Burgeroom (Fashion Walk)

營業中

休息中

今次帶同另一好友Burger痴一齊去到銅鑼灣百德新街的「Burgeroom」大嘆漢堡，我哋二人無burger 不歡，Burgeroom係我哋必到的餐廳，因為漢堡都有很多選擇，食足一個月都唔怕。先來一個「大烤菇芝士牛肉漢堡」分享，牛肉十分夠份量，而且肉質彈牙，大烤菇very juicy, 芝士熔融到牛肉面上，非常香口。麵包都很香，加上新鮮生菜及番茄可令漢堡減輕油膩，口感非常好。「墨西哥辣椒芝士牛肉漢堡」好友喜歡辛辣味的漢堡，所以呢個墨西哥辣椒夠晒辛辣，惹味非常，愈食愈過癮。下午茶有「布里芝士餅配脆薯角」，布里芝士脆口滋味，炸薯角新鮮熱辣辣，不乾身仲有厚身的薯仔肉，非常惹味。另外「單骨雞翼配粗薯條」炸得乾身帶辣，口感層次豐富，食得令人非常過癮，愛雞翼的朋友一定會喜歡，粗薯條都好好味。飲品就點了蜜桃冰茶，桃味香甜，淡淡的紅茶香，這個也很不錯。

牛油果醬芝士薯條$62作為牛油果迷的我，雖然小食有很多種，但一見到牛油果醬仲要加芝士，諗都唔諗就order 果然，creamy 的牛油果醬有淡淡的奶香再加上熱溶芝士，非常美味面頭加了些番茄蓉，減少了油膩感。鵝肝牛肉漢堡$165鵝肝牛肉漢堡一上枱，很吸睛，皆因鵝肝很厚的一塊，店員細心的切為2份，方便與朋友share，鵝肝與牛肉漢堡一同吃，在嘴裡溶化的油香與充滿肉汁的牛肉，再加埋新鮮番茄同醬汁，美味到唔識形容最欣賞的是會伴上沙律菜以減輕油膩感，食完絕對上癮飲品要左菠蘿冰茶同Snapple mango tea其中的菠蘿冰茶是自家制的，唔會太甜，解膩一流。

上星期再次到訪Burgeroom。其實呢兩年都嚟食過三四次，基本上行到Fashion Walk又諗唔到食咩就會食Burgeroom，因為佢啲漢堡好足料！今次同男朋友叫咗兩個漢堡，一份升級做午市套餐，仲叫咗一份雞翼。唔好以為份量好少，我哋食完呢餐，夜晚飽到都唔係好食到飯！次次嚟到我都會食大烤菇芝士牛肉漢堡。隻菇好似一隻手掌咁大，烤完之後超多汁，夾埋芝士同牛肉一齊就唔會咁肥膩。 一如既往，塊漢堡排好厚身，不過一啲都唔乾，仲好有肉味。不過個包真係太足料，所以都幾難一啖咬到全部食材！男朋友叫咗菠蘿煙肉牛肉漢堡。呢個包個亮點係塊菠蘿！塊菠蘿微微燒過，所以個甜味幾出。甜甜酸酸嘅菠蘿同煙肉漢堡好夾，減低咗兩種肉配料嘅油膩感。我哋仲食咗蜜味辣雞翼！蜜糖同雞翼已經係好夾嘅食材，再加去微辣嘅調味，好滋味。就算食完個漢堡好飽，我哋都食得曬啲香脆雞翼！飲品方面，我哋叫咗Snapple嘅桃茶。以前讀大學成日都會喺飯堂買Snapple，而家都好少成會飲到。嘅個茶係少少甜甜酸酸，好開胃！相對其他漢堡包店，Burgeroom 係少啲花巧嘅菜式，不過亦證明佢真才實料，所以我哋先一再嚟食。

同老婆去完行街街, 經過百德新街入去睇下有咩食,就見到呢間Burgeroom, D burger好吸引, 因為唔係太肚餓, 所以只係叫左少少嘢食.特量芝士牛肉漢堡,真係超好食, 芝士流晒出黎, 牛肉好好味, 一咬落去, D肉汁咇晒出黎,麵包都好好味, 真係物超所值.餐廳仲好貼心, burger黎到已經切開一半, 仲有2支竹籤吉住, 唔使自己切, 因為呢款大burger如果要自己切會好麻煩, 一定咇晒D肉同埋芝士出黎, 成個burger散晒.黑松露芝士薯條,黑松露好香, 薯條係粗身款, 加埋芝士, 一流.

每次提起Burger 呢樣大人細路都鐘意食嘅食物，真係好吸引！除咗大型連鎖店嘅Fast Food Burger 之外，其實宜家都開咗好多有質素嘅 Burger店，我就特別鐘情 Burgeroom , 鐘意佢夠多Burger 選擇，連薯條總類都多過人，啱晒我呢啲薯條控，有粗、有旋風、有薯角、有薯餅，真係正呀！我又特別鍾意名店坊呢間分店，有戶外又有室內，好casual好relax嘅感覺！店員態度又夠親切！呢啲咁有份量嘅burger其實可以一個兩個人share再叫啲小食，今日我哋就叫咗個廚師推介嘅牛油果醬芝士雞柳漢堡分量真係夠晒大，牛油果醬一啲都唔會吝嗇，又香又清新，大大件雞柳又juicy！一啖咬落去超級有口感層次豐富！飲品就叫咗Bundaberg石榴汁，喺超級市場都只係見到檸檬或者薑味，石榴味好少見到，甜甜的味道又芳香，女仕們一定鐘意！小食就叫咗鱈魚手指配他他醬，好香口又夠脆，唔會好油膩，配埋他他醬簡直係一絕！薯條就食得多，迷你薯餅就唔係度度都有，所以今日就叫咗啦！佢最特別嘅之處就係配藍梅醬，都幾特別下。不過我個人就比較鍾意點番茄汁多啲再叫咗一個健康嘅田園沙律份量好大碟，沙律菜亦都夠新鮮

在銅鑼灣百德新街行街行到攰，就來到呢間Burgeroom食午餐先！呢度啲餐廳全部都有室內室外座位任君選擇，成個感覺好relax.餐廳的burgers選擇都多, 還有很多飲品和小食選擇。煙肉芝士牛肉漢堡：看到的份量非常大，牛肉漢堡扒非常厚身，煎得香香的，上面加上一塊大煙肉和芝士，是很典型好味道嘅美式漢堡。我最欣賞佢嘅所有漢堡嘅麵包都係煎過的，吃上口暖暖的脆脆的，加分！我哋要咗combo, 配埋粗薯條和飲品，薯條炸得香脆，茄汁芥末醬是自助拿取的，唔使怕唔夠或浪費。

銅鑼灣fashion walk食街中，好多餐廳環境都幾好，好有外國feel！這間是出名食漢堡的，室外及室內的坐位都可選擇。幾舒適休閒的感覺，有梳化坐及圓枱，可以慢慢睇下餐牌聽下音樂（播放著輕鬆音樂的）好享受這空間及氣氛！先到櫃臺前點餐，然後等待服務員送上餐及飲品，服務好友善有笑容，主要講英語，中文都溝通無問題！廚師推介及新款漢堡都好吸引，今次就試了新野，點了🍔🍍🐔菠蘿燒烤醬雞柳漢堡套餐。 見客人點了芝士旋風薯條及磨菇牛肉漢堡，好吸引又厚身牛漢堡菠蘿酸酸甜甜好香又開胃、紫洋蔥好新鮮又甜又爽、大大片酸酸番茄及爽脆生菜、雞柳好滑好厚又香、配上燒烤醬好濃郁野味，漢堡的麵包好鬆軟烤香的口感！太豐富了又一層層的雞柳漢堡粗薯條熱辣辣、外脆內軟，內面薯仔蓉好香滑、外面薯皮好脆口！🍟飲品選擇好多，新鮮果汁、啤酒、花茶等，我點了熱鮮奶，香滑又好飲，暖暖的感覺！

兩個餐兩個人食。Burger大大份，可以一人一半，食晒唔同口味😋首先食個煙肉牛漢堡，juicy 得嚟有牛味，唔油膩～ 煙肉又香又脆，好食不得了 🤤🤤🤤 鐘意仲可以順勢啤一啤，超爽呀～再食菠蘿烤雞堡😍 烤雞就麻麻，肉質唔夠滑嫩，勝在孜然粉夠香，加埋菠蘿酸酸甜甜，洋蔥生生地帶啲辛辣，都係一樣令人食過想翻尋味。BurgerRoom 嘅漢堡真係最好食 👍🏻👍🏻👍🏻 跟餐有野飲嘅～ 我飲iced peach tea, 竟然有鮮桃肉，零假糖漿味，零化學怪味，好鮮，超好飲呀～～～🍑❤️除左burgers 仲有fries~ 我地食左黑松露芝士醬薯條～ 😖 個醬搞到薯條腍晒，好多都已經唔脆，味道亦一般，唔多掂，食幾條已經唔想食lu... 下次應該要走醬～總結： burger 🍔 一定要嚟食，薯條露免，哈～

一班男人出黎，又係飲酒食下野傾下計，太夜又想快閃，經過burger room 就入黎叫左杯啤酒，叫左啲小食。傾左一個鐘就快閃喇。野食係ok，不過無食佢地signature野，旨在氣氛同方便。

話說前幾日上網見到劣食觀世音報道過呢間漢堡包有幾好味～睇到心郁郁擇日不如撞日就同左好姊妹嚟試吓係唔係真係咁好味～座位充足唔使擔心繁忙時間搵唔到位～咁岩係下午茶歡樂時光～的確幾抵食仲包一杯嘢飲❤️但係本身已經有目標食乜嘢所以冇叫到😌好特別呢度有粉紅色嘅石榴有汽果汁/同埋朋友話好好味嘅薑啤不過不失嘅炸魚手指薯絲蝦：我覺得幾好食但係朋友話有點兒油膩其實幾特別出邊冇乜嘢地方有得食終於輪到主角出場就係鵝肝牛肉漢堡：首先講下佢個包本身用牛油煎香所以好好味同埋非常之軟熟同劣食觀世音講嘅一樣之後佢哋嘅醬汁都好好味非常之夾啲牛肉同埋鵝肝重點牛肉煎得啱啱好肉質好豐富亦唔會太過油淋淋所以係好好味完全可以話係我響香港食過數一數二好味嘅漢堡包🍔二上面插着嘅兩塊鵝肝亦都煎得好香服務非常之好算係半自助形式要自己出去叫嘢食同俾錢

餐廳工業風裝修同食漢堡包很匹配。 待應很勤快，點餐及送餐速度很快。午餐點了牛肉漢堡同 軟殼蟹漢堡。 牛肉份量十足， 烹調時間控制得很好， 牛肉不太熟 而且鎖住肉汁非常可口。 軟殼蟹炸得非常鬆脆， 份量亦非常十足， 日式漢堡風味感覺很清新， 在香港其他地方好難有得食， 值得推介。最好餐飲係自家製唔蜜桃冰茶及菠蘿冰茶， 果味十足又不太甜， 非常醒胃。總結價錢合理， 食物質素性價比十足， 一般漢堡快連鎖餐廳質素不能媲美， 值得一試。👍🏻👍🏻👍🏻

今次帶熱愛漢堡嘅男朋友嚟呢間有九百幾個讚嘅餐廳試下。因為我地都10點半先嚟到，所以唔洗排隊，入到去有職員指示你坐邊然後放低餐牌俾你，因為呢間餐廳係唔收加一，所以基本上係冇服務，你唔好期望職員會同你笑，另外要你自己去收銀落單同先俾錢後享用。呢度嘅漢堡係冇餐嘅，所有嘢都係散嗌。喜歡燒菠蘿嘅我見到冇個菠蘿牛肉漢堡，第一時間問下職員菠蘿係咪燒菠蘿，佢答我係，於是就興致勃勃地嗌左個菠蘿煙肉牛肉漢堡（因為有煙肉冇煙肉係同價🤣）一嚟到已經俾佢巨大嘅size嚇親，你就咁睇呢張相可能唔覺得咩一回事，但當你一拆散佢.....厚到咁嘅牛肉漢堡扒我真係第一次見。佢仲要係超juice，但我果塊就咁岩有啲筋同有軟骨，呢樣係我覺得要扣分嘅位置，而啲菜同蕃茄都好新鮮。失望嘅係菠蘿唔係燒嘅，係普通罐頭菠蘿，但都酸甜又多汁。喺呢度嘅菠蘿蕃茄扮演嘅角色好重要，因為佢解膩，咁大舊牛肉真係好飽，我兩點食完嘢隔左八個鐘先嚟食先勉強食得晒。由於男朋友係芝士控，所以佢就嗌左個最基本嘅芝士牛堡，除左牛咪重，同樣地都係有生菜蕃茄。睇住佢切開時個牛肉不斷流汁真係好不可思議。芝士控嘅佢當然唔炒得嗌埋個芝士扭扭薯條，佢食完個牛堡嗌好飽都仲努力

Foie gras beef burger 🍔 鵝肝牛肉漢堡！件鵝肝肥而不膩 牛肉又夠Juicy 而且每份Burger餐廳上餐前已經幫你分好兩份 同朋友share嚟食就唔駛經歷自己切Burger嘅痛苦啦！如果可以食得heavy d 仲可以嗌double foie gras beef burger添呀!—另外呢度既單骨雞翼配honey mustard source is also perfect! Especially for those who can not eat “original chicken rings which have 2 bones” well! 如果唔識”損”雞翼，single bone wings would be an excellent alternative for you!!!!highly recommended! —#likeforlikes #followforfollowback #foodie #burgeroom #allisonfood #allisonfootforfood #foiegras #burger #beefburger #d

相約朋友係銅鑼灣食晚飯，見好耐冇食burger就係OpenRice 搵到呢間勁多笑哈哈嘅漢堡店，於是就去試下。大烤菇芝士牛肉漢堡個burger勁大個！牛肉好厚又夠腍，肉汁豐富，上面嘅芝士溶溶地咁好香濃，大烤菇都好香同個牛肉味道好夾軟殻蟹漢堡稀有嘅漢堡，軟殻蟹超香脆，都好厚肉下，仲食到入面有蟹膏添！芝士粗薯條芝士好咸香，可以拉絲，同薯條係絕配鱈魚手指配他他醬外面脆卜卜，入面嘅鱈魚好嫩滑，加埋他他醬食好味道呀！

男友最愛就係食burger，佢聽講burgeroom好出名好多人去。於是行經銅鑼灣就去一試。我地都估唔到burgeroom 漢堡既選擇有如此之多。而且價錢都唔貴。小妹就點了「鵝肝牛肉漢堡」。鵝肝都幾鮮嫩，煎得岩岩好，而牛肉超厚身，不過就咸左少少。而漢堡當中既蕃茄、生菜都好新鮮，小妹仲更了煙肉，超正呀。整體真係唔錯，好味。男友就選擇了「雙層牛肉芝士漢堡」。漢堡牛肉好juicy，而且用料十足。不過就咸左d。芝士味香。重點係成個漢堡都超大份。夠兩個女仔食一份呀，性價比高👍🏻👍🏻👍🏻因為小妹鐘意食雞肉條，所以我地都點了「雞肉條配蜜糖燒烤醬」。雞肉條真係好好味。外層炸得香脆，同時又保持到肉嫩。味道好正。配以香香甜甜嘅蜜糖燒烤醬，正。👍🏻👍🏻👍🏻而「芝士旋風薯條」真係超級邪惡呀～薯條淋上超邪惡既芝士！！旋風薯條炸得又香又脆，正呀！呢餐真係超級豐富，味道又正！！！值得再黎光顧喎！