯 ($138)海南雞肉質除咗滑同彈牙之外，入口真係留有雞味，上面塊雞皮仲好薄，食多幾塊都無乜罪惡感，可謂一分錢一分貨。醬汁看上去就是平時會見到的三款醬料，辣醬辣得開胃；薑蓉磨得好細，主為辛辣，無多餘調味；黑醬油濃稠鮮甜。附上的清湯，菜味較濃，裏面有塊滑豆腐，亦加入少計炸蒜增添香味。香炒河粉燴牛肉 ($128)一坐低就聽到呢個菜式快售罄，唔執輸叫返個。整個份量感覺足夠兩個女仔食用。外貌似炒濕河，牛肉軟腍且爆多!! 河粉粗度是陳村粉級別，啖啖掛汁；醬汁濃而不鹹。夏日刨冰配雪糕 ($68)夏天食刨冰係一種幸福。 冰略嫌有少許黏在一起，但見成個刨冰砌得好靚就原諒佢啦。配料有涼粉、紅豆、亞答子，混入淡奶，最頂有個大大的雲尼拿雪糕及加入花生碎。亞答子是我看menu才知道其名，口感Q彈。紅豆略甜，但跟冰一起就剛好。

Chatterbox 繼尖沙咀後落戶大圍圍方，對我沙田友黎講簡直喜出望外，因為我地一家都係海南雞飯fans。開業咁耐，成日人山人海，今日平日5:40 去到，剛剛好可以直入，過多陣已經要等位啦。黎到Chatterbox 無理由唔叫海南雞飯，講真雞，醬汁同湯都無令我失望，但唔算驚喜，而令我驚喜既係碗香飯，唔油得黎，真係粒粒都有雞油香味。另外叫左碟海鮮炒貴刁，講真仲驚喜過海南雞飯，一上枱已經被佢既香味嚇親，入口簡單4隻字真係好味，帶子大大粒，蝦仲脫埋殼，正。菠蘿芒果梳打正常咁好味同解渴。最開心係qr code 見唔到menu 既荔枝刨冰配雪糕，多口問下，話如果我地想試，可以整杯。有幾好味我唔講，留俾大家試下啦，但service 真係值得一讚。

Chatterbox Café 是人氣新加坡海南雞飯, 多少總會有點期待, 我兩位長輩從7:45取飛, 直至我放工8:15到達, 還需要多等半小時才能入座, 新商場人流果然很多以手機點餐, 可能時間關係, 沒有太多選擇, 幸好還有文華海南雞飯, 3款醬料味道不錯, 而油飯也很好, 很香卻不會太油膩, 至於雞則較為普通; 其中一位長輩不想食飯, 所以點了炒星洲炒貴刁, 不過味道與賣相卻似乾炒牛河, 還好配料是海鮮, 一眼望去也未至於令人誤會總體來說, 味道可以, 但以價錢來說偏貴, 既然是人氣食肆, 一試無妨Chatterbox Café 是人氣食肆， 可惜的是，這一間圍方店以新開業的食肆來說，服務完全不合格。而導致兩位長輩需等候1小時，其實並非因為完全沒有四人檯可以安排給我們，而是食肆內某男店員安排入座的意志。我們一行三人，親眼看見有兩張相連的二人檯，以及門口的四人圓檯，均同時有食客結賬離座，當我們以為侍應清潔後，便可以入座時，最後卻見侍應將兩張二人檯拆開，由三組二人食客入座，即四人圓檯亦只有兩人使用。長輩們隨即向女接待員查詢，她卻說是某男同事指示。高人的想法，我個子小，當然摸不著頭腦

大圍“圍方”開幕了，來過兩次，第一次實在太多人啦，冇食到嘢。今次睇中咗呢間星加坡餐廳chatterbox cafe ，等咗一陣就有位，點咗“White Pepper Bak Kut Teh Mee Su”，之前食開肉骨茶都係配白飯，今次配麵線亦好好味，白胡椒味够出，排骨亦多，有5長條，唔似之前食某間餐廳得2條。嗌Satay Platter貪佢有齊豬肉，牛肉同雞肉，每樣有兩串，我最鍾意雞肉串燒，够juice，朋友就鍾意豬肉串燒，每人有不同口味，搵到自己鍾意食嘅就ok. "Coconut Ice Cream Double Scoop" 有两球唔使爭，1人1球啱啱好，椰子味濃郁仲可以食到粒粒椰肉👍

新加坡文華酒店既𝘊𝘩𝘢𝘵𝘵𝘦𝘳𝘣𝘰𝘹 𝘊𝘢𝘧𝘦́ 在大圍站上蓋商場圍方開設全港第二間分店，身為大圍老街坊既 👧🏽 當然要去參觀新商場同過江龍餐廳。🥘 𝙈𝙖𝙣𝙙𝙧𝙖𝙞𝙣 𝘾𝙝𝙞𝙘𝙠𝙚𝙣 𝙍𝙞𝙘𝙚 𝗛𝗞𝗗𝟭𝟯𝟴招牌文華海南雞飯，+$𝟣𝟢可以轉雞髀。賣相不錯，碟上見到濃郁的雞油，可惜雞肉口感一般；至於三款醬油，其中紅色辣醬辣到到爆炸🌶️🥵加些少落炒貴叼好過癮，至於另外兩款醬汁較平庸，👦🏻 表示呢個質素唔值呢個價錢。🍜 𝘾𝙝𝙖𝙧 𝙆𝙬𝙖𝙮 𝙏𝙚𝙤𝙬 𝗛𝗞𝗗𝟭𝟮𝟴星洲海鮮炒貴刁好鹹！好普通既乾炒海鮮河 🤧 性價比十分低，一粒帶子、兩件大蝦、幾塊臘腸、一堆蝦仔，麵身都比較厚身和闊，但炒得好碎🥢🍗 𝙎𝙖𝙡𝙩𝙚𝙙 𝙀𝙜𝙜 𝘾𝙝𝙞𝙘𝙠𝙚𝙣 𝙒𝙞𝙣𝙜𝙨 𝗛𝗞𝗗𝟳𝟮特色咸蛋雞翼肉質嫩滑多汁，搭配上濃郁的鹹蛋黃碎，讓人回味無窮😋🍨 𝘾𝙤𝙘𝙤𝙣𝙪𝙩 𝙄𝙘𝙚 𝘾𝙧𝙚𝙖𝙢 𝙞𝙣 𝙎𝙝𝙚𝙡𝙡 𝗛𝗞𝗗𝟭𝟬𝟴甜品方面，必試招牌椰子雪糕，雪糕以椰子盛載，打卡一流 ❤️ 雪糕加入椰子果肉，有咬口之餘味道清新🍹 𝘾𝙤𝙘𝙤𝙣𝙪𝙩 𝙎𝙝𝙖𝙠𝙚 𝙬𝙞𝙩𝙝 𝙂𝙧𝙖𝙨𝙨 𝙅𝙚𝙡𝙡𝙮 & 𝙍𝙖𝙙 𝘽𝙚𝙖𝙣𝙨 𝗛𝗞𝗗 𝟱𝟰香濃椰子奶配上香甜紅豆和

圍方開了不久，今日和友人去湊湊熱鬧！真係超多超多人，所有餐廳都要等半個鐘以上。大家去開餐，真係要預留時間排隊。我和友人3月去過新加坡旅行，當時未試到文華海南雞，傳說中新加坡最好食的海南雞。今日就來到試文華海南雞！我們點了海南雞飯、肉骨茶和凍錫蘭奶茶！海南雞真係唔錯，即使係雞胸肉，個肉質好軟滑，好好食。個海南雞餐會送一個雞湯，都幾好飲。肉骨茶係傳統新加坡味，多點蒜香胡椒。外面通常食到馬來西亞肉骨茶，藥味較重。我個人喜歡新加坡肉骨茶，這裡的都不錯！至於錫蘭奶茶，係傳統新加坡奶茶味道，都幾飲！

餐廳有新加坡「海南雞飯始祖」之稱，幾年前係K11 Musea 開左第一間分店, 一直都排長龍，未有機會試。今次係大圍圍方開左分店，決定試下，平日晚上，等左40分鐘左右。餐廳裝修係花園風，好似去左旅行咁。。招牌大蝦喇沙 $178湯底濃郁，好重椰香味，入口惹味。麵底唔係滲滲，用左米線，好滑又掛湯。滲同麵底唔錯，配料差少少。有3隻大虎蝦，做左開邊，方便進食，開得邊見到佢清左蝦腸，但有一隻無清到，肉質偏淋，唔夠彈牙。有4片魚片，都係偏淋。仲有全熟蛋、豆卜，芽菜，正常。。文華海南雞飯 $133新加坡海南雞飯會有三款醬，黑醬油、薑蓉、泰式辣汁，每一款同雞肉都好夾，帶出鮮味，肉質又鮮嫩。油飯做得幾好，唔會太油，粒粒分明。。星洲脆香麥皮海蝦 $228香港唔係好多地方有得食，一見到餐廳有就決定試吓。蝦炸到好香口，肉質彈牙，算幾大隻，但係得四隻性價比好低。麥片炒到好脆但調味唔夠香甜。Overall, 食物好味，但呢個價錢有更多選擇。

總結擺頭：食物麻麻，服務ok，環境ok試營運夜晚場17:30開始入場我細佬16:55到大圍開始排到第一張檯，所以17:28就入到（唔需要過半人），90分鐘用餐時間。嗌嘢食用app，但係有啲menu有嘅菜app冇，唔知係咪冇賣（帶子喇沙），我冇問。嗌咗雞肉喇沙，好快上，但喇沙唔係好熱，雞係雞胸肉，凍嘅，仲要未熟透，我覺得係就咁攞海南雞丟入碗喇沙到，好hea，而且雞好肥冇推介。嗌人講返雞肉仲係半生嘅佢話攞入廚房再幫我煮下，攞返出黎碗都唔係好熱，可能真係齋熱咗下lmao。喇沙汁係唔錯嘅，但雞胸肉好柴完全冇味，其他餸係豆卜同炸魚片同芽菜，感覺成碗嘢值6、70蚊，擺到圍方$128🤷媽媽食海南雞飯，擺盤好睇，加咗$10轉做雞髀肉，雞肉都係肥，味道普普通通麻麻地地求求其其，雞油飯都係一般般過得去，同茶餐廳美心之類嘅海南雞飯味道差唔多，$138🤷細佬食新加坡炒飯，炒飯味道唔錯，兩串肉串都ok，仲有一塊蝦餅，一個太陽蛋，算係ok可以接受，$138💁🏻其他嘢飲特飲$50+費事嗌環境ok裝潢幾靚水樽幾得意（記得倒水個陣轉下）餐具感覺擺喺度唔係好乾淨，冇濕紙巾

上星期一晚收工到了圍方！ 平日晚上8:30左右商場仍許多人！ 這晚我試了人氣新加坡餐廳Chatterbox Café。 Chatterbox被譽為「海南雞飯始祖」！ 而且連續多年榮獲米芝蓮！ 它於1971年開業。 逛了一圈來到Chatterbox Café門前已經停止取票輪候，但店的經理說可排隊等候。 店中許多食品已售罄。 待計算尚餘多少個海南雞飯才安排入座。 等了會經理說剩14個海南雞飯，那麼現在倒數及安排入座。 我點了少冰凍斑蘭咖啡、招牌海南雞飯、椰子雪糕伴班蘭蛋糕。原來斑蘭和咖啡是朋友😆很調和沒違和感！ 慢煮式煮的海南雞飯肉質嫩滑，連獲多年米芝蓮實名歸。至於班蘭蛋糕伴椰子雪糕？ 我問過經理他說班蘭蛋糕是他們提供自家配方訂制。 不過我覺得班蘭味並不突出。 但椰子雪糕嘛！ 😍😍😍愛了！愛了！ 那充滿椰子芳香的雪糕內裡有許多椰絲還有點椰子肉！ 豈能不愛？Chatterbox Café地址: 大圍車公廟路18號圍方3樓304號舖