Burgeroom (Fashion Walk)

營業中

休息中

Burgeroom森仔今個星期好多朋友生日。所以銀包出血，同左好多朋友食生日飯。今次就同朋友去左銅鑼灣既burgeroom 食！😽😽餐廳既環境營造到好似外國餐廳，有高枱同普通餐桌。今次我地選左坐得舒服d既普通枱。裝潢係幾新，同時亦十分乾淨。而牆上的畫同擺設亦十分usa style。講反食物質素先。森仔比壽星女話事，叫左黑松露芝士薯條🍟，香辣單邊骨雞翼配蜜糖醬，大啡茹芝士牛肉漢堡同埋一大杯黑啤！黑松露芝士薯條🍟味道𣎴錯！黑松露味好出，不過反之芝士味道就差d。而薯條係用左粗薯條🍟，所以口感好好，亦炸得夠脆同熱。不過，上次食牛油果果種會再正d👍🏼👍🏼香辣雞翼配蜜糖芥茉醬e個真係正到冇得彈！炸得夠酥脆同入面滿有肉汁。而且味道帶有辣辣的，配反上個醬到甜，酸，辣，三個味道十分配合。最正既係單邊骨，岩晒森仔e d懶人🙈🙈大啡茄芝士牛肉漢堡大大個漢堡，份量十足。配上芝士牛肉漢堡，非常搭配。特別係芝士味濃，牛肉漢堡富有很多肉汁！正丫！🤤🤤🤤飲品到，壽星女話要啤一啤佢。甘無計，我地就去飲杯好既！黑啤味道不苦，反而有陣陣甘香味👍🏼👍🏼小麥味亦夠濃，易入口！整體而言，300左右埋到單，質素算係甘！下次黎，一定

今日約咗個兩個朋友去銅鑼灣睇戲行街，咁啱呢排見咁多朋友都去食漢堡包，決定唔執輸，去食就近嘅burgeroom。我同朋友分別都叫咗個包同啲小食嚟食，我叫咗個牛油果醬牛堡，首先講下個汁先，個汁酸酸哋幾開胃，襯返個包中和返塊牛肉嘅油膩。塊牛肉係我食過嘅漢堡包入面最厚嘅，食落去好多肉汁好滿足。雖然個人覺得塊牛肉食到我有啲滯。另外，burgeroom嘅小食全部都好高質素，我哋叫咗幾個小食，有黑松露醬薯條，炸魚手指同單骨雞翼等等。薯條同出面快餐店嘅薯條有好大分別，burgeroom嘅薯條好厚肉，食落亦唔會好油膩。炸魚手指嘅外層極鬆脆，配上他他醬超好食。我最欣賞嘅係單骨雞翼配蜜糖芥末醬，佢最好嘅地方在於佢唔駛整污糟手，又惹味又方便，值得推薦。

今日同個friend行銅鑼灣，想食高檔少少嘅burger，於是上open rice搵到間burgeroom。我嗌左個烤大菇牛肉漢堡，好大份，尤其塊牛肉真係好厚、好多肉汁，連埋塊烤蘑菇一齊食真係好好味。小食方面都有好多選擇。黑松露芝士薯條好好食，黑松露味好重，薯條份量亦都好多。而個炸鱈魚手指亦都好脆，食落魚肉好結實，唔會話好鬆散，個炸漿嘅厚度亦都啱啱好，薄薄一層完全唔會話食到成口粉，配以酸酸甜甜嘅他他醬，好新鮮開胃，值得一讚。呢度嘅水蜜桃冰茶亦都好好飲，好重水蜜桃味，仲有果肉喺入面，甜度適中，正!!!

至從返咗工之後，就注重咗飲食好多，但係間唔中都要放縱一下自己嘅！今次就同班老友食burger🤤平時食牛肉嘅burger多，今次就試下雞肉，其實再加埋菠蘿、蕃茄等等嘅配料都幾惹味㗎！啲雞肉唔會太肥，又唔會太老喎！正呀話就話放縱，都要食返啲菜嘅！呢碟係鴨胸沙律，酸酸地好開胃㗎！之後就梗係唔少得一堆邪惡到爆嘅小食啦！我個人就最鍾意食單骨辣雞翼！少少辣，又香口！真係超好食超吸引！另外黑松露芝士薯條都好值得食㗎！

Burger room 係香港幾出名相信大家都知道，由於呢間鋪頭唔似其他餐廳會收加一 10%服務費，所以係要我地自己出去點菜同係點菜果時比埋錢先。咁我同女朋友就嗌左雙層牛肉芝士漢堡、軟蟹漢堡同一個芝士旋風薯條。 雙層牛肉芝士漢堡 Double Deckers雙層牛肉濃烈的感覺同大大既漢堡完全滿足我呢個食肉獸，加上上面既半溶芝士令到味道更rice。牛肉既熟度亦左剛剛好，我比8/10分軟殼蟹漢堡 Soft Shell Crab Burger既軟殼蟹係即叫即炸所以比起個double decker 遲左小小黎。味道外脆內嬾，但嫌味道食到後面有太單一既感覺 我比7/10芝士旋風薯條的芝士Ham度適中，旋風薯條口感特別 8/10

漢堡送上時已切好兩半， 上頭用竹籤固定，好方便貼心。手打牛肉非常厚實、肉餅打得細密好juicy，不會有筋碎破壞口感，且肉汁和油脂平均混和，搭配菠蘿和磨菇真的非常好吃又卸走了飽膩感，一定要大力推薦真係想全部burger 都試試薯餅同雞翼相比漢堡遜色但都炸到好脆口今日晚餐真係邪惡😂

而家想食個四正啲嘅burger，過百蚊係基本，唔緊要，好嘢當然要俾貴啲，完全贊成兼應份，試問有幾多係又抵又正？咪俾囉。但係你都應該俾返個「基本」好食嘅burger我先得㗎。小女子個人食嘢條底線一定要熱嘢夠熱，凍嘢夠凍！唔湯唔水最扣分，食慾都冇埋。Well，低於室溫嘅burger，點先大佬，個包又唔焗下咁，唔接受喎。個芝士薯條，一樣唔熱、唔脆，個芝士醬hea爆，不得之了嘅失望。好彩塊排食落囗都唔dry（唔代表juicy），先冇扣到負分咋。

基本上因工作關係每個禮拜最少都會去銅鑼灣一次 銅鑼灣係美食天堂 我多數都會約埋啲friend出嚟食餐飯 吹吹水 享受一下美食呢間Burgeroom都算係我嘅飯堂啦 佢喺fashion walk 食街入面 夜晚好多係附近返工嘅都會走過嚟呢 度搵食 貪佢個氣氛夠好 佢依度有室外露天位 成個感覺好似喺外國咁 好輕鬆今次嗌咗個雙鵝肝牛肉漢堡 超正 大大塊厚厚嘅鵝肝 仲要係兩塊打孖上 個面煎得超香入面juicy 夾埋塊包一齊食 等個包吸咗啲油香 最高嘅享受另一個嗌咗特量芝士牛肉漢堡 超爆多芝士 呢間餐廳整burger真係專家 牛肉處理得非常好配菜新鮮以這個價錢食到咁高嘅質素 絕對係物超所值

出銅鑼灣睇電影行街，去百德新街有條 eat street 喺fashion walk 入面，度假feel 果d類型嘅小巷，呢度有好多唔同嘅餐廳🍴我哋今日去食burgeroom ，食個包嘆杯咖啡☕️。點了一個蘑菇牛肉芝士漢堡，一個軟殼蟹沙律，牛油果醬芝士薯條，再加一杯cold hazelnut cappuccino ！個漢堡係超級巨大，如果兩個女仔去可以share一個漢堡包食，再點其他小食，佢哋會幫你切開兩邊，啲肉汁已經係咁流出嚟，超級juicy，牛油加芝士加咖啡菇味道超級夾！牛油果一向都係非常之健康營養價值非常高嘅食物，今次配返個芝士薯條，味道豐富又多一個層次！軟殼蟹沙律CP值甚高，因為佢係原隻軟殼蟹上碟，沙律以醒胃的意大利醋作調味，口味清新，幫助消化！最後以一杯lily 咖啡機冲製的hazelnut cappuccino 作結，甜度適中，完美作結！享受其中嘅休閒感覺！

香港既漢堡店越開越多，不過一路都未試過BURGEROOM，我地2個人係行展覽之前先黎醫好個肚先，食飽先有氣力行架嘛係Fashion Walk食街裡面都唔難搵都幾光猛又唔算好迫我地叫左兩個小食同一個沙律，炸魚熱辣辣，炸皮唔厚，外脆內軟唔點沙律醬都唔會腥蜜味辣雞翼，好惹味，香口又JUICY嘩，份沙律見到都嚇左一跳，冇諗過會大碟成咁雖然個軟殼蟹看似有D油膩，但番茄、沙律菜呢D咁FRESH 既野可以中和一下黎到主角既部份就更加不得了個飽厚到一啖係咬唔晒我呢個係牛油果醬芝士雞柳BURGER雞柳似雞扒都幾大舊地既 因為本身我唔係幾食沙律醬，所以我覺得牛油果醬淡淡地既味道幾好。成個BURGER 加埋D 配菜係比較LIGHT 既。另外呢個鵝肝牛肉漢堡就叫左COMBO SET(配粗薯+DRINK)見唔見到呀，個鵝肝同個肉都好厚身下，鵝肝真係入口即溶，好香滑個肉帶D肥又帶D筋，個質感唔錯。超邪惡之選(好在另一個係比較LIGHT，如果唔係就好滯啦)另外我散叫左支飲品，都係自己助形式係雪櫃拎就OKOVERALL 黎講，D BURGER 都幾出色，SIZE大份，建議細食既女仔可以SHARE，多D人黎食就可以試到

銅鑼灣見完客，老公同囝囝特登過來接我晚歺😝有小朋友係度就咁係食小明友野，老公就提意去food street度食burgeroom,囝囝當然舉手贊成👍係TST都食過一次，而呢度格局是完全吾同嘅style ，由於地鋪關係，門口有很多戶外座位，感覺好relax,亦方便🚬朋友！店內格局都好一致，好西方的風格，是自行到收銀點歺的，免加一老公最愛鵝肝牛肉漢堡，事關真係好抵食，兩塊又大又厚，煎到金黃色，擺系熱辣辣色面上面，外脆內軟，好香好creamy囝囝就揀左特量芝士漢堡，塊手打牛肉漢堡好juicy 一D都吾乾，好厚好大塊，我食左半塊已經飽左大半小食方面就少不了炸薯條，食得出是用美國薯仔即炸，好脆，內面又好綿！囝囝就request 左蜜味辣雞亦，甜甜地微辣，好啱小朋友口味。我就揀左帶子沙律，好大一盤，仲有4大粒不過source 略咸左D 好飽好滿足的一歺，下次等秋涼再來坐戶外另一番風味，btw 附近好多shopping 店舖，食買玩一條龍

有一輪無食過burger，見呢排出左糧又咁辛苦就慰勞下自己，同個frd 一齊食間貴少少的burger。Weekend lunch時間黎到又唔算好多人。自己鐘意食牛又想扮下豪就揀左個鵝肝牛肉漢堡。雖然鵝肝係香口野，不過自己怕肥所以無叫到double 鵝肝：p. 另外跟set加埋錢就配左薯條同一杯1664.個漢堡size唔細，舊鵝肝同舊扒差唔多咁厚。可能送出黎果陣已經唔係太熱，所以唔算聞到太多肉香味。舊扒似係手打款，食落似肉餅feel, 咬落彈牙，唔似平時見到果d壓到咁死實。薯條相對爭d, 似係擺左一排，因為唔熱又已經淋哂。不過整體個包都ok ge.叫多一份軟殼蟹沙津。不過呢份個size似main多d. 隻蟹同個burger差唔多大。配左一堆沙律菜，蕃茄同洋蔥圈。隻蟹食落都唔係好多粉，夠哂淋。仲有d蟹味係度。呢個份量夠我食到好飽。偶然豪一兩次都覺的值ge.

一行四個人一齊黎到呢間人氣好高既burgeroom，時候尚早但已經坐滿人啦，好彩早少少去到👏而餐廳既環境都係好既，可以坐室外同埋室內。我地四個人叫左兩個burger同埋兩個小食，我地叫左有鵝肝既burger。burger既份量真心好足，一個人食一個絕對夠飽啦，除非你超級大食啦😂佢既鵝肝真係好正，接近入口即融，同埋好新鮮既感覺，完全唔會係臭既個d鵝肝。而我就嫌佢既牛唔夠多汁，同埋個味可以再濃些少可能我比較重口味d。其他小食就不過不失啦

近排轉左工係銅鑼灣返工, 死黨又係銅鑼灣返工, 咁冇理由唔約佢食下好野, 我地第一站就係去位於百德新街既BURGEROOM!百德新街我覺得係有D旺中帶靜! 約FD食飯吹水既好地方!一個BURGER都係一百蚊左右, 重點係唔洗加一, 今時今日食到咁高質素既食物D個價真係抵!脆薯角-$28係即叫即炸即上枱, 超香口, 外脆內嫩, 小食黎講一流之選也!鵝肝牛肉漢堡-$165$165食到鵝肝真係無得頂, 細細一口, 油脂香味已經充滿在你個口, 而個牛肉厚得黎都好多肉汁, 牛味濃, D個BURGER我真心覺得係超級正!雙層牛肉芝士漢堡-$135朋戈叫D個都好正, 佢講到更加多牛肉係口中爆發濃濃既牛肉汁係令人超滿足, 睇佢食個樣都已經好開心!總結每人二百樓下, 食到咁好既野食, 黎緊一定會再黎食過!

burgeroom既burger非常有分量，點左兩個小食，先發現自己點太多驚食唔哂😅特量芝士牛肉漢堡，芝士腔必食，芝士多到滿瀉，麵包鬆軟，牛肉超厚好juicy，生菜爽口，番茄肉口，相當配搭牛油果醬芝士薯條，我最愛既粗薯條，剛剛炸起既薯條，加上濃郁既芝士，濃郁既牛油果醬，配有微酸番茄粒，呢個配搭非常夾蜜味辣雞翼，有5隻，酥香脆口，帶有蜜糖微微微辣，香脆肉嫩凍玫瑰朱古力，濃郁既朱古力配上淡淡玫瑰香味，味道清香細緻