Cafe 2 Oyster n Grill

第二次到訪，發現餐廳已經換上新 menu，增添鴨肝、魚子醬等高級食材，整體更精緻奢華✨ 但價錢仍然親民❤️ 老闆係澳洲人，非常健談，仲邀請我哋下次星期六嚟欣賞live music表演；如果飲得酒，老闆仲會好熱情咁攞好多款酒出嚟俾你試，成餐飯食得好開心☺️🦪 Oysters (Spain Pearl + Castillo) with Siberian Classic Caviar 生蠔新鮮飽滿，配上魚子醬同cocktail sauce，鹹香層次豐富，極致奢華享受😛🥩 Wagyu Carpaccio with Balsamic Cream薄切慢煮和牛片搭配香醋汁、火箭菜同Parmesan cheese，整體清爽開胃。🦐 Garlic Shrimp 二刷❗️醬汁蒜香濃郁，配麵包一流；蝦肉爽口彈牙，令人回味無窮🤤🍝 Four Cheese Ravioli + Fresh Truffles 芝士香濃，蕃茄醬汁酸甜開胃👍🏻 加$45就可以加配5g新鮮意大利佩里戈黑松露，由意大利原始森林空運到港😱 員工即席刨片，瞬間提升主菜風味❤️🥩 Wagyu Fillet Mignon 7oz + Foie Gras 牛柳嫩滑多汁，medium rare 熟度完美。只需$58就可以加配30g法國Soulard鴨肝，口感幼滑細膩，為牛扒增添豐富油香。🍫 Chocolate Fondant 二刷❗️外層鬆軟，朱古力流心澎湃濃郁，甜而不膩。☕ Tiramisu 口感輕盈，咖啡香同奶油融合得恰到好處。🎄小驚喜：老闆話聖誕節可以照樣點 A la carte menu，唔一定要食套餐，超級良心🥹 已經決定聖誕節會嚟三刷🥳…查看更多

生蠔選了St. Martin、Spain Pearl和Irish Rock。法國St. Martin蠔肉飽滿、清甜優雅，帶有細緻礦物與堅果氣息。Spain Pearl的蠔體豐腴厚實，口感脆彈、風味富層次，入口先感受到海水的鹹味，隨後帶有甜味，並有礦物質味的餘韻。Irish Rock來自愛爾蘭，產自冰冷的大西洋，水溫低生長較緩慢，因此肉質緊實、風味集中，是追求海洋氣息與清脆口感的當然之選。前菜選了西班牙蒜味蝦以橄欖油作基底，蒜香濃郁而不嗆，蝦肉份量多，質地爽彈，十分推薦這款前菜，必試！ 慢煮和牛薄片伴香醋汁，和牛薄片呈現粉嫩的色澤，肉質柔軟。搭配的香醋汁酸甜適中，既開胃，又能提升和牛的鮮美。 炭燒海鮮拼盤包括虎蝦、翡翠螺、帶子、鱸魚柳和八爪魚。虎蝦肉質緊實，帶有炭燒的香氣；帶子外層微焦，內裡鮮嫩多汁；八爪魚彈牙富嚼勁，炭燒後更添風味；鱸魚柳內裡細膩嫩滑。這裡的炭燒十分富外地風格，喜歡焦香的，這家會適合呢！ 炭燒7安士南非M8/9和牛牛柳扒伴薯菜。牛柳烤至外層焦脆，內裡則呈現粉嫩的顏色。喜歡搭配的薯條，外脆內軟。甜品點了法式焦糖燉蛋和朱古力心太軟伴雲呢拿雪糕。喜歡法式焦糖燉蛋，表層的焦糖脆片與柔滑的燉蛋形成完美對比，口感細膩；chocolate fondant的水準亦高，甜度剛好，雲呢拿雪糕香濃順滑，帶有淡淡的香草香氣。…查看更多

琴晚同朋友兩個人去咗「Cafe 2 Oyster n Grill」食生日晚飯，本來諗住簡單食啲嘢，點知見到餐牌咁吸引，唔小心就叫到成張枱都係嘢食，變成一場非常豐富嘅盛宴。整體嚟講，食物份量十足，性價比極高，係一次喜出望外嘅用餐體驗。 招牌生蠔我哋先試咗餐廳嘅招牌菜——生蠔有「Spain Pearl」、「Elizabeth」同「St. Martin」係三款唔同品種嘅生蠔，每款都點咗兩隻。作為餐廳主打，新鮮程度有保證，海水味濃郁，口感creamy，為呢餐飯揭開完美序幕。除咗生蠔，其他菜式亦同樣出色：檸汁醃八爪魚 ：非常開胃嘅前菜，八爪魚配上檸檬汁、莎莎醬同牛油果，味道清新，口感爽彈。西班牙蒜味蝦 ：熱辣辣嘅蒜油浸住十隻鮮蝦，香氣撲鼻。配埋多士一齊食，索晒啲蒜油精華，非常惹味。炭燒海鮮拼盤：呢個拼盤係是晚嘅重頭戲之一！一上枱份量十足，有齊炭燒大蝦、八爪魚、魚柳同帶子等，海鮮經過炭燒後焦香四溢，兩個人分享綽綽有餘。燒西班牙豬肋骨：成條 Full Rack pork rib上枱，賣相相當震撼。豬肋骨配上黑醋燒烤醬（肉質軟腍，味道酸甜，可以平衡返豬肉嘅油膩感，非常適合食肉獸。食完主菜，甜品環節亦唔可以錯過：鐵板朱古力布朗尼伴雪糕 ：熱辣辣嘅鐵板上放住布朗尼同雪糕，淋上朱古力醬時「滋滋」作響，視覺同味覺都係一種享受。朱古力心太軟伴雪糕：經典之選，切開蛋糕時暖暖嘅朱古力漿緩緩流出，配上冰凍雪糕，一冷一熱嘅口感，為呢餐飯畫上完美句號。任飲紅酒今次我哋揀咗 **$98 Free Flow: 呢支嚟自南澳嘅紅酒。呢支 2021 年嘅 Cabernet Sauvignon Merlot 混釀紅酒，果香濃郁，口感順滑，配搭豬肋骨同海鮮都相當唔錯，以呢個價錢嚟講，性價比極高。總括嚟講，考慮到有新鮮嘅招牌生蠔、份量十足嘅海鮮拼盤同豬肋骨，再加埋$98任飲澳洲紅酒，整體體驗物超所值。相信我哋好快會再返嚟。如果想同朋友大夥兒聚餐，或者想享受一場豐富嘅海鮮大餐，Cafe 2 Oyster n Grill 絕對值得推薦。…查看更多

今日出西營盤買海味，經過見到呢間好有特色嘅西餐，外面嘅紅磚吸引咗我，同媽咪入去試吓先！西班牙珍珠生蠔好Creamy，新鮮，仲大大隻好多肉！海水味適中，肉質軟滑肥厚！南非伊利沙伯生蠔蠔味重啲，層次豐富，肉質軟滑如同奶油般柔滑，入口即化！法國名牌吉拉多生蠔蠔肉肥美，結實但有彈性，有脆口感覺，多層次，最初是海水味，然後是香濃蠔味，正到痺！前菜：檸檬醃八爪魚：慢煮八爪魚、檸檬、莎莎醬、歐西、牛油果八爪魚好新鮮，第一次食慢煮，肉質都好嫩，配合牛油果、蕃茄，帶點醋，酸酸甜甜，都是非常開胃！🥰西班牙蒜蓉蝦：蒜蓉蝦份量好多，都有八隻，好細心，剝晒殼蝦肉咬落非常爽口，配合下面果汁，蒜蓉，香草，少少辣，非常開胃！蒜蓉包暖暖哋，包好軟熟好新鮮，小編忍唔住連個汁都飲埋🤩炭燒海鮮拼盤：帶子好大粒，烤到啱啱好，好鮮甜，裏面仲係好軟身! 八爪魚有點鹽份，好有咬口，唔錯！個螺拆左殼，好細心！大大粒，多肉又鮮甜！爽口得來又點嚼口，完全係新鮮好味！烤魚個皮是脆的，冇過龍，魚肉冇骨，啖啖肉就算唔點醬都已經好好味！蝦好大隻，而且好爽脆，好香炭燒味，欣賞佢咁多樣炭燒都冇燒過龍！泰式辣醬酸酸甜甜，加埋一齊簡直perfect! 😍炭燒美國安格斯西冷扒：西冷扒好大份量，我哋叫咗五成熟，果然外面香脆內肉嫩，有少少紅但不滲血水，勁正！帶有少少鹽分，食吓食吓都開始飽，配菜都烤得好食，蔬果都好新鮮！☺️法式焦糖燉蛋：有藍莓、士多啤梨、燉蛋超滑，好香蛋味，上菜都好精緻，好啱打卡！😇朱古力心太軟拌雲呢拿雪糕：心太軟熱辣辣，上面有糖霜黃果jam醬，有埋雪糕，一齊放入口，一冷一熱，真係好特別，呢個小編特別推薦！🤗Oreo 沙冰:有曲奇味，但又唔會太甜，裏面好香奶味好creamy，好飲！🤭Mocha :杯mocha 好特別，除咗咖啡味，仲好香朱古力味🥰…查看更多

餐廳：Cafe 2 Oyster n Grill地點：西環西營盤菜式：西餐、生蠔餐牌：生蠔、湯、沙律、Side Dishes、前菜、意粉意大利飯、比薩、烤海鮮、海鮮、牛扒、豬、甜品等。先黎半打生蠔開開胃。愛爾蘭石蠔 Irish Rock $29 另加一愛爾蘭石蠔比較Mineral，味道非常鹹香，好有海水味。法國聖馬田生蠔 St Martin $29 另加一法國聖馬田生蠔較為creamy，入口滑溜，好食。西班牙銀堡生蠔Castillo $39 另加一呢個西班牙銀堡生蠔最正，好肥美，入口滑溜有口感，正！Barton & Guestier Sparkling Blanc de Blanc (France) Champagne Style $48 另加一呢杯酒d泡泡好靚，望住泡泡上升好療癒。飲落好易入口，好飲wor。檸汁醃八爪魚 $148 另加一慢煮八爪魚多片加有檸檬汁，口感一流，有咬口又唔會太硬。下底係撈有莎莎醬，歐芹，甜黑醋同滑溜牛油果既沙律，好開胃。慢煮和牛薄片伴香醋汁 $158 另加一大大隻碟舖滿薄薄嫩口和牛薄片，面頭加滿鹹香芝士片同新鮮火箭菜，加有香甜黑醋，帶黎多重口感，味道又鹹又甜，好美味。炭燒海鮮拼盤 $398 另加一炭燒海鮮拼盤好大盤用木板上枱，大大隻連殼連頭有膏大蝦，一大條脆皮嫩肉魚柳，仲有三隻嫩口鮮美厚肉加拿大帶子，下底有好多有嚼勁八爪魚片同爽口啖啖肉螺肉，伴有新鮮沙律菜。醬汁有泰式醬汁，少少辣好惹味，仲有一件檸檬角。總括而言，海鮮非常新鮮，所有海鮮都食得出鮮味，推介。炭燒美國安格斯西冷扒 $298 另加一炭燒美國安格斯西冷扒足有12安士，超大件，連少少筋，有咬口，叫左medium rare，中間帶少少粉紅色，都好嫩口，牛味好濃。伴有蘑菇燒汁，真係有蘑菇粒，唔太鹹。伴有兩大件番茄同翠玉瓜，仲有熱辣辣炸起粗身薯條。芒果沙冰 $65 另加一芒果沙冰大大杯，面頭仲加上忌廉，飲落係滑溜天然芒果味，唔太甜。朱古力心太軟伴雲呢拿雪糕 $88 另加一大大件脆皮流心朱古力蛋糕灑上少少糖霜，配一大球雲呢拿雪糕同一條朱古力蛋捲，仲有一粒新鮮士多啤梨同三粒藍莓。暖暖地既流心朱古力蛋糕配冰凍融緊既雲呢拿雪糕簡直係絕配，仲有朱古力曲奇碎加添口感，呢度將呢道甜品整得好好。鐵板朱古力布朗尼伴雲呢拿雪糕 $78 另加一我第一次食呢款熱辣辣鐵板上既朱古力布朗尼，服務員係你面前倒朱古力醬，嗰個色香味簡直令你視覺聽覺同味覺都大大滿足。首先聞到好香朱古力味，然後入口係熱辣辣布朗尼配融緊既雲呢拿雪糕加流緊既朱古力醬，仲有鐵板上既朱古力曲奇碎，口感味覺同比各有千秋。意大利芝士餅配雪糕及水果裝飾 $68 另加一好大件意大利芝士餅，口感輕盈滑溜唔太膩，酒味同朱古力唔太濃，忌廉感好強。我第一次配雲呢拿雪糕食，原來都好好食，好夾。伴有朱古力味蛋捲一條，一粒新鮮士多啤梨同三粒藍莓。加有少少草莓醬添少少新鮮感。今餐食物質素好高，由生蠔到前菜主菜甜品都好正，份量大份。外籍服務員係西人，服務態度非常好。餐廳裝修好有歐洲氣氛，播放輕鬆音樂。…查看更多

以佢嘅食物質素同份量嚟講性價比都幾高，咁多嘢都係千幾蚊，暫時搵唔到第二間可以係咁😂去到當日老闆喺度仲同每台客人都會介紹咗，睇得出真係好有心.生蠔今次試咗Irish Rock 肉厚又鮮甜，比較清新Elizabeth 肉質豐滿且帶有微妙堅果香氣，礦物味都比較重，Cassillo 口感較輕柔各方面都比較balance個人建議配serenissima pinot嚟食，佢哋嘅酒選擇都好多，仲有happy hour每一隻生蠔都好新鮮，大大粒，肉質滑嫩肥美，海味濃郁，餐牌有齊口感同味道嘅程度比你因住自己嘅口味揀，幾貼心.Wagyu Carpaccio薄切和牛搭配新鮮火箭菜同帕瑪森芝士，牛肉鮮嫩唔會太鹹，芝士香濃，值得一讚佢嘅火箭菜真係好新鮮一啲苦味都冇😂份量比出面多.Garlic Shrimp蝦肉彈牙，橄欖油同蒜香好夠勁香！.Wagyu Ribeye好完美嘅三成，食得出烤嘅香氣，肉質多汁。佢哋有好多款牛，老闆介紹得好詳細，我哋揀咗冇咁肥嘅，但每一口都感受到肉嘅油脂同風味，又唔會好似平時和牛嗰啲咁多脂肪同濟，牛味一啲都唔輸比更貴嘅牛.Four Cheese Ravioli餃子皮薄嫩，內餡充滿濃郁芝士香氣，淡淡都係芝士真係好足料！番茄醬汁herbs味都幾出，令到成件事冇咁膩，呢個幾推薦.Creme Brulee 嘅焦糖外表一碰就裂開，裡面香滑奶香好似係handmade咁，Chocolate Fondant 嘅朱古力都好濃，有流心的…查看更多

西環Café 2 Oyster n Grill • 豪華海陸盛宴🦪🥩今晚嚟到西環呢間蠔吧扒房，由門口到入座服務都滿分💯！先講生蠔🦪，試咗西班牙珍珠同Castillo兩款。西班牙珍珠蠔真係不得了✨，蠔身飽滿，味道清甜（甜度4/5），海水鹹香适中（鹹度3/5），仲帶微微礦物味，口感好順滑，必食推介！我哋配埋個Siberian Classic魚子醬，超濃郁、有堅果香、滿滿既海洋風味！享受係high class過酒店！前菜方面，八爪魚檸檬醃酸橘汁鯛🐙好開胃，酸酸地好清新，有檸檬、莎莎醬、歐芹和牛油果；蒜香橄欖油蝦🦐用咗足足10隻大蝦，蒜片爆得香脆，點埋法包食真係無得頂！全場焦點之一係黑松露卡邦尼扁意粉🍝，店員即席喺枱上刨滿新鮮意大利黑松露片，香氣撲鼻，每一啖都係享受😋。同埋好鍾意佢芝士味好濃郁！主菜炭燒和牛牛柳（7安士）絕對係「牛扒之王」👑，MS 8/9級數嘅和牛真係入口即溶，加配法國鵝肝同烤原粒蒜頭🧄，邪惡到極！配菜薯條🍟炸得香脆，蘸埋荷蘭汁更加滋味。甜品心太軟流心好正同正宗🤤，仲要有埋雪糕🍨！燉蛋面層焦糖脆卜卜，配上清新芒果水晶沙冰🥭同香濃熱latte☕️，為呢頓豐富晚餐畫上完美既句號。侍應姐姐笑容好好，每道菜都會換新碟，保持用餐體驗乾淨精緻🍽️。人均消費約$700，無論服務同食物質素都對得起價錢，絕對會再encore！🌟…查看更多

🦪 三款Oyster：Pearl St. Spa 鮮甜清爽，Martin 海水味濃，Elizabeth 口感Creamy帶果香，全部都好新鮮～🍷 $98紅白酒自由飲真心抵！一路飲一路食海鮮同牛，好過癮～🥩 和牛薄切油花靚，蒜香蝦爽口惹味；重頭戲 和牛菲力＋鵝肝＋新鮮刨製松露 油脂交融，入口即化😭 燒海鮮拼盤火候啱啱好，大蝦同帶子都唔乾身！💖 最驚喜係職員突然捧住點好蠟燭嘅生日碟沖出嚟，成班人一齊唱生日歌🎵 氣氛瞬間爆棚！個流心朱古力蛋糕仲免費寫埋祝福，夠曬窩心～✨ 呢個價錢有咁嘅食物質素同服務真係好驚喜，慶祝安排仲咁有心思，同朋友笑住食足一晚唔願走，唯一可惜叫靚仔職員為朋友送上Bday Kiss佢話下次先！😂…查看更多

今晚同朋友去咗香港大學附近一間真心好有氣氛嘅西餐廳食飯，紅磚外牆配鎢絲燈泡，入到去嗰一刻已經覺得好似走咗入歐洲舊式小酒館，牆上掛滿油畫，燈光暖黃昏暗，座位又唔逼，坐低已經好放鬆，啱晒同朋友慢慢傾計食飯😌頭盤先叫咗三款生蠔：Spain Pearl 西班牙珍珠生蠔、St. Martin 法國聖馬田生蠔同 Irish Rock 愛爾蘭石蠔，每款都超新鮮，海水味乾淨完全無腥，蠔身肥美軟滑，三款各有特色🦪✨檸汁醃八爪魚 Octopus Ceviche $148 係我哋公認嘅開胃王！慢煮八爪魚切到薄薄片，彈牙得黎又爽脆，配檸檬汁、莎莎醬同牛油果粒，酸甜清新 😋西班牙蒜味蝦 Garlic Shrimp $128 上枱嗰陣蒜香即刻飄晒成個廳！大蝦新鮮彈牙，辣椒油同蒜粒完全滲入蝦肉，仲有熱辣辣鬆脆麵包蘸住食，真係好好味👍炭燒海鮮拼盤 Grilled Seafood Platter $398 份量多到要用超大鐵盤盛載！有巨型炭燒大蝦、煎到金黃香口嘅帶子、已經拆殼嘅巨型螺肉、厚厚嘅八爪魚片、嫩滑烤魚同烤蔬菜，每款海鮮都 juicy 又帶煙熏香，全部都係炭火香，兩個人食都覺得好豐富，海鮮控會即刻愛上🐟🦐主菜炭燒南非和牛肉眼扒 Wagyu Ribeye 10oz $358，七成熟烤到表面香脆，切開仲見到肉汁，肉味濃郁又嫩滑。我地加咗香煎法國鵝肝 French Foie Gras ($57) 同即削意大利克佩里戈黑松露片 Fresh Italian Perigord ($45)，鵝肝入口即化，黑松露香氣即刻爆發，兩樣一齊食簡直係人間享受，奢華感直線上升😍甜品先食熱辣辣 Brownie with Ice Cream $78，個brownie放喺鐵板上，侍應即場淋朱古力醬，滋滋聲同煙霧一齊出，香到隔離幾枱都回頭望，brownie外脆內濕軟，配雪糕一冷一熱，滿足感爆棚🍫🔥之後嘅 Tiramisu $68 層次分明，咖啡酒香夠濃，芝士cream輕盈又 creamy，好有誠意☕最正係$98兩個鐘 Free Flow 指定紅白酒加氣泡酒，慢慢飲慢慢食，氣氛超chill！好正！…查看更多

去到 Cafe 2 Oyster n Grill（西環），真係有種「海陸雙重享受」嘅感覺。先講生蠔，西班牙珍珠、生蠔界新星；南非伊麗莎白，鮮甜帶少少礦物味；法國聖馬田就係經典代表，入口滑溜，蠔味濃郁。三款一齊上枱，好似環遊世界咁，蠔迷一定要試！🦪🌍龍蝦濃湯一上枱已經香到不得了，啖啖龍蝦肉香，濃郁但唔膩。🍲熳煮和牛薄片伴香醋汁，酸香開胃，牛肉軟腍得嚟仲有肉香。🐂香煎海鱸魚配檸檬牛油汁，魚皮煎到脆卜卜，檸檬牛油汁令成件魚更清新。🐟🍋慢煮和牛野菌意大利飯係驚喜位，飯粒吸晒牛肉同菌香，口感 creamy 得嚟又有層次。🍄🍚甜品方面，朱古力心太軟同鐵板布朗尼都係「朱古力控天堂」，配埋雲呢拿雪糕，熱冷交替，超正！🍫🍨飲品方面，冰混合生果茶清爽解膩；雙份巧克力沙冰就係濃厚朱古力炸彈，甜品控必點。🥤…查看更多

個Free Flow酒水任飲太抵啦！🍷 我開頭試咗支法國氣泡酒，啲泡泡係舌尖啪啪聲，清新到呢～之後轉紅酒配牛扒，夾到震！朋友唔飲酒叫咗杯Green Forest，青蘋果味爆燈，飲完成個人都refresh哂🌿頭盤已經有好多款色，而且大大份・隻帶子煎到金黃色，咬落去juicy到爆，夾埋黑醋菜食超開胃🤤・碗龍蝦湯濃到呢...飲完成個口都係龍蝦香🦞・生蠔三兄弟各有特色：· Spain Pearl係小清新口味💋· Irish Rock奶滑得嚟夠厚身🥛· St. Martin就海洋味最重🌊仲叫左鐵板蒜蝦"咋咋"聲，啲蒜蓉多到瀉，蝦肉爽彈🍤 仲有蒜蓉包添主菜叫左個黑松露長通粉邪惡到呢，每啖都掛滿醬汁，松露香攻陷成個口腔💨 份量好大 重點嚟啦～塊10oz和牛肋眼🥩：切開見到粉嫩嫩，肉汁多到要用碟接住！配埋粗薯條🍟 甜品更加係驚喜・燉蛋面層塊焦糖脆到"咔"一聲🔨・鐵板Brownie+雪糕，侍應會倒落朱古力醬，沙沙聲，凍熱交融，仲有兩大嚿，幸福到瞇埋眼🤩…查看更多

呢間餐廳環境好浪漫同chill而且係食生蠔既好地方，我地叫左siberian classic魚子醬配帆立貝四粒，帆立貝下面配有南瓜蓉食落配埋魚子醬高貴又增添鮮味小編最近都好鐘意食海鮮，生蠔魚子醬，蛋白質營養價值高又好味。另外叫左兩款生蠔irish同st.martin,irish比較清淡要先食，再之後先食濃味既法國海水味較濃既st.martin。澳洲和牛牛柳配龍蝦拼盤，和牛肉質厚實，肉味濃郁，龍蝦爽口彈牙，小編推介。海鮮拼盤入面有八爪魚，螺肉，海鱸魚，帆立貝，全部都係時令海鮮，入口新鮮又鮮味一個價錢食到幾款海鮮好抵食。Dessert:choclate brownie with icecream 鐵板上好吸睛，冰火口感一啖熱一啖凍雪糕大大球好開心。…查看更多

Had the great birthday dinner in this nice romantic restaurant, full of European style design. The oysters are fresh and delicious. Paired with champagne and white wine are perfectly matched. We selected Champagne Moscato 🥂and White Wine Pinot Grigio 🍸Nice waugyu carpaccio and garlic shrimp. The wagyu sirloin is tender and juicy. Seafood platter are delicious 😋 Lovely Chocolate Lava full of molten chocolate from the cake. Mix of berries & ice-cream are perfectly matched…查看更多

最近去咗西環嘅 Cafe 2 Oyster & Bar 食午餐，餐廳環境舒服，裝修有歐陸風格，氣氛輕鬆，吸引咗唔少外國人幫襯，感覺好似去咗外地度假咁。我哋一開始就試咗三款生蠔：Irish Rock、Elizabeth 同 St Martin。每款都有自己特色，Irish Rock 比較鹹香，Elizabeth 味道清新，St Martin 帶少少奶油感，全部都好新鮮，入口滑溜，配埋檸檬汁或者辣根醬都好夾。前菜方面，慢煮和牛薄片配香醋汁係其中一個亮點，牛肉切得薄身，口感嫩滑，香醋汁酸香開胃，食落好清爽。西班牙蒜味蝦亦都唔錯，蝦煮得啱啱好，蒜香濃郁，油香撲鼻，配埋法包一齊食真係一流。主菜我哋揀咗西班牙海鮮燴飯同海鱸魚配檸檬牛油汁。燴飯海鮮料足，有青口同蝦，飯粒吸晒海鮮精華，味道濃郁但唔會太鹹。海鱸魚煎得外脆內嫩，檸檬牛油汁令成道菜更加清新，食落唔會膩。甜品方面，我哋試咗法式焦糖燉蛋同朱古力心太軟伴雲呢拿雪糕。燉蛋滑溜溜，焦糖層香脆，甜度啱啱好；心太軟朱古力味濃，切開仲有流心效果，配埋雪糕一齊食真係完美收尾。餐廳仲有多款酒類選擇，無論係白酒、紅酒定氣泡酒都可以配合唔同菜式，啱晒鍾意慢慢歎嘅朋友。整體嚟講，Cafe 2 Oyster & Bar 食物水準高，環境舒服，服務親切，係一間值得再訪嘅餐廳，特別適合鍾意食海鮮、生蠔同西班牙菜嘅人。…查看更多

之前和朋友曾經在這裏吃飯，味道和價錢都非常吸引，因此今晚便和太太來到這裏。店內裝修很有意大利特色，令人可以舒舒服服享受一頓美味的晚餐。香煎海鱸魚配檸檬牛油汁$168，通常在西餐廳吃到的鱸魚，都是沒有什麼鮮味，而這個鱸魚的鮮味令人驚嘆，證明廚師非常花功夫在調味之內，喜歡吃鱸魚的必定一試。😍😍😍😍😍St. Martin $29、Irish rock $29、Elizabeth $29，三款生蠔的價錢比起超級市場賣的還要便宜，而且新鮮，其中以Irish rock生蠔最為爽甜可口。如果喜歡吃生蠔的，可以配合B &G這個有氣白酒，來令到生蠔味道層次更加鮮甜。慢煮和牛薄片配香草汁$158，這個慢煮和牛，牛肉味道十足，脂肪甘香無比，加上酸酸甜甜的醬汁，不會覺得油膩，如果再加上陳醋、貼士和火箭菜，這個前菜很快便被消滅了。西班牙蒜味蝦$128，蒜香味道十足，蝦肉爽口彈牙，而且還可以吃到蝦的鮮味，廚師烹調功夫非常到位。如果喜歡這個蒜汁，還可以用法包，放到醬汁之內，吸收醬汁之後，加上海蝦一起吃，簡直是一流享受。炭燒阿根廷春雞配檸檬蒜蓉燒汁$188，春雞大埔份已經起了骨，啖啖肉的感覺，令人非常滿足。雞皮帶點香脆可口，雞肉肉質豐富，加上醬汁之後，味道層次更加豐富。意大利芝士餅配雪糕水果裝飾$68，這個甜品上枱時非常驚艷，因為外面西餐廳吃這個甜品，只有蛋糕，而且份量不多，都賣這個價錢，想不到這裏以這個價錢有這麼充足的份量，而且味道完全是意大利式享受。👍👍👍👍👍法式焦糖燉蛋$68，生果鋪滿了燉蛋之上，燉蛋香滑可口，如果蛋味再濃一點更好。總括來說，這裏的生蠔價錢便宜而且新鮮，香煎海鱸魚配檸檬牛油汁和意大利芝士餅配雪糕水果裝飾，味道和價錢都很吸引，非常值得推薦。🥰🥰🥰🥰🥰…查看更多