Cafe 2 Oyster n Grill

營業中

休息中

唔係第一次食呢間 最平$6x 食到個西餐 我覺得都ok ge. 包湯包飲品小小comment係 之前既薯菜係薯角 我覺得吸引d 好食d 同埋當日既雞扒 好似肉質怪怪 🤢之前食過豬柳配honey mustard 好好食 所以對今次既雞扒小失望

年尾同朋友仔相約團年，佢話有間餐廳生蠔好抵食，原來就响平常飲茶後面街，真係後知後覺。店內播放輕鬆音樂，燈光柔和，氣氛歡快。如果叫埋斧頭扒，生蠔就最抵食，$18/隻咋，仲可以$38任飲指定酒水。我們的胃納有限不吃扒了，叫其他食物滿$200亦都有優惠，大部分生蠔只係$28/隻，任飲$48/位 (指定酒類、汽水、橙汁)。白酒與生蠔確係絕配喇，雖然係任飲，都好好飲喎，飲完再添，起碼添咗幾轉。Galiano $28 (原價$56)口感爽滑，口味清甜。Spain Pearl $28 (原價$62)蠔肉肥厚，海水味濃。Carlingford $28 (原價$66)口感爽脆，味道豐富，鮮甜 。H.C.M. $28 (原價$44)海水味中帶清甜，還有淡淡的礦物味。Gillardeau #2 $38 (原價$88)呢種蠔好大隻，蠔肉肥美，口感柔滑，海水味濃。Iris Rock  $28 (原價$62)肉質爽滑，海水味重，蠔味十足，帶礦物味。Fine de Claire $28 (原價$56)肉質爽彈， 肥美鮮甜。嘆完一大盤生蠔，來一個燒海鮮拼盤，炭燒海鮮拼盤$328香噴噴嘅海鮮拼盤好吸引，有大魷魚、虎蝦、

上次來食蠔覺得不錯，今次再約友人來這裡晚餐。今次我們不食蠔，食其他菜。今次比上次較多人，所以坐得迫少少。見到這個斧頭扒很吸引，但實在太大份了。我們又不太餓，所以只點了「雞翼」、「24個月西班牙火腿薄餅」、「燒西班牙豬肋骨配黑醋燒烤醬」及 "Mixed Fruit Iced Tea" & " Lemon Tea"。Buffalo Chicken Wings，雞翼鬆脆惹味 24個月西班牙火腿薄餅，薄餅薄又脆，配料亦很多，好味！燒西班牙豬肋骨配黑醋燒烤醬，豬肋骨肉質嫩滑，再配醬汁，非常惹味 Mixed Fruit Iced Tea，不太甜，OK！

我哋成班搞聚會，今次朋友推介西環呢間餐廳，有生蠔、牛扒、有酒飲。地點幽靜寬敞，有情調、有品味。個人覺得食物質素和環境係最重要嘅！呢度真係啱曬我哋，可以談天說地慢慢傾!生蠔和斧頭扒係Cafe2嘅招牌菜。 只要點咗斧頭扒，生蠔就有promotion $18一隻，品種選擇都幾多！二話不說，點咗一打嚟試下！新鮮生蠔HCM Green, Spain Pearl, Fine De Claire, Galiano, Galiano, Irish Oyster, Carlingford 各2隻。品嚐順序由淡到濃味。 個人喜愛 愛爾蘭得獎名蠔Carlingford，肉質鮮嫩爽口，帶果香甜味。Irish Oyster 鮮味 爽口 海水味較淡。法國Fine De Claire,修長薄殼, 蠔身肥美creamy爽滑。澳洲炭燒斧頭扒40-50oz 重量級外形霸氣十足，炭燒焦香撲鼻，外皮脆卜卜 ！ 打卡完畢，店員會幫我們切條便進食，十分貼心！牛肉味濃郁，豐盈口感，嫩滑多汁，灑上少量海鹽、胡椒，滋味無窮！法國鵝肝意大利飯必食推介！鵝肝煎至金黃脆口，內裏軟綿滑細緻，油脂甘香，入口即溶。用忌廉、芝士燴意大利飯，芝士味濃

餐廳做梗優惠~只要叫斧頭扒就可以用$15優惠價任叫多款精選生蠔🦪再另外加錢就可以任飲紅白酒同果汁🍹餐廳坐位寬敞，但晚市可能需要訂位會比較穩陣👍🏻食物質素不錯👍🏻個人較推介蟹肉南瓜湯,烤豬肋骨同斧頭扒，南瓜湯內蟹肉鮮味十足❤️鍾意食蟹嘅吾可以錯過🤣豬肋骨嘅計調味都幾好，而且都幾多肉食同行嘅朋友都大讚❤️另外斧頭扒餐廳都分左兩款同兩個size~我兩款都試過覺得都好食~同埋價錢都幾相宜👍🏻除左上面嗰d餐廳嘅意粉調味都比較特別幾好食~值得一試🤤🤤🤤

朋友聚舊，難得有個好姐妹就快做人妻，他公司附近有間西餐廳都唔錯，就去食晚餐。餐廳環境很浪漫，很多泡泡燈，昏黃的環境下跟朋友暢談也是很chill我們先叫了軟殼蟹芒果沙律，軟殼蟹很鬆脆，亦已經切開，芒果一條條，很甜，加上新鮮沙律菜，很健康又開胃店員表示我們人多可以叫斧頭扒，之後按需要$18任叫精選生蠔,大家當然好開心，因為有人喜愛牛肉，有的愛生蠔，仲要有得任叫，好抵食。我不吃生冷野，朋友食開就點了HCM GREEN,SPAIN PEARL, FINE DE CLAIRE,GALIANO, IRISH OYSTER ,由淡至濃食，我目測到很大隻，很新鮮，一大盤上好震撼，朋友話很鮮甜。我們等了斧頭扒，嘩，個個都要影相，我們叫七成，店員叫我們影完相就幫我們切，切開已經見到很嫩，肉色帶粉色，入口感覺到陣陣牛香，點了芥末，提升肉味點了香煎鵝肝芝士意大利飯，鵝肝大件，煎香後切開見到油花，意大利飯飄來香濃忌廉味道，很邪惡亦叫了西班牙火腿薄餅，薄餅餅底薄，有每片火腿，很香，加上有洋蔥橄欖，很美味。熟海鮮亦不錯，我們叫了忌廉青口，麵包烘得很脆，點上忌廉汁很美味，加上青口很細滑又大隻，唔錯炭燒海鮮拼盤也很吸引

西環近年開咗好多新餐廳，氣氛仲好有格調，cafe2 Oyster n grill之前想試好耐，這晚終於同一班好姊妹黎晚飯。餐廳布置情調浪漫，坐在六人檯好舒適。大家都是衝著生蠔而來，一定要試下此招牌菜。宜家餐廳做緊一個好抵嘅優惠，只要order一份斧頭扒就可以用十八蚊一隻優惠價，order唔同款嘅生蠔。我哋叫咗15隻唔同地區嘅生蠔，各有千秋，最鍾意嘅都係店員推介嘅carlingford生蠔，夠大隻，而且有蠔味，正😋😋另外，我鍾意軟殼蟹沙律，沙律醬酸酸甜甜好味，又有芒果肉，夠甜。鵝肝意大利飯都好得我歡心，份量好多，足足有兩大塊，夠曬share！

晚飯時間 , 人在 西環-西營盤 , 於是便想起很久沒有幫襯的 Cafe 2 Oyster n Grill, 一於就去這間餐廳吃晚餐 ~Menu ~讀過 menu, 發現菜式跟以往有點不同 , 便點一兩道未吃過的菜式 , 再加一道有心水的 pasta 就 ok 了 ~煙燻鵪鶉腿配車厘醬 $138 : 一碟共有5條鵪鶉腿 , 鵪鶉腿肉質細緻嫩滑 , 有煙燻和鹹香味 , 配上甜甜酸酸的 dark cherry sauce, 有鹹有酸又有甜 , 風味極致 ~特式燒乳豬 $298 : 乳豬的醃製以及對火侯的控制 , 廚師都掌握得十分準確 ; 乳豬皮脆肉嫩且肥而不膩 , 味道濃而不鹹 , 伴隨德國酸菜和酸瓜來吃 , 讚 ~黑松露大蘑菇手捲粉 配巴馬臣芝士 $188 : 每次來 Cafe 2 都必定點這道 pasta, 就是喜歡這個 pasta sauce 夠 rich 夠 creamy, 加上巴馬臣芝士 , 配上大蘑菇, 菇菌的味道實在香濃 , 以及質感Q韌彈牙 , 長條型的手捲粉 , 有夠好吃 ~本篇完 ~

記得呢一間餐廳都幾好食，於是介紹朋友嚟試下。我哋今次點左個二人餐，分量超多，真係物有所值。首先我點左個號蠔周打魚湯，味道鮮甜香濃，第一次食到有蠔味的周打魚湯，好特別。然後來一個沙律，沙律普普通通冇咩驚喜。之後有牛扒，我哋點了medium rare，外面燒得焦香，而且肉質都好稔，好juicy。其實食到呢度我同有人已經有啲飽啦，但係隨後仲有一個帶子香菇risotto。其實幾香幾好味，不過實在太飽，我哋食咗幾啖，將其他打包。最後最後來一個心太軟，將今晚嘅晚餐畫上一個完美句號。整體個二人餐嘅性價比甚高，其實足夠三個人食。份量足而且味道好，會再來！

今日去同事介紹嘅Cafe 2 Oyster n Grill，同事話逢星期一至星期四只需要喺餐廳消費滿二百蚊就可以以每隻十八蚊食到七款唔同種頪嘅生蠔，仲要只係加38蚊就可以有紅白酒任飲，我當然唔執輸嚟試吓。一睇到一大盤生蠔確實令人心情非常舒暢， 每款生蠔都非常新鮮， 其中有三款我最鍾意嘅， 包括係Soldanha，Spain Pearl，同埋Fine De Claire。Soldanha，隻隻約3吋長，肉質飽滿，海水味淡，清甜而略帶青瓜味，作為開場實屬最好不過。Spain Pearl，一入口像滑入喉嚨般，味道鮮甜肥美，海水味適中，先鹹后甜，餘韻帶有清甜味道，吃起來滑溜溜又夠Creamy。Fine De Claire，紛迪加蠔係為人所知的法國蠔，佢質感爽口，一方面帶有海水嘅鹹味，而另一方面亦都有啲榛果嘅香味，有海水味餘韻嘅蠔放喺後半部食就最好不過。多款生蠔搭配雪凍咗兼且酸度高嘅白葡萄酒都好配襯，既可提鮮亦能清新口腔。菊苣青瓜蟹肉沙律， 菊苣外型有點像娃娃菜， 比起娃娃菜口感更爽脆， 味道亦更加清甜。 蟹肉上面放有滿滿的青瓜沙律， 青瓜絲略經調味， 味道清新， 非常開胃。 肉蟹灼熟後拆肉放涼

Happy monday 放工之後同朋友一齊去食，因為見到哩度啲食評幾正，又咁啱好彩book 到位！我哋一行四人嗌咗個set menu，有美國肉眼扒/水飼豬 $698 或者 生蠔/海鮮platter $688，我哋揀咗生蠔。加多個bbq spared ribs ，三文魚凱撒沙律 同埋carbonara，仲有最正嘅係- 只要加三十八蚊就可以紅、白酒free flow!!!!!!!! 首先上嘅係三文魚沙律。烟三文魚充滿油脂，口感肥美，沙律有我配埋黑醋，又份量多😋😋👍個set 我哋order 咗黑松露野菌忌廉湯同蟹肉南瓜忌廉湯。黑松露湯入口好smooth、好滑，同野菌好夾，唔會太咸。蟹肉南瓜湯入口啖啖軟綿綿嘅南瓜肉，口感豐富，蟹肉嘅鮮味同個湯好match。之後就到main course 喇。首先有松露大蘑菇意大利飯。哩間餐廳嘅risotto 係超足料同好食！哩間餐廳採用嘅西班牙飯好好𡁻，又好入味，有濃濃嘅truffle香。跟住就係墨魚汁帶子意大利飯。帶子好肥美，而墨魚汁調得好好，好濃郁嘅墨魚味而又唔會食到成咀黑色😂😂😂😂 而哩個飯有別黑松露飯，質感稍為軟身，口感同個sauce 好配合。惟一美

$38 free flow酒!!!!! 只要人頭消費滿$200就可以享用哩個優惠😆😆😆OMG真心抵到喊😂可以揀紅白酒🍷啤酒🍺汔水🥃果汁!!! Waiter仲好好service不停幫你添酒🤗🤗 酒鬼們真心唔可以錯過😈😈😈我地4個人叫左1個2人set, 再加巨型BBQ Ribs🍖🍖同一個意粉🍝🍝🍝 2男2女(唔細食嘅🙊🙊🙊)已經飽到郁唔到😂😂😂 Oyster set $688包左6隻生蠔(共3款), 上枱時已經好細心將d蠔排好左隊，由淡同濃味咁列陣😍😍😍 仲有個牌仔寫埋名比你唔夠喉再order中意嘅😍😍😍我私心推介Pacific GEM 😋 清甜又超creamy，美國蠔相對size亦較大!! 🍄黑松露野菌忌廉湯🍄 & 🦀蟹肉南瓜忌廉湯🦀2款都足料又濃郁👍👍 用嚟點蒜蓉包又得!!加拿大帶子墨魚汁意大利飯🦑🦑🦑整體上嘅 risotto 做得唔錯，睇落去得兩隻帶子但其實內有乾坤😲😲😲 每一羹筆起都係啖啖鮮嫩帶子肉，超級足料!!!!! 醬汁亦非常均勻，食起上黎非常滿足😋😋黑松露蘑菇意大利飯🍄🍄🍄哩款多啲餐廳有得食，就咁睇賣相都知佢用咗好多黑松露😍😍😍不過食落去sour cream味比較重，略嫌蓋過

友人介紹我來食生蠔，原來特價生蠔只限星期一至四，每隻$18，而且沒有數量限制！是日供應的生蠔有七款，店員說Pacific GEM口感較rich,如果喜歡海水味較重的，可選來自南非的Saldanha或原自法國的Fine de Claire。我與友人選了其中六款，蠔盤送上時陣容鼎盛。店員建議由肉厚肥美的Pacific GEM開始吃起，果然夠creamy。個人覺得Galiano蠔身較偏，但鮮甜有海水味。蠔盤整體質素不俗，難怪眼見每枱客人也食蠔。另一賣點是除了生蠔外，任何惠顧滿$200，就可以$38任飲house wine(紅酒、白酒）、啤酒和橙汁。平時食西餐點一杯酒已經超過$50，所以也是必點之選。首先點了一杯白酒配生蠔，易入口，帶微微果酸。吃畢生蠔，轉為點橙汁，能喝到橙肉。炭燒澳洲羊架9oz - 廚師煮調羊架的火喉恰到好處，羊架中心呈粉嫩色，肉質軟嫩多汁，非常出色的一道主菜。羊架以翠肉瓜、薯仔和南瓜墊底，調味不馬虎，我們連配菜也吃光。朱古力溶岩伴雲呢拿雪糕 - 一切開溶岩蛋糕，朱古力流心傾流而出，香濃而不膩，自家製出品不輸專門店。

今日過去西營盤搵朋友，大家傾番舊年嘅歐遊心思思又想食蠔，但係大家都唔想去番中上環，咁啱佢樓下有間西餐廳做緊promotion，逢星期一至星期四只需要消費滿200蚊(不計生蠔)，就可以以每隻十八蚊呢個價錢食到原價44-56蚊嘅七款精選生蠔，啱哂我呢一啲蠔痴，有靚蠔又點可以無靚酒呢!?只係另加38蚊就可以有free flow嘅紅白酒或者汽水，38蚊平時喺中環嗌半杯都未得啦，仲要三款都可以溝亂任飲，食蠔飲完白，食完有嗌牛扒嘅又可以轉紅，臨尾想抖吓轉汽水又得，認真貼心。Pacific GEM，食生蠔要由淡到濃品嚐, 其中美國蠔口感比較清淡，通常都會建議先食，呢隻 Pacific GEM 海水味較淡，但係味道極其鮮甜，作為開場實屬最好不過。Galiano，入口有種黃油堅果強烈嘅黃瓜味，吞食時具有強烈嘅甜糖漿味道，蠔肉質地豐滿而多肉。Carlingford，呢隻嚟自愛爾蘭嘅Carlingford獲得由英國優良食品協會所頒發嘅「Great Taste Award」，呢個獎項係英國食品界嘅奧斯卡，係最受信任同推崇嘅保證，每隻Carlingford Oyster都需要三年嘅時間培養，佢外表修長，爽口得帶

男友好鐘意食蠔，我又好鐘意食海鮮，可以飲埋白酒紅酒當然更好la! Cafe 2 就可以滿足哂我地所有要求，知道佢地做緊特價，事宜遲，一於今晚就去嘆番吓！餐廳燈光昏暗， 氣氛頗佳，在這樣的環境下令人心情放鬆！原來餐廳逢星期一至四做緊限時優惠，生蠔每隻$18,另外任飲紅白酒，汽水和橙汁(每人只需$38), 真係唔可以相信，但係真ga!點都要試吓la!先來一杯白酒和橙汁，男友飲完杯橙汁後再要紅酒，說實在，無諗過$38任飲之下，白酒和紅酒質素還不錯，有驚喜！首先來一個生蠔拼盤，未食已經流哂口水！12隻都只是$216, order左6款生蠔每樣2隻: Pacific Gem, H C M Green, Spain Pearl, Fine De Claire, Carlingford, Saldanha, 品嚐生蠔必然由淡至濃Pacific Gem~美國蠔口感比較清淡，但味道鮮甜。Spain Pearl~西班牙蠔，肉質嫩滑，海水味濃郁。Saldanha~南非蠔，渾圓飽滿和creamy, 甘甜， 吃罷鮮甜的餘韻縈繞在口中久久不散，好美味!Carlingford~愛爾蘭蠔，甜味和海水味最平均，亦最