Chatterbox Café (圍方)

營業中

休息中

Chatterbox 繼尖沙咀後落戶大圍圍方，對我沙田友黎講簡直喜出望外，因為我地一家都係海南雞飯fans。開業咁耐，成日人山人海，今日平日5:40 去到，剛剛好可以直入，過多陣已經要等位啦。黎到Chatterbox 無理由唔叫海南雞飯，講真雞，醬汁同湯都無令我失望，但唔算驚喜，而令我驚喜既係碗香飯，唔油得黎，真係粒粒都有雞油香味。另外叫左碟海鮮炒貴刁，講真仲驚喜過海南雞飯，一上枱已經被佢既香味嚇親，入口簡單4隻字真係好味，帶子大大粒，蝦仲脫埋殼，正。菠蘿芒果梳打正常咁好味同解渴。最開心係qr code 見唔到menu 既荔枝刨冰配雪糕，多口問下，話如果我地想試，可以整杯。有幾好味我唔講，留俾大家試下啦，但service 真係值得一讚。