CAFÉ LANDMARK

營業中

休息中

以前成日都聽啲明星呀，謝賢四哥呀來食high tea，對呢度食物質素有一定嘅期望。終於，幾年前第一次來食high tea- 噢，點解咁似酒樓點心加幾舊buffet 的「行貨」甜品蛋糕仔放埋一碟咁嘅（雖然都係有三層）? 再聽聞原來係美心集團嘅...又要排長隊，之後就無再來過喇。後來Mr A 出咗張AE card, 二人有50% discount。佢經常話呢度的龍蝦意粉非常好味，話要揾日再同我來試下。不過中環實在有太多西餐的選擇，呢度又只得walk-in，如是者呢一餐就拖咗成兩三年。今晚咁啱路經，見到無人排喎，終於食到「久仰大名」嘅cafe landmark 皇牌龍蝦意粉喇。今餐基本上係龍蝦餐 - lobster linguine, lobster bisque, lobster risotto。Appetizer 就點咗燒和牛沙律。燒和牛沙律：非常不錯！雖然相中的顏色較深，但真身其實燒得剛好，一啲都唔老，肉質soft 又香油脂味！伴沙律菜食酸酸微微有助中和油膩感。Lobster bisque: 由龍蝦湯fans 的Mr A 點。我八掛試飲了一啖，味道都幾香濃的。請Mr A 評分，佢話以飲

母親節快到, 媽咪提及過一直想來這餐廳 (可能知道好多藝人都來,所以好奇想試下).心知這裏消費唔平,但當作慶祝母親節,無所謂啦!大約1:30來到, 不用等位, 我特別要求SOFA位,感覺開揚自在啲.  坐下來看見有Lunch Set ($260-350). 可惜選擇唔多, 又唔係我想食的東西. 於是散叫了.南瓜湯 ($90), 夠熱! 配了好味的麵包, GOOD! 泰式柚子沙律($120), 這個沙律似食生果似的Parma Ham Pizza ($160) , 無乜等別我覺得最好味的龍蝦意大利飯($260). 雖然係多汁啲, 但啲龍蝦汁好濃好好味, 加上龍蝦去了穀,肉質好爽脆. 本來想食甜品, 但都感覺飽了!******************************整體上,食物質素都唔錯. 反而係侍應的水準真係要改善. 首先, 第一位侍應好粗魯地把牛油飛出碟,跌了枱上 (好唔專業囉!)第二,有一位侍應清潔枱面時, 不小心倒瀉黑醋, 他連忙用布抹了, 但好大意地, 清潔不乾凈便走了! 另一位經理剛經過,馬上再抺一次.最後, 落單的女侍應, 可能帶著口罩, 没精打采的, 可能真的需要放病

節日限定套餐 主菜+湯+飲品凍熱飲都不需要加錢魚柳 應該不是用新鮮的魚柳 這個還好 芝士蟹蓋 蟹蓋裏面啖啖肉 而且焗得非常香 配菜都好好味 兩個套餐價錢一樣 這個特別抵食龍蝦非常大隻 配上濃味的龍蝦汁 肉質爽滑 羊架脂肪剛好 好惹味

星期六即興在下午才訂位吃晚餐，也有位呢！到達後餐廳不full，星期六日也有dinner set供應。叫了一個羊架set，另外散叫了一份lobster risotto和招牌燒春雞。dinner set包了頭盤parma ham with melon，parma ham切得很薄很平均，味道夠又不過咸，只是哈蜜瓜不夠甜。洋蔥湯我覺得有點過濃了，可能是個人口味的問題吧羊架叫了7成熟，沒有"蘇"味👍🏼龍蝦意大利飯濕度適中，但飯粒沒有硬度，喜愛硬硬地既意大利飯既朋友可能就不太喜歡喇！

好....首先讚下佢既訂位服務態度好好, 食個lunch 都會confirm booking ! 雖然其實都唔會full ..不過有得book 就book 左位先安全d ! 呢到出名名人多架啦....好經常容易都會見到好多知名人士係到食飯所以服務態度一定有返咁上下standard ~之前係到食過tea, 但..lunch 都係第一次食er..honestly ..比我想像中貴 lunch set 有3個, 我朋友早到, 一早睇左.....我都唔知有咩食佢就話叫頭2個set A) 牛柳餐B) angel hair set 都會有餐湯同coffee/tea 先上蘑菇濃湯, 好味 !! 味道真係夠唒濃郁, 入面仲有好多片蘑菇 再送上一籃餐包~因為我同朋友都係bread lover ! 冇影咩相就食唒成籃包 入面有3-4款包, 第一隻係細細粒既奶油包, 好香奶油味 ! 好軟熟 ! 仲有standard french bread 同唔記得咩lu~但個奶油小包最好味 ! 好到正餐啦.....well ....原來我叫左個鮑魚面??講真, 我覺得真係好似某個牌子自己成日煮既鮑魚面 ! ang

近段時間真的是經常去食速食或者廣東菜，決定去轉轉口味，所以都系去食下麺喇。龍蝦意面真的是比較偏貴的，龍蝦很大只，而且龍蝦肉很多、肉質上佳，意面的話，就是很彈牙，粗細一般，和特有的醬汁和龍蝦味道混為一體，味道有海鮮的鮮味又有面的淡淡甜味，不錯。鵝肝意面的話比龍蝦的平一點，煎得岩好，口感好鬆軟有無咩好重嘅腥臊味，加上番茄肉醬，成碟意面軟硬到位，程度岩岩好，一塊鵝肝很厚，真系好好食吖，好耐未試過咁好食嘅嘢喇。三文魚都不會有魚腥味，厚度都幾厚下，都沒有油膩的感覺。服務態度很好，侍應很細心，價錢雖然貴咗啲，但系一分錢一分服務。

平時好少打食評，但今次真係唔講唔得， 食到我一肚氣 尋日係星期日 希望一家人輕輕鬆鬆食個tea,去左cafe landmark。唔洗三個字就有位喇 呢間野之前都食過幾次 覺得d食物唔錯 尤其是春雞，羊架,同high tea set 但是今次去到 有位黑色衫的T字頭啊姐拎住個盤周圍問人食唔食蛋糕 問到我 。我因為已經order左野食。所以我好有禮貌話唔使住 。之後她就粒聲唔出走左去。好似得罪佢咁 但隔了2，3分鐘， 她又再拎住個盤蛋糕問多次我有無興趣 。我話唔食，她塊面就黑過佢件衫，我黎食野炸，我唔係黎受氣架，之後轉身仲撞到我仔仔 她好像覺得自己沒問題 若無其事般 點解整到人都可以扮無事 太過份 ……我都唔敢話佢，因為佢係我張枱格離個corner位係咁大大聲鬧下屬。雖然唔關我事 但是聽到人好唔舒服，陣間鬧埋我點算 我明白餐飲業很辛苦 所以當時沒有再追究下去 但是我希望這間餐廳的員工服務可以好一點。要知道 ps:食物還是保持到水準

連鎖式經營大集團食物不會太過差次，本人已光顧過5次，龍蝦類食品不俗，特別是龍蝦湯，雖然較市面上很多法國餐貴$30-60元不等，但的確有充足的龍蝦殼去製作。但有一位女侍應服務態度其差，本人進入餐廳前看餐牌後才進場，數分鐘後後有數位女士排隊, 侍應表示我們需重新排隊，本人於門外等候一段時間才由其他侍應帶位，但店內尚有8～9張吉枱；另外需要紙巾時請她給予，她以手作出阻擋著動作以示正招呼其他客人，後來我再請他拿紙巾，他當作沒聽到在紙巾附近拿取其他東西便離去，本人認為美心集團餐飲分類廣泛，若這裡是美心皇宮或潮江春可以接受，但一碗龍蝦湯需要$110元的LandMark，本人對此次用餐深感憤怒及失望，決定以後不會再光顧。

知道呢度要等位所以已經一早book左位喇但係因為都早左到所以等左少少時間啦咁落完Order之後呢就送上一個麵包籃~有5款麵包，好鬆軟，好香都幾好食 (掛住食唔記得影相)食緊麵包既同時個龍蝦湯已經送到一上台已經聞到好香既龍蝦味一入口果個湯既濃度真係好豐富好好味~一試難忘說時遲那時快龍蝦意粉就已經上場喇個份量我覺得都幾少但係味道好好既而且好好既係落order果陣都有問我地要唔要起左d龍蝦肉方便我地食意粉食落好Creamyd汁掛晒o係d意粉度好香好好味最後連隻春雞都上埋佢幫我地分左4件方便我地share如果就咁食既話隻雞既味道都幾普通但係其實佢係配埋個黑松露汁落左之後截然不同黑松露既味道配埋d雞肉味道提升左好多所以都落左好多汁落去食真係食到好飽~~

中秋流流通常都係食中菜，但係我同朋友都熱愛high tea, 驚見openrice有非常應節嘅中秋tea set, 個crossover又幾特別，加上價錢相對相宜，就試吓啦！望望menu其實所謂中西合璧就係西餐配上東方色彩嘅水果。尤其楊桃更係是次high tea嘅main theme, 特飲味道又出奇地好 (我本身對楊桃陣味冇咩好感)，甜味中帶少少楊桃酸味，整體感覺清新。再加埋果盤上為數不少嘅切片starfruit, 食到有啲唔想食 😅甜品除咗high tea常客scone之外，仲有最吸引眼球嘅主角: 玉兔macaron!!😍😍😍 如果冇試錯應該係雲呢嗱味，又甜賣相又可愛。仲有龍鬚糖都幾甜幾好食，不過放耐少少就出水黏埋一堆 😂 另外提子新鮮去核，是解滯之選 (high tea好少可咁健康 ) 至於美心流心月餅，香滑奶皇係我favourite，朱古力就不過不失，不過之前都試過，所以對我嚟講冇驚喜。最後講吓鹹點: 其實鮑魚燒賣，牛肉拼薯餅，黑松露芝士火腿多士同香蒜大蝦樣樣味道都出色香口 (我覺得黑松露嗰個真係冇得輸!) 但保温方面真係有待改善，好快就已經微暖/ 凍冰冰，口感即時大打折扣 其

中秋節又就快到，大家是不是已經物色緊賀節食品中最為重要的月餅呢？月餅的款式已由最平凡的蓮蓉月，慢慢演變成花多眼亂的款式了，可是芸芸新產品中，對流沙奶黃月餅的喜愛程度有增無減。今次得悉Café Landmark與美心來一個Crossover，推出了「尋味。中秋」下午茶。品嚐下午茶已是我指定的減壓方法，所以當來到Café Landmark時，已感到很舒服，加上這個下午茶的食物，咸點會多一點，更令我欣慰，始終人大了，甜胃卻縮小了，喜歡咸點多一些。既然下午茶餐是著重中秋節，甜品中當然少不了月餅，就有剛剛才提起的美心流沙奶黃月餅，此款式上年已引起全城搶購，實在美味。今年他們再接再厲，加推出流心朱古力月餅，令朱古力愛好者也加入來湊熱鬧。兩款月餅的流心程度都可見一班，兩者都非常香濃味美。雖然不喜歡吃太多甜點，但對鬆餅的需求卻不減，有英式提子鬆餅供應，始終都覺得無論什麼形式都好，也要有鬆餅才能滿足。鬆餅個子不大，份量剛好，而且質感軟熟及富牛油香，不錯的。先由咸點的冷盤開始，三款分別是煙三文魚、西班牙黑毛豬火腿配哈密瓜及鮮蟹肉沙律。對煙三文魚情有獨鍾的我吃下這件時，感到的是歡欣的喜悅，質感油潤，咸鮮味重

快到中秋啦～知道Cafe Landmark推出了一款中秋下午茶，還有很可愛的兔子馬卡龍，當然要去試試啦！這個「尋味。中秋」下午茶只由9月1日至30日供應呢到啦到啦～兔子馬卡龍好可愛呢～～飲品方面，Si選的是特飲楊桃熱情果綠茶，味道不錯由最底層開始，有英式提子乾鬆餅、鮮蟹肉沙律、羅馬生菜配芝麻醋汁、西班牙黑毛豬火腿配哈密瓜、煙三文魚蟹肉沙律配芝麻醋汁不錯，里馬生菜都挺新鮮爽口的。黑毛豬火腿都夠鹹，配上清甜的哈密瓜。煙三文魚和鬆餅就不過不失啦⋯⋯然後到第二層，還有珍貴的食材在裡面呢！有和牛薄切、迷李薯餅配和風汁、香蒜波士頓龍蝦尾、黑松露火腿芝士多士、鮑魚燒賣因為Si是不吃牛的關係，所以就無緣一試和牛薄切啦！幾款裡面最喜歡的當然是黑松露火腿芝士多士！黑松露味很香，不過多士不夠脆，麵包皮有點難切。鮑魚燒賣在下午茶中是比較少見的，鮑魚很香亦很有口感。香蒜波士頓龍蝦尾很香口，不過份量就比較少了點。最後就到最高一層啦！有美心流心月餅奶黃及朱古力味，玉兔馬卡龍、香茅柚子、新鮮楊桃及提子。柚子配香茅粉是挺特別的，還可以。玉兔馬卡龍外型很可愛，但就比較甜了點。反而美心流心月餅Si覺得不錯，還是頭一次品嚐呢

CEO從德國回來之後, 當然要珍惜一家人相聚的時間. 這天就一家三口來到Cafe Landmark, 過一個高貴的下午.Mid-Autumn Afternoon Tea 尋味.中秋 $360在九月份推出尋味.中秋, 是特別為中秋設計的下午茶, 如果在晚上也能夠享用, 就更加有氣氛啦.英式提子乾鬆餅.奶油.果醬 / 煙三文魚 / 西班牙黑毛豬火腿.哈密瓜 / 鮮蟹肉沙律 - 羅馬生菜.芝麻醋汁最底的一層, 例牌的先來客英式提子乾鬆餅, 質感是幾鬆脆的, 配上奶油及果醬, 是吃下午茶不能欠缺的項目. 煙三文魚就勝在質感嫩滑, 當然, 我會更加喜歡哈密瓜配西班牙黑毛豬火腿, 質感不俗的黑毛豬火腿, 鹹香突破, 配上清甜的哈密瓜, 讚! 而鮮蟹肉沙律就是CEO最愛的一款鹹食, 而加上了我的心頭好芝麻醋汁, 當然也令我心動.和牛薄切.迷你薯餅.和風汁 / 香蒜波士頓龍蝦尾 / 黑松露火腿芝士多士 / 鮑魚燒賣中間的一層, 香蒜波士頓龍蝦尾有驚喜, 肉質爽口, 帶香蒜味. 和牛薄切也令人滿意, 肉質嫩滑, 加上和風汁, 很討好. 鮑魚燒賣的鮑魚份量不少, 入口軟腍. 至於黑松露火腿芝士多士, 就勝

已到農曆七月尾，不到一個月後便是八月十五，中秋又臨近，雖未見滿街在賣燈籠，但月餅已踪影處處。今天便跟食友們，到中環的罝地廣場走一趟，試試將時令的美心流心月餅融入下午茶的感覺。這裡的下午茶也是人氣之選，今天未到三點已見人客在門口等入座，大家就坐寒喧一會後，先來杯清新的楊桃熱情果茶解解渴。等了不一會，精美的主角下午茶三層架終於出來了。 這裡的甜點主要都放在最上層，有美心流心奶黃月餅、美心流心朱古力月餅、玉兔馬卡龍、新鮮楊桃提子和香矛柚子。生果鮮而多汁，馬卡龍香脆不過甜，柚子香矛帶微微酸辣，吃著有點刺激也更開胃。大家都期待美心的流心奶黃月餅和新推出的流心朱古力月餅，究竟有多流心，切開後事實證明了一切，拍了相大家也忍不住快快的吃掉，因為不想奶黃和朱古力都流到碟上麻。中間層主要是鹹點的煙三文魚、西班牙黑毛豬火腿配哈密瓜、鮮蟹肉沙律配羅馬生菜芝麻醋汁，另加甜點的是入口鬆化的英式提子鬆餅配奶油和果醬。黑毛豬帶鹹香跟哈密瓜很合拍，而蟹肉在芝麻醋汁襯托下鮮味更突出。放再最下層的並不代表吸引力沒上層的大，反過來說對愛吃鹹點的食友更有看頭，當中放了黑松露火腿芝士多士、香蒜波士頓龍蝦尾、和牛薄切跟迷你薯餅配和

揾地方傾計食飯 靜靜地.D嘢又唔差.坐得又舒服其實真係有D難! 朋友都諗咗幾個choice最後book咗 Cafe Landmark.(冇訂位就最好唔好嚟! 因為平日都好多人排隊)最鐘意係 Lobster linguine。。。 半隻龍蝦, 可以叫佢哋幫你起肉, 啖啖肉咁食! 其實佢D麭都OK·暖暖哋,唔太多,唔會食麭食飽你! Fish & Chips 應該唔多人會食, 不過當餐前 “小食” 又OK喎! 薯條夠粗, 有肉食! 件炸魚堅好食! 雞就一般般可以skip 。。。唔係好特別. 個汁都唔係好好,衹係鹽!