Butlery

營業中

休息中

住沙田好友約新城市廣場晚餐，話有歐陸風情butlery環境裝潢都靚，價錢不太貴、食物好食。我們點左White Wine Mussels $79配烤蒜香法包，藍青口索左白酒、洋蔥🧅忌廉汁，清香又嫩滑味鮮甜，夠creamy，淋漿汁🥖一齊食味🥖香脆可口。 Maple Bacon cheese $105加薯條$25，漢堡包🍔鬆軟可口，Bacon炸得香脆可口，配料足，很美味😋。Iron Grilled Flank Steak$192，牛小排牛味香濃，肉質腍滑，配菜多，薯條🍟脆脆。Rich Mango Pancake$145，賣相靚靚，打卡至岩，班戟入口鬆化，芒果香🥭汁味道香甜。Butlery沙田沙田正街18號新城市廣場一期4樓479A號舖

💬 煎牛排配焗蔬菜,肉汁,香蒜青醬+薯條這個價錢絕對超值﹐份量多而且做得很好。我們點了5成熟﹐真的做到而且不會咬不開。已經切好薄片﹐一口一塊﹐充滿肉汁。香蒜青醬配搭已經足夠﹐個人認為不用再點肉汁也很好吃。薯條也滿好吃的﹐炸得脆口。有不同顏色的翠玉瓜﹐清新解膩。💬 海膽帶子 + 蟹肉海膽忌廉汁意粉這個是很期待﹐但可能太期待﹐沒有感到驚艷。意粉上有兩大片海膽及兩大粒帶子﹐很不錯﹐蟹肉海膽忌廉汁意粉味道也OK﹐不過蟹肉味稍為遜色💬 伯爵茶班戟最鍾意伯爵茶味﹐班戟蛋香濃及非常輕軟。上台已經被賣相吸引了﹐搭配伯爵茶醬 、無花果 、果仁脆餅﹐重要是不太甜﹐好吃不膩又滿足﹐如果能加多一款雪糕更吸引。班戟口味多﹐真的是必點呢~🍹 Strawberry Milkshake配上忌廉﹐口味不錯﹐多款口味，可以一試。整體環境很好，人均hkd300 左右，是非常不錯的餐廳，很值得一試。

去恐龍公園玩完，入返商場搵野食見到呢間橙色裝潢嘅餐廳嘅甜品好吸引我地揀咗兩款主菜擺盤同味道都好有水準✨Camari Squid Ink Pasta好鍾意呢度嘅墨汁意粉唔會食到成咀黑蚊蚊仲添加忌廉，好Creamy魷魚圈新鮮爽彈✨Roasted French Chicken Risotto原隻燒法國春雞，肉汁豐富切成粒狀嘅大啡菇．牛油果同蕃茄仔沾少少自家製嘅酸辣醬，份外惹味✨Triple Cheese Chips熱辣辣即炸嘅薯條夠香脆淋上三重芝士醬同芝士碎半溶狀態充滿拉絲感✨Banoffee Creme Brulee Pancake震騰騰嘅Pancake 口感鬆軟加入新鮮香蕉．士多啤梨面層仲有層焦糖薄脆添加咗拖肥醬．吉士醬，味道香甜✨Fresh Soda梳打加入原片鮮橙再將鮮橙汁加入梳打之中既清新又健康以後嚟新城市行完街可以再嚟喇

沙田呢間餐廳成日好多人等位，星期六5:30黎到已經要等兩張枱。餐廳裝修環境靚，岩哂打卡🤣White Wine Mussels $79青口好好食，一d都唔腥，仲有個汁好好味🤤覺得配意粉食應該不錯👍推薦🤩🤩Sea Urchin & Scallop Linguine$178海膽唔甜少少腥，但帶子好食，個汁同意粉都好夾。Maple Bacon Cheese $105牛肉都有少少肉汁，未去到好出色。Black Truffle Cheese Chips $59薯條好好食🤩🤩🤩個黑松露芝士醬好濃👍Matcha Cream Pancake$119Pancake 有蛋香味，matcha 醬超多，但整體又未到好特別。Strawberry MS $55，覺得味道偏甜。

呢間沙田餐廳冇咩事唔好去🤪今晚同朋友見啲相靚靚地去食，食物其實ok但全店嘅每位侍應態度都好差！係每位，包括經理😤食到一半係咁提住想食甜品就要叫，因為一陣要交枱；我哋叫咗就話食晒正餐至上啦點知早過熱食嚟，然後佢哋催廚房出碟熱食之後就同步上甜品🙄有個靚妹侍應一直黑口黑面，一直聽從指令追趕客人喺我哋密密食時又催咗幾次快夠鐘啦要交枱啦咁，最後經理嚟收錢係一句多謝都冇🥶全店員工都係黑口黑面，好似得罪咗佢哋咁🫠不過真係好多人排隊食，可能因為咁佢哋繼續用呢啲服務態度做嘢🤦🏻‍♀️

🐽呢間餐廳環境行美式路線好fancy🤪係The Pantry既姊姊店，對呢到既souffle pancake好有信心🥰。👅Le Foie Gras Burger ($138)Burger用左牛油軟包，個包有牛油香好軟熟😋香煎鵝肝有油香但又唔會好大油膩感，安格斯牛肉有厚度但肉味唔重而且好嚡口🤨好在有半溶芝士食落無咁乾，無花果醬好特別，酸酸甜甜咁令成個味道更加豐富👍🏼。👅Tom Yum Gong Risotto ($188)飯粒軟硬度岩岩好幾chewy😛冬蔭公汁好均勻沾滿飯粒，味道好有驚喜😍係好正宗既泰式味道! 咸、酸、辣味好balance，濃味得黎唔會好嗆口🤤幾惹味令人食唔停口! 大蝦算有質感🦐仲有混左魷魚同草菇係飯入面~。👅Sour Cream Works Chips ($55)心大心細最後簡左酸忌廉牛油果醬味🥑牛油果醬可以再綿滑啲，主要比酸忌廉搶左個味😬薯條熱辣辣幾香脆!。👅Banoffee Crème Brûlée Pancake ($119)一定要食呢到既pancake啦😎面頭有層脆焦糖，連埋拖肥醬同雲尼拿吉士醬一齊食好邪惡😈個甜度係可以接受既! Pancake fluffy得黎

今日係想食闊麵，以前食過Butlery既牛肉闊麵幾好食。今晚就揀左依度醫肚啦！凱撒沙律 $96Caesar salad 星期一Green Monday點都要食下菜既😜 其實日日都要！大大盤，顏色繽紛開胃！煙肉、麵包粒、小蕃茄，巴馬臣芝士、羅馬生菜，配凱撒沙律汁~ 整體都新鮮，煙肉同埋麵包粒都脆口嘅，巴馬臣芝士份量剛好提味！安格斯牛肉醬闊麵配溫泉蛋 $132Bolognese Fettuccine with onsen egg溫泉蛋大隻流心蛋黃甜甜🤫 安格斯牛肉肉醬多肉，肉食醬可滿足！闊麵份量都多，一齊share無難度！煎牛扒配焗蔬菜、香蒜青醬肉汁 $192Iron grilled flank steak有少少糾結了，7成定5成，想多肉汁~ 不過都係7成穩陣啲，都無失望😁 香蒜青醬配牛肉估唔到都幾夾，平時青醬係配雞肉多。佢嘅少少蒜香鹹味提鮮咗牛肉，牛肉都幾軟香口！焗蔬菜有幾種蔬瓜，樣樣多汁，好味😋環境chill，佢嘅設計有啲似法色coffee shop咁，幾enjoy~朱古力醬配自家製棉花糖醬、士多啤梨窩夫雪糕 $125Christmas S’more waffle我覺得係咁多次嚟最好食

等位嘅時候明明到我哋張枱，佢都俾咗另外一張枱先，仲要反咬我地轉頭，喺度質疑我哋走開咗。佢個制服好似係經理，但係完全唔似經理，好似大排檔嗰啲夥計多啲。成餐飯仲要俾佢啤住，明明佢態度差，做嘢又慢又冇精神咁。仲好似覺得客人錯，仲話大陸客仲好過香港客，完全唔理解佢咩心態。完全唔知佢係咪做生意，係咁趕走啲客。成餐飯都勁唔好食，如果上嚟嘅話，起碼抗壓能力要高，唔係好似成間餐廳對住啲西侍應。完全唔推介嚟！

沙田新城市廣場行下，見到butlery裝修得幾靚，價錢都唔太貴，所以就同朋友試下。叫左個MO burger,餡料係安格斯牛肉，炒洋蔥蘑菇 ＆芝士漢堡，個包好鬆軟但微温，軟淋淋好軟熟。牛肉漢堡好厚身又多肉汁，再配埋洋葱磨菇更香更有層次感。整體好好食！忌廉牛油果醬薯條，薯條粗身香脆有質感，topping加上牛油果醬，蕃茄莎莎，令層次更多變！口感豐富。全日早餐有厚班戟，炒滑蛋好得，非常香滑，英式香腸，煙肉＆炒蘑菇，即叫即整，等既時間會長dd, 但新鮮熱辣都非常值得。脆炸爆谷蝦肉，外層酥脆唔油膩，蝦肉都彈牙，而醬汁係香蒜蛋黃醬，非常惹味。甜品係厚班戟焦糖牛油配水果，班戟係非常好食，夠鬆軟，帶有甜甜既微秒變化，富有濃濃蛋香，超正，配埋楓葉糖漿更加清新。

Butlery (沙田)沙田沙田正街18號新城市廣場一期4樓479A號舖 -Sea urchin & scallop linguine 海膽扇貝蟹肉忌廉汁意粉 $178意粉非常creamy軟硬度適中，幾掛汁，可以食到一嚿嚿蟹肉，仲有成舊海膽！扇貝煎過非常香口，肉質鮮嫩，味道鮮甜-Strawberry milkshake 士多啤梨奶昔 $55甜度適中，有士多啤梨味😻-Bultery’s pancake $108呢個pancake係即叫即做嘅，充滿空氣咁，配有士多啤梨，青提子，藍莓及芒果～-Stewed Lamb Fettuccine 燉羊肉扁意粉 $155羊肉嘅份量都幾多下，肉質鮮嫩，調味方面做得幾好，唔會太膻～～-Daily soup: mushroom soup 蘑菇湯

今晚又返咗嚟沙田新城市呢間餐廳食飯，上次試過佢哋嘅邪惡Milkshake，今日再試吓其他嘢食。6:30嚟到都有九成滿人，好在早啲嚟拎位。今次都叫咗幾多嘢食Buttermilk Chicken Waffle炸雞扒又脆又juicy ，Waffle又夠鬆脆，加埋蜜糖芥末醬一齊食真係正。Sea Urchin & Scallop Linguine一大片海膽，兩隻大帶子，忌廉汁好掛身所以意粉入味，係好食不過份量少啲。Chilli Concarne Chips上次食過啲薯條正，今次試吓呢個辣肉醬，仲要有芝士，極之邪惡惹味。Banoffee Crème Brûlée Pancake點可以唔叫甜品？一片焦糖一層燉蛋，下面兩塊鬆軟嘅Pancake，旁邊仲有啲生果點綴一下，兩個人Share啱啱好。

今日係2024年第一日返工！同咗我親愛嘅同事去咗Butlery食lunch 😊 呢間餐廳，其實我已經幫襯左第七次😉所以知道佢定期就會轉一轉lunch Menu，今次一月個餐牌都幾啱食！我哋就嗌咗以下呢四樣嘢：🌟帶子海膽意粉$178一如以往，好Creamy ，價錢合乎中道，上面有一塊大海膽，帶子新鮮，share就會好滿足，因為自己食一個就會好膩。🌟墨西哥牛肉漢堡配薯條$138呢個漢堡意外地好食，味道較濃，10分惹味，入面有炒過嘅洋蔥同埋其他香料，所以好香噴噴！好值得試吓！（呢張相片比較懵查查，唔好介意）另外，我哋叫咗個士多啤梨奶昔，呢個係我每一次都會叫嘅😊一定冇死😃✌🏻2024返工第一日，happy yummy lunch with my dear colleague! 🥳👍🏻

沙田市中心好多好既餐廳。Butlery雖然以梳孚厘班戟聞名的餐廳，但它的主食也很不錯，尤其係意粉係有surprise。1) 海膽扇貝扁麵條（$178）麵條本身呈現細長扁平的形狀，口感同質地都好柔軟，麵條本身呈現淡黃色或乳白色。而橙紅色海膽就有強烈的對比。而source好creamy，雖然價錢偏貴但都可以接受。2) Banoffee CREAM-BRULEE Pancake ($119)梳乎厘班戟基本上每一台都叫，今次左法式焦糖梳乎厘班戟。梳乎厘班戟上有一層薄薄既甜脆的焦糖層，每一口都帶來豐富的口感和味道。而個底有CREAM-BRULEE既感覺之餘又保持到梳乎厘班戟既空氣感。香草的香氣，並配以甜脆的焦糖層，正~3) Lemonade($48)好普通4) Sour cream Works Chips ($55)細細碗薯條，topping 有sour cream 、牛油果醬同蕃茄仔都唔錯。夠fresh又好味。

有次發現新城市廣場開咗間新嘅西餐，menu望落唔錯仲幾多選擇所以黎咗試。價錢偏中高，lunch set都要$138-$168，包咗沙律/湯同飲品。2個人叫咗一個墨西哥卷一個意粉share。燒蝦肉& 芒果墨西哥皮配酸椰菜芒果蝦墨西哥卷好好食，配埋酸椰菜絲，甜甜酸酸好開胃，不過呢個價錢黎講份量就小咗啲，餡料嘅燒蝦肉都係薄片，唔係原隻，女仔黎講呢個捲都未必夠食。燉羊腿肉伴闊麵另外有個好吸引嘅羊腿闊麵，小失望，啲羊好韌，唔知係overcook咗定點解，如果佢係嫩嘅會好好。酸忌廉牛油果醬薯條個薯條係好食嘅，但上面嘅酸忌廉牛油果醬好難點到晒，一係就酸忌廉牛油果醬mix好做一個醬，一係就用個碟。套餐加咗錢飲奶昔，飲落好肥仔好濃朱古力味。

一間餐廳可以喺一個網頁成為2024嘅同區美食推介第2間介紹，一上嚟睇就3百幾篇食評，有時一星期可以有數篇，令到我更有信心去試。我同朋友都係問到想食咩都隨心，但今次令我寫食評，係佢哋嘅梳乎厘班戟。餐廳位置比我想像中易搵，入到去啲位都好舒服…朋友有嘢唔食，所以揀咗寬麵。之後叫佢嗰牛肉口味嘅漢堡睇佢細細個，但好足料，漢堡非常有口感，Yummy 。有漢堡點可以冇薯條，揀咗三重芝士味，上枱熱辣辣，正呀。甜品一定要留肚食，今次試咗一款拖肥醫梳乎厘班戟，食第一啖已經好想繼續食，平時好怕飽膩嘅梳乎厘班戟，今年試過3間有同類甜品嘅餐廳，呢間嘅我會再試哦。